Mee...lemongrass (已結業)

探朋友去咗馬鞍山，到咗晚飯時間就出去搵食，見到有巨龍蝦喇沙減至半價，當然即刻衝入去食啦！！點完餐，就有一些用具、手套、濕紙巾送上，唔怕食到污糟邋遢，非常貼心！！主角終於都出場，我可以用一「盤」嚟形容，而唔係一「碗」！！！ 分分鐘，兩個細食嘅女仔嚟食，都夠飽囉！超誇張！！而龍蝦裏面係有膏㗎！！ 絕對令人回味！！拆咗出嚟，一嚿肉咁啪入口，完全係full曬囉！！另外，朋友嗌咗炭燒豬扒喇沙 ，原因係menu上面標誌係「推介」， 果然冇令人失望，豬扒係入口即溶，而且因為係炭燒，都非常之香口！！！以上兩個喇沙都係用兩隻麵底去 mix埋一齊食 ，果然夠曬地道！！

自從搬咗去石門，除咗附近京瑞成日去之外，馬鞍山都係會經常去行街食飯，今晚一家三口又去新港城行吓，睇吓有冇咩年貨要辦，行吓行吓行到五期呢邊，呢邊地方細D，但都有間實惠行吓，行咗一陣太座話要食飯，隔離就有呢間東南亞菜嘅餐廳，一於入去試吓；mee喇沙，裡面有蝦、魷魚、雞蛋、蜆、蟹柳、魚蛋同豆卜，配上傳統用嘅油麵和米粉兩溝，湯底又冇過濃搶味道，正呀!太座話好耐冇食酸辣鳳爪，我點咗無骨酸辣鳳爪沙律，好食到唔停到口，好醒胃；馬拉盞炒芥蘭，味道適中，唔似其他地方有過鹹嘅情況；紅豆伯爵奶茶冇叫少甜都唔太甜，茶夠滑，幾好，太座要嘅係黑糖鮮奶，裡面有仙草，佢話超好味，可惜熱飲我唔太好；我見到餐牌有馬拉一品牛柳粒，無骨海南雞都好吸引我，下次再嚟試吓先!

**Mee...lemongrass - Ma On Shan Store **一知道呢個美食沙漠開左間新派東南亞菜,即刻BOOKMARK左要同屋企人黎食平日既晚上20;30 唔洗等位 一行四人坐卡位老公好鐘意食海南雞飯,所以係必點跟既係油雞 , 有時菜 仲有碗湯油雞未有用上雞油, 香味欠缺左少少馬拉盞炒通菜 係我既至愛飲品就需要自行去櫃台買 做緊買一送一  超抵飲!!小食拼盤 份量十足!正 海鮮喇沙麵, 偏辣 湯底好香 材料亦好多下次要再試門口仲有D小玩具可以比小朋友拎 , 我家桃桃都拎左一架小飛機 我同媽媽都好滿意呢一餐

馬鞍山找老友聚舊，佢話新港城中心(五期)二樓2612-14號舖，有超大原隻龍蝦🦞，我們點左龍蝦喇沙$84蚊新張價，有蛋和豆腐泡，喇沙湯底椰味好濃郁，麵條又滑，超正。不過龍蝦肉有點硬實，都算不錯。牛骨湯河$68蚊，有牛肉、牛丸、牛柏葉及大大舊牛腩，湯底牛味濃厚，牛腩好腍又夠入味，牛丸爽口彈牙，生牛肉岩岩熟很滑、牛肉味香，牛柏葉好爽口，河粉香滑。芒果糯米飯🥭$48，有四大件，碟邊放少許芒果粒，沾椰醬非常好味👍。

農曆新年又到，係又時候辦年貨。今日放工就去到馬鞍山商場買嘢，搞掂之後我就同老公去搵食。行過呢間餐廳，見到有好多人喎，然後就見到外面有個宣傳牌寫住龍蝦半價，非常吸引，咁就不如食呢間吧。餐廳裏面有好多人，地方大，裝修都好新淨，燈光光猛，坐得都舒服。呢間餐廳係食東南亞嘢，餐牌選擇都唔少。我哋緊係要叫個波士頓龍蝦喇沙，跟住就一個飯，一個菜同埋兩杯嘢飲。見到波士頓龍蝦喇沙個樣就覺得好吸引，好大碗，成隻龍蝦霸咗半個碗，裡面仲有一啲芽菜同埋豆卜。龍蝦真係好大隻，入口肉質結實爽口，帶鮮味。呢度嘅喇沙係油麵同埋米粉mix一齊，幾特別。湯底係咖哩味帶少少椰汁味，但唔辣嘅。椰汁味唔會太濃，冚咗咖哩嘅香味。豆卜吸收咗呢個湯底，覺得好好味。呢個喇沙我真係好鍾意，真係覺得好好食。飯我哋就叫咗一個馬來蜜汁炭厚切燒豬扒配菜飯，呢個嘅賣相都好好，又係好大碟。 豬扒燒得好香，咬落去一啲都唔韌，好有口感，用蜜汁燒，所以甜甜地。佢旁邊有一個辣汁，點埋佢一齊食，好有泰國風味。佢就連菜飯都好好食，菜係爽口嘅。呢個飯我都係好鍾意，覺得好唔錯。菜係馬拉盞炒通菜，馬拉盞味道鹹鹹香香，唔係太多油，炒得都幾靚，顏色仲係好綠，唔會太黃，份量

新港城一帶近年開左愈黎愈多新餐廳 最近5期果邊又開左間星馬餐廳專食喇沙同海南雞飯 終於洗脫馬鞍山多年黎"美食沙漠"既惡名 呢間餐廳無論飯碗還是大湯碗都係復古既雞公碗 好吸晴我地揀左最多配餸果款招牌Mee喇沙 好大碗除左有喇沙既靈魂大蝦🦐同豆卜 仲有魚蛋,魷魚🦑,蜆肉,蟹柳同蛋🥚麵底好得意 係米粉+油麵兩種麵mix埋一齊除左喇沙 小食我地都揀左最多款既"貪心精選"小食拼盤有蝦餅,串燒,春卷,雞翼同泰式無骨鳳爪最鐘意佢個無骨鳳爪同蝦餅蝦餅都幾大件 岩岩炸起好香口好脆春卷入面係粉絲同蔬菜 食落口感唔錯串燒同雞翼就合格以上當晚仲做緊台式飲品買一送一 好抵飲

又來到mee lemongrass喇，今次係位於馬鞍山嘅新舖，同其他分店一樣同樣哋充满東南亞的装修風格，够晒親切。唔少得嘅『龍蝦喇唦』實在好大好大份，龍蝦新鮮味甜，舖頭仲主動提供埋膠手套，蟹夾，湿紙巾，之前吃過幾間似乎未有咁細心的服務。另一美食係『香葉蝦仁米紙卷』，一份有6件，米紙好薄，可見到入邊的青瓜條，，紅蘿卜條同埋蝦仁，還有米粉，清清哋，健健康康，同濃味喇唦平衡番，正。再加上一碟『馬拉盞炒秋葵』，直情係完美的東南亞風味餐。

馬鞍山市中心第五期M OStown 四嗰張嘅車，主打東南亞風味的新食店，平日星期二晚來到，估唔到都幾多人WOR原來都有好多分店既，呢張紙SHOW左全香港有幾多間店，設計好CUTE.食物都有好多款式，仲有類似台式飲料可供選擇呢~!今次先食下呢個素菜春卷，好脆而且入面有菜同粉絲，有6件2個人食就剛好每人3件，好食~!另外食左串燒，一碟4串，我地叫左2牛2雞。估唔到有咁多既配菜，個D青瓜、菠蘿都好FRESH，好好食。申燒既肉質都好，兩款都好林，而且個醬都唔錯。主食方面，呢個牛河真係O岩曬牛既FANS, 有牛丸、生牛肉、牛肚、仲有牛腩，呢個仲好大碗，有好多河粉。飲料最近食店做買一送一添，在門外的COUNTER買就會有呢個優惠，而且係可以拎入來飲，所以就真好抵。呢個烏龍奶蓋，都幾清。另外呢個係沖繩黑糖牛奶珍珠，好香奶味因為係用北海道牛乳架~~~真係好正~今餐真係大滿足，埋單$273，捧住個肚走。

近來馬鞍山進駐了不少食店，而且質素唔差，馬鞍山美食沙漠之名相信可除了，而今次和同事去食的Mee...lemongrass同樣有質素價錢經濟。個場好大好旺場好多食客，坐無虛席需要等一陣才安排到座位。餐牌菜式選擇多，價錢唔貴六十至八十蚊咁上下，二人食二百蚊左右埋單相當化算。馬拉盞炒通菜 $64炒通菜非常惹味好有鹹香，唔算好鹹味道精準，食晒成碟通菜都可以唔洗飲啖水，唔錯食得過。招牌無骨海南雞飯 $80招牌菜點都要試下，個飯跟埋碗濃湯和碟菜，雞油飯香有味飯粒粒分明仲可加飯，雞肉起左骨食起來啖啖肉，雞肉質嫩油脂無乜，雞皮咬落有脆彈口感好特別。波士頓龍蝦喇沙 (原隻) $84賣相吸引，來到相當有驚喜超大碗看到好滿足。原隻龍蝦有大碗咁大隻，有手套提供方便進食。喇沙湯底味濃，一夾起有油麵米粉芽菜撈埋，食落口感豐富，豆卜好入味好食如果再多幾件鋪滿成碗就好了。喇沙見枱枱都有點來食，唔點確實會錯過，依家仲做緊特價好抵食，是必食之選。

這家餐廳在马鞍山開業沒多久，所以每天還是有很多來試新店的顧客，如果踩著飯點來，通常都要等20分鐘才有位。仲我們無懼這個問題，又迫不及待地來光顧了。這次點了“季節限定”的龍蝦喇沙⋯⋯上菜的時候被嚇到，真的是好大一盆😅，霸氣地占領了我二分之一的桌面，其實碗很浅。大碗的用途一來可以放下整隻龍蝦，二來可以給顧客大份量的賣相，非常有心機👍🏻。事實上口味也十分出色。喇沙的湯頭非常適中，不會有太重的椰浆味，令人覺得太膩。咖哩粉令湯的色澤和香味提升，但不會太辣。麵和粉的比例配合的非常好，而且煮的時間也把握得很准確。84元一份的價格十分親民，就算加上服務費也只是92元。蔬菜方面，在傳統以马拉盏炒的基礎上，又增加了本地人較為喜愛的蒜蓉炒，既滿足了食客的不同需要，也擴大了目標客户群體的范圍。可見店家深諳經營之道。

望穿秋水，馬鞍山終於開返一間有質數，坐得舒適嘅越南餐廳。打開menu, 原來除咗越南菜式，仲有泰國等款式，好多選擇。因為太貪心，乜都想食，揀咗小食拼盤，鳳爪、雞翼、雞肉串、炸蝦餅、春卷👍🏻樣樣都好味。粉金邊粉有大大隻厚肉嘅蝦，🍤蝦肉竟然好新鮮最鍾意椰汁西米糕，西米軟綿綿，椰汁味好香，賣相仲好精緻添😋最開心係見到門口有飲品專賣區，外帶．堂食都可以，以後經過，就算唔肚餓都可以買杯飲品👍🏻今晚好滿意，可惜兩個人食唔到太多款式，下次一定要再嚟試下招牌推介的龍蝦喇沙，睇見隔離枱食緊，我都流哂口水🤤

馬鞍山餐廳選擇唔算太多，嚟咗MOS Town呢邊人流較少嘅位置，發現開咗間越南餐廳，Menu食物款式選擇多，揀咗樣樣都有嘅小食拼盤，有雞翼．春卷．鳳爪．蝦餅，熱辣辣好味👍🏻因為呢個菜式其中$10會捐到慈善機構的，另外又揀咗炒金邊粉，砂糖．辣椒．青檸等調味伴碟，可自己再調味😋甜甜辣辣好醒胃，其實兩人份量已經食到飽飽，但都要叫椰汁西米糕，作為呢個晚餐嘅完結，椰汁味好濃郁，西米軟滑，吃得出是新鮮製作的，有咁多間分店，確實有質數保証👍🏻

近來馬鞍山多左唔少新餐廳，估唔到連lemongrass都有，午市就食得多，今次試下佢既晚市。餐廳環境乾淨企理，坐得舒服。今次我地想食下新野，唔叫平時lunch食果啲，改叫幾個side dishes 加白飯～首先叫左炭燒豬頸肉，豬頸肉幾爽脆，炭燒左之後更加爽～味道好濃，食落好惹味，點醬更加正，份量仲好足，超大份。香茅雞翼真係好香，一上菜已經流曬口水，仲有個酸酸甜甜既醬汁，唔太肯定咩黎，但好好味，係咁點黎食～雞翼外脆內軟，入面既肉好嫩滑，我地都食唔停。我地仲叫左碟菜。其實兩個人食咁多野加兩碗白飯已經超飽，我地仲叫埋芒果糯米飯。芒果好甜，啲米limlim地幾好味～唔好睇佢細細舊，其實都會好頂肚～ 再強調返芒果真係好甜！食得好飽又滋味既一餐

一向以美食沙漠見稱嘅馬鞍山...已經開始逐漸變成綠洲🥳🥳最近又多咗一間以東南亞美食為主打嘅餐廳，位置就係以前漁米舖位，新裝修嘅Mee...lemongrass馬鞍山分店，新到一篇食評都未有😆今晚20:00門口都仲好多人排隊等位，好彩座位好都唔洗等好耐🤭餐廳入口另一邊位置有間飲品店同佢相連...新開張仲有BUY ONE GET ONE FREE優惠，黑糖仙草鮮奶都係$25，買一送一真係抵到爆炸！🤪🤪🤪 兩個人叫咗...馬拉盞炒通菜：份量十足，馬拉盞勁香又唔太咸！檳城炒貴刁：勁多料，大蝦青口魷魚豆腐紅椒青椒芽菜...$76真係合理有餘🤭Mee...脆香雞翼沙律：雞翼有5隻，炸得好脆好香，熱辣辣唔係炸定㗎！配埋有少少辣嘅泰式沙律🥗正👍🏽馬來蜜汁炭燒厚切豬扒撈檬 ：個人推介！豬扒用心制作，大塊又厚，外面燒得又靚又可口！內裡一啲都唔韌！配料仲好多添！加埋泰式酸汁，勁開胃...一個人對晒🤪🤪

寫這食評的時候，正在澳洲自駕遊。為了這次自駕遊，在香港時用了大半年來練車，解凍我冰封了的「雪櫃車牌」。因此有大半年的週未都和家人遊車河。遊車河有個好地方就是火炭山上的獅子亭，上去完風景就落下駿景園食野。點解? 因為里間泰國餐廳，而且商場可泊車。最近冇去火炭，唔知佢地火炭店啦。但好彩，佢地開到來我住的馬鞍山，正！今晚同屋企人一起去呢度食晚飯。間餐廳新裝修，簡約現代泰國風。原來仲開埋間台式珍珠奶茶。今晚食完先知，下次定要試下！龍蝦 喇沙係招牌菜！龍蝦原隻上，的豪氣！海南雞一直係大國正愛之選，連我要妈老人家都話做得好有雞味。細國要左香茅豬扒撈檬，香茅好香，略俾得太少。撈檬只要加上酸汁就好醒胃!炒雜菜火候够，D菜炒到亮笠笠。 泰式拼盤係我地喜愛菜式，樣樣都有人中食，我就正愛泰式鳳爪。春卷及蝦餅就我妈妈喜愛的！炒粉絲係今晚總冠軍！因為全部人都中意，仲話下次必食！軟売蟹米紙牌係第一次食, 感悟錯, 略嫌沙律菜大左D， 令到沙律菜味太強,搶左軟売蟹味。餐廳會是小禮物俾小朋友.係一間好有心的家庭餐廳。