Mee...lemongrass (將軍澳中心) (已結業)

將中開左好多新店鋪，今日黎食泰國野，呢到地方都幾大，但夜晚都需要排一陣隊。泰式蠔仔蛋呢個唔似潮州蠔餅，係比較濕身，口感都係比較”蛋”。蠔仔就好肥漲卜卜，幾好味不過就油左少少，會有點膩。7/10香脆蝦餅有幾舊個皮炸老左有Ｄ韌，除此之外味道口感都正常唔錯。份量算幾大，四大舊切半好襟食。8/10炭燒豬扒喇沙喇沙帶微辣，喇沙都幾正宗，係兩款唔同粉撈埋一齊。燒豬扒幾特別，口感方面好似叉燒咁。7/10檳城炒貴刁好耐冇食過咁出色既炒貴刁，配料有唔同既海鮮，味道辣辣地應該係ＸＯ醬，好鬼惹味。有Ｄ脆粒增加口感。10/10芝士奶蓋黑糖鮮奶茉莉奶蓋綠茶奶蓋味道比較啖，除外味道都OK。