Mee...lemongrass (已結業)

睇電影之前同男友見到Mee...看餐牌又不是太貴，相片都好吸引，就試一試。睇完電影之後， 知道除夕夜整個青衣城既餐廳一定多人到傻，所以我早早用apps排定隊。好好彩一去到店門口就剛好到我地，成間餐廳座無虛席。一坐底就見到呢隻懷舊公雞碗，唔錯，設計精美。一睇個menu，泰國菜/馬來西亞菜/咖喱/串燒/沙律咩都有，睇到花多眼亂。但因為呢間係出名食喇沙當然要叫番碗試下。mee....喇沙:   (HKD 84)包括蝦，蜆，蟹腳，魚蛋，豆卜，雞蛋，魷魚，重點係佢真係做到真喇沙用面同米粉兩溝! 一上到枱已聞到好香椰香喇沙味，試一口湯，濃濃既椰香味而且無腥味，仲有一塊新鮮生菜一點都不馬虎。 豆卜吸曬個喇沙既精華，一野咬落去，個湯汁溢曬出黎鳳爪沙律: )HKD68):  因為好想食泰菜，所以叫左個鳳爪做開胃菜，份量超多，我諗有十幾20隻，而且味道真係唔錯。酸酸辣辣。有啲餐廳會整得個沙律好辣，但呢個啱啱好！馬來蜜汁炭燒豬排配菜飯 (HKD 72): 蘿蔔絲唔係好酸，做開胃菜一流，係淡淡酸味清一清口感。豬排真係好厚切，炭燒得黎唔會太DRY，而且保持到入面既水份，唔錯!我哋重點左一份有油鬆餅，熱辣辣啱啱整

去青衣城行街好肚餓搵吃，大部分都係食日本菜幸好見到Mee...看餐牌又不是太貴，相片都好吸引，就試一試。因未夠鐘晚飯時間要等一等，5分鐘後就見有人龍，我仲未知咩事，只係以為呢到應該好好味先多人，後來知道原來龍蝦喇沙大優惠限量30碗可惜我已點菜先知 見到隔離枱太太碗原隻龍蝦喇沙真係超吸引，好大條蝦膏😱呢到門面、環境、餐具都好有心思，啡綠色調真比人東南亞椰林feel😁我諗多咗Mee打著馬來喇沙海南雞專門店嘅招牌無理由唔試無骨海南雞喇沙。食物真身比menu相更美上枱已聞到好香椰香喇沙味，試一口湯除左椰味仲有點膏嘅味道，最重要無腥味，如果有腥味真寧願店唔好落蝦頭煮湯。 香味賣相已好吸引，連一塊生菜都係好新鮮靚樣，一點都不馬虎。 蘿蔔絲唔係好酸，係淡淡酸味清一清口感，而唔係要開胃嘅配菜。花生完全無「益」味，好香脆。雞肉無特別調味，較淡，肉質雖不算好滑，但絕對唔係鞋，軟硬適中，點上海南雞醬味道剛好但如果喜歡重口味重辣重蒜味，這裡不是，雖未夠野味，至少食完口氣唔重😂😂真正喇沙應該係兩溝，好多店都無咁做啦我一向飲嘢都要少甜，見佢個雞同醬汁味道唔係重口味，今次就試一試龍眼冰原本味道，果然真係唔會甜到渴喉

終於星期五啦！放工同屋企人食飯去青衣城原本諗住試吓呢一間食生蠔嘅餐廳最後見到有一間叫Mee Lemongrass 嘅餐廳好多人排隊於是就決定等呢一間！等左大約四個字就有位等位嘅時候見到佢門口有張poster寫住波士頓龍蝦喇沙六點後頭30位半價都只係$84一份原本諗住應該都冇㗎啦點知問吓侍應佢話有即刻點一份。龍蝦食落雖然講唔上肉質鮮甜但味道都唔錯仲有好多的膏超正至於個湯就係正常喇沙嘅味道唔算濃。除咗龍蝦之外我哋叫咗一份無骨酸辣鳳爪沙律鳳爪沙律只係$68等佢份量係超級多我諗有十幾20隻，而且味道真係唔錯。有啲餐廳會整得個沙律好辣，但呢個啱啱好！馬拉盞炒秋葵～第一次食呢個配搭馬拉盞嘅味道完全蓋過左秋葵本身嘅味道。正我哋重點左一份有油鬆餅，同一杯青檸梳打。油鬆餅都係熱辣辣啱啱整好！青檸梳打就正常冇咩特別呢間餐廳真係非常推介！食物嘅味道非常好而且埋單都唔到$300。難怪食完之後都仲有好多人喺門口排緊隊

【軟殼蟹紙米卷】$68，只有6件，多菜少料。軟殼蟹炸得外脆內軟，仲好酥香，蔬菜新鮮好爽口，又中和炸物的油膩，沾甜辣醬更正，味道不錯。【招牌無骨海南雞飯】$80，有飯、湯、菜同海南雞，整個套餐都好大份抵食，菜芯煮得剛好，仲好甜。油飯香軟鬆糯，吸哂雞味，超大碗夠兩人食。主角海南雞都夠嫩滑，雞皮偏厚但爽口。【肉骨茶】$86，好濃郁藥材味，飲完好暖胃又舒服，排骨啖啖肉，肉質鬆化易咬，味道幾重，豆卜吸哂湯汁味。環境較嘈雜，而且太多客人，繁忙時需搭枱，上菜雖快，但漏單。

話說，我除左係泰國fans之外，屋企人仲係馬來西亞人，馬來西亞其中一樣「名物」就係喇沙了，呢樣野喺馬來西亞食平平地幾蚊雞都有碗，材料當然唔係大龍蝦，而係「獅堪」...雖然平但亦好好味～入返正題，屋企人今次見到呢個做緊promo嘅龍蝦laksa，就一齊黎試下，去果日星期六去到都7:30，由於係限量發售，一坐低我地即刻點個龍蝦laksa先，竟然仲未賣曬laksa黎到了，成個盤咁大，飲啖湯，正正常常嘅咖哩湯，但有啲海鮮味，麵條係「參參」即米粉溝油麵，此做法幾正宗，龍蝦有啲唔新鮮，啲肉好梅，希望只係因為promo所以先唔新鮮啦，所以呢，呢個laksa如果唔係特價應該唔會特別再order除左呢樣我地仲叫左鳳爪沙律同通菜，兩樣都係一般，鳳爪沙律唔入味。總體黎講，呢到嘅食物係一般，6/10

<與女朋友吃飯系列•五>逛完大澳 就去了青衣吃飯～等待時間不久，只需十餘分鐘。甫進去，便被店中的海南雞飯吸引了，便下了單，順便點了煎蠔蛋 和 一個堅挺的甜品。海南雞飯首先上枱，一吃下去不覺得好吃，原因是飯好凍，明顯是一早煮定，待客人下單後便立即拿出來。煎蠔蛋，反而這個感覺良好，蠔非常多，絕對配得上$88這個價錢。最後點了堅挺的甜品(我忘記了名稱)，一上枱覺得很誇張，引起現場一片騷動，心想，這甜品拿來吸like絕對沒有錯😝最後因吃不下，要求外賣，店員要求給予$1費用，事實上這個價錢非常合理，但盒子卻不能關上，我心想：佢好唔好意思收我一元服務費。總括而言，店員給了我們$10優惠券，但我們應不會再去了。

我應該第一次openrice留言，頭先呢間餐廳比我感覺太差。呢間野起青衣城2期，2樓。今日去食海南雞飯，碗飯食到一半，有塊大概1x2cm膠袋之類嘅垃圾起碗飯度，個嘴咬到，感覺勁嘔心，叫職員，佢聽完我講繼續執野，之後佢叫主任之類過嚟。主任講咗句唔好意思，話換碗飯比我，我話感覺仲好嘔心，唔想再食你地d飯，換碗湯米之類得唔得。佢話唔得。我話無胃口食了，扣返碗飯錢得唔得。佢話唔得，照樣話換碗飯，佢話 : 依家你碗飯有問題，咪換過換飯囉。咁我諗住算，唔想同佢嘈，換咩都好，我都食完埋單算數。但到佢拎碗飯出嚟比我時，感覺無咩歉意，臉口好似我麻煩到佢咁，即時唔想再逗留起度。我同佢講 : 我咬到碗飯嘅膠袋，好嘔心，無胃口了，你比個折我埋單算。佢話 : 咪講好碗過碗飯比你，你話ok架!我話 : 真係無胃口，唔想食，唔好講到好似我錯咁!剛剛出面有食環行過，我都無嘈喇，係咪真係要我拉佢地入嚟投訴先得!佢話 : 最多比9折你 !我感覺佢態度上好似當我為咗慳果d錢同佢嘈咁，於是我同佢講 : 唔使比折了，你跟餐牌扣返碗飯錢比我得了。之後見佢行開同個同事唔知講我咩，係咁望住我呢邊起度笑。真係勁嬲，飲埋奶茶比完錢就走，

2018年11月24日。晴。青衣。呢日晚餐繼續要喺青衣解決～行咗一陣，見好多舖頭開始出現人龍所以我哋都拿拿臨快啲揀返間排先門口楝咗個大大隻龍蝦喇沙優惠廣告牌原價$168，而家午市同晚市頭30碗半價，$84就食到原隻波士頓龍蝦喇沙又好似幾抵喎，咁就一齊排啦～侍應好堅持要6點先開放俾晚市客人入舖頭坐低見到大部分客人都真係衝住個龍蝦喇沙而來每枱點都會嗌一碗咁，咁我哋當然都唔執輸，跟！等嘢食嘅時候周圍望，發現張餐紙原來都好俾心機設計用插畫畫晒咁多間分店出嚟，好靚啊～個公雞碗都好得意～波士頓龍蝦喇沙，$84造型好吸引，原隻龍蝦喺個碗度，都幾壯觀但係拆肉都幾麻煩，如果着白色衫就更麻煩啦肉就無幾多，得個身嘅肉容易拆出要食隻鉗同個頭嘅肉，就要不顧儀態咁落手落口拆啦呢方面餐廳可以改善下，俾個鉗又好，俾啲濕紙巾又好，等食客唔洗呢咁hea味道而言係唔錯嘅～龍蝦肉質新鮮彈牙，同喇沙味亦好夾豆卜、雞蛋都入味，而且碗內有兩款麵粗麵同米粉，撈埋食有唔同口感，又幾好味喎！排下隊係值得嘅～好抵食～無骨海南雞喇沙，$82對比起優惠價嘅龍蝦喇沙，價錢略貴喇沙係一樣嘅，湯底濃郁海南雞雖然件數唔多，但肉質嫩滑～配菜有醃紅白蘿蔔

家人常常提及有間食馬來西亞餐廳有原隻龍蝦喇沙好吸引喎！於是擇日於今天運動後，相約家人嘗試標榜原隻(波士頓)龍蝦喇沙 $84... (一試就出事！！)隻碗就好大, 但米粉與麵份量是一人份量，喇沙湯味尚算OK；原隻龍蝦好大, 但只是蝦頭大，蝦身只有“2吋”左右；配菜有數隻豆腐卜、半隻熟蛋、一片大生菜、葱及些少芽菜。食後感覺：環境是有些擠迫。唔好被標榜(波士頓)原隻龍蝦所吸引，話超值$84，連飲品也要話另計，食後會有被揾笨感覺。

和同事外出午飯，由於是星期五的關係，想去遠一點的地方午飯。想著不如去青衣城吧，比較多餐廳可以選擇。我們在走過去的途中，有一位同事推介我們吃Mee！他說他上次吃過，也可以用app 遙距拿籌，很方便！我們到達的時候真的不用等就可以入座了，很好！我今次點了海南雞喇沙餐！整個套餐包了1個小柚子沙津、1個甜品及1杯飲品。很少見餐廳有海南雞喇沙這個組合可以點，通常海南雞一定配飯，見有1個餐可以滿足我吃海南雞和吃喇沙的慾望，當然要點！他們家的喇沙是混合粗麵和米粉的，比起只吃粗麵或是只吃米粉，滿足感更大～見同行的同事點了肉骨茶，很感興趣！下次再來吃！

次次落樓下都見呢間野排曬長龍，平日小人啲？所以就去試下。男朋友叫左個印尼炒飯，我就叫左個海南雞加喇沙拉麵。跟餐有埋甜品野飲沙拉同湯，都只係$80！抵!炸蝦餅又係大大份，值得一試。不過最值得試都係泰式奶茶，好香茶味，又大杯。

因為工作關係 這天來了青衣 印象中青衣城沒什麼東西好吃 用openrice搜尋了一段時間 看到了這家新加坡fusion菜的店好評最多 就決定試一試到了門口 看到原隻波士頓龍蝦喇沙在做半價優惠 二話不說 進去就點這個 很大一碗 一整隻龍蝦躺在中間 看著就覺得爽 龍蝦肉質彈牙 感覺挺新鮮 麵有兩種 粉絲跟幼麵 配菜有豆卜 雞蛋 芽菜 都是一些能吸收湯底精華的食材 由於本人很少吃喇沙 亦沒有吃過正宗的喇沙 所以不難判斷這湯底是否正宗 反正我是挺喜歡這個湯底的 很香 有點辣 很刺激食慾

這一間餐廳，午飯每人大約要$80消費，一點也不算便宜，但食物質素還可以，可惜服務卻是差勁得很，上次因為看不到留座的牌，竟然被店員取笑，已經感到難以想像，相隔幾個月，以為稍有改善，今天和同事一起到這裏吃午飯，叫食物時，三番四次強調不要飲管，結果仍然在飲品內加上條飲管，向店員反映，店員卻說電腦無法加入這個資料，故此無法承諾不提供飲管。之後一飲之下，發現並非凍檸茶，而是凍檸啡，當向店員表達時，她一臉不耐煩，我為免她浪費多一支飲管，於是跟她說不用再沖另一杯了，換一杯清水給我便可以，店員卻一去不回頭，重複要求之下，終於給我一杯水，卻一點歉意也沒有。由於在工作地方附近，我也不好發作，只是不給小費表不滿，結果他們把每次都派送的優惠券收回，我冷笑一聲，一點也不介意，反正我應該真的不會再光顧了。

青衣城呢個商場有好多不同嘅食肆但當中不乏都係連鎖大型食肆嘅分店偶然經過呢間 聽人哋講係新開張每日都大排長龍， 而且開張仲有半價龍蝦喇沙麵優惠一向鍾意濃郁口味嘅我就去試下啦口感一般係幾大隻但略嫌太實淨小驚喜，本人喜歡食蠔，炒蛋好滑，配搭唔錯。不過不失，雞肉唔夠滑，醬料又俾得少。成碟嘢比較唸口，炒得唔夠乾身，配料好少，味道一般。賣相相當討好，份量十足，湯底都算幾香濃，龍蝦肉爽口，正仲有一口牛柳粒，用鐵板上，一上枱就聞到好香，結果冇影相都差不多食哂 份量少啲，但味道唔錯

好吃。但服務態度差。裡面無人，但等位已經等了5 至6分鐘，完全吾明要等d 乜。叫人落單，叫十世都無人應。吾知d 人忙什麼🤔。雖然上菜好快。但哩個價錢，哩個服務，我只可以講我有更多選擇！