mr.kanso (已結業)

琴日同老公睇完戲，就去左呢間銅鑼灣既Mr.kanso 醫肚，貪佢有西餐食之餘，可以飲返杯，可以同老公浪漫下🥰❤️老公就叫左個激辛咖喱牛肉飯，黎到份量都幾多，我都試左啖，咖哩味幾濃，辣辣地，好開胃，鍾意食辣既可以一試，而我就叫左個白酒西班牙蜆肉意粉，蜆肉好大粒，唔會縮水，白酒夠香濃，每一啖都食到白酒既香味，配埋蜆肉食，成個意粉好鮮甜，配埋啤酒都好正！😚👍我地唔夠喉仲叫左個蘑菇漢堡扒薯蓉，呢個薯蓉真係勁滑！勁軟身！入口即溶，好重忌廉味，配埋漢堡扒既汁，好夾，漢堡扒都好結實，唔會散，咬落啖啖肉，好滿足🥰😋

琴日好姊妹生日，黎左呢間Mr.kanso既西餐廳食，貪佢呢度多小食之餘，仲有好多酒精選擇，好啱同好姊妹黎飲返杯☺️🍹呢度環境氣氛都幾好，裝修夠簡潔之餘，牆身都有酒樽做裝飾，坐落都好舒服，我地都叫左幾款野食，又幾好食！重點推薦黎度既一口蟹膏多士，$78蚊有4舊，多士見得多，有蟹膏既多士我就第一次見🤣原本以為蟹膏咸咸地，配多士會好怪，好唔夾，點知食落好好味！蟹膏夠新鮮，食落好有鮮味！香濃軟滑，配埋炸到脆卜卜既多士，一啖食得去，真係無論口感同味道都好豐富😆👍另外，值得一提既係呢個黑豚軟骨醬油炒飯伴太陽燶邊蛋 ，$98一碟，好大碟，叫埋小食既話，可以2個人share都得，個醬油汁甜甜地，配埋炒飯好好食，再加上黑豚軟骨，肉質嫩滑，唔會煮到老，飯都吸取黑豚肉既肉汁同油脂，令炒飯更香，配埋燶邊蛋好正👍😚再配埋個三粒米Sake，一邊食，一邊同好姊妹飲返杯，簡直係享受😍

琴日同男朋友去開銅鑼灣拍拖，又想食西餐，就搵下附近有咩西餐好食，比我搵到呢間叫Mr.kanso既餐廳酒吧，我地唔算太餓，叫左款酒同幾款小食黎食，又幾好食喎！首先，我地叫左個三粒米Sake，黎到既時間係一大壺，連埋杯，酒身係透明既，飲落幾順口，唔好太嗆，配埋個杯好有氣氛，而且份量夠多，性價比高！👍😋野食方面，我地叫左幾款，分別係蟹子伴玉子燒、脆炸鯖魚、蘑菇漢堡扒薯蓉，先講玉子燒，同其他玉子燒唔同既係，呢度既玉子燒外皮係燒香左，有焦脆既香味，外面微脆，內裡既蛋漿軟滑👍而鯖魚都炸得好香脆，粉漿唔會太厚😋最後薯蓉都好軟滑，入口好香忌廉味配埋漢堡扒既肉汁好好味😋

平時我已經我鍾意食西餐，今次行過見到呢間Mr.kanso幾特別，係一間罐頭餐廳酒吧，用唔同罐頭造成唔同菜式，唔同既食物可同唔同酒精配搭，好多選擇！❤️山崎Whiskey(double shot ) $308雖然係double shot，但呢款Whiskey好好入口，唔會嗆喉，有微甘，女仔都可以飲到，搭埋香濃既食物好夾👍❤️蟹膏蟹子燴飯 $118主食方面，就叫左呢個燴飯，呢個燴飯好creamy😋好香奶油味，配埋蟹膏，好鮮，中和左忌廉既溜，配埋蟹子既口感，好夾，好香海鮮味☺️❤️蟹子伴玉子燒 $58蟹子同蛋係絕配，加上玉子燒既外層燒香左，外脆內軟，加埋蟹子，成個口感好豐富🤗❤️脆炸蓮藕片 $68最後唔夠喉叫埋呢個蓮藕片，每一塊都好薄身，所以食落更香脆，炸粉夠薄，好過口癮👍😚

好想同大家介紹mr.kanso，以享受罐頭同酒為主題，創新大膽嘅風格好值得一試🥳❤️黑豚軟骨醬油炒飯伴太陽燶邊蛋 $98一入口黑豚軟骨已經有好香醬油味，肉質鬆軟，就連炒飯都有醬油味再連埋太陽蛋一齊食，好出色☺️❤️洋風橄欖油雞蒜片意粉 $108一入口已經有超香嘅蒜味！大愛🥰再加上意粉煮得啱啱好同都夠入味，配埋嫩嫩嘅雞肉食，好味！❤️脆炸蓮藕片 $68蓮藕片就算用左炸方式都唔會油，不過又做到好鬆脆嘅口感，配酒飲就最岩。❤️帆立貝脆餅 $88鮮甜大大粒嘅帆立貝配上脆餅，正！另外，我地叫左杯手工啤酒🍻，啤酒顏色特別金黃，麥香濃郁，而且好順好易入口。仲有杯Mr Kanso，呢杯係店員推介嘅餐廳招牌雞尾酒🍹，用左純米大吟釀配以荔枝甜酒、紅莓汁等等調製而成，飲落去酸甜清新口味，好岩夏天飲呀。

平時同男朋友一齊食嘢都係去cafe，佢冇啦啦話發現左間幾特別嘅餐廳，去到先知原來係罐頭餐廳！好期待😚今次我地就叫左四款食物，分別係醃蘿蔔、烤雞肉黑胡椒味意粉、蟹子伴玉子燒同多蜜醬牛舌煮串燒。醃蘿蔔 海帶味呢個小食好開胃，酸酸甜甜咁，最啱食嘢之前食呀😆烤雞肉黑胡椒味意粉大大碟，而且雞肉嫩得嚟份量又多，仲有好香嘅黑胡椒味，惹味十足！呢個蟹子伴玉子燒好好食😋，玉子先會燒一燒，再加入蟹籽。玉子燒味道好香甜，而且入口好滑溜，加上蟹籽同中華沙律，超級美味💓多蜜醬牛舌煮串燒都好吸引呀，本身自己都好鍾意食串燒，牛舌入口超彈牙！

銅鑼灣有間罐頭酒吧餐廳，主打用罐頭製成各式料理美食，客人仲搭配特調雞尾酒、日本清酒、威士忌及手工啤酒！⭐️三粒米Sake $168三粒米Sake 係品質上盛嘅日本清酒，入口醇味香濃。⭐️帆立貝脆餅 $88帆立貝脆餅香口小食用嚟送日本清酒一齊食，正！⭐️洋風橄欖油雞蒜片意粉 $108超香嘅蒜味一上枱已經聞到啦，再加上幼滑細嫩嘅雞肉，好滿意呀。⭐️黑豚軟骨醬油炒飯伴太陽燶邊蛋 $98本來都好鐘意食黑豚軟骨，估唔到呢個即使只係炒飯但黑豚軟骨都煮到咁入味，一入口個種甜醬油味係呢個餸嘅精髓呀。⭐️烤雞配番薯條 $108同朋友分享啱哂，呢個價錢都有咁大隻雞👍🏻加上隻雞肉質夠哂滑，番薯條香脆軟糯，內外層都控制得好好😍

放假約朋友一齊去食好西就去左呢間罐頭餐廳酒吧，佢會用唔同罐頭造成唔同菜式，負責人想扭轉香港人覺得罐頭一定係頹食嘅睇法。山崎Whiskey 味道層出不窮，果然高級。啤酒喝落清爽，唔會太苦澀，而且氣泡感重，口感特別好。重點推介以下呢兩個必食呀！蟹膏蟹子燴飯啱哂鐘意大閘蟹嘅我，蟹膏蟹子份量爆多！燴飯做到同蟹膏蟹子融為一體，唔會話飯還飯，蟹膏蟹子還蟹膏蟹子，就咁食飯已經好好味。激辛咖喱牛肉烏冬呢個食辣人士必要挑戰！個激辛咖喱真係唔可以講笑，超辛辣惹味！而且咖喱香料味道冇比辣味遮蓋，加埋牛肉烏冬，真係好正🤤原來罐頭經過用心烹調都可以變得好好味嫁☺️

同男朋友慶祝生日book左呢間罐頭餐廳，一齊試下啲新鮮嘢😆，本身怕唔好食，但見好多好評就好有信心咁帶佢嚟😛我好怕飲啤酒 ，所以就叫左Eclipse，係一杯有荔枝味嘅甜酒，偏甜嘅味道，原來仲加左蘋果汁,檸檬汁，玫瑰糖水，唔怪得咁香。男朋友叫左杯啤酒，佢話有濃濃的小麥味，但又唔會苦澀，人人都接受到同鐘意嘅味道，見佢咁講我就試左兩啖都ok wo 。跟住叫左一個燴飯一個意粉一齊share😆蟹膏蟹子燴飯 $118哇！蟹膏味超濃厚！再加上蟹子，口感超豐富🫶🏻蕃茄吞拿魚意粉 $88呢個相對比較清新啲，蕃茄味好濃再加上滿滿吞拿魚，啖啖都好滿足☺️

罐頭就一定係劣食？今次呢間罐頭餐廳完全顛覆咗我嘅諗法，因為佢哋嘅食物全部都係用罐頭製作而成，但比想像中高質好多🥰洋風橄欖油雞蒜片意粉 $108意粉加入左橄欖油，口感更加順滑，但又唔會過分地油，雞肉嫩滑，幾重蒜片味道。黑豚軟骨醬油炒飯伴太陽燶邊蛋 $98太陽燶邊蛋令到炒飯賣相更吸引，炒飯飯粒分明，唔會太油，黑豚軟骨超入味👍🏻👍🏻🫔蟹子伴玉子燒 $58玉子燒本身採用日本雞蛋同柴魚昆布高湯一層層煎製，再製成罐頭。跟著廚師會再將玉子燒輕輕炙燒，再加入蟹籽，味道十分香甜🥰🦀一口蟹膏多士 $78多士細細舊，一碟有四件，入口蟹膏味超香濃！山崎Whiskey(double shot )$308Whiskey 口感輕盈，富含花香，餘味悠長。

前排玩玩下IG見到原來有間罐頭餐廳，跟住share咗比個friend佢又好有興趣，就約埋左上星期一齊去食。手工啤酒泡沫綿密細緻，麥香味道又濃郁，正😶‍🌫️一口蟹膏多士細細塊一啖一口，一咬落去，就有滿滿嘅蟹膏湧出嚟，多士都炸到好香脆。多蜜醬牛舌煮串燒味道好入味，牛舌口感鮮甜彈牙。白酒西班牙蜆肉意粉食落有超香濃嘅白酒味道，而且白酒同顯肉嘅味道超夾！海鮮控必食呀！但我嘅最愛始終都係呢個蟹膏蟹子燴飯，呢個飯煮到好Creamy，再加上蟹子同蟹膏嘅配搭，簡直係完美無窮啊🥰

之前見到有個foodies介紹罐頭餐廳，好似幾得意咁，我就約左男朋友上星期陪我嚟試下伏唔伏先🤤我地先叫左杯啤酒，入口有濃濃的麥香，泡沫都非常細緻🍻又幾唔錯。跟住白汁吞拿魚意粉，意粉醬汁做到超creamy，然後白汁同吞拿魚係最佳嘅配搭，估唔到罐頭又整得幾好味喎，仲好似好食過唔係用罐頭個啲嘅餐廳。然後烤雞配番薯條超正呀，烤雞超級juicy，雞肉又滑嫩，番薯條香甜軟糯😛然後蘑菇漢堡扒薯蓉都唔差，薯蓉超級細滑，再配埋啖啖肉嘅漢堡扒，正呀😍

上星期男朋友帶我去左呢間mr.kanso餐廳到食嘢，原來佢係一間罐頭餐廳酒吧，廚師會用唔同罐頭煮成唔同菜式，好特別😛首先，男朋友就叫返杯手工啤酒🍻啤一啤佢先。然後，呢個烤雞肉黑胡椒味意粉都幾好味，意粉份量足，黑胡椒味岩岩好，而且烤雞肉都好香，雞肉多到岩岩好每啖意粉都食到雞肉😚另外，白酒西班牙蜆肉意粉都一樣好食，呢個白酒味就會更突出，而蜆肉雖然係罐頭，但估唔到都幾鮮甜。最後，醃蘿蔔嘅小食，酸酸尾尾帶海帶味，幾特別。

同朋友係銅鑼灣發現有間罐頭餐廳酒吧幾過癮，所以就一齊去試下咁新奇有趣嘅美食😍蟹膏蟹子燴飯估唔到係咁好食，本身以為罐頭野都mama地，點知有驚喜喎，蟹膏鹹香味十足，蟹子口感爽脆，再加上燴飯十分creamy，真係超級正呀🤤我地成碟清哂。燴飯既軟硬度都好岩岩好！Eclipse係偏甜的酒精飲品，女仔飲都幾岩，入面用左荔枝味甜酒 , 蘋果汁,檸檬汁，玫瑰糖水等等調製。脆炸蓮藕片都幾唔錯，蓮藕片炸到脆卜卜，做配酒小食就一流。

Happy Friday就同男朋友去食飯，黎到耀華街呢度有間係以罐頭為主題的餐廳酒吧，佢地推介係用唔同罐頭造成唔同菜式，而且唔同小食可同唔同酒精配搭💯呢碟串燒黎到嘅時候都好吸引，佢除左有牛舌仲有其他配菜，例如有蕃茄，翠肉瓜等等。佢哋咁樣隔住食都非常唔錯，可以有清新的感覺！呢個一口蟹膏多士都好正，黎到嘅時候有4件細細件嘅正方型，仲有蟹膏係上面。蟹膏嘅份量都幾多，而且都好夠味，令到成個西多士多左口感！我哋最尾都叫左個蟹膏蟹子燴飯，佢非常之creamy，煮到好似意大利飯的口感，同埋可以食到淡淡蟹肉同埋香濃蟹膏😍😍我哋叫左杯以Gin和荔枝味甜酒再加蘋果汁和檸檬汁，玫瑰糖水，依款係店員推介比我地，知我地想揀偏甜的酒精飲品！