Meat King (已結業)

果日喺CWB剪髮，剪完就搵frd食飯，跟住就去Meat King開餐。上到去地方都幾闊落，人唔算多，有得坐卡位。我哋見到個自助沙律吧即刻發晒光，好吸引！所以我哋決定只叫一個漢堡扒另+$58 semi-buffet，不過哩度要每叫1件扒先可以用$58加buffet，所以我哋唯有另外再用正價$98加多1位buffet，同埋buffet限時90分鐘，所以食得幾多得幾多！我哋食咗溫泉蛋他他汁漢堡扒，要最細份嘅180g，留肚食buffet，同埋+$40轉全安格斯牛肉，如果唔加錢件扒就係豬肉溝牛肉。件扒熱辣辣勁香，我一淋汁落去，個溫泉蛋跌咗落去爛咗……好傷心，影唔到張靚相 漢堡扒牛味好濃，一切落去勁多汁咇出嚟！唔駛點醬已經好好味！跟住就梗係到我哋期待已久嘅semi-buffet啦!啲蔬菜賣相好新鮮討好！甜品同飲品有很多款！仲有湯，茶包同雪糕！而且麵包白飯任裝，尤其個麵包，又熱又軟熟！唔知係咪下午食得太飽，果晚飽到晚餐都食唔落，夜晚食咗個杯麵就算。

位於銅鑼灣的Meat king，是一間日本過江龍漢堡扒店。今天原本相約媽媽吃日本菜，但忽然有事，然後轉場到Meat King吃西式日本菜。曾經吃過一次，漢堡扒的魅力令我難以忘懷，今天一於嚐多一次吧。點選漢堡扒，均可加18元仼食自家制麵包和白飯，或加58元仼食沙律吧，前菜，甜品，湯雖，飲品，自家製麵包，和白飯。我和媽媽勻選擇加58元的套餐，吃了不少蔬菜，感到非常健康。當中包括: 西蘭花，菠蘿，羅馬生菜，奶油生菜沙律。自家調配沙律，更可配凱撒醬，芝麻醬，芥末醬，紫蘇醬，千島醬，醋等等。現成的沙律包括: 柚子天使面，蘿蔔青椒沙律，吞拿魚通粉，雜莓三色椒沙律。沙律保存在雪櫃內，新鮮清爽，為主菜漢堡扒減減膩。溫泉蛋他他汁漢堡扒$148溫泉蛋他他汁漢堡扒，賣相吸引。漢堡扒上放著一隻滑溜滑溜的溫泉蛋，溫泉蛋吹彈可破，一刺流出緩緩的蛋液，囗水直流了。液態狀的溫泉蛋配上漢堡扒，增添濕潤感，漢堡扒入囗更腍更滑，好好吃呢。客人點選漢堡扒，可自行選擇醬汁，包括: 牛扒醬油，多蜜醬，柚子醬，照燒汁。我選擇多蜜醬，多蜜醬以多種牛肉牛骨而成，味道香濃，與溫泉蛋非常合配，且適合重囗味人士哦。菠蘿漢堡扒$138這個菠蘿

<銅鑼灣日本過江龍漢堡扒🇯🇵><<$58沙律吧新鮮蔬果的魅力>>松露忌廉雜菌漢堡 Mushroom Hamburg with truffle cream sauce $158 (Standard 180g) (+$40 100% Augus Beef) 溫泉蛋他他汁漢堡扒Onsen Egg Hamburg with tartar sauce $148 (Standard 180g)菠蘿漢堡扒Pineapple Hamburg$138 (Standard 180g)全包餐 Full Set +$58 Salad + Appetizers + Soup + Drink + Dessert + Japanese Rice + Homemade Bread This restaurant occupies the whole floor. Spacious and clean, with comfortable seating. Without a doubt, we ordered a few sets of their signature

坐巴士成日都會經過見到呢間Meat King，醒目既招牌，令我深深記住左。咁岩今日係銅鑼灣約左朋友晚飯，所以就提議不如食呢間喇。一入門口轉個彎，就見到個自助bar，主餐牌 +58 就可以享用，有湯 / 飲品 / 沙律 / 甜品等等。我就點左香蒜牛油漢堡扒 180g，其實可以揀180g ($158) / 280g ($198) / 454g ($258)。但對我黎講, 一個180g已經夠KO我喇。係主菜到之前，先出去自助bar到拎D沙律同埋湯飲下先。款式都幾多，同埋D菜都好新鮮。食食下，主角已經上場LA，雖然只係180g，但係都好大份同足料。塊扒好juicy，肉質亦夠”林”，唔會食得好辛苦。而且可以配飯/麵包。自家製真係自家製，濃濃既麵包香，熱辣辣，已經同平時食開既麵包好唔同，佢唔係空氣麵包，實得黎都幾有咬口，同埋唔會硬綁綁，結果係食左2個先收手，哈哈

餐廳裝修唔算話好特別, 偏西式,場內最主要係環境夠大, 坐得舒服~我地叫左個扒餐, 入面有漢堡, 腸仔, 牛扒, 羊架,!基本上係食肉獸專區! 紅腸我覺得好食過白腸, 比較爽口,似法蘭克腸既味道~牛扒比較生小小5成熟, 但係佢有提供下圖既熱石俾人整熟d!呢個都係我最欣賞同最為突出既位!換句話講姐係, 可以隨意整自己想要既熟度.漢堡反而未必個個岩, 因為漢堡食得好濟, 如果細食小小既人 可能食一半已經覺得好飽消化唔到!佢扒餐仲有供不同用料同醬汁俾客人隨意配搭我覺得係十分之好,可以睇得出想滿足到不同既客人!佢另一個特點係d野食真係熱辣辣,! 蛋飯上咁樣配搭+埋個熱度, 十分之香!飯香味好重! 主推薦都係各類既扒餐~ 呢到d扒係唔錯^^

同中同食飯，一班女仔想放蹤下，有人提議試下呢間meat king!! 一聽個名就知肉係主打！個人黎講，都好鐘意食肉，所以就試下呢間啲肉有幾好！打開menu,款式唔算多，簡單啲講，就係Hamburg steak 為主，配上唔同既汁同配料！肉可以選size,有standard, large and 1 pound.視乎大家既食量，我地一行四個女仔，叫左3個standard ，每人再加錢要full set! 跟餐叫full set 只係$58, 剩番一個朋友因爲唔係跟餐，所以就$98咁叫其實已經好夠飽！Full set 包salad bar, dessert bar, drink bar, appetizer bar and soup bar. 唔記得左影相，不過salad bar好多選擇，連汁都有好多款！食salad bar其實都已經夠飽，甜品就唔好太大期望，飲品選擇都好多，有茶，咖啡，果汁同汽水湯就有兩款，紅湯同白湯，個人覺得有啲咸主菜：Garlic butter Hamburg steak $158 (standard size)+ full set $58肉本身係唔錯，不過我最喜歡既

唔知大家去親日本會食咩呢？係未同A姐一樣食壽司、魚生、Shabu Shabu、關東煮、章魚小丸子、甚至係懷石料理……但好似總會遺忘日本洋食。其實我真係好想試吓日本漢堡㗎！好彩，香港依家都有來自日本嘅洋食選擇，今次就同A姐去咗銅鑼灣嘅Meat King，一齊感受吓巨大漢堡啦！呢度嘅漢堡選擇配搭都好多，我叫咗鐵板漢堡扒配牛扒粒，而A姐就叫咗鐵板雞扒。叫完扒，我哋加咗$58/人，仲可以食埋Semi-buffet添！有齊Salad bar、Appetizer bar、Soup bar、Drink bar同Dessert bar！Salad and Appetizer bar沙律吧有好多選擇，啱晒話自己要On diet嘅A姐啦！除咗有沙律菜、仲有車厘茄、菠蘿、粟米、菇、薯仔沙律同通心粉沙律等等！最令我哋驚喜嘅係佢有好多醬料選擇，例如：凱撒醬、日式芝麻醬、青芥茉蛋黃醬、千島醬、柚子楜椒醬、蘋果醬同黑醋橄欖油！真係食得健康又好味呀！Soup bar今日嘅湯有兩款，分叫係洋蔥湯同粟米湯，但兩款都偏鹹。鐵板漢堡扒配牛扒粒當醬汁淋上鐵板時，聽到啲滋滋聲好滾動呀！我終於食到日本漢堡喇！漢堡扒有成隻手掌咁大，

有自助沙律吧嘅一間漢堡扒餐廳真系令人感到幸福！自助沙律吧嘅粟米湯是必飲的🤤好濃香嘅粟米味！漢堡扒可選醬汁，有牛扒醬汁，多蜜醬，柚子醬同照燒汁💁揀左牛扒醬，酸酸甜甜咁，都幾特別！漢堡扒望落size吾算大份，但女孩子食完沙律吧後再食，堅系飽！😂漢堡扒厚身而質地送鬆軟，切開都幾juicy😽唔會話有好多肥肉，都幾足料！另外值得一讚嘅係佢哋醃肉醃得唔夠入味，加上他他醬都沒有違和感😊松露忌廉雜菌漢堡，松露味淡淡咁滲出嚟，唔會搶左漢堡扒嘅肉香！加上雜菌喺上面，令到整體上唔會覺得好油膩，亦都吾錯

香港食日本菜嘅餐廳真係好多選擇，特別日式拉麵、壽司、串燒樣樣都有，唯獨專食日本漢堡嘅餐廳真係唔常見，今次工作以外經過銅鑼灣見到依間以日本漢堡為主題嘅餐廳真係忍唔住入去要試一試。餐廳內裝潢簡約，而且座位都好闊落、舒適啱晒同朋友聚會。而今次食午餐時段係半自助形只要點主菜，就可以免費喺沙律吧嗰度任食，真係非常之抵。自助區內約有30款食物、飲品選擇，由新鮮嘅沙律菜、麵條、甜品、水果、飲品、雪糕樣樣都有而且味道都唔錯，基本上純食自助區已經好飽，哈哈。而且佢啲甜品都係自家製，我就特別鐘意佢個朱古力撻，朱古力味相當濃郁，真係忍唔住食咗三個。辣肉醬漢堡包食到差唔多主菜就出現了，呢個漢堡包份量都非常十足，最特別就係佢提供咗一個紙袋可以將漢堡包放喺紙袋入面食，令食果陣更方便非常，真係好貼心。味道方面，漢堡扒非常厚身，咬落去你會感受到佢好濃郁嘅肉汁，加埋蔬菜、辣肉醬口感非常豐富且惹味。安格斯牛肉漢堡牛肉漢堡同樣非常厚身且牛肉味亦都好出，真係啖啖肉好滿足，就算唔加醬汁亦都好好味。整體味道真係唔錯，特別鍾意佢自助區可以任飲任食，真係個胃有幾大都唔怕。

Meat King 是一間日式西餐廳，以自家製作的漢堡扒作招徠。餐廳裝潢採用日式西餐廳的常見風格，感覺時尚悠閒，加上餐桌擺位寛敞，座位舒適。 午膳時間，餐廳主要推廣午市半自助餐。食客從餐單選擇合心的主菜後，便可外出挑選其他自助餐美食。 一張長長的自助餐桌，各款不同種類的佳餚整齊排放。 最左手邊的是沙律冷盤，三四款不同款式的新鮮蔬菜源源不斷地供應，最愛的當然是爽甜的羅馬生菜。至於其他沙律佐料，也有十多款可選。食材色彩繽紛，喜愛新鮮的菠蘿、清甜的粟米及濃味的紅腰豆。 湯品有兩款，西式蕃茄蔬菜湯味道普通；日式味噌湯口味淡香，內裡混入大量海帶引出嚼勁，味道比蕃茄蔬菜湯好。 主菜安格斯牛肉漢堡扒選用優質美國安格斯牛肉拌以適量豬肉打製而成，相比坊間一般漢堡扒，這件漢堡扒的色澤較淺，直徑小而厚身。放刀輕輕一切，肉汁滾滾而下，肉質相當鬆軟，肉香亦算不錯。隨漢堡扒伴上薯角及雜蔬，薯角脆感不足需留意一下。 吃畢主菜固然是甜品時間，整體而言，甜品水準只屬普通。咖啡布甸是味道最佳之作，但因質感過於稀薄，建議可做得實身一點，冷凍一點！ 對於小朋友來説，自助餐桌末端所擺放的雪糕棉

最近行過銅鑼灣，在富豪酒店對面，見到一間位於二樓全層的餐廳，裝修時尚典雅，很有裏原宿樓上小店的感覺，碰巧又是晚飯時段，筆者當然二話不說便想上去試一下。來到樓下，原來是一間漢堡扒專門店，從樓下正門進去是一道長長的樓梯，走到盡頭有一個仿古火爐，熊熊烈火的晃動畫面，聲畫俱備，予人高貴溫暖的感覺。餐廳內裝修以古雅簡約為主調，木地板、紅磚牆、闊落的走廊和舒適的卡座，很有日式西餐廳的味道，據店員透露，這店原來是由日本過江龍來港開設的一家漢堡專門店，用料一絲不苟，只是裝潢已用了數百萬之多，就以放沙律的凍櫃為例，店主全都指定選用外地入口的進口貨，完全一貫日本人堅持質素的作風。餐牌內的選擇，除了漢堡扒以外，還有其它扒類和不同的特色小食供應，而另一吸引之處，就是點了主菜之後，可另加$58享用Side Dish自助吧，有齊沙律、湯品、甜品和不同的果汁飲品，用料新鮮，品種齊全，實在讓人期待。我們分別點了松露忌廉雜菌漢堡扒和溫泉蛋他他汁漢堡扒，外加一客鵝肝壽司，另外當然不會放過加錢的自助吧啦。趁大廚預備漢堡扒的同時，我們率先出去自助吧參觀一下。沙律吧排列得十分整齊，凍櫃不停有霧氣吹出來，營造出冷凍保鮮的感覺。菜

二人同行，一個係食肉獸，另一個係對食。食肉獸朋友話佢話想食肉，未得我同意BOOK左間日本過江龍-MEAT KING。MEAT KING室內環境都算大，座位寬敞。由於間餐廳由ORDER計起得1.5小時進食，所以不能坐得太耐。佢叫左一份温泉蛋他他汁漢堡扒，另外加左一份BUFFET SET。而我就叫左鵝肝壽司同黑松露忌廉薯條。温泉蛋他他汁漢堡扒﹕漢堡扒日式鐵板餐，佢叫左個最細SIZE既漢堡扒，上枱時熱到冒煙。漢堡扒上個有洋蔥圈，係圍住温泉蛋他他汁既。另外，倒左疑似黑椒既醬汁，發出SA SA聲，好鬼香。食肉獸朋友用刀切了一野，温泉蛋他他汁同疑似黑椒汁漏入漢堡扒中，佢分左半份俾我食，漢堡扒好厚，每口都係肉汁，食完覺有點膩。BUFFET SET﹕因為點了漢堡扒，所以可用$58加個BUFFETSET。如果單點就要$98了。佢個BUFFET SET都算多選擇，有沙律、通粉、天使麵、多款醬汁、果汁、咖啡、水果、甜品等。我只食了沙律那邊就飽了，沙律食材新鮮。對我黎講不太化算，因可以無限添飲添食。鵝肝壽司﹕厚厚的、軟綿綿的鵝肝，配上凍凍的飯，依個配搭幾有創意。黑松露忌廉薯條﹕薯條既SIZE有點似M記，但比M

話說我每一次睇小丸子，見到小丸子食漢堡扒我就會好羨慕，因為我都好中意食啊😂所以呢有人知我好中意食，所以就帶我去食漢堡扒😊😊入到店內，莫名其妙有種去左暗啲嘅薩x亞感覺😂但呢到嘅坐位好寬闊，卡位坐4個人都唔逼。加上擺設、自助沙律bar等等都好整齊。周圍都聽到鐵板上嘅"咋咋"聲，更是期待今晚嘅主菜！香蒜牛油漢堡扒180g💰HKD158以呢個價錢黎講，我就覺得有啲貴啦，因為其實睇落真係好似好細舊，但係如果食晒成碟又會夠飽喎。配撘漢堡扒有四種醬汁可以揀，我就揀左多蜜醬，甜甜地咁同漢堡扒都幾夾。面頭有好多蒜片同旁邊亦有不少粟米粒、菜等等。呢個漢堡排嘅肉質係比較鬆散，非結實類型，好易切。而且調味做得幾好，食落亦好多肉汁，呢個份量黎講剛剛好，唔會太漏。溫泉蛋他他汁漢堡扒180g💰HKD148漢堡扒都係同一塊肉，但上面就加上一個洋蔥圈，內有一隻溫泉蛋，上而再淋上他他汁。只要一切開隻溫泉蛋，入面嘅蛋黃即刻流晒出黎！勁正！視覺效果非常好！呢個set我地要左燒肉汁配撘，個人就覺得麻麻地，同上面隻多蜜汁比，多蜜汁同漢堡扒更夾。跟餐+HKD58可以包埋自助沙律、甜品、飲品bar。種類都算有幾多，沙律幾好，但湯品就

未食齋睇裝修已經覺得夠曬特別 ,有隻鹿頭係招牌上面真係霸氣十足 ,偏向懷舊風 ,主調係綠色, 食物質素方面真係要畀好高評分, 原本仲打算試下鵝肝壽司, 限量嘅關係賣曬喇 第一啖 ,嘩好好食呀, 漢堡扒嘅油脂喺口裏面四散, 肉汁爆曬出嚟！ 雖然份量唔係好多 ，而且搵咗啲洋蔥墊底， 不過服務態度認真一流， 如果想無限飲品同甜品就有少少貴， 要加 58蚊

同朋友很想食漢堡扒 所以選了試一下這間日式漢堡扒專門店可能因為平日關係 人不算多環境很舒服由於只是2個人 所以點得不算很多點了香橙煙三文魚沙律、鵝肝壽司、原味漢堡扒香橙煙三文魚沙律都算幾大碟 而且煙三文魚也有很多塊味道也不錯鵝肝壽司原本來這裡是因爲漢堡扒 但一睇完Menu之後最期待就是這碟鵝肝壽司鵝肝配多士就聽得多 但配壽司會是怎樣呢一黎到鵝肝很大塊 比壽司飯很多第一口鵝肝覺得沒有想像中那麼熱 只是暖的 但鵝肝非常美味多汗 第二口已經知道溫度 所以很美味地吃完意外地跟壽司也很配如果鵝肝能再熱一點就好了到主菜的漢堡扒厚度很足 可惜肉有點乾但因為那個鵝肝壽司 我會再黎食