Mille Mele Tokyo (已結業)

來自日本嘅過江龍餅店，最出名係蘋果批，去開尖沙咀食飯就會忍唔住買幾個返屋企😋今次買左紫薯批（$38），外皮好酥脆，好香牛油🧈味，裡面係好足料嘅甜甜地嘅紫薯餡🟣，翻熱咗就最好食♨️，甜度適中👍🏻～呢個批價錢嚟講係比較貴，可以間唔中買嚟食吓無妨！😊

估唔到一間專門店都可以整到一個咁難食嘅蘋果批～💸$36 🍎世界一蘋果批 蘋果批外層酥皮無層次，牛油香一般🧈(´･_･`)內層配有吉士醬，咬落去雖然會有流心效果，但因為吉士醬非常流質，令成個蘋果批口感都軟淋淋唔脆口。🥵蘋果粒算大但分量少，吉士醬亦偏甜，蓋過咗蘋果嘅味道，一啲都唔夾～整體而言真係唔好食，比快餐店嘅蘋果批更低質，咬咗兩啖忍唔住扔咗… (･_･;-滋味度：⭐（最高5星）抵食度：⭐（最高5星）

一直都聽聞有間超好食既蘋果批店開左係美麗華附近😋😋今日終於可以初嘗啦🍎🍎本身自己唔太好食蘋果批類既甜點，但今次為左寫食評同太多朋友大讚，最後都決定一試！一啖咬落去真係超香口，由其係個酥皮！令你會覺得想再食多啖既感覺！ 食到戲肉，當然係入面既蘋果批啦🔆🔆果然係世界一，係香甜既口感，仲要唔算係食完好漏個種口感，由其係我呢啲唔太好蘋果批既人，真係值得一試👍總括，我下次再經過都會買多次食😋😋😋

🍎世一蘋果批🍎今日經過尖沙咀美麗華酒店隔離，見到呢間店舖係專食蘋果批🍎見到就心心眼😍入咗去✨仲要比”世一”呢個字吸引到‼️究竟點樣世界第一呢😋等我入去試吓先✨✨*店舖環境衛生*入到去店舖，冇咩人排隊👍🏻👍🏻見到入邊有一個大廚房，幾個大焗爐🤭應該就係烤焗緊啲批🫓，香噴噴♨️聞到都覺得肚餓🙈店舖入邊仲有一啲企位，買完可以即刻喺隔離享用😋*食物貌相味道*我見佢寫住世一蘋果批，咁我梗係買一個original 最推介嘅款式🍎🫓蘋果批1️⃣世一蘋果批🍎🫓$36一拎上手，熱辣辣，香噴噴♨️，超級吸引😆之後咬一啖，好鬆化‼️因為佢嘅外表係由多層重疊嘅原創批皮製造，所以特別鬆化，有啲似牛角酥嘅口感😁之後入邊有多種餡料，包括主打 慢煮富士蘋果🍎一粒粒蘋果肉，超有口感，香甜嘅蘋果味道‼️再配合日本吉士忌廉及豆乳忌廉🥛簡直食到停唔到口👅另外佢仲有其他款式朱古力香蕉批🍫仲有期間限定嘅菠蘿批🍍，下次一定要試埋佢🙌🏻*服務質素*可能下午時段，唔係有好多人排隊，所以入到去店員都簡單介紹每種批嘅特色，超級專業😜

每次經過美麗華～都會比呢一間日本人氣蘋果批吸引到🇯🇵嗰次見到佢熱辣辣 就買咗個嚟食❤️‍🔥外層嘅酥皮好鬆脆 好有層次感 入面嘅吉士好軟滑～再配埋粒粒爽甜嘅蘋果🍎真係唔錯 但都係正常發揮

日式原味焗芝士蛋糕($44)賣相：🐧🐧🐧🐧味道：🐧🐧🐧蛋糕以紙皮盤盛放，再放入紙袋包裝，表面並未以任何包裝保護，需要小心輕放。蛋糕表面呈漸變微燻色，側面切割整齊，整體簡潔美觀，頗為吸引。味道方面，蛋糕芝士味一般，未算特別濃郁，奶油味不會過膩，甜度偏淡，入口質感偏實身，有份量感，整體不過不失。世界一蘋果批（$36)賣相：🐧🐧🐧味道：🐧🐧🐧🐧蘋果批以紙套入住，再放入紙袋包裝。蘋果批一掌大小，外表色澤金黃香脆，十分吸引。味道方面，蘋果批外皮薄脆香口，內餡份量十足，由滿滿的吉士醬和蘋果粒組成，每一啖都能大滿足。吉士醬不會過甜過膩，奶油味適中，配合清爽甜美的蘋果粒，非常合拍。外賣等候時間：🐧🐧🐧🐧🐧在假日下午4點幾，無需排隊輪候。即點即包裝，無需等候時間。🐧❤️結語：世一蘋果批值得一試🐧❤️

之前開將好多宣傳，派晒長龍既世一蘋果批，因為要排隊同好少經過，所以一直未試。今日經過，發現人影都沒個，就買黎試下睇下係咪真係世一咁誇張。首先試佢既蘋果批，酥皮比突單薄，唔係好多層，而且牛油味唔夠香，有啲失望。畢竟酥皮係好重要，個人覺得佢既酥皮稱唔上好。餡黎講，吉士醬偏甜，好彩既係佢啲蘋果夠酸，所以夾埋唔會太膩。整體黎講，個人覺得一般，唔洗排隊買黎試下還好。另外買多左個紫薯批，酥皮一樣，餡料比較多紫薯，但係紫薯味好淡同唔甜，唔知係咪唔當季既關係。整體比蘋果批再差啲。

係香港 第二次食世一又日本直送既apple pie😉apple pie(室溫)外層少脆入面有蘋果➕吉士甜度剛好，有吉士既cream如果加熱應該會更好食可能最近無堂食🥲banana pie外層依然少少脆入面只食到香蕉融不錯結 :都可以值一試但係咪去到 好世一非食未可呢🤔又未至於#applepie #bananapie #milemelehongKong

【尖沙咀】Mille Mele Tokyo行完美麗華Donki之際，比呢間紅卜卜嘅日式餅店吸引住。一踏入鋪已經聞到好香牛油酥皮嘅味道，不斷誘惑你買佢地嘅批😆 「世界一蘋果批」$36/1 ；$138/4聽到世界第一喎，梗係要試一試佢。蘋果批每日即製，外層薄薄嘅酥皮，口感酥脆而且好香牛油味。食嘅時候微暖，裏面包住吉士忌廉同一粒粒嘅富士蘋果。煮過嘅富士蘋果酸酸甜甜，配合香滑嘅吉士忌廉，甜而不膩帶點清新，食完一個嘅時候不禁想再食多個！✨📍尖沙咀彌敦道118號Mira Mall地下G65號舖

曾幾何時 , 紅透半邊天 , 排隊要排成個鐘才買得到 , 被譽為 "世界第一蘋果批" 的 Mille Mele Tokyo, 家陣門庭冷清 .... 就等我入去幫襯一下 ~我們買了 蘋果批 & 金鑽鳳梨批 , 來吃 ~蘋果批 : 外皮酥化脆口 , 內裏的蘋果餡料一咬就洶湧而出 , 蘋果吉士餡味道清香甜蜜 , 真係誇啦啦 , 的確好味 , 但對我而言 , 就未去到所謂 "世界第一" 的境界 , 因為我確實吃過 , 比這家更好吃的蘋果批 ~金鑽鳳梨批 : 外皮一樣酥化脆口 , 一啖咬下 , 鳳梨餡料滿滿 , 味道甜甜蜜蜜 , 滿有台灣的味道 , 超讚 ~本篇完 ~

👨🏻‍🍳餐廳推薦📝Mille Mele Tokyo📍銅鑼灣霎東街33號地下4B號舖📍尖沙咀彌敦道118號Mira Mall地下G65號舖Really World’s No 1 Apple pie🍎🥧外面D焦糖😭勁鬆脆既酥😭吉士mix apple😭仲要新鮮整熱辣辣😭成個口感、味道👅真系好食到懷疑人生🤖不太甜不會膩，我都吾知自己終極可以一次過食幾多件🤣👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻🖐🏻即整，等5-10分鐘🍻店員個個都好nice🙈❤️

諗住買啲宵夜返屋企開心share，去完美麗華咁啱見到呢間開正喺出面嘅Mille Mele Tokyo，之前上網亦都有睇過推介話係日本過江龍，於是就決定買兩個小批，滿心期待地試吓喇！😆🍎 世界一蘋果批 $36/1pcs ($138/4pcs)💯 評分：🌕🌕🌕🌕🌕 (5/5)💬 要食又點少得舖頭嘅招牌呢？蘋果粒粒香甜，質感有啲似蘆薈，入口即溶好正～吉士醬都夠幼滑，忌廉味濃郁得嚟唔會太膩。批皮未烘返熱已經幾好食，焗完之後外脆內軟，層次勁豐富超級好味！🤤🍌 朱古力香蕉批 $38/1pcs ($142/4pcs)💯 評分：🌕🌕🌕🌕🌕 (5/5)💬 呢一款真係青出於藍，食過之後返唔到轉頭！朱古力味唔會得個死甜，質感好濃厚好creamy。香蕉食落軟綿綿，夾埋朱古力醬感覺更加清新！批皮同蘋果批一樣冇得頂，空溫或者暖暖笠食都好味！😋

今次黎到試食依間日本過江龍人氣蘋果批專門店（尖沙咀分店） ，係佢第二間既分店，第一間係銅鑼灣，呢一間係由意籍大廚創辦🇮🇹，他屢獲多個國際獎項🎖🏆，我地就黎探一探佢虛實等位：/5（星期日下晝4點左右去都仲有位坐，目測大家都係外賣拎走）環境：🍴🍴🍴/5（座位唔多，中間一張大枱，旁邊有張細既長枱仔，全店都坐到10人左右，黎緊聖誕節🎄加左少許裝飾🌟令店內添了一份冬日聖誕既氣氛❄️）Lam脷：😋😋😋/5（整體來講唔錯 個人感覺一口酥甜了一點 ）飽肚：🤰🏼🤰🏼🤰🏼/5 （下午茶來說 剛剛好的感覺）價錢：💸💸/5（Total $74💸）（價格貴左少許）世界一蘋果批（$36/pc) ($138/4pcs)叫得做世界一蘋果批，當然唔少得每日即製，人手製造🙆🏻‍♂️，去到既時候，佢話仲有5分鐘出爐🔥，外層有多層批皮，好香牛油味🧈，咬落酥脆，中間係一粒粒慢煮富士蘋果，加埋日本直送無添加吉士忌廉同豆乳忌廉，一口咬落去口感豐富，有總滿足感，甜度適中，蘋果批控唔可以錯過喇😋千層一口酥（$38）一口食到既大小，外脆內軟，同蘋果批既皮係一樣，外層既糖醬有D甜同埋痴牙，不過只係個人唔太鍾意甜，整體而言係唔錯既😉

今（30-10-2021 Sat）日同老公無無聊聊咁出尖沙咀蕩,我哋特登留肚出嚟,依老公嘅男友人NT介紹掃街,第一站係呢間嘅蘋果批.我哋去到睇,要咗$36.00嘅吉士蘋果批同$38.00嘅三角朱古力香蕉批各一個堂食.睇見吉士蘋果批嘅吉士流咗出嚟,我先食呢個,一食就係食到微酸嘅蘋果味,即使我只係食到吉士醬,冇乜肉桂味,酥皮鬆脆但唔太油膩,食到中間至開始食到蘋果肉.味道:4分然後食三角朱古力香蕉批,原來我以為呢個都係蘋果批,呢個顯然唔會酸,味道亦唔太甜.味道:3分抵食係2.5分其他:呢喥有飲品賣,但奇怪嘅係冇飲品menu,只有樽庄水賣.

平時一向都鍾意食蘋果批，但通常係食西式嗰啲多。聽過朋友講話呢間自稱世界第一嘅蘋果批，講到咁大梗係要去試試佢！嗰日去到叫咗一個蘋果批一個香蕉批，蘋果批出爐之後有keep住保溫，加上可能都賣得快，所以食起嚟嘅感覺有接近新鮮出爐嘅效果。外層確實係好鬆化，而入邊嘅蘋果蓉都keep到Juicy😋 不過份量就有啲細，三幾啖就食晒！而個香蕉批都唔錯，可惜冇keep到溫度，食落有啲凍無咁好食。整體黎講佢嘅蘋果批都算係我食過之中數一數二好食嘅，但係唔係咁肯定可以講係世界第一呢 就有個問號咯😝