Mee...lemongrass (已結業)

行過見到有位入嚟試下。海南雞飯專門店，咁梗係要食海南雞啦。 要咗個海南雞喇沙、 泰式豆漿紫米冰。 先講講入得口嘅喇沙 ， 味道香濃，又唔太難，值得回味。 跟住講下所謂嘅海南雞， 的而且個係這隻雞， 但係冇味， 完全冇雞味， 淨係識咬住一嚿肉，但係唔知係乜嘢， 啲醬油有一般， 如果呢啲叫做正宗海南雞， 我就真係未食過啦。講下個泰式椰漿紫米冰， 啲味道根本完全唔夾，完全唔可以攞呢啲嘢出嚟賣畀人食。 其實個大廚自己都唔知有冇食過自己嘅出品。

係青衣食嘢見到鋪面sell龍蝦麵，仲要特價，又要數量，結果佢宣傳成功，我又走咗去試啦因為驚佢無，一入座已經即刻問佢有冇，仲即時落單，上到枱真係覺得相當巨型！雖然無想像中咁多肉，但係以少於一百黎講算相當抵食！見人地叫特飲咁大杯，都忍唔住試下！倒轉個樽插係幾搶fo嘅，不過同龍蝦一樣，好飲但比想像中少見有鐵板蠔仔煎，當然都試埋！呢個堅有驚喜，半飽食都覺得好味，應該真係好味啦完咗又俾優惠券，又係一個吸客手段，但，餐牌其實仲有嘢想試，期待下一次再試

入迪士尼看五月天演唱會之前先到青衣填肚，否則無力企足全場演唱會🤣🤣今次是第二次試食mee lemongrass我們6點鐘準時入座，馬上點了大大份好抵食的龍蝦喇沙，湯底味道一流，非常香的咖哩味😋而龍蝦則不過不失，面的份量比相像中少。總體也符合$88的價錢。芒果沙冰的份量很足，比一個拳頭還要大✊🏻如果一個人飲，未必飲得完，建議兩人share一杯至於海南雞和小食拼盤的味道不錯，大家也可以點來試試😊

青衣城近幾個月開咗好多新食肆，熱潮過咗仲可以大排人龍自有其過人之處。泰國菜一向係香港人至愛 ，仲記得呢間餐廳剛開張嗰兩個月，排隊真係排到好得人驚呢日揀咗星期六中午近兩點去食都要等位，真係相當誇張！ 難得星期六都仲有午市套餐，叫咗一個海南雞set，80蚊的確小小貴但上檯先發覺有咁多嘢~海南雞肉質相當幼嫩好夠味，但係只有五舊就少咗啲，飯椰香味濃唔會太油，水準之作！例湯味精唔多，菜就咁淥略嫌太無味，跟餐凍奶茶茶味足夠另外單點一份大蝦金邊粉， 蝦有兩大隻好新鮮，金邊粉份量非常多，足夠兩個女仔share~ 熱辣辣上枱味道亦都非常好，呢餐相當滿意！

在青衣扮工的我，最常係青衣城搵食，而當中食馬來西亞/新加坡菜既Mee Lemongrass 係我lunch最愛幫襯之一，貪佢價錢合理，食物質素都唔差。Mee....喇沙$78配料不花巧，都係D簡簡單單既餸，最主要係個湯底正，咖哩同椰漿比例剛剛好，好岩我口味。馬來一品牛柳配白飯$78偷左朋友兩粒黎食，都幾香口，又唔會好鞋好鞋咬，朋友話個汁都ok幾好送飯。香葉蝦仁米紙卷$62朋友想食加點，食落幾清新，點埋酸汁更加開胃，不過其實主菜本身已包沙律、甜品同飲品，記得食得晒先至好嗌丫😂😂

經過青衣城見到好多人排隊，一於去試下先，我叫咗一碗波士頓龍蝦喇沙😋都係$84，個賣相係幾吸引嘅，有原隻龍蝦， 不過龍蝦肉就唔算好多， 同埋要拆肉就有啲麻煩，要落手落口去拆， 如果餐廳會提供埋鉗就方便啲。不過喇沙同龍蝦味道都ok， 同埋一碗裏面包含兩款麵，米粉同粗麵，都幾特別， 整體上都還可以

吃咗1年幾有多嘅叻沙，越來越覺得嗟咗好多，首先龍蝦细隻咗，以前隻腳係長到，大到超出個大碗出邊，宜家細隻到仲有最重要係唔新鮮吃到啲『霉』味，咁就好唔掂啦，你話係唔係?枉我之前猛咁推介畀D朋友。

知道青衣城果邊開左間新商場,於是跟同事系果行街順便食埋飯,睇到呢主打東南亞菜既餐廳,於是入去試下,見門外都有D人排隊,但我地一行兩個好快就可搭枱入座,打開餐牌有串燒,樣樣有D,我地嗌左個緬甸咖哩牛腩,炒貴刁,有個簿餅,埋單都要二百幾,唔算抵食,而果個咖哩牛腩唔算辣,拎黎送簿餅一流

一向愛東南亞菜，那天和朋友青衣城2期逛街，才第一次嚐這店的出品，價錢不算平，但水準不俗。那天是假，店子很多人，其實裝修不差，但桌子擺放多，實有點擠，沒法也是很多東南亞菜食肆的通病。我叫了馬來蜜汁厚燒豬扒撈檬，豬扒果然厚切，大塊的，表面似有炸過的，香脆的，有絲絲蜜汁的味道，還吃到香料的香，肉很入味和鬆軟有汁，檬粉很爽身，有米味，帶彈牙，加入自制的酸甜汁，有蒜香和辣椒的微辣，好開胃，有一種越吃越想吃的滋味，加上配菜的籮蔔絲，很清新。至於友人點的咖喱牛，配上白飯和瓜湯。我覺得咖喱沒有那股甜膩感，並不太濃稠，香料味不搶，咸辣較重，又沒有印式咖喱D的太辣味，蠻是好吃，而牛肉都入晒咖喱味，好腍，咖喱汁多，但牛肉少，撈飯OK的，但配瓜湯實不夾吧! 泰式奶茶真不是我們杯茶，真偏苦，偏甜，滑度和茶味不足，還是港式奶茶好喝吧!

通常去完迪士尼，都會回程係青衣城食野，今次回程維尼b訓左，唯唯媽難得可以同媽媽朋友me time食tea！我叫左軟殼蟹撈檬，熱奶茶，味道其實唔錯，可惜軟殻蟹份量偏少！奶茶，茶味幾濃，唔錯！

同屋企人見到間野長期都好多人排隊 所以搵左一個weekend早啲到 6點就坐低左 仲有機會試到佢地個波士頓龍蝦喇沙 點知超乎期待咁好食 不過每日限時段限賣幾十碗 想食一定要早啲到

直到宜家 都係覺得佢個餐廳名好難串 好難讀同好難記🤯😂講返正題 食海南雞飯食得多 成隻上嘅海南雞你又見過未？👀隻招牌無骨海南雞（$198）雞味係有嘅 不過唔係好濃🙈就肉質黎講 雞髀位嫩滑🍗 雞胸位都合格😌（我偏愛髀位 不過我有朋友鍾意胸肉多d 口味呢家野都係因人而異）三隻醬都有齊 配菜有青瓜 花生 同蘿蔔絲 令個餸冇咁單調👍🏻覺得佢皮下個啫喱可以做得好d 整體來講都合格嘅👌🏻btw佢呢到出名係個龍蝦喇沙🦞-The name of this restaurant is hard to spell, memorise and pronounce😂Back to the focus, the Hainan boneless chicken 🐔has the original taste of chicken. In terms of the meat texture, it is quite tender, especially for the drumstick.🍗 (personally, I prefer the drumstick while my fd prefers the br

點餐態度唔好，點點下，服務員突然講咗句，叫號碼得了。OK，叫號碼，我講咗幾次啦，我自己再覆多次⋯⋯出到嚟，都係落錯單...咁佢自己覆單，唔好靠個客覆啦！仲要聽錯！叫咗無骨海南雞飯，第一次見成碟都係雞胸嘅海南雞，問佢哋有無得換第二碟第二個部位或者換一半都好呀⋯⋯佢哋話唔係雞胸就雞脾喎⋯⋯雞脾要加十蚊。咁响 Menu 度寫只提供雞胸，我咪唔叫，食其他嘢囉！啲雞「鞋」到暈 ，唔好味囉！又叫咗個咖哩雞，啲雞都係鞋到死，我諗依間嘢嘅雞都係難食！Mee 喇沙，味道ok，咁多樣嘢，最好食依個。最後，叫咗芒果糯米飯，一放就放响枱邊，放完就走。我哋你眼望我眼，點食呢？明知Share都唔會放响中間，叉仔、碟要問先有！最基本的服務都無，如果佢係大排擋，我無say，開响青衣城，收一個唔係特別平嘅價錢，佢間服務直情差，唔合格！唔會再食第二次！

在青衣很難找地方食午飯，上OpenRice 見有推介此餐廳，所以，試試。見有The GULU 攞飛，下次不用急急腳來攞飛。自己上來等先，小孩慢慢行，到我的number，伙計俾我入先，總之1個半鐘食完就ok，喜歡這決定。等執好枱入去的時候，已人齊。想食炒貴刁，來到時像乾炒牛河，但有點辣。竟然有拉茶飲，不過都係唔似馬來西亞的滑。老公話牛骨湯河好味。海南雞是小朋友最喜愛，煮得嫩，還欠雞油飯。服務好，沒黑面。還遇隔離婆婆媽媽給我們$10現金券。

光顧了這間餐廳三次，第一次在晚餐繁忙時間來到，等了大約半小時先能入座。點了Mee⋯喇沙及雞絲喇沙，食物一來到已聞到香味，喇沙湯底味道香濃，麵質有彈牙。第二次避開了繁忙時間來到，不用等即刻可入座，今次就點了個足爆版喇沙，分量足夠2-4人享用，味道依然，我們三人分享這個足爆版喇沙好滿足