Mini Friday (銀城廣場) (已結業)

呢個地段實在太方便，約咗啲好耐冇見朋友嘅朋友浪漫一下一見到面，有啲朋友已經話我都有食過呢一間🤣睇嚟好出名！於是我哋就睇吓有咩好嘢食介紹，我哋係dinner meun叫咗set bbq豬肋骨同埋龍蝦牛扒餐！又叫咗個Parma ham Pizza同埋海鮮燴飯。因為我係勁鍾意食龍蝦，依家仲要龍蝦可以配牛扒，一個似個食晒兩種食物，呢個配搭一流。而且龍蝦同牛扒整咗好好食，好有肉汁。之後就係Pizza，個Pizza都係值得一讚嘅，佢個皮覺得好脆，芝士味勁濃！最重點係，座位同環境都超級舒服，一班朋友gathering就最適合👍🏻

我平時好懶寫食評，今次點都要寫，等大家唔好中伏！一入到去員工係有禮貌嘅，但完全唔專業，set dinner有餐湯，我哋多口問係咩湯，員工答我地佢哋只有一款湯，然後又問我哋加唔加$1要埋個甜品，我哋見$1，當然都會加，然後都多口問係咩甜品？員工答我地「草莓」兩個字就停左，我哋對望左3秒，想等佢講埋落去草莓既咩甜品，點知佢只係問我地係唔係要，我哋心裡面即刻O左咀，我地再問草莓咩甜品，佢先答我地Pan cake, 我哋覺得算啦，唔追問啦，反正都只係加$1。再黎，就上左個雜菜湯，一飲，有燶味！即刻同員工反映，佢都禮貌地話幫我地同老細反影下，後來，佢地好快地換左另一款湯俾我地，我哋第一個反應係，你又話得一款湯既😅，唔緊要，照飲，點知，無味！🤦🏻‍♀️然後就到火焰豬手，員工拎出黎係我地面前點著火焰，俾我哋影下相，影完之後員工整熄啲火，然後拎入去幫我地切，我哋等左成十分鐘，隻豬手去左邊？要提佢哋，佢哋先拎返隻豬手俾我地🤦🏻‍♀️🤦🏻‍♀️🤦🏻‍♀️最後既意見係，真心唔明點解咁多like, 真心覺得俾啲like 呃左！失望之極！

今晚出旺角順便搵野食點知真係不可一不可再😩去到個場都算多人雖然book咗都要等，不過都係等咗一陣我地決定散叫，因為有88折一黎到嘅薯波係唔錯，但牛脷好似午餐肉咁，份量又少又細舊又勁咸跟住個意粉黎啦嘩大佬有殼喎😩d青口爛晒，d殼去晒個意粉度，食都要好小心早知應該退返畀佢地不過除咗d殼，都合格嘅*淨係上碟時，有個無肉嘅殼係碟邊，都唔知佢想點😐佢真係咁上菜，無郁過佢😐水牛城雞翼不過不失咁囉威靈頓牛睇個樣以為唔錯嘅…點知，嘩勁韌…勁乾…同行友人話好似煲湯豬肉添🙃成餐最滿意只係個薯波(薯波無技術架喎🫣)88折之後都唔平，仲要咁嘅質素🫣p.s.個洗手間好污糟😓一入廁格畀佢嚇親

這個地方燈光偏暗，感覺非常有情調☺️☺️有一種燭光晚餐的感覺😙來個調情的約會吧。🫶☘︎︎ ︎︎☘︎︎ 海鮮濃湯 $98➪大碗分量多、碗裏面也有不同的海鮮種類，質地非常濃稠。但感覺上可能有部份是加粉而成的濃稠，這一點若可以改善，則令人更加回味☺️ ︎︎☘︎︎ ︎︎☘︎︎ 水牛城雞翼 $98➪有六件多肉厚身的雞翼。水牛城醬發揮合格，應有的辣味都有。看到餐牌除了水牛城雞翼，還有其餘幾款口味有特色的雞翼，這個你們也可以試一試呢。☘︎︎ ☘︎︎ 皇牌威靈頓牛柳 $358➪這個我一直在網上已經看到很多人吃過，所以選擇這間餐廳其實重點就是吃這個牛柳。看到網上的食評八九成都是讚賞，而且賣相亦十分分好看。可惜今次我吃的牛柳煮得比較熟⋯⋯我期望的是medium Rare，上碟卻接近well done 😯酥皮略嫌不夠脆身。知道威靈頓牛柳是製作工序繁複的一碟菜式，實在是比較難掌握十分完美的。這次比較可惜，但我期望下次再來探訪可以有超水準的威靈頓牛柳！因為都曾經有朋友說過這裏的威靈頓牛柳是推介的哦。▼・ᴥ・▼

食過觀塘嘅Mini Friday好多次，今次試吓旺角😋環境幾有氣氛，座位闊落龍蝦西班牙海鮮飯($278)係二至三人份量，好足料，以份量取勝！有半隻龍蝦🦞，魚🐟，哈哈，墨魚，蜆等海鮮，配以咖喱味海鮮飯，焗得好香口，但稍微有點乾身套餐選擇左香草燒牛仔骨配蜜糖燒汁($268)好大份，肉質唔算柴，配以薯蓉，點燒汁唔錯👍套餐仲有沙律🥗同湯，加埋一坐低就有小食nacho👍幾好套餐加($1)就有是日甜品😉

餐廳嘅環境好有情調 空間感充足座位坐得好舒服 好適合同朋友、情人小約會💕Menu好多選題 令人目不暇給同朋友試咗幾款菜式 非常美味😋1.皇牌威靈頓牛排 $358絕對係招牌必點嘅菜式😋賣相好靚 而且份量好充足 4個人都夠食外層酥皮脆口 内層牛排好鮮味2.明太子忌廉帶子扁意粉 $178明太子好香 帶子又大粒又肥美配上忌廉真係好香好好食🥰3.香草牛油焗田螺酥盒 $98焗得好香口 外層酥皮香脆入面嘅田螺好好食 配埋香草🌿牛油味道好夾👍🏻4.炸薯條配黑松露醬 $78薯條fans嘅我食得好滿足薯條份量好多 好香脆配上濃郁嘅黑松露醬 我一條又一條 完全停唔到😋今次食得非常滿足 下次同朋友要試埋其他招牌菜💕📍Mini Friday (銀城廣場) (旺角)旺角西洋菜南街2號銀城廣場9樓

上星期五，一放學就同2個仔去《Mini Friday》食個lunch，之後就陪媽媽去做嘢。我隻仔有日無啦啦試過食羊架之後就愛上咗羊肉！所以嚟到《Mini Friday》就話都要番碟羊架食，而我同細仔就食牛扒!🍖炭烤澳洲羊架配紅酒汁仔仔一個小男孩👦🏻自己獨享一份羊架，羊架烤得剛好，唔靭仲好多肉汁！豹就好鍾意沾沙律醬嚟食，佢話每啖配埋薯蓉一齊食，就係好滋味！🥩炭烤澳洲肉眼扒配黑松露燒汁而我就食7成嘅肉眼扒，肉質理想，仲好juicy！細仔就話要食埋意粉🍝，我就食埋件扒都飽晒！呢度食lunch環境坐得好舒服好闊落，啱晒湊住小朋友嘅我！

今次小編選擇了午市套餐（是日餐湯，主食，飲品) 是日餐湯🥘是蕃茄忌廉湯，蕃茄味濃郁，更能喝到粒粒的蕃茄籽，絕對是真材實料！ 主食方面叫了紐西蘭頂級牛扒配黑松露燒汁配意粉🍝牛扒以$108來説性價比非常高，牛扒生熟程度剛剛好，牛味濃郁，帶有微微的肉汁，配上黑松露燒汁十分之夾！ 意粉軟硬度適中，不會太乾，女孩子來說份量啱啱好！胃口比較大的男孩子應該要加配一份小吃才足夠！ 另一個選擇的主食是香煎三文魚柳配薯條，三文魚十分新鮮，份量相比起坊間的餐廳多，皮香肉嫩，配上creamy的香草忌廉汁十分夾，不會太膩，而薯條就正正常常吧！

旺角樓上西餐廳環境好寬敞 有點復古情調 氣氛不錯每桌都有一籃免費嘅墨西哥脆片小食 可以一邊食住一邊等 仲幾好食添喎！王牌威靈頓牛柳 $358尼個係餐廳嘅招牌菜😋層次豐富嘅黃金酥皮係冇得輸 聞到好香嘅牛油蘑菇味牛柳約七成熟 中間keep 到嫩紅色同埋牛柳塗抹咗芥末醬一齊焗 味道酸酸哋幾得意伴碟嘅薯蓉好香滑 整個配搭好好食！DIY Pasta - 蒜片欖油大啡菇墨汁麵 $188包括沙律、是日餐湯、主菜及餐飲幾鍾意個沙律有乳酸爆珠 餐湯係南瓜湯尼度嘅意粉果然好出色👍🏻其實都係隨心配搭 估唔到驚喜地好好味好欣賞墨汁麵嘅質地 煮得好好大啡菇同麵都吸收唒蒜片欖油味 真係好好味🤤套餐加 $1 仲可以有甜品 Err…我唔記得咗加😛

3位book左1930，值得讚賞，我哋遲到，都可以盡快比個位俾我哋，不過唔值得再幫襯係食物，食物茶餐廳貨色，但價錢連埋加一$300😨😑😑😑😑😑，永無下次！環境又唔係好靚！唔明點解咁多like!

🍽Mini Friday (銀城廣場) (旺角)🍝香草汁雞柳扁意粉（$188）頗掛汁嘅意粉！雞柳唔會好韌，而且份量都唔少。香草汁非常夠味，唔錯架！🍕辣肉腸帕爾馬火腿薄餅（$188）辣肉腸嘅味道唔係好出，但每一塊pizza都會有一塊火腿，上面仲有大量火箭菜！烤得比較乾身，意粉好食啲😆🍓草莓牛奶沙冰（$78）賣相非常唔錯，有唔少士多啤梨果肉，味道唔會好甜，有牛奶幾香，超值得一試！📍旺角西洋菜南街2號銀城廣場9樓

一坐低店員就俾左籃nacho我地，佢係凍既，係等緊食物既期間，我地不斷係度食nachos，哈哈香草燒牛仔骨配蜜糖燒汁牛仔骨有3片，每片有3舊骨，個汁比較清，另外仲有一球薯蓉、兩條蘆荀、一堆烚紅蘿蔔粒粒。原隻法式香草烤雞好驚喜係原隻雞！雞入面釀左好多檸檬片，即使唔點佢配既醬汁都已經好開胃，好味～ 肉質方面都唔錯，成隻雞烤完都唔會乾，亦冇鞋口，呢個價錢平時d cafe 出面得半隻雞咋。另外，如果叫set個話就有餐飲、沙律同餐湯配埋，當日係紅湯～

📍 Mini Friday (銀城廣場) (旺角)旺角西洋菜南街2號銀城廣場9樓餐廳位於旺角銀城廣場9樓🍽地鐵站附近相當方便餐廳主打西餐嘅Bar and Restaurant 店舖空間感都好大下！位置寬敞坐得都好舒服～～套餐亦包括飲品及湯 Set lunch包咗餐湯，蔬菜湯🥩炭烤澳洲肉眼扒配黑松露燒汁而我就食7成嘅肉眼扒， 份量十足👍🏻伴碟仲有蘆荀及蕃茄仔！套餐仲可包意粉！香煎龍利柳配刁草忌廉汁 龍利柳好大條！最後食唔哂添啊！龍利柳揀左配薯蓉，有陣陣黑松露味！薯蓉都Creamy！ 🍋餐飲：熱奶茶及熱檸水整體黎講，餐廳環境闊落舒適

呢到嘅午市套餐價錢都幾親民 唔洗一百蚊就可以食到一個主菜 仲有埋餐湯飲品💕揀左個烤羊架🐏羊肉都騷但可接受～肉質好軟腍✨薯蓉幾出色 好creamy 而且仲有黑松露香🥔🖤🤍

難得準時收工，就叫埋朋友喺上堂前去試下非常出名嘅旺角樓上西餐店。上到銀城中心9/F 就見到Mini Friday 同日本嘢。 一坐底就有籃脆脆片食。今日要試Mini Friday, 選擇了兩個晚市套餐，叫左一個dinner set, 一個DIY Pasta。 兩款套餐都附送沙律、西湯同飲品。我哋再加$1 加埋是日甜品。 DIY Pasta $1885種汁任選：溫泉蛋芝士忌廉/鮮蕃茄汁/辣味茄汁/蒜片欖油/黑松露忌廉汁/香草汁。 意粉：可選意大利粉/天使麵/扁意粉/墨汁麵/意式燴飯。配料：可選雞柳/煙鴨胸/煙肉/大茄菇/菠菜。黑松露忌廉汁煙鴨胸配天使麵 $188黑松露忌廉汁，非常重黑松露味。每條天使麵都吸收晒黑松露忌廉汁。 鴨胸非常彈牙，好香鴨味。 再加$48 配上龍蝦🦞。 非常滿足！ 香烤美式BBQ 豬肋骨$248BBQ 豬肋骨熱辣辣出爐，切開有四大舊豬肋舊，每舊肉脂肪比例適中。 食落啖啖肉，肉質唔會太un，亦唔會太淋，豬味十足。 烤汁再配上豬肋骨，無得頂。 還有一球好入味嘅薯蓉同紅蘿蔔粒伴碟。 是日甜品焦糖蛋糕，這款蛋糕喺雪嘅蛋糕，沒有焗過。 自己對呢款蛋糕不大興趣，但算是不錯了。