Marco's Oyster Bar & Grill (荃新天地) (已搬遷) 新店位置

又想食生蠔！搵下荃灣有冇邊間餐廳有蠔食。呢間喺荃新天地二期，望落冷冷清清。我覺得特別係有個中東國籍叔叔喺門口彈住結他唱歌。講返食物先，我地叫左一個套餐＋生蠔＋意粉。生蠔揀$28法國生蠔，非常新鮮，3隻其實唔夠喉，不過留返下次再食啦。頭盤麵包個醬幾惹味，我食右邊嗰個吞拿魚味。其實好普通嘅野，但佢整得係好味。湯係南瓜湯。湯比較水，睇相會見到，味道正常，唔會水得黎勁淡冇味意粉叫左個蝦意粉，散叫嘅，太耐都唔記得係咩味，記憶中係正常野，味道唔差嘅意粉。然後係我最期待嘅主菜！鵝肝＋牛。男朋友麻麻地鵝肝，所以大半舊都俾我KO左。正正常常，果然兩個人食ok，又牛又鵝肝真係搞唔掂，太油膩。最後係甜品，心太軟配雪糕。呢次食心太軟覺得有啲怪，因為配嘅係咖啡味雪糕，始終心太軟配雪尼拿雪糕先係perfect match 。人均消費大概300-400蚊左右，餐廳睇落比較噏耷，傢俬比較舊，唔知係咪因為咁所以冇乜人黎，加上我地比較早黎食飯。我地走嗰陣開始有客黎，但都係比較靜。野食正常，都唔錯。check返先知依家舖頭改左名，全部傢俬轉哂翻新，依家睇落光鮮好多，下次會去間新舖試下。

假日甘啱同朋友去到荃新天地，機緣巧合下就試到呢一間餐廳，初頭俾佢的平價餐單吸引了。點知一坐低嘅時候，就已經發覺到餐廳內充斥着一陣非常之奇怪的味道，如果真的要我去形容，我只可以說是坑渠味，以及有一種濕濕粒粒的感覺。朋友叫了一個卡邦尼意粉，我就叫了蜆肉炒意粉。朋友的卡邦尼意粉，煙肉的部份改用了辣肉腸，個感覺，味道完全是另一回事。感覺整個意粉及辣肉腸是完全分開的兩回事，只可以說，當辣肉腸單獨進食是好味的。我的蜆肉炒意粉，就表現正常，味道偏淡，搞到我要落咗好多鹽同胡椒粉去調味。最搞笑的是，我從來未試過喺餐廳飲過一杯可以咁難飲的凍檸茶，茶味非常之奇怪，完全冇味道，只有顏色。我只可以說水吧的員工刀功必定非常之出色，因為每一片檸檬都比紙更薄。

一早想試，但門牌寫住oyster bar令另一半一直不肯去，直至屋企人吃過早餐後，我抱住嘗試心態去帶另一半試。價錢不貴，午市套餐$48也有交易。我自己叫了香草魚扒飯，熱檸茶。點餐時要求多汁，賣相不差，汁也算可以，很香口，但我還覺得不夠多。魚扒比較乾，也較硬，近來要吃很林身的食物，最後一口魚扒已經吞不下去。環境非常舒適，門口也寫住通過檢測，吃得較安心。

誤打誤撞入左呢間餐廳，真係有驚喜！叫左一打生蠔送左支白酒，生蠔真係好新鮮，好好食！揀咗四款唔同級數法國蠔，特別推薦女神和Gillardeau！兩款生蠔分別鮮甜同好creamy，同白酒真係好夾！店員好Nice，教我哋生蠔好食啲嘅食法，分辨Gillardeau真假，今次食生蠔真係學到好多嘢！店員、表演者同客人都有互動同交流，令餐廳氣氛唔錯，最鍾意係有真人彈結他唱歌，唯一美中不足嘅係餐廳嘅環境相對狹窄。

今日主題是美中不足。原本計劃去溜冰，原來因為疫情關係，未開放俾公眾人士。只好用美食來彌補遺憾。我們2人將下午茶配搭到正餐，full set錦食，完全係平靚正。包含了前菜沙律，主食，甜品和飲品。最愛就是心太軟甜品，是黑朱古力，不會太甜，再配合咖啡味的雪糕，一冷一熱的配合超讚。重點，心太軟是流心的，有時候其他餐廳控制得不好，會做成實心，但這個不會。以$38的價錢包含飲品真係超值。全部加埋一都不超$150，已經食飽飽，2人share 食來做下午茶，已經非常好，會下次再去。

疫情下的星期六嘅lunch time黎左呢間意大利餐廳其實都食過幾次不過每次都係食早餐今日都可以試吓個lunch Menu入嚟之前都幾爆都等左陣先入到位，都幾多人食叫咗～牛油汁龍利柳配薯菜而家+$22有湯啦小食同埋甜品龍蝦湯呢個小食有鵝肝醬多士同埋巴馬火腿他他沙律多士其實呢個都幾好食不過可惜就係～個湯到咗先😞小食之后先到😗個湯我都飲晒先至可以食多士我個主菜終於都到咗牛油汁龍利柳配薯菜賣相都幾好原本係配飯～我轉咗做薯菜個汁都OK酸酸甜甜最後叫咗Tiramisu 不過唔係太鍾意食所以俾咗比朋友食；）

係無book餐廳下，同友人係荃灣搵野食醫肚。難得經過呢間餐廳有蠔食，決定蠔一蠔佢🥂-餐廳門口好開揚，因為佢唔係對住戶外，而係商場入面，感覺都有少少奇怪。不過其實內裡有驚喜🤩！！-生蠔 （$18-$58；叫一打仲有一枝白酒送）提外話，枝白酒真係好好飲😋😋 好易入口，好smooth, 酒精味又唔係特別濃，不知不覺令人飲多左🤪-講番重點：生蠔🦪同友人成個生蠔menu都叫哂，每款試下。🦪 Irish 果隻夠肥美，好食，但海水味偏重。🦪個人就最鐘意食USA 美國頂級生蠔，夠大隻，味道既層次都出曬黎😍🦪鐘意食重金屬味既可以試試pearl 果款，食到最後回味果啖，包你有驚喜-牛扒 👍🏼煎得岩岩好，唯一有一分要扣既係可能係個汁實左太多，覆蓋左少少牛扒本身嘅味道，建議下單嘅時候同侍應講要少汁😂-另外都值得一提嘅係，牛扒加$40可以upgrade去一個餐，非常之抵食，有餐前湯（龍蝦湯），鵝肝三文魚多士，以及甜品，叫咗心太軟☺️☺️-一個小加分位🤩🥂餐廳去到9:00左右，仲有人live彈結他,唱歌，令人彷彿置身喺歐洲法國嘅餐廳內🤤🤤

一打生蠔送白酒吸引着我，呢度生蠔多選擇，新鮮！套餐牛扒高質素仲要配鵝肝！支riesling 同生蠔絕配！跟餐嘅心太軟好食！意粉千祈唔好嗌！加咗個蜜瓜Parma ham不過不失！唔使三舊水per head有靚牛扒同生蠔，我覺得超值！呢度真係食生蠔同埋牛扒嘅地方！其實仲有個彈結他嘅叔叔唱意大利文歌，但係氣氛就一般，始終商場入邊！四個人埋單千一蚊，我覺得幾啱一家大細食，商場仲有泊車優惠。我真係唔明點解咁多負評？！

等人剪完頭髮我提意食個tea(因為有位女的食榴槤做早，午餐)其實都係揾點東西吃飲杯野，因我仲有小小飽。費事行太遠去左荃新天地2期，呢間西式既試下。叫左2個tea墨魚汁海鮮意粉，友人以為啲汁係墨汁但現實係黑色意粉。個意粉軟硬度ok而且非常足料，有蝦，有墨魚，有大量蜆肉。但汁太多而且味度唔夾，似磨菇汁多一點。燒汁雞扒飯，呢個幾正。雞扒大件有肉汁而且滑流，個汁唔多但掛在雞扒好夾。熱奶茶，比較普通。呢個tea唔貴質素ok同行者說雞扒最正。

琴晚同朋友食生日飯。諗住有吉他伴奏。 Book檯時先知原來下星期先有。店家好好話盡量安排。 最後個吉他手出現左。當晚叫左個鵝肝牛柳👍同黑松露蛋黑毛豬👍。鵝肝大塊不過比較瘦。 牛柳好味，蛋夠滑。主菜整體都有80-90分，食物分量很足夠。 甜品叫左意大利蛋糕&心太軟拼雪糕。 心太軟真係好好味，不過如果甜品分量可以再多少少，心太軟可以再熱少少，冰火感覺就可以更強烈就更好。服務方面整體都好好，很有禮貌。係上菜時比較心急，我哋仲未飲完湯主菜就已經上左來。 成晚餐飯我哋都很滿意，當晚盡興而歸。

午餐叫做卡邦尼意粉，係我食過最唔好食嘅卡邦尼🤦🏻‍♀️同我所認識嘅味道一啲都唔同，似係白汁意粉。包一杯熱飲，加埋一差唔多70幾蚊，唔係幾值囉。份量係幾多嘅，我都冇食晒啦⋯⋯

今日知道荃灣間英皇戲院新開左，所以特登同女朋友一齊去睇戲，買咗五點幾嘅戲票，3:00就到咗荃新天地啦，見冇嘢做就想食吓下午茶，講真荃新天地2期真係冇乜嘢食，見到門口有間西式餐廳，咁我見到門口有下午茶都好抵食咁，咁我地就入去坐低，大約三點幾左右，鋪頭比較靜只有兩至三台客，首先睇睇餐牌先，我就叫咗個煙三文魚天使麵，我女朋友就叫咗個海鮮墨魚汁意粉，加多隻$10生蠔，首先講咗個煙三文魚天使麵，天使麵都好彈牙，三文魚正，芝士味都重，至於個墨魚海鮮意粉，就一般，但以咁嘅價錢都幾多海鮮勉強可以啦，驚喜嘅就係個生蠔$10，都好有鮮味。總結來講就正下次再試，聽人講好似夜晚有人唱歌嘅。

陌生嘅區份，誤打誤撞入咗呢間食下午茶，星期日嘅下晝，坐滿客人，估計應該唔會差得去邊，等咗幾分鐘就有位。龍蝦湯 - 有蝦味，美中不足飲到成舊麵粉糰😳三文魚天使麵，忌廉汁好味，啱啱好，唔好過濃，除煙三文魚外，仲有爽口鷄脾菇，減少肥膩感。Parmaham好䶢，芝士底係千島醬，仲有拉絲效果，個餅底係超脆！藍莓芝士餅 - 芝士密度高，口感幾結實，唔錯下午茶餐份量足，夠飽，價錢合理；但好好奇加$20 有龍蝦湯＆芝士餅，其實加錢，點解會係「送」嘅？😂

叫咗A餐，加$22就有餐湯、多士同埋甜品，午餐唔係太貴$40-$50嘅價錢茶餐廳都要啦!! 印象中呢度嘅扒係幾好食嘅，今日個雞扒都煎得好好食，表面有少少炭燒嘅感覺，至於個柚子忌廉汁就一般!! 另外加咗兩隻$10生蠔，唔算太大隻但口感都唔錯!! 最最最推介嘅係佢嘅心太軟，每次黎都必點，每次都keep到水準，每次都有非常流心嘅效果，真係好好食!! 加埋一埋單先$100，又有生蠔、餐湯、多士、主菜、甜品同飲品，所有嘢都幾有水準係好食嘅，所以覺得好抵食，一定會再嚟幫襯!!

服務超好 仲有live band Uncle唱左成晚都無話停 一直唱好多金曲串燒佢份人仲要勁nice 會久唔久同你有啲互動 同你講兩句 再點首歌比你服務員都好nice 有啲地方都好人情化處理 唔會好死板價錢方面 ard100$ 有晚餐食到 +40$ 有龍蝦湯有野飲有前菜同甜品！真係超值 性價比超高！！！！！！野食方面 我會比7-8/10 所以真係超級推仲叫左一打生蠔 好新鮮 超級推！！！！!!!!!!!!!!!!!!!!!!!!!!!!!!!