Mr.O

營業中

休息中

叫咗個西冷柚子牛扒沙律 168蚊 超級扺食， 肉質鮮嫩， 另外燒春雞燒得好香，擺盤又靚， 地方大，座位唔迫， 舒服過坐喺starbucks好多， 仲有啲咖啡latte超級好飲.員工態度又好, 有禮貌. 在長沙灣廣場3樓 比較少人知道 真係好值得推薦.另外 最貴嗰個set都係168蚊 已經配到有餐湯同埋飲品 重點係餐廳 唔收加一 服務費。雖然要自助斟水 但係都冇乜所謂。今個月已經係第二次去食， 星期五六日 晚上 比較多人， 星期一至四一定有位下個月老豆生日都要帶佢嚟。喺荔枝角地鐵站a出口，一上上兩層電梯就到，其實都好方便

同一班同事訂左枱想happy Friday,點知比人趕走星期四whatsapp左餐廳訂左大枱，當時餐廳都應承左同埋無講限時11:30準時去到舖頭無咩人，食物偏細份，味道唔差，其實一食完店員就係咁收碟，到左12:20左右有位店員行埋嚟叫我地快啲走，話佢地booking 好full 果下我忍唔住駁：其實我地都有book枱如果你地接唔到咁多客或者有限時可以訂枱果時同我地講返，我地可以揀食其他餐廳係荔枝角，午餐時間人均$1xx期待可以有90分鐘食飯時間應該都係合理要求總括嚟講，唔會再考慮嚟呢間餐廳

同小朋友喺同層嘅wonder valley playhouse玩完，直接行過黎食晚餐。成間餐廳嘅設計都好靚，有植物同鳥籠，好有情調!滿滿1份兒童餐用車車餐盤裝，小朋友超開心，食物好豐富，有漢堡包、馬卡龍、薯條、炸雞、餃子......都只係收$68,仲要無加一，超級抵😂而個pizza都好好食，熱辣辣、脆卜卜，芝士味好香。意粉都好食，份量都好ok!豬排骨加薯條都ok,個汁好好味!食到好飽仲有靚靚嘅甜品蛋糕送。值得1提嘅係職員們都好細心，會主動問小朋友需唔需要墊高坐，有兒童餐具同餐椅提供，大人同小朋友都好滿足!正啊!下次真心會再黎幫襯👍ps好彩有預約，今晚座無虛席!!!

The restaurant's design is stunning! The ultra-thin crispy peel edge of the smoked salmon piece is really nice, and the dish looks basic but has a surprising huge portion. The mushroom soup is also quite rich and aromatic, and dessert is served.With dill honey mustard sauce, fried New Zealand salmon steak The focal point is the salmon steak. The flesh is juicy, flavorful, and has a crispy skin. served with a dill honey mustard sauce, which improves the dish's texture and layering even more.Burge

最近去咗一間餐廳慶祝生日，呢間餐廳嘅環境唔錯，有打卡鳥籠座位，我哋點咗意粉同埋Pizza，真係好好味！意粉煮得啱啱好，醬汁濃郁，每一口都充滿咗鮮味。Pizza就更加唔使講，底脆脆，芝士拉絲，配料新鮮，口感正！而且，佢哋有得喺蛋糕碟上寫字。當我哋叫蛋糕出嚟時，上面寫咗happy birthday，又寫得幾靚喎！最讓我驚喜嘅係，用餐完之後，竟然發現唔需要收10%嘅服務費！呢個在其他餐廳真係唔常見，令我覺得好抵食！會再encore。

事緣今晚友人搞完佢啲嘢都晏咗，我哋就去荔枝角果度，長沙灣廣場果間Mr O食飯。我哋係隨心搵，事前冇check過間餐廳，咁我諗好多人都會咁樣覓食嘅。去到果陣係8:15，我哋問有冇兩位，餐廳話有，咪走入去。坐低之後，餐廳話8:30 last order，「甜品都要㩒埋」，咁ok啦我咪落order，我好肯定佢比我哋㩒「叫起」，而我亦真係有㩒「叫起」嘅。另外我哋有叫生蠔、兒童餐同埋兩個主食咁啦。㩒完冇耐，餐飲餐湯最快上枱。冇耐啲熱食都上曬。過多一陣，我問餐廳「其實生蠔有冇架」咁樣，女部長（佢唔似一般侍應，似話得事）就話「應該開緊殼，你等下啦」咁喎。咁我都忍唔住講咗句「我以為你哋會上咗生蠔先上熱食嘅添。」點知個女部長話「咁你下次要（一早）講啦」咁樣，之後就走咗去。我真係火滾，同友人講「乜（上完生蠔先再上熟食）要講架！？」咁都算啦。之後又過冇耐，8:50左右，又有人走過嚟問「個芒果窩夫上得未」，大佬成枱熱食未食完喎！我由始至終都好禮貌咁講嘢，冇大嗌冇粗魯。我講得好清楚話「遲啲先啦」。結果三分鐘後，餐廳夾硬上呢個甜品。然後我哋見到廚房收曬爐。果陣9:00都未到。我哋其實仲叫咗兩件cake，都係叫起嘅

#吃貨心柔日誌 💓 Mr.O今日來到荔枝角長沙灣廣場，品嘗西餐！場地環境唔錯，食物都幾高質！.💓和牛芝士漢堡和牛漢堡，超級Juicy ! 一咬開有少許肉汁擺盤精美！打卡一流💓💓小朋友都啱食😙💓車盤🚙兒童餐女女必點的兒童餐😂主食有得揀迷你漢堡🍔或者肉醬意粉🍝小食都可以自己選擇，包括有：粟米，魚手指，炸雞，炸餃子，水果，馬卡龍 ⋯⋯等等而且仲有一杯果汁😋📍Mr. O荔枝角長沙灣廣場3樓301號舖

21/8/2024📍Mr. O我哋成日食隔離果間阿土伯鹽水雞 都見到呢間西餐廳好似幾旺場 今次終於放棄鹽水雞過咗離試下新野啦😆呢間餐廳嘅裝修都有啲心思 行田園風路線 好多花花草草嘅裝飾 幾靚嘅❣️我哋坐卡位 每個卡位都有個鳥籠裝飾圍住 好有feel 而且都幾闊落 坐得幾舒服 呢度嘅座位好多 平日夜晚去食都唔洗排隊⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨椒鹽粟米（$68）係🙍🏼‍♀️一睇menu就話要嗌嘅野 唔好問點解 純粹係突然間想食粟米😂呢度大約有一條粟米嘅分量 切開咗細細嚿 吉嚟食都好方便 食落椒鹽味好濃 唔會太鹹 粟米本身又夠甜 鹹鹹甜甜咁好jeng！上面仲有超多炸蒜 口感同味道都一流❣️✨千島醬煙三文魚pizza（$138）邊位焗到脆卜卜 好似食緊餅乾咁 中間有餡料嘅部分超軟身 幾鍾意呢個口感👍🏻 雖然Pizza好大個 但批底係薄批嚟 所以食落都唔會太濟餡料部分都好正 最底有滿滿嘅芝士 上面有煙三文魚、青紅椒、洋蔥、菠蘿 夾埋一齊嘅味道係甜甜哋嘅 好好食🤤跟餐配咗個沙律/椰菜花湯 同埋野飲 試咗沙律同湯 兩樣都正常嘅✨美國西冷牛扒配泰式柚子沙律（$176）牛扒嗌咗五成熟 生熟程度啱啱

又去左另一間荔枝角，長沙灣廣場嘅餐廳，因為今日食嘅係下午茶同朋友埋單，唔知最後食左幾多？整體感覺，野食唔錯，魚柳包餐可以，醬有啲少但魚柳食得出質素唔錯👍🏻雞翼夠滑，可能滑得濟…第一次食到生雞翼🤣同侍應講左就即刻換過碟（應該無加料😛）不過招呼就欠奉，水要自己攞同問，雞翼唔熟，個侍應攞走碟野，完全無講過重煮定取消🤷🏻‍♂️又係要問先知。不過可能一時失手，呢排會再去荔枝角，可能換日試下佢啲晚餐掂唔掂👌🏻

首先環境唔係啲講到適合生日聚會咁好，野食其實一般，員工服務態度唔多好，又無咩禮貌，時間尚早晚上5:30左右餐廳冇幾台客，入到去有個女職員期間限定咗位置，本來我哋想坐最埋邊嘅枱唔想坐正中間位佢就話：果幾張二人枱仔係只限10人枱用我哋只係格開啲位置放便啲人進入，好啦，咁依從佢指示只可坐邊一張或邊一張。到最後晚市開始多人回頭望返佢聲稱俾10人坐嘅位只係見到每張枱二人使用，根本無十個人坐😑食物其實好一般個甜品明明幾日前打電話安排咗生日要寫字，最後係咩驚喜都無，個蛋糕就咁上枱，要再嚮生日果個面前同職員講聲要寫字上個蛋糕度！優點係就腳又好近地鐵站，完！

～～～～～～～～～～～～～～～～～～～～～～～～～約左食飯，又想搵個靚靚地方，諗來諗去都揀唔到～係呢刻行過見到田園風的建築物就被吸引入去店內有提供QR Code落單，而且環境很美，可以盡性打卡特別的田園風、鳥籠可以打卡又可以共聚天輪，值得一試之選～～～～～～～～～～～～～～～～～～～～～～～～～✨凱撒沙律🥗沙律清新、爽脆可口，混合酸酸甜甜的醬汁，非常開胃感覺置身於田園中吃沙律🥗✨煙三文魚千島醬手工薄餅很大個的薄餅🍕鬆脆可口，煙三文魚入口即溶，配上千島醬很好味😋✨野菌意大利飯每粒飯都黏滿了濃濃的creamy醬汁配上淡淡的野菌一同進食到口腔，感覺有口感和很多醬汁包圍住口腔✨楊枝金露特飲特飲來到面前很芳香撲鼻，有一粒一粒的茫果和楊枝果肉，又可以飲又可以食，真的很好概念✨茫果奶昔 賣相幾靚，飲落很順滑又有淡淡的茫果和奶香味～～～～～～～～～～～～～～～～～～～～～～～～～

之前見朋友 post 社交媒體網站, 見到呢間有雀籠特色位，所以襯家姐生日就去試吓，但是換來是失望的經驗，食物本身都還可以，但是招待就不太理想，尤其是一位是經理定什麼，還有一位女待應黑口黑面，anyway 冇下次，完

Comfort Food Cravings As soon as the plate arrived, major comfort food cravings hit me recently, and  totally saved the day  pumpkin soup was creamy, perfectly spiced, and exactly what I needed to warm me up. Plus, the mushroom soup was rich and savory – another winner in my book.Feeling a bit more adventurous? I dove into their salami pizza. It wasn't fancy, but the crust was delicious, the cheese gooey, and the salami added a salty kick. Perfect for a casual bite.Salami pizza;The salami pizza

食物質數高，豬手正，還吃了薄餅，很脆。還吃了很多小食，餃子，雞翼，大啡菇，果度不錯。飲品多選擇，叫了沙冰，很難吸啜。可以配搭套餐，價錢化算。只是隔離枱有很多小孩，放聲大叫，很嘈吵。

一大班人聚，想揀間唔設用餐時限又可以坐得舒服嘅餐廳，就book 咗呢間了。離遠見到餐廳已經好樣眼，事關佢周圍都掛滿綠油油嘅樹藤，入去仲有幾個卡位鳥籠，氣氛好舒服。最驚喜嘅係，食物都好食。浦燒鰻魚玉子手工PIZZA $138：薄批，個邊好脆，饅魚好食，甜甜嘅饅魚汁同芝士好夾。美國西冷牛扒配泰式柚子沙律 $168：西冷牛扒揀咗５成熟，煎得剛剛好，外脆內軟，塊扒有牛味，好食！加埋清新爽口嘅泰式柚子沙律，柚子嘅酸甜同牛肉嘅鮮味好搭配。蜜糖燒春雞配薯條 $98：燒春雞燒得香脆多汁，表皮掃上一層蜜糖，增添甜度同香氣。炸薯條配黑松露蛋黃醬 $48：熱辣辣脆卜卜，真係要趁熱食。同埋配埋黑松露蛋黃醬，味道更濃郁。呢間餐廳冇時間限制，真係好方便！侍應仲好貼心咁話可以自行加熱水飲。如果有一大班人聚會，預訂呢度係一個明智嘅選擇。