MOS Cafe

營業中

休息中

咁啱經過嗌個包食🍔☺️出乎意料嘅好食啊 $24咋包鬆軟夠熱🍔魚柳厚身夠脆🍔夾埋芝士同沙律醬 好好食🥰🥰又夠清靜 坐得舒服☺️下次會嚟試埋其他產品🍟🥗🍛

尋日去左波鞋街睇波鞋兼食lunch,去左位於森林商場既MOS CAFE,呢度簡約裝修，有點走文青路線。環境非常舒服，可以從大玻璃窗望下街景，一邊食野。揀左個極級脆魚漢堡(配咖哩醬)，摩斯脆雞同粟米湯$61魚堡包左好多蔬菜好清新，魚柳雖然燶左少少，但係幾架，外脆內軟，魚肉同咖哩醬又幾夾，很意想不到。至於摩斯脆雞炸得非常香口，個紙袋個設計又幾細心，可以拆開上半部，唔洗整污糟對手。粟米湯味道可以啦…一般出面飲到既味道囉。另外呢個商場仲有一個空中花園可以坐下，傾下計

心血來潮想食漢堡，於是就去Mos Cafe。Mos Cafe同Mos Burger唔同之處就係多咗飯、意粉餐，仲有甜品。不過由於一心想食漢堡包，所以就冇試飯/意粉。為咗好好獎勵下自己就叫咗個和牛漢堡，跟餐配雞件，同轉飲抹茶鮮奶，總共$72。同朋友share雞件同薯條。豐富嘅一餐，平時係環境好d嘅餐廳食個漢堡都分分鐘近$100。Mos Cafe雖然都算快餐，都唔係話太多人，位都坐得舒服，仲好好彩有窗邊位，所以以呢個環境、價錢黎講真係幾適合窮L。食物質素中上。和牛漢堡好厚身，足料，淡淡肉好滿足。食落好juicy，再加上厚切鮮蕃茄，更加juicy。食得出個飽有烘過。成個飽用上BBQ醬，醬分量剛剛好，唔會多到整到個包淋曬。如果要講失望之處係明明海報見到有芝士，但食落唔覺有。不過難得地冇芝士個包都好好味。抹茶鮮奶正常發揮，好同意友人所講嘅「抹茶鮮奶好難整得差，整得差嘅話間餐廳都... 」（Law, 2020）。

呢一天放假，又路過Mos Café，其實係公司附近都有，路過極同女友都唔肯試，望落去好似無咩啱食之餘，價錢亦唔係特別平！ 不過今天得我一個，見幾好坐又未係多人，就入去試吓佢！揀左和牛漢堡飯，另加一杯熱檸茶。 好彩買完坐低想影張相俾女友睇，點知原來佢打錯哂，打咗沙律雞個，吹脹🙄明明講得好清楚，如果聽唔清就問啦唔該🤨 好彩即發現改得到有得食喇！噢⋯⋯麻麻地🧐👎🏼塊牛硬’掘掘’，個汁正常，檸檬茶都一般。 我係唔會再係Mos Burger 到食飯類🤨🤨

大家都知道MOS BURGER和MOS CAFE的餐很不同吧～平常很少到MOS CAFE吃飯，這天和友人點了很多之前在MOS BURGER沒吃過的餐來試試！芝士和牛漢堡扒飯($54)，另外再加配了玫瑰花茶($13)，這個餐合共($67)。蛋、芝士和漢堡扒真的是絕配，半熟的蛋黃令整件漢堡扒的味道更加柔和。唯一缺點是醬汁味道略鹹和杰稠，珍珠米若沒有醬汁也會略為顯得乾。MOS Café精選套餐($62)一個餐包括田園沙律、迷你煙三文魚漢堡和迷你香草蕃茄蘑菇意粉。整個餐最可惜的是沙律醬，是刺鼻的wasabi味，可能下次不要醬會更好⋯⋯香草蕃茄蘑菇意粉以一個套餐來說，份量不算很迷你。蘑菇很多很足料，配以濃濃蕃茄醬很惹味。友人大讚迷你煙三文魚漢堡樣子可愛，味道也不錯～感覺上這精選套餐性價比不錯呢！

我好鐘意食mos burger，亦會經常食這間餐廳，以前朗豪有mos burger時，我都會常常去，但自從朗豪果間執左之後，有次行開波鞋街，發現有呢間mos cafe，久不久就會有限定野食，老公揀了和牛漢堡（必食款式🤔），而我就堅持食我最愛得黑醋雞肉漢堡，配上厚薯條，加埋杯可樂，絕配❤️❤️

輕食午餐之首選，mos burger 是好日式的快餐，成個店舖設計都走和風簡約式，是非常令人愉悅的環境，在繁忙的旺角中，真是一個令人放鬆的綠州。摩斯芝士漢堡餐配大薯條和飲料共51元，輕食午餐算抵食，漢堡扒厚厚的，配肉蕃茄汁，還有大片新鮮番茄，真是夠囇fresh ，叫是有肉又有菜的午餐吖。

我一向都係Mosburger嘅fans（gold vip😎），路過Mos Cafe見到期間限定嘅「特級脆魚漢堡🐟🍔」，當然要一試。.最鐘意Mosburger無論咩包都有蔬菜🥗，營養均衡，仲要好fresh好juicy👍🏻👍🏻👍🏻。講返主角魚柳，我會話呢度嘅魚柳次次都咁正。雖然今次明顯燶咗啲😥，但外面香脆，裏面亦都見到魚肉嘅texture，魚味充足。魚肉同咖喱醬十分夾呀👍🏻👍🏻👍🏻！

放工約左老婆撐枱腳,但係又唔知食乜好.可能時間尚早,個商場無乜人,咁岩見到呢間mos cafe就入去坐下.呢間分店個裝修唔錯,個style俾到我屋企既感覺望下個menu,原來有飯食🤔 咁就即刻叫左個牛油果照燒雞肉飯($58) 再加杯 冰凍抹茶鮮奶($28). 等左十分鐘左右就有野食喇 ! 個飯賣相唔錯, 食落口果個珍珠米🍚加牛油果🥑再加wasabi沙律醬既feel實在係太夾喇. 因為太好味既關係,我地用10分鐘就KO左個飯,之後再用杯抹茶鮮奶為呢餐劃上完美句號!

好鍾意食MOS係因為覺得MOS既小食好多款式選擇而旺角既MOS Café 唔單止有burger食更有各種飯/沙律食不過因為一直中情於漢堡包 所以都係決定叫吉列蝦漢堡而因為想試多款小食所以2個人除左個餐跟既薯條同雞塊外更另外叫左南瓜薯餅及雞脾首先吉列蝦漢堡，個蝦唔係剩係得粉 而係真係炸蝦而薯條比較粗 一食落去就知係真係薯仔雞塊同雞翼係我覺得MOS Café最推廌既野特別係雞翼炸得好簿出面好多公司 都係個皮好厚但係呢到既雞翼皮好簿最後薯餅亦都係簿皮多料感覺到係真材枓日本餐廳真係唔同啲~下次一定再試下佢既飯同沙律!

Mos Cafe 的芝士咖哩飯，日式咖哩唔會覺得辣，唔食辣的人都可以試。加上芝士夠香濃，汁多撈飯好正。伴碟有沙律菜。記得以前堂食用瓷碟上，現在改用紙盒膠餐具，環保方面退步了要扣分。

好耐冇食Mos Burger，搜尋下邊度有分店，發現響The Forest開左間Mos Cafe，即刻約朋友仔去試。入到去舖頭面積唔算大，感覺清新乾淨&舒服同埋過左最多人既食飯時間，一入去就有位坐。"吉列豬排飯配法式燴醬" 比想像中既好味，吉列豬排香脆，仲有沙律菜伴碟，健康又抵食！"牛油果照燒雞肉飯" 配搭特別，加埋牛油果醬汁，食落唔會覺得油膩，好快就食晒成個飯飯類加錢就有野飲，而且選擇都多。整體感覺好好，朋友仔都話會再來食，不過如果白飯再熱啲就更好

沙律入面的牛油果同埋蕃茄明顯係放左入冰箱太耐，雪壞晒，放入沙律前都唔輕輕放返入下格，入口應有嘅水份變晒做食冰嘅口感。其他生菜等等都係雪到十分凍。而三文魚則十分靭，完全唔知點解可以咁犀利！炸魚柳咖哩漢堡的包和炸魚尚好，但入面嘅蕃茄都係涼嘅。大佬呀，個包係熱嘅，但你比啲蕃茄凍住夾，查實做包嗰位有冇常識？另外點了杯熱奶茶。上枱時，水完全不夠熱去沖一杯紅茶，浸了三分鐘依然沒有應有嘅深紅色。整體而言：十分失望！

喺旺角forest 見到呢間新開嘅餐廳 同以往嘅mos burger 開喺美食廣場嘅唔同我就食咗黑醋雞肉漢堡 另外點左 摩士炸雞 同埋抹茶牛奶（凍）整體嚟講 食物味道同出面嘅分店差唔多 但係環境就好靚 價錢就冇特別貴所以係幾推介嚟食㗎

I roamed around this forest like building in the heart of mongkok to look for something to eat and relax my tired feet and i found this cafe which serves unique kind of burger. Its seems like a japanese fastfood. And decided to try out one of their menu.I ordered chicken burger. I actually choose this resto because of their inexpensive food. When the food was served to me, it was placed in a basket container which is pretty fancy with a price like that its really wonderful. Taste is so good! #me