Mee...lemongrass (已結業)

馬鞍山越開越多唔錯嘅餐廳，實在太好了今次輪到越南野，佢嘅喇沙係正嘅，個個鐘意食喇沙嘅人試過都話好味，好香濃另外一樣我最鐘意嘅就係尼個炭燒豬扒啦～個豬扒燒到有啲隆邊好香，加埋啲有少少甜嘅醬好惹味成個set有埋茶飯，超大碗尼個係炒金邊粉我將側邊嘅辣粉撈晒落去，辣到爆料😂😂😂😂但係個粉又好好食，所以最後都食咗好多有兩隻蝦，食落又幾甜幾彈牙馬鞍山尼間仲同隔離一間台式飲品合作可以去佢哋嗰邊買野飲入來而家做緊買一送一，非常抵一般入得去食飯嘅人都會幫襯😆

自從去過日本、越南、新加坡，食過當地既拉麵、Pho、叻沙之後，久唔久都真係好想再食下, 咁岩馬鞍山新開間馬來風情的Mee lemongrass,不妨一試！裝潢簡約，以新版公雞碗作為用具。當然不少得點招牌海鮮叻沙湯河,湯汁香濃。海鮮包羅萬有！ 包括：大蝦、蜆肉、蟹柳、魚蛋、豆卜、全熟蛋、魷魚等、~ 相當豐富！ 湯頭濃郁，椰奶味香，油麵及米粉的鴛鴦配，加上豆卜及烚蛋，忠於馬來傳統，對版無投訴。海南雞皮爽肉滑嫩，胸肉位不嚡，味香適中，黑油及蒜汁濃郁。好味！香脆蝦餅蝦餅也很不錯，沒有太粉的感覺，證明蝦肉夠多！蒜蓉炒秋葵色香味俱全，開胃，讚！餐廳門口有個賣飲品的counter。最特別是有台式手搖飲品買，雖然好似同馬來菜不太夾，但反正「黑糖珍珠奶茶」是我至愛，又買一送一，吾買都對吾住自己！珍珠煮得岩岩好，夠煙韌亦都有黑糖味。

馬鞍山又開新食店，仲係我最愛的海南雞飯，當然急不及待來試菜啦！🤣🤣午餐時間不用等位，由於太肚餓所以坐下後立刻點了招牌無骨海南雞飯套餐。👍😋套餐有湯、油飯、雞、幾條菜及飲品一杯。蘿蔔湯清甜夠熱，油飯頗大碗(已叫了少飯）上面有幾片蒜片，飯有雞油香味又不太油膩👍無骨雞肉很滑而且味道很好，雞皮爽爽的，還有炸花生、酸蘿蔔和青瓜伴碟，份量足夠！👍😋奉送熱飲一杯，普普通通冇乜茶味。Menu印刷精美，而且也有頗多選擇。要收加一所以埋單HK$83.6

馬鞍山係美食沙漠，開間牛肉飯大家都開心到傻。今次開左間 Mee... Lemongrass, 我當然要去潮拜啦！波士頓龍蝦喇沙做半價，只需要$84就有原隻龍蝦，仲要超多蝦膏。喇沙好香帶微辣。👍有人鍾情海南雞飯，去到邊都係食海南雞飯，呢度既海南雞好嫩滑，不過飯就少少硬。海鮮炒粉絲好味道，大家都爭住食。馬來蜜汁厚切豬扒撈檬粉，豬扒超好味。小食拼盤蝦餅好彈牙，春卷香脆，仲有串燒同雞亦。炒雜菜軟殼蟹米紙卷我地一行五人，每個人都有自己想點既食品，最後叫左4個主食加三個餸，約六五十蚊埋單，多到食吾晒，真抵食。

馬鞍山已經開始脫離「食物沙漠」 呢個形容詞， 眼見越嚟越多新餐廳進駐馬鞍山，而今日食呢一間都係新開嘅！！餐具、枱墊同埋 menu都用足心思， 見佢有唔少分店，似乎都有品質保證！！menu圖文並茂 ，見到都流曬口水。限量嘅波士頓龍蝦喇沙～絕對可以用霸氣嚟形容，碗大，龍蝦又大，真係打卡、呃like嘅好item。 仲提供埋即棄手套、 鉗同埋濕紙巾， 真係非常細心。仲要好lucky咁嚟咗隻有膏㗎！！無骨海南雞喇沙～ 通常海南雞會跟油飯，但係佢出咗係跟喇沙，絕對係雙重享受， 喇沙嗲湯底非常夠味， 豆卜索哂啲湯，正呀～而海南雞非常嫰滑，汁醬都正宗！麵底係由兩種麵條而組成 ， 口感有別於坊間麵底。炒雜菜～ 出嚟食嘢，點都有碟菜嘅～炒雜菜乜嘢菜嘅種類都會有，咁就一啲都唔會悶啦！而且好夠味同埋好有鑊氣呀～讚！不得不提既，係員工嘅服務都非常好，竟然會見到面帶笑容，真係難得一見！

馬友有福了🥳🥳🥳新港城開咗一間新的泰國菜為主的餐廳，吸引咗勁多馬友黎試。我都第一時間去試😂😂😂🧡馬來蜜汁炭燒厚切豬扒撈檬 $68超大份的撈檬呀🤩🤩🤩夠2個人食添厚切豬扒有驚喜，除咗有好香炭燒味，豬扒非常入味，好juicy👍🏻👍🏻👍🏻🧡一口燒牛肉粒 $88對比之下，牛肉粒份量較少。牛肉粒用鐵板上，有超多香料調味，所以好入味。🧡蒜蓉炒通菜 $64味道不過不失，如果鐘意濃味D，建議大家揀馬拉盞炒。🧡椰汁千層糕 $28造型好靚呀係玫瑰🌹花，有香濃椰汁味，如果可以再煙韌D就更好

馬鞍山開左新餐廳，作為街坊既我當然要食下掂唔掂😬 果然新鋪三日香😂食飯時間等左30分鐘，好彩係撳咗張飛之後行下再返黎就有位😝鋪頭都幾爆，枱同枱之間都比較密集，但座位算幾舒適。入到黎雖然好多人都叫招牌龍蝦喇沙，真係好似好大碗，不過我實在太怕麻煩，所以叫返其他餐牌既食物☺️☺️🥢招牌無骨海南雞（半隻）$128一早諗左想食炒飯，但係又想食海南雞，所以直接叫半隻海南雞之後再加炒飯😂 海南雞，皮夠脆，肉好滑👍🏻個醬汁夠正宗馬拉味👍🏻唯獨係海南雞切得太大舊，如果可以切得細啲仲更加Perfect🙈🙈🥢肉骨茶$86足料肉骨茶👍🏻有3件豆卜+N件豬肋肉 +支竹 + 冬菇 ... 藥材味重，呢個價錢都算抵食 （如果配埋白飯仲抵食🙈）🥢印尼炒飯$78識食印尼炒飯最正一定係個蝦片同串燒😍蝦片正，炸到脆卜卜仲熱熱地，另外雞肉串燒沙嗲味濃 ，炒飯乾身不過唔算特別辣喺馬鞍山呢個冇乜嘢食嘅商場來講呢間鋪頭都算係咁上下😝 見到隔離枱食芒果糯米飯下次再嚟試吓先🤣

呢個場翻新後，好多新食肆，又見到有新野啦！好耐無食喇沙，人等我又等，同媽咪等一陣位就入去開餐lu！叫左個豐富喇沙，Me..喇沙 - 大蝦、蜆肉、蟹柳、雞蛋、豆卜、魚蛋、魷魚$84，好多送，呢個組合超多豐富蛋白質😆，d送入哂味，大蝦魷魚幾爽口～見隔離枱成隻龍蝦放喺碗面嘅喇沙，我又叫番碗波士頓龍蝦喇沙$84。兩碗喇沙都一樣好好飲，椰香十足，呢個賣相都幾誇張，原隻龍蝦上，望到都流口水。喇沙嘅麵係馬拉嘅參參，油麵參粉絲，所以顏色配搭同味道超豐富！馬拉盞炒通菜$64，新鮮無渣，枝莖爽脆，馬拉盞惹味咸香。無錯！我就係鍾意呢種😆！攪笑地呢度有台式飲品喎！四季春奶蓋$27，茶味清香，面層芝士奶蓋同茶，係兩種唔同texture 但又好夾！