Mango Tree Kitchen (形點) (已結業)

I have been shopping in YOHO Mall for clothes since noon, and when my stomach growled, I realized it was already 3pm! Thus, I went to Mango tree, the nearest restaurant within my scope of view, for its tea set.Char-grilled pork neck fillets with rice ($58) (8.5/10)I originally expected a tea set's serving size to be pretty small, but it turned out that there are 12 pieces of pork neck fillets! The fillets are pliable and not tough with a nice charcoal scent, though the seasoning is a bit too swe

媽咪中意食泰菜，呢日就帶佢去試形點嘅mango tree，優點係屬於商場舖，坐得舒服又就腳易搵，唔洗行咁遠～價錢中等，但份量較細，性價比一般般，服務態度幾好，上菜算快、但有個別漏單情況。泰菜必吃嘅無骨鳳爪，夠爽口，易食唔洗𠹹骨；酸酸甜甜，入口好香魚露味，同時又辣辣地，天熱食尤其開胃；可惜鳳爪件頭細，份量少。同樣細份嘅pad thai，味道好一般，又唔夠鑊氣；蝦碌得兩隻，但算幾新鮮大隻。飽肚之選🌟無諗過多士盒烘得幾酥脆，一啲都唔硬，裡層吸滿哂香甜濃郁嘅黃咖喱，令平平無奇嘅麵包生色不少，食落份外滿足。裡面有唔少配料，蝦碌、青口、魷魚、魚柳等海鮮打孖上，比雞牛豬食起嚟輕盈啲，無咁膩，平衡返本身口感濃厚嘅咖哩。漏單嘅小食拼盤追單後先送到。先講好食嘅，斑蘭嫩雞卷（中間）帶近似香茅味嘅香氣，肉質嫩實有咬口；蝦餅大大粒，飽滿爽口。反而炸魚餅好乾，外觀望落好燶，唔吸引；烤鴨米紙卷食唔到鴨肉，青瓜生菜唔太新鮮，食落無清新感。生日蛋糕堂食要+$100，感覺貴咗啲，唔係睇在環境份上應該唔會選擇

係元朗yoho入面呢間泰國菜時不時都有好多人大排長龍，今日就嚟試一試，一出元朗西鐵站好快就到，入咗之後我哋就叫咗個二人套餐加一個海鮮粉絲沙律，佢個二人套餐入面都包咗好多嘢食，等你可以樣樣都試吓，我自己覺得其實佢樣樣嘢食都幾好味，煮得夠味、惹味、同埋好味😋佢個沙律識落酸酸甜甜幾開胃，至於個咖喱同樣好味配埋薄餅一齊食更加惹味。不過嘢飲方面，我就覺得一般般，杯三色冰同朱古力奶茶味道就真係麻麻哋，我自己就覺得寧願飲返汽水會好啲😂不過間餐廳嘢食好味坐得舒服而且鄰近西鐵站值得推介俾大家黎試一試，而且佢而家仲外賣好似做緊七五折，堂食埋單嗰陣時仲有coupon 送，非常抵食😋

今日同女朋友過嚟堂食，叫咗個炸軟殼蟹，柚子沙律🥗同埋炒金邊粉，認真成餐完全唔抵，除咗個金邊粉之外其他嘅份量都超級細，不過味道差唔多算係咁尤其是係個軟殼蟹好鬼香，不過就真係幾啖食晒囉。

雖然已經食過好多次，但都忍唔住再讚下佢，環境靚又方便但好可惜佢食物的份量是偏小嘅，不過佢食物質真係幾好，例如佢個生菜包雖然菜唔多但係雪凍之餘是瓊乾水，最推介係脆皮雞😋真係脆皮好食👍🏻

四人份量，有菜有沙律，有肉有蝦餅有ribs,想食咩有咩，個菠蘿飯好爽酸酸地原隻菠蘿🍍，成餐飯好有泰國味道，但係香港人表示唔太啱食，因為味道太重，不過餐飯整體質素OK嘅，可以一戰而且外賣自取個價錢真係吸引，仲有$100優惠券送。

小編想藉這食評表達對貴餐廳食物及服務質素的感受和改善之處。論食物方面，小編一家人已光顧數次，點了大蝦炒金邊粉、海南雞飯、牛肉船河、咖喱雞肉飯和菠蘿雞肉炒飯，味道尚可，唯咖喱雞肉飯很辣，未必配合小編口味，唯欣賞貴餐廳的泰式小食，如肉碎生菜包、豬頸肉，味道很好。論服務方面，員工也有禮貌，很很友善，有招呼客人，唯客人要主動問才會比杯水我們，而且舉手多次才回應我們，幫我們落單，問想吃什麼，故服務不算很積極，服務效率欠佳。論環境方面，餐廳給予客人悠閒、舒適的感覺，環境寬敞，也很和諧。整體來說，食物質素尚算穩定，服務質素有待改善，環境舒適，故希望公司能改善服務效率和質素。

其實已經黎左mango tree三次，第三次終於忍唔住寫篇食評讚一讚👍🏼可因為疫情嘅關係，生意比較差，每次去消費佢都會比$100現金劵，有時消費多會比幾張所以用極都用唔晒😂😂雖然野食變得平左，但係冇因為咁而差左！今次2點左右去唔洗等位！今次食左米紙卷，冇咩特別而且燒鴨有小小dry但係個醬搭救返！佢個醬有兩邊一邊係泰式酸辣醬一邊係平時點燒鴨嘅甜醬，兩隻都好好味！主菜方面叫左咖喱海鮮盒同大蝦炒金邊粉，咖喱海鮮盒已經係第二次食🤤記得第一次食嘅時候個麵包係脆嘅，但係有小小硬有啲難咬，而今次食個麵包就好軟只有麵包皮有少少脆，如果下次可以做到呢兩個口感嘅平衡就好啦😂而咖喱就甜甜地唔會辣，好夠味，有大蝦、青口、魚同魷魚，都算足料！而金邊粉就正常發揮啦！呢度嘅飲品都好特別，今次試咗棉花珍珠奶茶，加咗棉花糖有少少偏甜，但係奶茶味好濃，珍珠好有咬口，不過建議大家可以叫少甜

話說好朋友突然之間打給我，說出來一聚這段時間出來一聚真是不容易呀！朋友想嘗試這家餐廳，雖然我們沒有訂位因為最近疫情所以比較容易有位，大部分客人會選擇外賣！我們安頓好後立刻點餐，朋友什麼都想點！我們只得三個人所以點少少就好啦！我們就點了😉柚子豬皮沙律泰式炸蝦餅芒果樹黃咖喱海鮮多士盒泰式大蝦炒金邊粉砂煲馬拉盞芥蘭椰子雪糕伴椰果芒果鴛鴦糯米飯😉😉朋友形容啲菜式好精緻😉味道確實不錯👍🏻疫情下服務也很好！

#青咖哩雞 ⭐️⭐️⭐️#牛雞串燒 ⭐️⭐️⭐️⭐️又估唔到呢間泰國菜都幾好食，本身少食#泰國菜 因為偏濃味，今次#朋友仔 介紹食過晚市幾好食，於是決定一齊去呢間#lunch ☺️/⭕️款式多，無論飲品還是食物都算多選擇⭕️佢飲品除左泰式既，仲有#珍珠奶茶 飲架⭕️青咖哩唔算好辣亦有椰味，撈飯開胃⭕️串燒肉質咬口又唔會太硬，夾埋沙嗲醬😋⭕️午市套餐有得加小食，岩晒#大食人士 或者#開心share 既朋友⭕️重點係佢有現金卷送，食$200可用一張減$100，如此類推，變左有卷食等於半價，好抵啊！❌青咖哩好多油，食時每次都需要搞拌❗️串燒限定2牛2雞，唔可以轉，#唔食牛人士 注意喇！

係屋企見到有間環境裝修幾好嘅泰國菜，所以就入咗去試吓。一入到去先知原來佢有幾個待應都係泰國人，唔怪得知會無啦啦同我講英文。今次食咗牛肉肉丸船可湯底檬粉，首先要講下湯底真係特別濃味，有係泰國食嘅水準，牛肉就可能硬左少少，不過肉丸都係幾好食嘅。面又唔會話太硬又唔會話太軟，總括來講我覺得咁嘅價錢有咁嘅食物都幾唔錯。一定會返嚟再食多次。嘢飲方面，我就加咗15蚊，叫咗椰香三色冰，賣相幾好都係幾好飲嘅，唔會話太甜。

呢餐飯我係2019年10月27日食不過之前太忙一直冇打到食評最近卒之有啲空閒咁就補返晒啲食評啦當日係同屋企人食飯屋企人都幾鍾意食辣於是乎就試咗呢間係Yoho的泰國菜入面的環境裝修都幾舒服起碼唔會坐得迫迫夾夾而服務亦都相當殷勤大部份店員都會好主動咁樣去服務你尤其係一個店員服務態度真係非常好其實好老實講左咁耐已經唔記得啲菜叫咩名但味道就依然記得嘅今日我哋叫咗以下呢啲菜仲有啲飲品由於篇幅有限就唔打出嚟啦每一個菜都相當唔錯尤其係佢個柚子沙律同埋乳豬呢兩個係我哋咁多人都覺得最鍾意嘅最後埋單六個人$1640每個人二百幾蚊就已經食得好飽呢個性價比真係高到不得了住元朗又鍾意食泰國菜的你一定要試

元朗泰國餐廳我只唸到2間，其中一間就係mango tree 🌳之前已經食過佢哋嘅lunch，覺得幾唔錯，所以朋友約元朗食泰國菜，我就即時提議Mango tree喇！主食叫咗個大蝦金邊粉但係呢，咁大碟粉只得2隻大蝦重要隻蝦好似唔太入味，金邊粉就幾好食嘅米紙卷朋友就鍾意食，我一向對米紙卷都冇特別興趣。佢唔係差嘅，只係個人喜好嘅問題咋。反而佢個汁就值得一讚👍🏻跟住就到我最鍾意嘅豬頸肉喇炭燒豬頸肉好香口，開頭仲嫌佢細碟，之後食極都仲有😂😂其實個份量都唔小架。溫馨提示: 親 ，要趁熱食真心讚呢個必食推介最後再叫多咗個芒果糯米飯🍚 去泰國餐廳點可以唔食芒果糯米飯呢🥭兩份芒果兩份糯米飯🥭芒果: 一半甜，一半少少酸🍚糯米飯: 好香椰汁味，個飯仲有微溫，超好食！不過呢份量就真係太少，可以多番一倍就好啦🤩簡直就係完美！飽晒，非常滿足彩蛋: 仲送咗兩張$50現金，下次食飯可以用添呀

晚上來到太古的Mango Tree泰國餐廳，聖誕節正日，小朋友有聖誕帽跟閃燈胸章，但沒有因聖誕而加價，挺難得。是日選擇如下，*者佳：二人餐炸蝦餅、牛雞串燒各一串、柚子沙律馬沙文咖哩牛腩配烤薄餅炒金邊粉甜品併盤青檸梳打單點Oreo朱古力泰式奶茶黃咖哩炒蟹*串燒菠蘿燒大頭蝦*二人餐蝦餅香脆彈牙，雞串燒還算肉嫩。但牛串燒較韌，沙律柚子不太新鮮。咖哩一般，烤薄餅其實不錯，鬆化油香，只是我不喜歡它太油膩。而牛腩又是太韌。炒金邊粉很普通。甜品除了芒果太酸，其他都合格。單點的黃咖哩炒蟹，蟹算挺大隻，而且新鮮，兩隻蟹鉗的蟹肉都鮮甜彈牙。燒菠蘿鮮甜。大頭蝦又是非常新鮮，蝦膏香，蝦肉嫩。二人餐雖然我的評價不算太好，但438+10%HKD有齊頭盤、主菜、麵食、甜品、飲品，其實是物有所值，下次會再點但試試另外的主食選擇。單點的炒蟹368HKD，不便宜，但鮮蟹是要這價錢的，便宜賣你其實可能更擔心來貨有問題。大頭蝦同理，60HKD真的不算太貴。當然不怕麻煩，飛一次泰國，或者去九龍城等地方找傳統泰國菜，自然會更正宗，但以商場餐廳而言Mango Tree是不錯的選擇，3.5星。同價位下5星：即使排隊亦要一試再試4星：

和伴侶兩個 由於去觀賞紅葉，順便來到yoho 呢頭食好西。見到呢間泰國餐廳格調幾好 見到餐牌價錢又合理 就打算入去 殊不知 因為聖誕節 每位最低消費200蚊 思前想後 最終決定入去見到二人餐餐牌 438 但前菜和主菜都不夠吸引 決定單點我地點左三個菜第一個 炸鱸魚伴芒果沙律 $188這個菜很足份量 青芒果酸酸甜甜 有少許辣 鱸魚炸得金黃色 十分香脆 好味♥️第二個 紅咖哩軟殼蟹 $128軟殼蟹一般 但紅咖哩十分好味道 不太辣 有甜味 撈飯食一流第三個 大蝦金邊粉 78 份量足 甜味鹹味都適中 好味整體而言 環境 食物都合心意