Mango Tree Kitchen (形點) (已結業)

tea set 超抵食 ，$248 有10多款食物 份量須然較小 ，但可以一次性試到咁多款食物 又有甜品 而賣相同味道很好 疫情下坐位安排妥善 令客人安心 可以再來 店員服務超級好 因我們看不到原來有牛肉的 而不吃牛肉的我們 問問店員 他知道後即時換左雞肉串 其實我們有點不好意思 畢竟是我們自己沒有細心看餐牌 🙏

年初三唔好去拜年就一於去搵嘢食啦。朋友介紹Yoho mall, Mango Tree下午茶都好抵食。就一於book咗黎試一試。2人tea set有燒大頭蝦，海鮮冬陰功湯粉，雜錦拼盤有燒雞翼，炸蟹鉗，迷你漢堡包🍔，燒牛肉等等。食物賣相精美。大頭蝦非常彈牙, 蝦好新鮮。炸蟹鉗配柚子沙律好夾，配搭得好好味。迷你漢堡包入邊夾住係炸魚肉，魚肉好彈牙。冬陰功海鮮湯粉，湯底夠熱，超正👍🏻👍🏻。整體來講，呢個價錢嘅2人tea set超級抵食👍🏻。我哋一行四人, 再order 了蝦醬肉碎炒寬粉和軟殼蟹芒果沙律。 本人特別推介蝦醬肉碎炒寬粉。蝦醬好野味，寬粉炒得夠鑊氣，熱辣辣，簡直係色香味俱全，正呀👍🏻！甜品tray也好豐富，芒果糯米飯和燒菠蘿好正👍🏻。整體食物質素，價錢及餐廳環境，我會比 9分（十分為滿分)。

新年同屋企人去Yoho團拜後, 同媽咪食下午茶。 挑萬選揀咗座位比較舒適的 Mango tree。 欣賞佢坐位嘅設計私密度高, 半圓嘅餐桌卡座唔怕同鄰桌有太親密接觸, 防疫滿分。點咗$248嘅二人下午茶餐, 先上一隻開邊燒河蝦, 再上滿滿一籃咸點連酸辣牛肉粉絲沙律, 仲有一對好大隻充滿焦香嘅雞全翼, 我同媽咪都呆咗。 之後侍應再送上兩碗冬陰功海鮮湯河, 已經檯都放滿無位, 原來仲未夠, 侍應再送上一個竹籃上嘅甜品。 成個下午茶充滿氣勢, 完全唔敢相信係$248呢個價錢。燒河蝦絕對新鮮, 而且肉厚, 同媽咪一人一半都好滿足。 最期待嘅柚子沙律果然冇令人失望, 柚子多汁 甘甜, 配上上面脆炸豬皮, 一剛一柔配合剛好。 魚餅漢堡就略嫌乾身, 但係夠香口。 兩碗冬陰功湯河味濃, 而且偏酸但係唔太辣, 小朋友都啱食, 最適合濕凍嘅天氣一驅寒意。之後見實在太多嘢食叫埋爸爸落嚟 , 單點一客招牌的火山骨, 實在不得了, 獨特嘅泰式醬汁, 酸味與辣味調控得天衣無縫 , 湯汁一直翻滾著, 排骨濃香惹味, 而且肉質非常鮮嫩, 份量亦絕不欺場, 一共有三大舊, 食肉獸爸爸亦感到非常滿足。最後輪到媽媽

人均hk$124😱超級無敵抵食，又大份美味，環境舒服。忍唔住食完即刻要分享！全部食物都有兩份，冇hea野，冇湊數嘅食物，都係泰特色。真係好抵讚😍🤩🥰建議揀坐colourful嘅泰國風情半圓卡座(打卡會靚好多)，小編就揀左日系包廂出面清淨d嘅位置。🍽️🅕🅞🅞🅓&🅕🅔🅔 💸【龍蝦泰籃子下午茶 - 2人份 hk$248】💜鹹點♡椒鹽燒紅膏蝦 (超爆紅膏😍，燒得好香蝦肉味)♡燒烤蜜糖全雞翼 (真係皮脆肉嫩🤩，香到不得了)♡海鮮柚子沙律 ♡迷你泰式炸魚餅漢堡 (魚餅不過不失，包冇烘過，麻麻地)♡酥炸黃金蟹鉗 (外脆內彈牙🤤)♡填鴨子米紙卷 (搭配均勻好味，有4隻醬可以點)♡牛肉沙嗲 (好正宗嘅泰味，下面仲有粉絲)🧡甜點♡泰茶泰啡奶凍 (超級無敵好味！👍👍濃郁泰國奶茶香，超幼滑嘅奶凍！)♡燒甜菠蘿 (微微焦，有刷蜜糖燒，所以外面唔乾，裡面又juicy😚)♡芒果糯米飯 (芒果🥭大塊又甜，正宗椰汁糯米飯)♡椰汁西米露糕 (呢個搭配都一絕，椰汁糕口感滑溜，下面嘅西米又糯糯1啖2種口感😉)💚河粉泰式雜菌海鮮船河 (有蝦 青口 魷魚 好多雜菌, 滑溜溜河粉，微微辣嘅冬陰功味湯底，好足料🤗)🍹飲品♡桂圓蓮子茶·

西式嘅tea set個人就唔太喜歡，見到其他都想試吓，終於比我搵到呢個機會搵埋寶貝試喇！見呢個下午茶籃都幾豐富，加15蚊仲有個迷你牛河，叫哂啦！食飽飽好滿足，而且視覺同味覺都好滿足。。。

油浸薄餅、三色冰特飲是稀釋椰子水，幾乎看不到三色，室溫牛肉船河，河粉內的肥牛只見到肥肉，咖喱牛腩內的一大劈垃圾，見著倒胃，還有不知道多少個鐘頭之前弄定的冷冰冰沙嗲串燒，兩個人吃了五百多元，只得一肚子氣！

Was around the area and didn't have an idea where to go for lunch hence randomly walked into this.  I've been to the other Mango Tree restaurants and they were decent.  There's no exception to this joint, food is tasty as usual and it's also overpriced as usual.The trio-crispy pomelo salad was fresh, naan bread was on a greasy end; pad thai was standard and the red curry slow cooked angus beef short ribs was definitely my favorite.  The beef was so tender and that sauce was perfect with white ri

食物味道不錯 精緻美味 比預期中的好 款式多樣 而且十分美味好看十分值得再次光臨 懷念那個味道 及希望再次嘗試剛進入店鋪 環境舒適 僱員禮貌招呼及介紹食物餐牌也清晰可見 十分感謝了

餐廳以綠色園林為主題🏝，環境舒適。嗌咗幾道傳統泰菜，菜式精緻，味道都唔錯。🍍炸蝦餅炸得夠脆，蝦肉有質感🍍芒果樹黃咖喱炒大蜆咖喱味好香濃，好creamy🍍菠蘿海鮮炒飯🍍泰式大蝦炒金邊粉飯同金邊粉都大大碟，好滿足🍍扎肉米紙卷甜酸汁好開胃，點嚟食好清新

相信元朗人都唔會對YOHO陌生呢間嘅價位算中等 唔平🤔但食物質素呢 我就覺得麻麻先係佢嘅泰式大蝦金邊粉 海鮮嘅份量係真係得一隻蝦一碟 講緊佢都賣緊百幾蚊 不過都算係咁多之中最好味😖再嚟係佢嘅泰式牛肉船河 味道好淡 而且份量都唔多 泰式炒河粉就更加😢啲河粉係一住嘢咁⋯ 最正路應該就係佢嘅串燒 醃料都算唔錯 加配來講唔算貴嘅 但呢間餐廳整體食物質素就麻麻啦環境就舒服嘅畢竟都係喺YHO大商場入面 不過以呢個價錢加埋呢個食物質素就未必會再去☹️

午餐/下午茶時段入座限時90分鐘其實餐廳入面唔full，而且仲有好多枱，但比左張好逼既枱我。食物味道，外觀都很好，服務態度非常差。點知原來圓方果間既服務態度都係一樣，可能係呢間餐廳既特色。

叫左個4人套餐，碟通菜老個咩咁又唔夠味，海鮮麵包寶盒裡面3塊尤魚2隻蝦仁，2隻青口，最好味就牛肋骨，個飯樣衰到我都費事影，一碗仔吸落隻碟到，4人份量！？睇起上黎真係好鬼死寒宣囉

平日一時多，心血來潮想去yoho 食午餐，漫無目的走到這間餐廳，記起之前見過有頗為吸睛的afternoon tea set，走進去才發現今天沒有，2 個人點了2 個午餐和一份通菜。雖然平日但人比較多，不過很快食物就送到。炒金邊粉，酸味夠，份量不算大，蝦爽口彈牙。海南雞夠滑，份量多，油飯香，醬汁野味。馬拉盞通菜，爽口夠味。食物中規中舉，坐得舒服，價錢不貴。由於職員安排我們坐最入的位置，很難才找到侍應點餐。最後要求要一個紙袋， 他們都很樂意給我。

成日經過見咁到mango tree，但就未食過今次難得老公主動話食泰國野就試下我地就食午市老公多數食泰國野都係叫肉碎飯🙈我問佢好唔好食，佢就話無乜特別，都係咁由於我無試過，就唔比太多comment 而奶茶，都有港式同泰式揀所以都幾好，有選擇跟住加錢要左串燒d牛好鬆，唔會好實好難咬反而雞就比較實d而我就叫左牛肉船河同龍眼冰船河有牛丸、牛肉同牛腩雖然寫牛腩，但原來係牛筋腩好正！好好味仲有個湯底我好濃同平時食既好大分別

星期日帶bb 車出去yoho lunch入到bb 車又唔駛點等位既選擇唔算好多我地大約11 點半去，可以直入叫左個二人set肉碎生菜包～ 肉碎味道偏鹹，都有d 辣味生菜夠爽脆，包埋肉碎，中和左味道，有加到分肉碎偏乾身，但都ok脆皮雞個皮夠哂脆～～隻雞唔算肥但無咩雞味～ 肉質偏鞋身蝦片都脆口～而且份量夠多雞本身無咩味，所以點佢比既汁先叫有d 味仲有個菠蘿炒飯唔記得影有兩隻蝦，都係急凍無蝦味個種好多提子乾。。菠蘿都ok, 係細粒左d, 甜甜酸酸都唔錯炒飯質地唔會太乾太濕最後叫埋甜品起得，椰汁糕勁甜。。。食唔落，反而斑蘭糕ok 唔錯，食到斑蘭味飲品叫左薏米紅豆冰估唔到有埋蓮子，但d 料都係好硬身。。煮淋d 就更加好