METRO 豚骨 BASE

營業中

休息中

美心集團的餐飲一向以親民的價格和快餐水準著稱，讓顧客和學生們都能輕鬆享受美味的佳餚。這家店的拉麵湯底略偏鹹，但卻能品嚐到豐富的配料。面條的份量對我來說正合適，豚肉鮮嫩，入口即化。我個人認為，煮干豚肉拉麵的湯底尤其美味，值得一試。此外，我們還點了一份餃子🥟，味道相當不錯，這些小巧的餃子一口就能吃掉，令人回味無窮。餐單上還有多種小吃和飯類可供選擇，這在拉麵店中實屬少見。而食物的價錢都是我這些平民可以負擔得起的。

好耐冇食過一風堂拉麵啦，今日又係星期五happy Friday，就同咗同事去食。我好多年前食過一封糖，當時覺得份量好少，食唔飽。不過今次嚟感覺完全唔同。份量都唔少，有隻溫泉蛋同一片叉燒。我嗌嘅係醬油味拉麵，味道真係唔錯，都有少少感覺好似喺日本食嘅拉麵咁。如果下次有人想食拉麵，我都會推介佢哋呢間。

叫咗碗拉麵然後再加咗個魷魚鬚同六隻餃子第一下黎魷魚鬚已經覺得好少 得三條之後嚟咗份餃子先覺得 啲小食真係小到好誇張一開頭以為點解佢淨係比三隻俾我點知睇真啲 原來係六隻冇誇張到真係同人嘅拇指差唔多大細基本上咬第一啖已經食晒 完全唔需要咀嚼啲小食份量同Size完全唔過關拉麵又收得咁貴絕對有其他CP值高嘅拉麵店可以選擇

今晚突然有日本拉麵癮 比佢d poster吸引左就入左去食一入座佢話夜晚8半後9折其實計返條數同餐單個價錢一樣因為佢只係收少左你加一服務費叫左個煮干辛味噌拉麵因為想食辣佢湯底係啡黃 飲落其實係濃d味噌湯有好多洋蔥 乾蒜片辣味主要係黎自碗中間果羹辣醬所以要撈勻先食到辣味不過就撈勻晒都只係小辣叫做係提升左少少味道層次但無乜好明顯既辣味佢無得揀辣度/個人化湯底既任何野我覺得如果有食更好不過個湯係比我想像中正因為我見好多食評話呢間麻麻地搞到我無乜期望但同某d食評講既一樣 個湯唔夠熱係真既麵質都係比我想像中好我中意佢偏粗偏硬好有咬口 好正我個人中意呢種拉麵舖既太麵肉就一般 無乜香味 少韌環境我覺得就坐得唔太舒服因為比較暗 好似長期半打烊既狀態咁食物就真係比我想像中好唔係超好食 但都唔係難食5分有3.5果種程度另外佢d水就唔落冰同檸檬食拉麵黎講 有檸檬冰水飲我覺得會正d

德福廣場真係一個美食天堂，有好多餐廳可以選擇，下午茶唔想食得太heavy,搵左間拉麵店食，一入去可能下午茶時段，唔太多人，好多身邊朋友都話，香港餐廳都好無禮貌，北上餐廳有禮貌，不過我覺得佢地改善緊，我地一入餐廳，侍應好有心叫我地座中間，旁邊2個位置可以放袋，好有心，真係值得一讚, qr code落單，好快就選擇食物，叫左2碗麵，1個醬油，另1個係豬骨拉麵，豬骨比較油，相比醬油比較清，2碗大約70蚊，價錢正常，不過我覺得如果男士來食會覺得唔太飽，須要另加配菜，麵比較少。整體不過不失，服務很好，餐飲業要努力。

我平時少食拉麵，因為覺得佢熱量高，但係今日姨甥仔想食，就陪佢食啦。聽講依家係日本過江龍，咁當然要試吓啦。我揀咗最Basic嘅醬油豚肉拉麵。拉麵份量唔多，我一個人食剛剛好。個湯底好入味，又有紫菜同原隻流心蛋，呢度已經可以比高分。最重要係塊豚肉真係好嫩滑，睇真啲原來係用慢煮方法製作，總之依塊豚肉真係攞滿分。拉麵係曲麵，完全可以吊起個湯底，好掂👍🏻食過今次之後，我真係對拉麵有少少改觀，所以我都應該會再來食第二次😁😁

｜拉麵湯底好濃，蟹黃牛油好滑好香，溶喺湯入面食真係幾好味😋成個湯底飲哂·｜重點係員工嘅態度非常良好，恰如其分嘅親切感令人唔會覺得好有負擔，反而好似多咗個朋友咁🥹 一位女員工聽到我問優惠相關問題，耐心講解完星期一至五先有該優惠，唔想我失望仲提醒我20:30入座有9折，好欣賞佢唔會計較，願意做多步嘅工作態度。另外其他員工其實都一樣好親切，幫我收錢嘅男員工都好有禮貌，我比完錢走嗰陣仲同我揮手講拜拜，好溫柔🥹🥹 感覺到佢哋似係一個好有愛嘅團隊，至少對客人係咁！🥹🫶🏻 ·｜仲有啲細節位架，入座前會細心幫客人拉櫈，可能係見我生面口，又會溫馨推薦我兩款拉麵，免我受選擇困難之苦，睇menu睇半日😂 我起身之後又主動話會幫我推返張櫈，讓客人可以自在啲。·｜對我嚟講食物好味固然好重要，但其實味道都算係基本要求，我好相信「見微知著」呢句說話，員工良好嘅服務態度先係令客人決定會唔會回頭嘅好重要因素🧡·｜多謝你哋嘅用心，我之後去會試埋其他拉麵❤️·｜表揚你哋！❤️❤️

最小的碗，无筷子，吃完还觉得饿。恐怕只有小朋友能吃饱吧。全程没有任何服务，小小的桌子，自己拿杯到水，还是冷水，为何要收服务费？太过分了吧。只能电子支付，店家把省钱用到了极致

行過Metro 豚骨Base，見到櫃檯擺滿咗那啲閃閃發亮嘅按鈕，好似小朋友嘅玩具噤，就唔由自主咁湊過去。有香氣撲鼻，肚子嗌到我都未發現自己已經入座，準備開鑊啦🍜！點了煮干豚骨拉麵，湯頭真係香濃得嚟，微鹹冇嚇肚，足夠帶出肉湯嘅厚味。燒賣件事就係啲叉燒，真係咸香淋漓，每啖都有驚喜，肉汁齊齊墮入湯中，我嘅舌尖都快舞動起來😋！麵條硬朗帶勁，微微嘅粉感都瞞唔過我，但佢嗰陣韌性正啱口味，爽滑彈牙。最賞心樂事嘅就係嗰粒半流心蛋，唔算太流，但啖啖蛋香，令我個心情都好滑嘅。隔離巴打嗌嘆冇芽菜，所以個碗面少少單調，希望下次有得添啦。雖然唔係食到剁手價，但料足味美，心頭好開陽光普照🌞！下次再出街肚餓，我一定會再黎轉轉！

服務方面感受唔到咩frdA叫左和牛拉麵個set 吃完話份量太少 要加底先飽frdb叫左鰻魚飯 成個飯得手掌咁大 鰻魚更加少得可憐我叫左醬油拉麵 肉only 1加左個3件餃子 一個真係好mini總結 性價比極低 lastly提醒一下 果道唔 accept cash payment😓

呢間野我之前食過好幾次，雖然份量少味道都只係一般，但貪佢人唔多，幾乎每個禮拜都會啦啦聲食完趕去上堂。今日再去，我等左好耐，等到我平日食完既時間都未到，最後我主動追問之下係漏左單乜都俾唔到我，我成晚就係餓住個肚咁上堂。我唔知佢會唔會認住自己得失左既客，我會再去多一次，睇下佢識唔識得去補償佢既過錯留返個客，我亦會寫返正評去讚佢，如果唔係佢幾努力去sell都係等執笠。評分果度，服務我俾左兩星，本來樓面位女士見佢幾勤力應該係高分既，不過我今次真係太失望。

大食妹雖然叫大食妹，但唔算特別好大食平時一人份量的定食正常都會夠飽，但今日食Metro 呢碗拉都真系好唔夠喉，兩三啖好快食完醬油豚骨拉麵$65叫左個平價拉麵$65講真又真系唔貴Ge，但大食妹我覺得我可以食多碗落肚醬油湯底幾濃郁，飲左兩啖湯底，個豚骨味幾natural 唔算死咸拉麵底北較硬身，大食妹不嬲偏好硬身麵底，所以覺得幾好食豚肉都幾腍身，但系得一塊咁多多，真系唔夠喉流心蛋系半熟的但唔夠入味，滷耐少少會好點

呢間拉麵款式選擇唔多，我同朋友都叫咗豬骨湯拉麵，額外再加小食，就咁睇資料，間拉麵舖頭好似係同某燒肉店Crossover嘅，所以佢就主打燒豚肉拉麵。拉麵整體都合格，佢有張紙仔可以比你自己選擇麵嘅硬度，我揀咗正常，麵質彈牙，軟硬適中，湯底濃郁，豬骨味濃，而燒豚肉香口，肥瘦適中，不過我就略嫌個湯好杰身，好鹹，搞到冇得一路食麵一路飲湯。唯一想讚個糖心蛋，中間個糖心好靚，味道適中。叫拉麵嘅時候可以加錢叫一人分小食，而我同朋友小食就叫左章魚燒同炸魷魚鬚，正常發揮。整體覺得碗拉麵偏向重口味，我覺得試吓就好了，下次唔會想再食。

收工諗唔到去邊度食夜晚😢就諗住試吓依間啦德福一向都冇乜好嘢食🤦🏻‍♀️見佢價錢都叫做OK $68一碗石鍋飯 雖然冇飲品點知碗飯嚟到 size我以為自己嗌咗個迷你丼 真係呆咗 下一秒就係拎部電話出嚟準備喺OpenRice寫劣評以下會有圖俾大家參考吓個蛋就一般糖心蛋啦 叉燒味道尚算可以但係個飯真係太普通 如果冇加佢哋比嗰啲汁嘅話真係勁乾最谷氣係收加一☠️明明QR code自己手機落單 侍應又西口西面咁 咁細碗飯埋單$75仲要連嘢飲都冇杯 比客人自己斟嗰啲水有好大浸水喉水味 仲要啲侍應出入嘅時候 係咁踢到我張凳個走廊勁細 啲位又迫🤓如果大食人士（或者對食物+服務質素期望更高）唔建議去依間 又貴又細碗….

好耐無去九龍灣搵食，上網見介紹Metro 豚骨Base 好似好正咁，於是就坐車去試吓。去到先知係一風堂crossover，諗住都未必太衰，同埋我老公想食，所以都無打退堂鼓。喺門口見到有食券機，諗住噤食券，點知部機超級lag，完全用唔到，店員咁啱招呼我哋入去坐，所以入咗去QR Code 落單。我老公叫咗碗厚牛舌拉麵，加咗牛舌、蔥、紫菜。我就叫咗碗三色叉燒飯，另外加咗黑松露餃子、炸蠔share。$85一碗拉麵，超細碗，因為係老公食，當時我又無諗住寫食評，所以無影相，我試咗一啖拉麵同湯。醬油湯底，偏淡，又話豚骨Base⋯⋯麵算彈牙，叫做唔差。牛舌同其他配料我無食，唔評價。黑松露餃子隻餃子細過我隻手指公，食落去完全無黑松露味，於是拆開餃子一睇，普通椰菜肉餃⋯？？？？？我成頭黑人問號。跟住睇下佢個餃子汁，有啲黑色點點，唔係好多，跟住用筷子點咗啲汁放入口⋯有好輕嘅松露味，再睇返個電話，原來係黑松露汁餃子⋯比原味貴$8，買個咁嘅汁⋯多謝晒⋯炸蠔個皮有少少厚，相對裏面粒蠔肉都算細。$22，值唔值得自己諗。等到我老公食哂，我個飯都未上，我追咗，佢話等多5分鐘。跟住等多陣，另一個店員黎收我對筷子，我話我仲