Mue Mue

營業中

休息中

之前響出邊路過見到呢度間酒吧已經覺得呢間餐廳好靚，今次入嚟入邊食嘢發現入邊嘅佈置都勁多打卡位，仲要有private 房，可以以一家人包房食飯都可以呢度嘅Menu都幾多選擇，尤其因為佢係酒吧，所以嘢飲選擇都特別多，同埋有唔同嘅小食，真係花多眼亂，如果有選擇困難症嘅，可以揀佢有特別標誌嘅招牌菜式，今次同朋友黎dinner,都揀多咗幾款小食試吓泰式小食薈萃（2人份量）$188小食Platter可以揀2/4人份量，每樣都可以揀4款小食，我地就揀左香茅雞翼，泰式蝦多士，紅磚豆腐同埋香辣脆蝦片，蝦片記得意有啲泰式香料味，豆腐外脆內嫩，不過食嘅時候記得小心辣口炭燒沙嗲手工雞串 $98見到佢限量供應咁巴閉，梗係要試吓啦，又真係幾嫩滑，燒得幾好食，基本上去泰國餐廳都必點嘅菜式泰式椰子鮮雞湯 $268食泰國嘢當然唔少得飲返個湯先啦，超級甜嘅湯，見到原隻鮮雞件，又有超多椰子肉，好足料嘅湯酒香火焰骨 $228本身想試火山骨，不過原來需提前2天預訂，下次想食嘅朋友仔記得要預訂啦，不過都有另一個版本，都幾大份，心諗如果真係揀咗釜山骨應該夠一圍枱人食，着晒火打卡一流，軟腍腍嘅豬肉骨，偏辣，唔食得辣嘅朋友仔要注意一下

今次去咗Mue Mue試佢嘅週末早午餐🤭同朋友點零鐘去到，見到個場將近全滿，就估倒應該會幾好味啦～成個餐好多嘢食，除咗定量嘅前菜、湯、主菜同甜品，最吸引就係泰式小食放題！就算每樣菜細細份，加埋加埋已經好飽好滿足😗喺度分享下幾樣覺得好深刻嘅item～酸辣無骨鳳爪：拆曬骨嘅鳳爪咬落爽脆，酸辣汁好開胃，加埋蒜蓉同辣椒碎好夾摩登海鮮冬陰功：呢個湯真心驚喜～本身有少少擔心好辣，但係原來呢度嘅冬陰功係以香茅同檸檬葉味為重，海鮮以蝦同蜆為主，仲有好多車厘茄，整體味道偏酸，好適合超熱嘅夏天飲☀️炭燒豬頸肉沙津：話就話係「小食」但份量唔少，四大塊燒得幾香嘅豬頸肉配埋用薑蒜整嘅醬，同青木瓜沙津一齊食又香又清爽馬拉盞炒椰菜：唔好以為炒菜好普通，個人覺得要炒得好味都唔簡單㗎🫡 呢碟椰菜嘅熟度好適中，唔會太硬但又唔係冧到爛，馬拉盞醬取代咗草青味之餘亦冇掩過菜嘅清甜，份量仲幾多，係幾意外地深刻嘅一道呢麥皮金沙原隻蝦球：送上嚟見到滿滿嘅麥皮同鹹蛋黃已經好期待🥹隻蝦幾大幾新鮮，炸粉好鬆好脆，聞落同食落都好濃鹹蛋黃味，加埋麥皮碎令香口度更上一層樓，勁邪惡但好味！黑糖椰子雪糕：對於我呢個椰子控嚟講，呢個甜品實在係啱曬🤤雪糕

今晚黎左呢一間朋友介紹的泰菜，朋友話食過坐得舒服今晚而且食物味道有保證，所以今晚就黎試吓。一入到餐廳，就覺得佢嘅氛圍好舒服，幾適合打　卡，餐廳仲有室外同室內部分。泰式小食薈萃 $188 六樣入面可以揀四樣香茅雞翼：外表酥脆，好香炸蒜味。泰式蝦多士：大大塊，啲蝦膠好彈牙。紅磚豆腐：炸到外脆內嫩，呢個大推。炭燒豬頸肉：有四塊豬頸肉，肥瘦均勻，燒到好香。炭燒沙嗲雞 $98有三串，佢個雞肉係好嫩，雞皮有啲焦香感，點埋個好香花生味的沙嗲醬食，更加令到雞肉味道昇華。泰式椰子鮮雞湯 $268一上枱就聞到好香椰子味，份量估唔到咁大，都有幾多椰子同雞，飲入口好順滑好舒服。酒香火焰骨 $228以為佢鋪滿晒辣椒碎會好辣，點知唔算辣，個豬肋骨好容易就整得開，咬入口好滑，加上個汁有啲酸辣，幾開胃。泰胡椒和牛炒糯米河 $228牛肉有好多塊，一啲都唔韌，炒得好有鑊氣，河粉係闊身的，入口好煙韌。黑糖椰子雪糕 $68面頭的椰絲，加上冰凍的雪糕，仲有龍眼肉同桃膠等，口感層次好豐富。Painting $78上枱已經心心眼，色彩好繽紛，有好多不同生果同lemonade mix 埋，入口好refresh。芒果椰子沙冰 $68芒

前排想食泰式嘢又想搵間坐得舒服靚靚嘅餐廳同朋友慢慢嘆就揀咗呢間試咗佢哋嘅brunch set😗個set包咗前菜、湯、無限量供應小食、主菜同甜品，仲配咗杯特色雞尾酒，超多嘢好吸引！前菜有三款：🤍酸辣無骨鳳爪🤍魚子醬紅磚豆腐🤍泰式青醬鮑魚。酸辣無骨鳳爪一上枱已經令我流哂口水，鳳爪去哂骨後，軟腍入味，酸辣醬汁帶啲微辣同檸檬嘅清香，入口爽脆又開胃，好快就食完成碟。魚子醬紅磚豆腐係意想不到嘅驚喜，豆腐外脆內軟，熱辣辣配上魚子醬嘅鹹香同微微爆汁感，口感同味道層次好豐富。泰式青醬鮑魚更加要用高質黎形容，鮑魚鮮嫩彈牙，青醬帶有羅勒同香茅嘅泰式風味，濃而不搶，完美提升咗鮑魚嘅鮮味。三款前菜各有特色！🥰🍲湯品係摩登海鮮冬陰功，真係泰國菜嘅經典再升級！湯底酸辣平衡，椰奶嘅香濃同辣椒、青檸葉嘅刺激感完美融合，飲落暖胃又醒神。海鮮料多到誇張，有鮮蝦、魷魚全部新鮮得一啲腥味都無，每啖湯都充滿海鮮嘅甜味同冬陰功嘅層次感。湯嘅份量啱啱好，唔會太飽，畀人好想快啲試下一道菜。😍無限量供應小食真係今次嘅亮點！特別想highlight 泰式青醬生蝦、馬拉盞炒椰菜、炭燒豬頸肉沙律、金不換肉碎生菜包同泰式蝦多士青醬生蝦蝦肉好爽彈

想同朋友舒舒服服食晚飯，選了這間裝修別致，用餐環境舒適的泰國餐廳。先上泰式小食薈萃香茅雞翼，真正皮脆肉嫩泰式蝦多士，多士配原隻蝦連蝦尾，香脆。炭燒豬頸肉，肉質精緻，半肥瘦的搭配加上醬汁，讓每一口都充滿層次感。酸辣無骨鳳爪則是開胃的選擇，辣味十足。接下來的炭燒沙嗲（雞），三串的份量足夠，自家調配沙嗲醬的風味十分出色，讓人感受到濃濃的泰式風情。泰式椰子鮮雞湯以奶白色的湯頭和濃郁的椰子味，很養生的一款湯水。酒香火焰骨的點火儀式為整頓增添了不少趣味，兩大件的份量足，可以感受到豬軟骨的嫩滑與脆骨的口感，酸辣的醬汁恰到好處。泰胡椒和牛炒糯米河則以重牛肉味著稱，鑊氣十足，和牛肉片的醇厚搭配韌性的糯米河，口感極佳，讓人一試難忘。lychee rose則以玫瑰與荔枝味相互融合，清新可口。Painting: 多款水果特製的飲品，味道豐富又可解膩最後，店員推薦的甜品黑糖椰子雪糕，薄薄的黑糖醬搭配椰子雪糕，配料豐富，包括桃膠、圓肉、愛玉和椰子乾，每一口都讓人驚喜。想讚一讚這裡職員態度友善，整體用餐經驗愉快～

上星期去咗尖沙咀一間泰國餐廳，食咗佢哋嘅泰式「嘆」週末早午餐！最特別係佢哋有小食放題，但因為前菜、沙律、主菜、甜品都好多，食到未食完已經好飽啦！一入到餐廳，首先就覺得環境幾靚，裝修充滿泰國風情，燈光柔和，令人感覺好舒服。座位方面間隔得幾好，唔會太擠迫，適合同朋友聚餐。講到前菜，我哋試咗幾樣，包括魚子醬紅磚豆腐、泰式青醬鮑魚同埋酸辣無骨鳳爪。魚子醬紅磚豆腐滑到不得了，搭配上魚子醬，味道層次豐富，真係好好味！泰式青醬鮑魚鮮甜，青醬味道香濃，食落去真係令人驚喜。而酸辣無骨鳳爪就更加開胃，酸酸辣辣，啱啱好！湯品方面，我哋叫咗摩登海鮮冬陰功同蟹肉海鮮羹。冬陰功湯底濃郁，海鮮新鮮，味道好香，飲落去暖心又提神。而蟹肉海鮮羹就更加驚喜，湯底滑順，蟹肉鮮甜，整個羹好有層次，真係好滿足！小食方面就真係好正，有即烤沙嗲串（牛/雞）、泰式蝦多士、香茅雞翼同金不換肉碎生菜包。沙嗲串味道香濃，牛肉軟嫩，雞肉更加鮮甜，配上特製醬汁，真係停唔落嚟！泰式蝦多士外脆內嫩，蝦肉鮮甜，香茅雞翼嘅香味撲鼻而來，食得好開心。而金不換肉碎生菜包就係一個好清新嘅選擇，食落去口感爽口，真係好好味！主食方面，我哋叫咗海南雞同咖喱牛頸脊配

Bookmark左呢間餐廳好耐 呢晚終於有機會同朋友過黎餐廳環境好靚，仲有户外位泰式小食薈萃揀左香茅雞翼，紅磚豆腐，炭燒豬頸肉香辣脆蝦片當中最推薦係紅磚豆腐，外脆內嫩，又香又滑炭燒沙嗲牛肉炭燒沙嗲牛串燒到焦香，裡面仍保持牛肉嘅嫩滑再配埋濃郁沙嗲醬 ，濃厚而惹味泰式椰子鮮雞湯椰奶香滑，融合香茅南薑與青檸的酸爽酒香火焰骨先在視覺上製造驚艷，增加風味又多肉，軟骨爽脆泰胡椒和牛炒糯米河糯米河口感煙韌，濃烈卻不失平衡，令人食慾大增。黑糖椰子雪糕仲有龍眼肉同桃膠，為帶來完美的收結

位於美麗華廣場的Mue Mue餐廳以高格調的暗黑系裝潢營造出時尚泰式氛圍。有室內及戶外坐，我哋專登要求坐室外，因為地方好大感覺好chill，菜式更是驚喜無限。**泰式小食薈萃** 作為頭盤別具精緻，泰式蝦多士蝦肉彈牙，多士炸得鬆脆。酸辣無骨鳳爪夠醒胃，香茅雞翼皮脆肉嫩。**炭燒沙嗲牛串**肉質嫩滑再配上沙嗲醬夠晒泰式風味。**泰式椰香鮮雞湯** 椰香樸鼻夾埋滑雞可謂絕配，整個湯都濃滑清甜。**酒香火焰骨** 上桌時點燃火焰，好有儀式感。肉質燉至軟腍，酒香與酸辣汁滲透骨髓， 食到唔捨得停。**泰胡椒和牛炒糯米河** 是亮點，和牛油脂豐腴，糯米河粉鑊氣十足，黑胡椒與泰式香料碰撞出層次。甜品**黑糖椰子雪糕** 濃郁香甜帶有粒粒椰子肉，加增了口感。 坐戶外可以欣賞住夜景再嘆返柸啖啖醇厚**Asahi Black**，更添微醺情趣。

上星期行尖沙咀，見到有間泰式餐廳環境不錯，同埋想試佢地嘅糯米河，就直接入去食晚餐。先來泰式小食萃薈，我地揀左香茅雞翼、紅磚豆腐、豬頸肉、香辣脆蝦片。香茅雞翼雞皮烤得好酥脆、雞肉鮮嫩。紅磚豆腐豆香濃郁，外脆內滑。炭燒豬頸肉肉香撲鼻，外層微脆，沾一點泰式辣醬更惹味。香辣脆蝦片入口香脆，帶一點微辣。炭燒沙嗲牛肉一份3串，牛肉入口鮮嫩略帶帶炭火焦香，沙嗲醬另上，沾一點更香濃惹味。泰式椰子鮮雞湯裡面混合大量香茅、南薑、椰子等配料，湯底順滑濃郁，雞肉鮮嫩，夠暖胃。酒香火焰骨上枱後先來個火焰環節，醬汁嘅配料相當十足，令豬肉每一啖都好夠味，也帶淡淡酒香，帶骨嘅豬肉肉質非常細嫰。泰胡椒和牛炒糯米河份量都幾多，河粉軟滑帶黏性，和牛唔會炒過龍肉質保持到嫰滑，而且香辣惹味 ，越食越停唔到。黑糖椰子雪糕椰子雪糕奶香清新，黑糖不會令雪糕變得太甜，而裡面有桃膠、椰絲等食材，令口感唔會太單調。夏天最適合飲雪糕紅豆珍多冰和椰青，兩杯都好清涼解渴。

位於尖沙咀美麗華廣場的 Mue Mue 是一家充滿泰式風情的餐廳，室內裝潢以木質元素和熱帶植物為主，營造出悠閒的度假氛圍；室外座位則設於露天平台，適合黃昏時分享受微風與美食。前菜部分令人驚喜：香茅雞翼香氣撲鼻，外脆內嫩；泰式蝦多士酥脆可口，蝦膠鮮甜；炭燒豬頸肉油脂分布均勻，口感彈牙；酸辣無骨鳳爪則酸辣開胃，令人食慾大增；炭燒沙嗲牛串燒肉質鮮嫩，沙嗲醬香濃不膩，是必點之選。主菜方面，泰式椰子鮮雞湯湯底香濃，椰香與香料完美融合；酒香火焰骨上桌時火焰四射，視覺震撼，肉質軟嫩入味；泰胡椒和牛炒糯米河則創意十足，和牛油香與糯米河粉的煙韌口感相得益彰。甜品黑糖椰子雪糕清甜不膩，椰香濃郁，因為這餐飯劃上完美的句號。飲品方面，Painting 是一款帶果味的無酒精雞尾酒，色彩繽紛，味道清新；Asahi Black 則帶有微苦焦香，口感醇厚，苦中帶甜。 總結，餐廳是一家兼具美味與氛圍的泰式餐廳，值得一再回訪。

前幾日同女朋友慶祝紀念日，book咗呢間高級版泰國嘢😂店內環境感覺好舒服，餐枱擺設同埋服務都好好呢個餐前小食正呀！係冬陰功味嘅花生食落吹口得黎又醒胃小食拼盤都吾錯，呢度啲炸嘢幾出色，即叫即整 好脆口，蝦卷我覺得一定要叫，咬落口感好鬆化👍呢個沙嗲雞肉串非常推薦大家試下！可能比較平時食開嘅泰國餐廳，通常佢哋會煎得比較耐，令到雞肉有啲乾，而呢間好食嘅位係佢除咗整到雞肉咬落非常之嫩口，配醬汁都比較特別叫左杯泰奶cocktail 不過我飲吾慣😆椰子雞湯👍非常清甜同埋都好大碗下有好嘢食之餘，仲有少少表現睇吓🤓火焰骨可以滿足你兩個願望😂佢個汁有啲酸酸甜甜咁，份量好多😂差啲食唔晒 配埋啲青椒辣椒解下膩都吾錯泰式牛肉炒河🤤啲牛肉好大塊同埋佢嚿牛唔係求求其其，食落完全唔韌好好食最後嚟過黑糖椰子雪糕🤯食到好飽好滿足👍

📍 餐廳環境位於美麗華廣場的泰式餐廳，裝潢以熱帶雨林風為主，綠植與木質元素營造度假氛圍。座位私隱性佳 🍽️ 必試菜色1. 香辣肉碎生菜包（HK$168） - 肉碎炒得乾香帶微辣，生菜新鮮脆甜，好惹味，覺得唔夠食2. D24榴蓮黃金球（HK$68） - 外酥內流心，榴蓮味濃郁但不過甜，嗜榴蓮者必點，流心好正！3. 海鮮炒金邊粉（HK$188） - 鑊氣足，大蝦和魷魚新鮮，偏甜口的泰式調味，好有泰味整體環境唔錯，環境舒適，食物擺盤都唔差，但依舊忘記映相記錄

MUE MUE出左週末早午餐set， 講真食完我真係覺得呢個brunch抵到爛！CP值爆燈！💯首先，酸辣無骨鳳爪🌶️🐔都超正，酸酸辣辣咁，好開胃！😋 仲有魚子醬紅磚豆腐🍣🧱，估唔到豆腐都可以咁高級！真係估佢唔到！😲飲啖摩登海鮮冬陰功🍲🦐個湯底酸酸辣辣🤤 泰式青醬鮑魚🐌🌿都好正，鮑魚好爽口，個青醬好香！香茅雞翼🍗炭燒豬頸肉沙律🐷🥗就啱晒怕肥嘅朋友仔，啲豬頸肉好juicy！😋 即燒沙嗲串🍢都好惹味，食完一串又一串！🍢🍢🍢金不換肉碎生菜包🥬🌿都好清新，可以平衡返啲肉嘅油膩感！😌最後，甜品時間！黑糖椰子雪糕🥥🍦同雪糕芒果糯米飯🥭🍚🍦真係好滿足！🍦 兩個都好有驚喜！😍MUE MUE嘅「嘆」週末早午餐真係好抵食！

MUE MUE嘅「嘆」週末早午餐，真係泰國嘢嘅精髓所在！🤤 由頭盤到主菜，再到甜品，樣樣都咁鬼吸引！✨首先，梗係要介紹呢個龍蝦芒果沙律🦞🥭啦！爽口彈牙嘅龍蝦肉配埋香甜多汁嘅芒果，酸酸甜甜嘅醬汁真係畫龍點睛！💯 仲有酸辣無骨鳳爪🌶️🐔，QQ彈彈嘅鳳爪加埋酸辣開胃嘅醬汁，真係食到停唔到口！之後嘅魚子醬紅磚豆腐🍣🧱，滑嘟嘟嘅豆腐配埋矜貴嘅魚子醬，真係雙重享受！梗係唔少得泰式青醬鮑魚🐌🌿啦！鮮嫩嘅鮑魚配埋獨特嘅泰式青醬，層次豐富，回味無窮！仲有摩登海鮮冬陰功🍲🦐，酸酸辣辣嘅湯底，加埋海鮮嘅鮮甜，真係冬陰功控嘅福音！跟住，我要推薦嘅就係蟹肉海鮮羹🦀❤️ 同埋泰式青醬生蝦🦐🌿。蟹肉嘅鮮甜同海鮮嘅配搭，真係絕配！而生蝦嘅鮮味，加埋泰式青醬嘅獨特風味，真係令人食到舔舔脷！除咗海鮮，MUE MUE嘅肉類料理都一樣咁正！香茅雞翼🍗🍋 香噴噴，外脆內嫩！炭燒豬頸肉沙律🐷🥗，肉質鮮嫩，配埋清爽嘅沙律，非常解膩！仲有即燒沙嗲串🍢，肉香四溢，真係令人回味無窮！配菜方面，馬拉盞炒椰菜🥦🌶️ 同埋金不換肉碎生菜包🥬🌿 都非常值得一試！最後，千祈唔好唔記得甜品！黑糖椰子雪糕🥥🍦 同埋雪糕芒果糯米飯🥭🍚🍦，絕對係完美嘅end

琴日係同男朋友嘅date night, 男朋友帶左我嚟呢間喺美麗華嘅泰菜試試佢😛一入到嚟就覺得環境好靚好舒服，播住啲泰文歌個vibe都好正食物同飲品選擇都好多泰式小食薈萃（2人份） $188呢個小食拼盤我哋可以自選四款，我哋揀咗紅鑽豆腐、泰式蝦多士、香茅雞翼、炭燒豬頸肉。而家好多餐廳嘅小食拼盤都係用預製菜，一食就食得出。呢間就好明顯係自家製👍🏻我特別鍾意個豆腐同埋蝦多士，啲炸物都好熱辣辣又好香脆炭燒沙嗲手工雞串 $98呢個雞肉真係好軟熟，燒得好香口，個沙嗲醬都好惹味Mue Tea $98呢個cocktail一聞就係泰奶嘅味，入口都好重酒味，適合飲開烈啲嘅酒嘅人試下Pineapple Punch $98呢杯一入口都重酒味 但後面就俾啲椰子奶香味中和返 甜甜地好順口泰式椰子鮮雞湯 $268呢個椰子雞湯超大煲，都可以裝到四五碗，入邊都非常足料，有好多椰子同埋好嫩滑嘅雞👍🏻個湯都好鮮甜！！酒香火焰火山骨 $228呢個火山骨仲有火焰表演可以睇吓🤣啲火山骨都煮到好軟熟，配上啲酸酸甜甜嘅辣椒醬汁，好開胃泰胡椒和牛炒糯米河 $228呢個糯米河望落好濕潤，但食落又唔會太濕tat tat🤣可能因為係用糯米