MoMo Pizza.Pasta.Beer (已結業)

我好少寫食評但係呢間想寫。原因係一真係好食價錢又唔錯二係好可惜地係呢區知名度不大。首先介紹下裝修。入餐廳果刻好舒服嘅感覺，好cozy又幾靚。可惜間大廈好隔涉，好容易miss左個入口。基本上唔係有人介紹呢橦大廈嘅餐廳，都唔會留意到。然後係食物。我叫左煎三文魚意粉。我個人喜歡硬少少嘅意粉因爲咁先係真既意粉，想食軟嘅就食好味嘅中國麵唔好食意粉。調味恰到好處，三文魚亦啱啱好！唯一係飲品唔可以俾10/10...希望有多啲好評多啲推介會有多啲人去食！

同朋友喺上環食飯，揀間近公司嘅上樓餐廳，見人地食評介紹嘅海鮮pizza好正，諗住試下。點知我朋友要戒口唔食得海鮮，所以我地叫左雞翼、和牛同肉眼，肉，全部都係肉。😆雞翼外皮炸得脆，但肉唔算嫩滑，點嘅醬汁都幾惹味。最正係和牛粒，$98一碟都有十幾粒，粒粒juicy，好正！😋😋😋主角肉眼上枱勁搶眼，因為連埋條牛骨，可以食到少少牛骨髓，肥肥地幾香口。牛肉五成熟，少少肥，好嫩滑，牛味濃，點燒汁食好和味。🤤🤤🤤臨走同餐廳隻狗影咗幾張相，佢都幾乖擺晒尾咁，個樣好得意。

見到世瑛又開左間新餐廳未食過, 於是入去試下。入到去個場, 裝潢唔錯, 有D霓虹燈牌, 電視仲播住CNN咁, 好有美式感覺。而事實上佢都係西式食物為主。我揀左個帶子忌廉汁意粉加杯熱好立克而同事就叫左廣島蠔忌廉炒意粉兩樣食物都係失望的。首先, 我個款帶子意粉, 粒帶子好似小兒麻痺症咁, 勁細粒無乜肉。至於個意粉, 先唔講個份量細, 最嚴重係個意粉完全無汁, 好乾好硬, 好似未熟咁。雖然見住佢新鮮住出黎, 但實在不敢恭維。好立克就係普通好立克, 都飲得出有溝水, 不過算啦。至於個廣島蠔炒意粉, 有四、五粒蠔, 算可以。但意粉有同樣問題, 個質感比較硬身, 而且少醬汁(因為呢個布少少汁係上面, 所以比我個款好少少無咁乾)。呢間餐廳我只會去一次, 俾唔到下次機會。而且價錢又唔係平過人, 要成$80一碟架!

一直都知道上環要開左間狗狗友善餐廳☺️一直都好中意狗狗既我同朋友仲可以帶埋狗仔入去食野架！✨👉🏿✨肉醬茄子 Hkd 108 💸📌原條茄子非常霸氣！上面仲加左啲肉醬同芝士，食落係非常惹味👍🏿而茄子本身都整到淋晒，食落口感非常讚👌🏽👉🏿✨肉眼配牛骨髓 Hkd 248 💸📌真心！食過肉眼咁多次都係第一次有餐廳會配埋牛骨髓👀好新奇。其實佢食落去既口感就好似脂肪咁，香係幾香，不過就真係有啲食唔慣😅肉眼黎緊煮到剛剛好，一啲都唔鞋，肉質鮮嫩，簡單點醬/鹽已經好好味✨👉🏿✨原隻龍蝦pizza Hkd 338 💸📌一上到台係非常霸氣🤣成隻龍蝦係上面。每一塊pizza都食到有龍蝦肉，真係堅龍蝦黎架😆所以價錢貴啲都接受到呢！

這間餐廳的室內設計很特別, 周圍都佈滿可愛狗狗的裝飾和擺設, 就連餐具、餐墊、牙簽筒等等也是以狗狗為主題。我和朋友點了汁燒茄子、鰻魚玉子pizza和焗銀鱈魚來分享, 沒想到每份食物的分量也比我想像中大份。整體食物質素高, 食物的presentation也很好, 看得出廚師精心和用心地烹調每一道菜式。 老闆招呼周到, 很客氣。汁燒茄子上面佈滿豬肉碎, 豬肉碎很惹味, 亦帶點燒汁的味道, 不會乾身。茄子煮得剛剛好, 夠淋身, 而且, 茄子充分吸收到醬汁的味道。鰻魚玉子芝士pizza很好吃! Pizza是薄批pizza, 即叫即焗的pizza的餅底很香脆。Pizza上面有玉子、鰻魚、 紫菜碎, 上面再倒上沙律醬和日式醬汁。個人非常欣賞pizza上的玉子, 玉子非常嫩滑, 充滿蛋香, 配上一些日式醬汁一起吃, 很好味! 鰻魚亦很嫩滑。我很喜歡這個配搭的pizza, 味道和口感也很豐富, 很惹味, 吃下去不會太膩。 由於pizza的分量都算大, 所以我認為三至四人分享也可以。焗銀鱈魚上面有一塊炸了的白飯魚薄片, 咬落是脆脆的質感。銀鱈魚底下是一堆蔬菜。銀鱈魚的肉質較札實, 有少少香料的味道, 底

同一班朋友去食飯，無論裝修，枱上狗仔擺設，食物出品，都覺得好用心機，每款食物出品都好吸引，我地叫左牛排，豬係我食過咁多，誠意推介，厚切又肉質嫩滑，好得意又特別炸白飯魚，焗釀茄子，雞翼

I rarely comment on restaurants but i can't praise enough about the food n service here, will definitely come again soon. You'd be pleasantly surprised especially if u r a dog lover.

這是間集合了好心思，好心意及好心靈的好食店。同時擔任主廚的店主， 是個心地善良的大男孩， 餐廳以其心愛狗狗momo為主題, 小小的空間, 蘊藏了許多精緻的狗狗裝飾品及餐具，令人看到店主十分用心經營。除了環境雅致，食物也盡顯大廚一雙巧手及其創造性的靈魂。菜色烹調出色，配搭適宜，味道精湛，令食客滿意愜心!店主亦歡迎毛孩父母，帶同愛犬到餐廳，一起盡享天倫樂，真是皆大歡喜! 店主儘管忙碌於炮製美食努給客人，但有禮親切，服務員工亦笑容可掬，總可以讓人輕鬆快樂地享受美饌!總的而說，此餐廳如沙漠中的綠洲，難得而可貴。非常值得支持!

好朋友生日慶祝約食飯 ,上咗openrice望下有什麼好嘢食,見到有一間NEW's新開張在上環永樂街,有pizza,小食 ， 意粉等，這店舖的食物賣相很吸引,有好多未試過的配搭菜式, 為左搜集一下資料,我們還上了momo facebook專頁 看看，睇完覺得幾適合我們為朋友慶祝生日 . 當再見到openrice 上面有優惠價, 是自選一人套餐. 再看見餐飲券詳情 & 餐牌內的食物好岩吃， 我們就決定試新野, 一行五人,買了五張優惠卷並book好時間去餐廳。 (P.S. : 喺我哋買卷之前就打咗電話去book位,並問餐飲券詳情， 告知他們, 我哋將會買一人套餐優惠券5份,會上嚟店舖食晩飯，當時在電話中, 待應好有耐性地解答我毎一個的問題. ) 去到門口 我哋已經覺得好特別， 入到去雖然店舖不大,但係估計可容納大約二十幾人， 周圍嘅擺設有好多 狗狗，氣氛好好, 我同朋友都是很愛狗的， 真係好Amazing嘅Feel。 入到去坐低,已經有待應招呼,放下毎 一人一杯熱茶， 侍應好有禮貌. 我們買了一個小型蛋糕， 問可唔可以幫忙擺落雪櫃，他們 好爽好笑容地回答: Sure!! 態度非常樂意。t

其實真係好鍾意食蟹，各式各樣嘅蟹！甘岩知情呢度有得訂蟹，仲幫客人整唔同嘅菜式，二話不說gogogo!其實鋪頭地方細細，同一時間做唔到好多檯客，不過裝修真係落足心意，法虎做主題，d杯杯碟碟真係好靚！見到心情都好d,胃口再好d!今日隻蟹超大隻，廚房用左佢整左蟹肉湯、蟹肉沙律、焗蟹肉、仲有意粉同pizza！樣樣都好出色!隻蟹夠新鮮，煮出黎嘅野都鮮甜好味！可能人手問題，出菜唔算特別快，但每一個員工都好親切，服務又好周到！一行十人，搵到個甘好嘅地方聚下，食好野，真係超級開心！

有朋友推薦上環呢間小店, 於是上呢間餐廳既FACEBOOK (MOMO) 睇睇有咩食啦, 原來由老闆係80後年青人, 米芝蓮及酒店廚師出身, 睇D相食物質素同擺盤都幾靚!!!餐廳主打西餐, 裝潢走工業風, 大約可以坐20位客人而且好多狗狗既相同擺設, 睇黎老闆好鐘意狗狗!於是決定同幾個朋友星期六晚上去左食飯! 一去到員工好有禮貌帶入座, 主動成日加水, 咁我就唔洗成日叫人加水!我地4人叫左特別推介-海鮮意粉SEAFOOD PASTA (餐牌冇架, 記得問店員), 我地4個都話勁好味啊, 下次去一定要再試!仲叫左個帶子海膽意粉, 帶子好大粒啊! 可以見到食物質素高, 出品用心!!老闆親自行出黎推薦波士頓龍蝦PIZZA, 個PIZZA餅係老闆自己整架, 新鮮加薄脆, 大推!!!!食物出品好用心, 擺盤靚靚, 食得又影得, 黎緊有朋友生日可以係呢到包場WOOOO!!! 食得多集團式餐廳, 原來小店出品都唔差, 要多D支持下自創企業先得^^

限定驚喜~晩餐~朋友好難得夾到時間聚一聚，初時我們也尚未唸到食什麼好。“叮“一聲，唸起上一次食Lunch的上環新餐廳，朋友們也贊成，因有幾個朋友也是愛狗之人，記憶餐廳係有好多狗擺設的。 幸好上一次老闆 提醒要訂位 ， 今次我們 就book了枱，看看又有否時令新鮮的限定菜式。 到了那天，我們遂個放工自行上餐廳， 好彩好近上環地鐵站 ， 地點又好方便 ，電車到，巴士到 。 上了世瑛大廈1樓 ，老闆及員工依然好有禮貌地招呼我們， 每人進來也有杯熱茶。 有一點， 值得讚， 我們幾個坐咗一陣 要等齊人先點餐，老闆員工都不會因為我們有幾個未嚟齊的朋友未到，而遭到被白眼，因為試過喺出面餐廳食嘢，未嚟齊又唔畀入，又限時 ，有時真係好無奈。 朋友終於嚟齊， 個個也掛住影相 ， 因為店舖的裝修太特別，太有趣， 個個朋友都忘型，好開心 。到我們開始點餐，看餐牌見到有好多小食， 員工行來也有介紹餐牌上的 食物款式，我們叫左三文魚沙律，炸白飯魚，薯條，意粉，pizza, 羊，牛，雞等。 我們點完餐後， 知道老闆係主廚， 等食嘅期間， 見到型仔主廚， 樣子非常認真而且帶點cool地專心處理我們的晚餐。 用心做，客

限定驚喜~午餐 (一)~行完PMQ元創方, 出返上環閙市中心周圍搵好嘢食， 對於星期六，日嚟講，上環係比較多遊客同悠閒的遊人，至於辦公室上班一族通常都休息。 ~我們梗係諗住放假嘆吓，食吓好嘢， 不負眾人所望，搵到一間地點方便，好旺近MTR的世瑛大厦， 我們係比這間餐廳喺樓下的poster吸引住我們的。~餐廳侍應見我們推門入餐廳， 已好有禮貌地招呼我們座下。侍應即刻給我們熱茶，見到好靚的狗狗茶杯，原來侍應話係日本訂製的，見到枱面餐紙也是特別訂製。動物真係非常可愛, I like so much.~其實一入去就感覺舒服，地方也好闊落，店內座位不太多，但勝在夠寬敞，見到用木造嘅枱同倚，座下仲好舒服。~細看裝修好有西式簡單工業風格。 牆上見到有狗狗畫，海報，也有不少法斗狗狗的擺設，估計老闆一定係愛狗之人。~~~~~侍應即刻給我們午餐餐牌，我們一行8人，佢好有耐性話我地知今日午餐食什麼。其實我地食嘢就係要呢種好服務之麻，所以好緊要。我們一人點一個晤同嘅午餐。餐名已經晤係好記得，但有意粉，飯，牛，魚，溫泉蛋，鷄，另外看圖片見到個蝦PIZZA好特別，再叫多個薯條。我們叫完餐，傾吓計，在店內周圍角落影

因為老闆係個愛狗之人，所以店有唔少狗狗裝飾、用具同公仔
🐶☕1. 巨型蟹王披薩（＄258)
🍕一上枱就見到好巨型嘅蟹放係Pizza上面，而且真係有蟹肉，而Pizza食落去都有蟹肉同蟹味，勁！
彤樂評分：9/10 2. 炸薯條（$78)
🍟炸薯條厚實又粗大，仲有齊茄汁、沙律醬、黑松露醬三款醬汁，個人最愛黑松露醬，不過價錢方面真心唔太值🙈🙈🙈 彤樂評分：7.5/10 3. 炸銀雪魚（$78)
相比起薯條，炸銀雪魚更吸引，仲要用蒸籠display，重點係炸銀雪魚真係外脆內軟，加左調味粉，好惹味！彤樂評分：9/10
4. 日本帶子海膽意大利粉（$178)
混合左海膽，意粉更creamy，再食一啖厚肉帶子，好食😋
彤樂評分：8.5/10
5. 烤乳豬（$228)
烤乳豬有少少硬身同乾身😔，不過特別係加左肉鬆，相反豬脾好嫩滑，肥美多汁
😍彤樂評分：8/10

在網上看了介紹，於是羨名來吃店內的位置不算太大，不過真的有很多以老虎狗為主題的擺設令我們在等待食物時可以不斷拍照但因為位置及座位不算多，所以建議真的要事先訂位才上去餐廳呢～甚至連餐具都是狗狗的樣子，真的是狂在拍照😂當我們在Menu選食物時，店員向我們推薦了Menu內沒有的隱藏菜式— Crab Pizza身為大廚的店主亦友善地為我們介紹Crab Pizza的做法，最後我們也點了嘗試好好味賣相固然很吸精，而且蟹炸得很鬆脆Pizza充滿了蟹肉、蟹膏、芝士等等的餡料，食落超滿足另一道食物就是日本海膽帶子意粉味道亦好正有兩粒大帶子，海膽亦好足料雖然看上去份量好像很少，但其實碟的中間位置是凹了入去，所以份量都有番咁上下