Mue Mue

營業中

休息中

咖喱香蕉雞竟然真有香蕉肉，咖哩香蕉整個感覺非常奇怪，與咖喱根本不融合，串燒的肉非常老，冬陰功好像放了很久，湯的味道非常奇怪，飲了一啖湯根本飲不落去，最正常是金邊粉，不過也不會再來了

尖沙咀一直都有好多泰國菜餐廳🇨🇷依間比較特別，除左環境舒適裝潢花心思之外，菜式上都有增添新既原素👍🏻今日7點多少少去到已經坐滿哂人，Menu款式都好多🤤揀左好耐先決定好食咩！✨紅磚豆腐 $98外層係用紅菜頭整成既皮拿去炸，雖然味道唔算好明顯，但勝在顏色鮮豔🤣而且仲有避風塘炸蒜做點綴，蒜香味重，而且辣辣地勁開胃，做前菜非常合適😎✨炭燒雞肉串 $108依款雞肉串係我食過咁多間泰式菜入面最好味既串燒(雞)🤤嫩滑得黎有肉汁，丁點孩口感覺都無🤔而且外面果層係脆脆地，而且沙嗲醬+花生依個組合好夾，我最後係用盡哂款醬汁哈哈✨摩登海鮮冬陰公(半例) $168海鮮種類分別有青口、魷魚、鮮蝦、蜆，蝦同蜆都甜，而青口同魷魚比我感覺係非常之新鮮，彈牙爽口😆至於冬陰公湯辣中帶酸，食慾大增，辣得來係接受到唔係死辣，亦有好濃香料味，飲哂超正🤪✨金沙麥皮蝦 $268依款菜絕對係今日MVP，直頭係用驚艷來形容🤩金沙係指鹹蛋黃、牛油、麥皮既組合，外層先試到麥皮既脆皮口感，跟住就食到咸蛋黃既同牛油既香味，咸度適中，最後就係大大隻蝦，咬落去每啖都係享受😋份量都唔少，超滿足！✨泰式菠蘿炒飯 $248平時我好少食菠蘿炒飯，但我朋

今日來到尖沙咀，和友人齊齊去試新餐廳😍 先點了一個主菜 ✨菠蘿炒飯 材料豐富，將甜酸可口的菠蘿與香噴噴的炒飯完美結合，飯粒粒粒分明，帶有適度的鑊氣。有驚喜！菠蘿的清甜與各種配料的鹹香形成絕妙平衡，食到豐富的層次感。點了一個邪惡主菜 ✨金沙麥皮蝦 😂 黃金蝦，金黃酥脆的麥皮包裹著鮮嫩多汁的蝦肉，每一口都能感受到外酥內嫩的完美口感。鹹香的金沙調味恰到好處，既不搶味，又能突出蝦的鮮甜。邪惡但好食！最後點了一個甜品 - 滿足了✨芒果糯米飯Classic dessert 😛 來到泰國餐廳不能不吃吃吧。芒果新鮮香甜多汁，與軟糯的糯米飯形成絕佳搭配，這款甜品還加上早餐吃的脆脆粟米片，口感層次豐富。芒果雪糕每口都是濃郁的芒果味，好食。餐廳環境舒服，款式多，下次再encore~

一直以嚟覺得泰國嘢應該就係抵食夾大件嘅代表隊，如果要同精緻扯上關係，我唔排除都好食，但係應該會變成唔夠飽。最近我重新反思咗呢個想法，人嘅飽感系發生喺進食之後嘅一段時間，所以有陣時太肚餓，食得太多，最後會撐住好辛苦。適當嘅咀嚼，就會令人比較容易產生飽感，又唔會進食過量，最緊要係可以有充份時間品嚐美食。 🍖呢間泰菜真係好精緻。由第一味嘅紅磚豆腐開始已經有呢個感覺。好多鋪頭都可以做到豆腐外脆內嫩，但係之後俾個醬你去點，搞到個皮濕潤翻，呢個厲害之處就係外皮都做埋調色同調味，變成有辣味嘅紅菜頭外皮，清新得嚟帶點刺激。放喺一大堆香料上邊，擺盤更加一流。 🍖冬陰功湯叫做摩登冬陰功，同傳統一樣，都係以辣湯底為主，配合各種海鮮。不過坊間好多時候湯底會因為師傅要平衡辣同咸，變到兩樣都越加越多，最後就覆蓋咗海鮮嘅味道。而呢度用嚟平衡辣味，反而係用咗蕃茄湯，咁樣顏色不但唔會有太大影響，而且透過鮮甜嘅蕃茄湯引出辣同埋鹹嘅特點。所以呢個湯，辣辣地，但又鮮甜十足。 🍖串燒我揀咗牛肉，細細盤但其實份量適中，佢個沙爹醬系俾你自己點，份量比坊間相對杰身同濃郁，而且入邊有花生碎，加添沙嗲嘅風味。牛肉就算系厚切，但係肉質都非

星期日中午12:00去到叫了3位$358套餐🥹，食物每款都不夠熱😔，主菜等左個半鐘都未到🥹，1:40分才送上主菜😂，食品看上用心製造，但整體全部食物都不夠熱，湯只係溫暖，更好味的湯如不熱有什麼好飲？炒椰菜有點鹹,其餘都是炸物,但都不熱，唯一可取是生蝦味道可以，椰子雪糕甜品好味，經理要注重食物做好要馬上送給顧客,冷氣開得太凍，看到咁多食評都講到好好，可能我是星期日去人多坐滿廚師做不切，去過一次唔會再去😔

嚟呢間開咗一輪嘅餐廳試吓，朋友推薦 看過究竟午市嘅海南雞飯好快已經做晒啦午市套餐抵過散叫好多好多，份量又一樣，因為我見散叫八八折嗌咗少少，但係發現份量唔多，而且質素一樣，以後都係食午餐Menu的 不過午餐選擇唔多，因為我唔係咁食炒粉麵怕肥好油 變咗海南雞飯賣晒嘅話就會乜嘢揀，就嗌咗個 就咁青咖喱雜菜，不過原來佢啲茄子同菇都係走過油炸過 雖然幾好味但驚驚今餐嗌咗牡丹蝦刺身同埋冬陰功湯試吓，冬陰功酸酸辣辣幾特別，但係海鮮唔多同埋海鮮質素普通呢個蝦我就覺得好好味，有少少辣因為嗰啲青辣醬！隱藏咗喺蒜頭下面，底下嘅柚子沙律好好味好甜一人份量嘅酸辣湯材料如圖睇晒串燒咁抵， $188但係又覺得唔算多 而且其實好細小和牛面肉都幾好味，但係啱啱食完青咖喱又係青咖喱就有啲厭哈哈環境非常好，店員亦非常親切，而且有禮貌本身成日覺得美麗華食嘢嘅話搵廁所好難，因為出到去又未必同一層，之前食未味就係咁，原來呢間有獨立廁所

朋友早已bookmarked了這餐廳，今日逛完街齊齊來試試。裝潢很不錯，連餐具也落足心思，適合打卡，適合情侶來慶祝的餐廳。•紅磚豆腐 $98 賣相有新鮮感紅菜頭為豆腐染上誘人的紅橘子色，外層酥脆，內裡卻保持了豆腐的嫩滑口感。係超嫩滑，一口咬下和外層絕然不同的口感。避風塘式的炒蒜增添了濃郁的香氣和層次，將傳統泰式風味與創新烹調手法完美結合。味道帶少少辣，不會太辣太刺激🤣 •摩登海鮮冬陰功 (半例) $168半例的份量已很足夠，湯中都是滿滿的材料，大蝦魷魚青口各樣的海鮮，海鮮新鮮飽滿，完美吸收了湯汁的精華，蕃茄湯底酸甜中帶冬陰功的味道，與傳統冬陰功的辛辣完全不一樣。帶點少辣，吃不了辣的朋友也可挑戰這”摩登”冬陰功。•炭燒沙嗲雞串 $108炭燒的香氣撲鼻而來，不誇張，一上枱即聞到濃郁的香氣！炭燒過的肉類真的遠遠都聞到。雞肉經過精心醃製，吸收了沙嗲醬的香濃味道。外層微微焦香，內裡卻依然多汁鮮嫩搭配的花生味醬汁香濃可口，更增添了豐富的層次感。推介！•雪糕紅豆珍多冰 $78 Signature whiskey 雪糕紅豆珍多冰 $128和朋友都點了雪糕紅豆珍多冰，我是酒鬼of coz點了帶烈酒的版本

超正嘅泰式fusion餐廳，美食好食之餘，佢嘅裝修都好華麗，好適合打卡慶祝！我哋都特意揀咗呢個打卡嘅位置，慶祝生日🎂🌴森式青醬牡丹蝦（6件）$188牡丹蝦鮮甜爽口，肉質紮實醬汁鮮香、酸辣、爽口，喺一道絕佳開胃菜。🌴摩登海鮮冬陰功 $168冬陰功湯頭濃郁，香料香氣撲鼻酸辣度適中，海鮮鮮甜新鮮🌴黃咖喱金菇粉絲牛頸脊 $268非常出色嘅泰式x中式fusion菜口感層次豐富，調味出色，菜式嘅顏色都好吸晴！對於喜愛嘗試異國美食的朋友嚟講，值得一試！調味惹味，融合了多種經典香料如薑黃、香茅等，散發出濃郁的熱帶氣息。咖喱醬汁恰到好處，唔會好膩。加上適量的魚露，增添了菜餚的鮮香同風味。🌴炭燒沙嗲拼盤（6串 ）$188將牛肉、雞肉、豬肉串燒烤制，伴以特製的沙嗲醬料，簡直係絕佳嘅泰式組合。沙嗲醬料正到飛起！將花生、香料、香油等元素融合，恰到好處，帶有濃郁味道，提升了肉類嘅口感，非常惹味！🌴椰青 $68椰青水清爽可口，甜度恰到好處。

尖沙咀搵食，來到美麗華一期3樓嘅Mue Mue，就係為咗佢呢個“THAI夏狂歡週末早午餐”，餐廳一開門即迎來唔少客人，好犀利吖，有時見到啲食肆冇乜人都戥佢心噏，但呢間嘅情況完全唔同，人都開心埋，希望度度都咁旺吖。前菜有“爽脆酸辣鱼皮”、“魚子醬红磚豆腐 “、“泰式青醬鮑魚”，最初以為只可揀一様，但原來唔係，於是乎你就見到好靚一碟前菜上你來，鮑魚係切片，有2片，好清新；紅磚豆腐够精緻，面頭有魚子醬，入面白雪雪豆腐好嫩滑。至於湯羹就棄平時的冬蔭功而揀咗“蟹肉海鲜羹”，有個好靚嘅玻璃芡下邊有青口，魷魚粒等海鮮，美味。跟住嘅精彩點来啦“泰式青醬生蝦”、“ 炭燒豬頸肉沙律“、” 即烤沙嗲串”、“盔甲脆魚皇”、 “香茅雞翼”、“ 馬拉盏炒椰菜“和“ 脆炸魷魚鬚”都係佢點的，其實乜都食啲已好飽，想知我encore最多嘅係咩呢？到時話你知。主菜就嗌咗“金沙原隻蝦球”，好滋味，而甜品“芒果糯米飯”都有一球雪糕，好滿足；跟餐的mocktail 有西瓜，提子.......清爽好飲。

呢間店內既裝潢搭配精緻的泰式風格營造出溫馨而不失典雅的用餐環境。柔和的燈光與泰國音樂，讓人瞬間彷彿置身於曼谷街頭。紅磚豆腐外酥內嫩的豆腐，炸至金黃，口感豐富。炭燒沙嗲經香料醃製後炭火燒烤，肉串焦香四溢，蘸上花生醬更是美味。摩登海鮮冬陰功傳統冬陰功湯結合新鮮海鮮，酸辣濃郁兼具。金沙麥皮蝦酥炸蝦仁裹上金沙蛋黃與脆麥皮，鹹香適中，口感層次豐富。菠蘿炒飯香米飯與菠蘿同炒，搭配蝦仁和腰果，清甜爽口。芒果糯米飯糯米飯浸透椰奶香氣，配上酸甜芒果和椰漿，甜而不膩。威士忌紅豆冰將冰涼的紅豆冰沙與微醺的酒香結合，口感清新又層次豐富。椰青內含清甜的椰汁，味道清爽解渴。嫩滑的椰肉香甜可口，椰香四溢

MUE MUE Thaid Up Summer brunchThai夏狂歡週末早午餐！今日放假同朋友去食咗一餐好豐富嘅泰菜🥹👏🏻有前菜、湯、小食放題、主菜、甜品唔叫要另外加錢嘅食物 $328 呢個價錢都算幾好環境靚，食物有質素，又坐得舒服靜靜地同朋友聚會👍🏻好鍾意飲冬蔭功湯，呢一碗有滿滿嘅海鮮😋平時食泰國嘢必點嘅沙嗲串燒嚟到就可以任食啦 正呀👏🏻甜品芒果糯米飯我覺得加錢都值得點，好好食！有機會encore👍🏻

週末經過尖沙咀美麗華商場，見到有間門面幾靚，似做spa的，原來係食泰菜fusion菜色，又幾得意。見到個餐牌，設計到好似聖誕feel咁，其實係Thai summer Brunch。就入去試試。前菜共有三道菜：爽脆酸辣魚皮：酸酸甜甜配有彈牙的魚皮，好開胃。泰式青醬鮑魚：溥切、有咬口、幾鮮👍🏻魚子醬紅磚豆腐：表面脆卜卜😋內裡嫩滑。Soup我揀了蟹肉海鮮羹，這個好正，羹好滑配有蟹肉，調味恰到好處😋。主菜揀了咖喱脆魚柳，炸到紅色脆卜卜，好靚。配上紅咖喱，還有鬆脆薄餅。超正。到小食啦！因為小食是可以無限添加🤣🤣🤣。一個字：爽。即炸沙嗲（豬/雞）兩種都好食，又juice，又嫩。必定要encore。泰式青醬生蝦，夠生鮮，點青醬感覺好清新。盔甲脆魚皇，這個好特別，好似好硬，但其實只係鬆脆，味道不錯😋。炭燒豬頸肉又係好得，賣相都好吸引👍🏻。整體都好唔錯，滿足🙏🏻

一嚟到呢間餐廳嘅裝修已經覺得佢好靚🤍 四周以象牙白色設計好似泰國古典嘅宮廷咁🐘典雅得黎又有各種植物點綴環境好適合打卡🌿味道方面泰式口味地道得來又有創新既Fusion配搭🌍整體非常值得一試⭐️ 紅磚豆腐 🧱炸豆腐入口非常香口原來用咗紅菜頭汁上色🎨入口熱辣辣非常嫩滑🥹⭐️ 摩登海鮮冬陰功 🥘海鮮嘅用料份量都好豐富鮮味十足🌊湯底嘅辣度都幾高口味正宗🌶️⭐️ 炭燒沙嗲雞串 🍗沙嗲充滿炭燒香火候十足🔥 特別配上花生醬料口味充滿層次🥜⭐️ 金沙麥皮蝦 🦐期待咗已久嘅亮點🤩蝦肉非常爽口彈牙肉香脆嘅麥皮同埋鹹蛋黃裹上🍳香口得來但係濃郁嘅鹹蛋香真係好滋味 💛⭐️ 菠蘿炒飯 🍍加入唔少腰果肉鬆同埋提子乾口感好豐富🌰特別在食到一啲臘腸嘅鹹香味道🍖減低了油膩感⭐️ 芒果糯米飯 🥭糯米飯既黏度恰到好處🍚配上甜度好高嘅芒果同埋雪糕整體口味好平衡🍬⭐️ Signature Red Bean Ice Fleecy 🫘一定要是呢杯招牌真係好有驚喜😜可以話係成人版嘅紅豆冰🫣保留了紅豆冰幼滑而且香甜嘅味道🍼再加入了威士忌🥃強烈得來中和返甜度好有特色⭐️ 原個椰青 🥥入口夠清甜消暑中和返濃郁嘅味道啱啱好🏝️

朋友帶我食好西,Mue Mue既泰菜好有創意,有fusion既感覺。首先去到呢家店已經有椰林樹影,檯仲有花,好令人relax.湯係tom yum soup,係tomato based,味道相當唔錯,夏天飲蕃茄味既冬蔭功湯,酸酸甜甜。小食有炸fish skin包住鯪魚肉、雞翼、pork neck沙律,每樣都好創新好有驚喜。主食係金沙蝦球,salty egg yolk包住大大隻既蝦,好好味.甜品都好有心思,係黑糖椰絲雪糕,睇得又食得,見到椰絲就諗起泰國旅行既回憶.

今次係我第一次上泥美麗華呢度食飯，之前唔知道呢度上邊有餐廳，仲要係間咁靚咁chill既泰菜❤️食泰國嘢係唔可以少左冬蔭公，呢度既tom yum加左唔少海鮮所以好鮮甜，另外香料味濃，感覺上比平時既更鮮甜又香，但係無咁辣同無咁椰，整體係一碗好清爽好開胃 高分既冬蔭公🤣之後係signature既紅磚豆腐，炸皮係用咗天然既紅菜頭汁，兼顧到美感之餘又好健康！另外都有啲避風塘料食落好惹味，豆腐都好嫩滑❤️之後我哋叫咗一份三串嘅沙嗲牛肉串，燒到外層帶點焦香，但係保持到肉汁，牛肉粒都好Juicy又有油脂香🤤之後我哋叫咗個主菜係金沙麥片蝦，蝦肉新鮮爽彈，而且啖啖肉食得好方便，一碟總共有六隻大蝦，每隻都沾滿咗鹹蛋黃同埋麥片，食落好滋味！菠蘿炒飯，擺盤精美，有菠蘿粒海鮮臘腸肉鬆提子乾腰果等等嘅材料，口感好豐富炒得都好有鑊氣🔥甜品揀咗經典嘅芒果糯米飯，糯米飯嘅煙靭同埋溫度都控制得好好，nice ending😘呢度嘅飲品係非常打卡able! 強烈推介大家試吓去過雪糕紅豆冰包保你有驚喜！芒果smoothie都係好refreshing！值得一讚呢度嘅侍應都服務好好，而且好專業咁介紹每一道菜式嘅特別之處，而且都好warm