Mille Mele Tokyo (已結業)

我就由20年3月到而家未去過日本,當時係預左最後一次到日本可惜真係會思鄉發作,我以為自己唔會係香港見到熟悉既日本品牌以前會覺得去日本食先食而家要面對現實,想食就要襯現在,珍貴當下係東京好出名既蘋果批係香港都有分店了批內咬到粒粒富士蘋果肉係佢既其中一個特色另外就係現烤,每日都係新鮮焗製,賣完再焗令到每一件都盡量保持到最佳水準味道招牌蘋果批係用上 蘋果世界一 特點係特別大隻同口感爽脆多肉汁最岩拿來焗批之用單件零售價$36 4件優惠價 $138另外仲有三角朱古力香蕉批 ,吉列蘋果批所有食材與製法跟足日本配方,味道接近完全一樣酥皮食落有層次口感酥脆 味道不會太過甜mille mele tokyoShop G65, G/F, Mira Mall, 118 Nathan Road, Tsim Sha Tsui平均消費$36評分8/10

尖沙咀美麗華既蘋果批！行完dondondondonki!!!就比佢地既香味引左入去！！！😋😋岩岩新鮮出爐既蘋果批真係美氣4射🤩Mille Mele!!!由日本引入既世一蘋果批呀！$38 一個！買4 個重會有盒😍！一次過買左4 個！佢彎月既形狀！酥皮既外表😋脆卜卜好鬆脆呀！咬到卡卡聲勁香牛油味🤩🤩入面係吉士醬同埋日本既蘋果爽口既口感！🥳就算拎到番屋企雪左再airfly 番都唔會失色！真係我最喜愛既蘋果批沒有之一！見佢有菠蘿批！下次經過又要食下先！

🔸世界一蘋果批蘋果批上手仲係滾熱辣🔥餡料用上日本無添加直送忌廉🍼同慢煮富士蘋果🍎啖啖果肉，蘋果爽口清甜🥰略嫌酥皮太薄，咬落滿足感唔太大🥺所以試一次都好夠！

每次經過這家店，都被烘焙的香味吸引。店子獨沽一味，就是售賣蘋果批。今日試吓世界一蘋果批。Apple pie$36這蘋果批烘得又脆又酥香，一咬下去，就是軟腍的富士蘋果、夾著滑滑的芝士豆乳忌廉和吉士醬，味道香甜，雖然芝士味唔突出，但口感滑滑，又有蘋果香，加上富牛油香的酥皮，唔會好甜，味道唔錯。

🌸-評分(5分為最高):好味指數:❤️❤️❤️❤️🖤抵食指數:❤️❤️❤️❤️🖤回購指數:❤️❤️❤️❤️❤️_<世界第一蘋果批🥧 $36 >今日2020年夏季オリンピック開幕介紹一款過江龍東京美食🇯🇵即叫即焗既蘋果批🤤第一次食 已經吾小心咁入左坑🥲經過兩次烤焗再加入富士蘋果粒+吉士忌廉酥皮有層次 好香🤤吾驚話太甜🙊🙊🙊

「世界一の焼きたてパイ」來自東京橫濱，見到個朵打算試一試，進店舖看到價錢和實物偏細，的確令人卻步。店舖內座位不多，由客人進食後自行處理垃圾，大部分人都沒有收拾枱面食物碎，所以不要期望座位好乾淨。*世界一蘋果批 $36蘋果批外層焗得金黃，微微的熱，酥皮口感少少酥脆，略嫌批身較薄。內餡以吉士忌廉、豆乳忌廉及日本直送厚切蜜餞富士蘋果粒製成，吉士醬好幼滑，甜而不膩，蘋果的份量不多，帶有微微蘋果酸，整體口感同味道都沒有十分驚艷。

行完尖沙咀Donki，喺出口附近發現有間來自日本嘅蘋果批店，仲寫住係世界第一嘅蘋果批，而且仲係新鮮即製，鍾意食蘋果批嘅我梗係唔使諗買返屋企試吓啦，店舖職員會將個批焗好，當有人購買嘅時候再加入吉士醬，咁就可以保持個酥皮鬆脆，唔會因為吉士醬係入邊而變淋左$36唔算特別平，亦唔算好大舊，但我覺得真係好食，我會願意再買，我最怕個批好似牛角包咁凍咗會軟晒出晒油，但係佢攞到返屋企都依然係有批既質地，入面食到一粒粒嘅蘋果，吉士醬亦好滑，配合一齊食十分夾

朋友說美麗華Donki旁邊有一家蘋果批店，見到門外的「世界一の焼きたてパイ」宣傳廣告牌，有著世界第一蘋果批之意！原來此店是大約3年前在東京橫濱中華街起家，現時在東京的店舖數量不多，只有3間。店舖不多而敢以世界第一作宣傳，就即管試試吧！店舖裝潢整潔企理，店內座位不多，甫進店內就聞到微微的焗餡餅香味。除了售賣蘋果批外，還有香蕉批，鳳梨批之類的各種餡餅！既然要試，當然要試主打的蘋果批！！價錢牌也標明「世界一蘋果批」呢～～～「世界一蘋果批」，$36/一件或$138/四件，蘋果批的size不大，所以售價算貴！決定和朋友share好了！(註：不要誤會，店員是不會幫忙切開的) 蘋果批的外層焗得金黃，酥皮夠鬆化，面層再加上些許呍呢嗱醬，令味道沒那麼單調。內餡是以吉士忌廉﹑豆乳忌廉及富士蘋果所組成，蘋果的份量不多，吉士醬加豆乳的忌廉的味道算是輕盈，整體味道亦相對溫和，沒有其他蘋果批那份酸酸甜甜的滋味！味道實在柔和得難以令人勾想起它的味道！這款蘋果批不難吃，但沒有令我留下深刻的印象！可能個人口味偏甜，真的覺得「世界第一蘋果批」的宣傳是有點過譽，$36一件的性價比低。

mille mele係意大利文 意思係1000個蘋果🍎🍎🍎🍎🍎🍎🍎🍎🍎🍎🍎🍎🍎🍎次次喺尖沙咀經過呢間堪稱世界第一嘅蘋果批店 一係就好飽 一係就覺得太貴 每次都係被隔離donki吸走🤣🤣 今日再行過見佢減價減$3 決定入去試試雖然舖面細但入到去啲setting幾靚真係好似喺日本啲靚pastry店咁😌💟世界第一蘋果批 [$33]賣相真心好靚 熱辣辣出爐 一影完真係要即刻食🤣 酥皮非常鬆脆 一咬落就食到香噴噴嘅肉桂香 佢自家製嘅custard cream酸味好出 令整個批唔會甜耶耶 酸酸甜甜好特別入面有超大粒蘋果肉！唔係稔batbat仲有啲爽口 大概係慢煮嘅效果des!佢仲有啲豆乳cream 令整個餡嘅口感更滑 更香~你問我有冇食到 ‘哇！呢個味真係世界第一！好驚艷！’嘅感覺 佢終究都係一個大家都大概知咩味嘅蘋果批na~ 但以蘋果批嚟講 我覺得佢會係one of the 最高分 用左最好嘅材料 宜家減價大家可以去試下 鍾意食蘋果批嘅就一定要try lak!😎

小妹好鍾意食蘋果批，行經美麗華商場見到呢間蘋果批店舖就忍唔住買一件試吓🤣今日都好多人幫襯，$36一件世界一蘋果批，$138可以買4件，除咗蘋果批仲有其他選擇🤭蘋果批買到返屋企，用190度焗3分鐘再用210度焗3分鐘，出嚟感覺酥皮都好鬆脆，蘋果批內饀有一粒粒蘋果再加上吉士，不是太甜，這是小妹嘅口味。🥰美中不足嘅地方，就係我明明買咗三件變咗兩件🙈🙈🙈

金鑽鳳梨批 $36 (3.5/5)最近去食左佢新出既金鑽鳳梨批，咁啱要等10分鐘，所以係新鮮出爐🤗超級熱辣辣！個酥皮又香又脆😍😍 咬開入面係滿滿嘅鳳梨粒，配埋吉士醬，酸酸甜甜咁，唔錯！不過我都係覺得蘋果批好食啲，哈哈😆

食過呢間蘋果批兩次，第一次食覺得非常難忘，過咗一陣，忍唔住去買第二次，只係過咗幾個月，唔知點解蘋果批嘅質素比第一次差好遠，第一次食時，真係令我對蘋果批改觀，第二次食覺得平平無奇，無可否認佢哋嘅酥皮做得鬆脆可口，但算不上係世界第一嘅蘋果批嘅稱號，性價比低，可以試一次就夠🍎

咁啱行開尖沙咀 Donki ， 見到隔離有間賣「世界第一蘋果批」嘅舖頭， 順便入去睇下， 職員很有禮貌， 地方乾淨， 最後外賣咗一個蘋果批返屋企食。 蘋果批係好食嘅， 加埋啲吉士醬， 甜度啱啱好，不過36蚊一個， 真係貴咗少少, 因為完全冇 嘅感覺， 所以試一次便夠了。

$36 蘋果批 (6.5/10)呢間鋪既產物被譽為「世界第一蘋果批」🍎之前一直想試 同朋友行經就買個買到之後覺得勁好彩🤣系個round既尾幾個之後下批等20分鐘左右或者可能期望值太高食落冇乜驚喜😲👇🏻以下為個人意見 各人口味不同🙌🏻我覺得個蘋果批 蘋果味吾出吉士醬感覺似鼻涕味道都好似乳酪 口感軟冧冧蘋果粒食落好似蘋果蓉但無乜蘋果味個酥皮好鬆脆 好有咬口覺得平民蘋果批仲好食😹不過呢啲野見人見志可能採用既蘋果吾同我地平時食開既味道評分只是因我口味而評想試既話儘管去試下！😎

尋日經過美麗華shopping行街 見到有好多舖頭都唔同咗 仲有牛角buffet真係嚇死我 可能真係好耐冇去街 好多地方嘅舖頭唔同咗都唔知 以後出街真係要留意吓有乜新餐廳可以試經過Mira Hotel 見到有一間門面紅卜卜好乾淨企理嘅舖頭仔 原來係買蘋果批 仲講到好勁咁世界第一蘋果批 入到去啲店員好有禮貌 咁我就買咗一個試吓 見到佢哋係即刻整 唔係比個櫃入邊嘅我 等我仲以為咁好賣得返幾個😂蘋果批到我手嘅時候仲係暖 咬落去不得了 入邊啲吉士好香唔會太甜夾埋蘋果真係啱啱好 嗰陣皮係鬆脆嘅真係好正 之後我仲帶埋佢哋個一口千層酥留返第二日食 呢個千層酥就係勁好食擺到第二日都仲係好脆好香 下次一定要再買過一口千層酥