MUM 日常野菜料理 (已結業)

之前小店喺逸東明明近在咫尺，卻成日被其他店舖吸引，估唔到搬去咗新蒲崗先有機會幫襯。小店裝潢簡單，以半自助形式落單，點菜後坐定定就有得食。三品日常定食 $100信田卷入面有紅蘿蔔、豆角同粟米芯，外面用腐皮包住，有少少日式醬油味；蘿蔔冬菇車麩關東煮，餸菜全部入味鮮味，加上旁邊嘅柚子胡椒醬畫龍點睛；赤味噌田樂豆腐豆味濃，味道相對普通。定食包麥茶同一碗五穀雜炊飯，女仔剛好夠飽，食完感覺無負擔，同好友出發去試姐妹裙嚕！

之前開係佐敦逸東酒店food court嘅Mum Veggie日常料理最近係新蒲崗重新開張啦🤩🤩🤩店面裝修簡約得來又文青，岩曬想chill住嘆素食嘅你😌日常定食選項/$100-3選項配飯及味噌湯-南瓜薯餅🎃：脆過曬你係岀面食嘅南瓜薯餅-野菜天婦羅🍤：幾脆而且唔油-赤味噌田樂豆腐：因豆腐較乾身，所以索曬啲醬，好食😋-梅子醋漬蕃茄🍅：好juicy，好開胃-信田卷：好精緻同足料，口感上好滿足~*強烈推薦大家加$15轉烏冬尼泊爾豆蓉咖哩飯$100/配兩配菜及味噌湯🥘好rich好多豆，但我prefer食翻日常定食會開心啲🤣

MUM口碑已經係我朋友圈一段長時間，只不過我好少去新蒲崗，所以一直未試到。今次過嚟食係特登搭左40幾蚊的士過嚟。如果呢間店再搬，可唔可以去啲交通便利少少嘅地區😅😅餐廳嘅外觀門面裝修，清雅簡約，食個飯都可以幻想下自己離開咗香港（一陣咁多）。今次係過咗主要食飯時間先至過嚟，所以餐廳唔算人多。睇返餐牌揀午餐，由於未食過，我請店長幫我選擇四款，咁佢幫揀咗：柚子醋漬蕃茄赤味噌田樂豆腐野菜天婦羅薑蔥汁煮茄子五穀雜炊飯餸同飯嘅份量唔算多，如果大食嘅朋友應該會唔夠飽😅4款餸味道唔錯，但係我最欣賞嘅係佢嘅五穀雜炊飯同野菜天婦羅😂😂無論食唔食素，都可以走過來試呢間！

清爽日式野菜料理終於喺一個下過大雨後既中午試倒呢間小店本身仲心思思想試多幾款 因為實在花多眼亂咩都想食呀但店員溫馨提示4款加本身配既飯湯同茶都已經夠飽結果今次揀咗以下呢4款自選4款左上: 南瓜薯餅 濃郁南瓜味既薯餅 炸皮厚薄適中 頂上沙律醬個人覺得唔食仲好味 食咗反而有啲油膩感中上: 紫薯紅菜頭青蘋果沙律 青蘋果絕對係清爽之選 紫薯同紅菜頭其實都幾實在右上: 野菜天婦羅 (菇 南瓜 蓮藕)天婦羅粉漿令人意外 淡淡鹽花帶出食材鮮味右下: 本菇茶杯蒸菇滿滿帶甜既高湯味 再加上滑不溜口既蒸蛋 配左下: 五穀雜炊飯 健康既味道 如果唔鍾意可以考慮加錢轉烏冬中下: 味噌湯 (蘿蔔 豆腐 昆布)清清地 唔會令人口乾 飲飲吓就不知不覺飲晒中中: 麥茶飯後飲 中和晒所有既油膩感溫馨提示店內冷氣都充足所以野食都要盡快食 唔好掛住打卡影相留念呀!另外 店內唔算太多位置 遲入座有機會就要坐吧台面壁位啦 XD總結 平日食得多既我 叫4款都已經夠飽好在冇貪心唔理店員提示再額外加野食店員表示如果4款唔夠係可以再加既每款大約二三十蚊不等 視乎款式下次再試其他野食先 😊

MUM又黎食素嘅環節喇~今次見到新蒲崗又開一間新嘅食素舖頭🤩又走入去試試先~呢間係便當形式。3款100蚊4款就120蚊。今次我就點左4款果個🔸本菇茶杯蒸蒸蛋好滑又有好香嘅菇味🔸南瓜薯餅天然嘅南瓜甜味，而且做到好滑🔸柚子醋漬蕃茄清清嘅柚子香，配蕃茄有益又好味🔸 蘿蔔冬菇車麩關東煮起初以為會好淡，因為食素嘛，點知又唔會喎，夠入味跟餐仲有味噌湯 · 麥茶同埋加15蚊轉左烏冬，烏冬又夠彈牙😋最後再加杯豆漿，好有豆味又唔太甜👍🏻📍新蒲崗仁愛街34號地下B號舖🕛1200-2100#hkblogger #hkfoodie #hongkong #hongkongfood #eeeeeats #foodphotography #foodporn #foodshare #sanpokong #素食

Mum veggie cafe搬咗去新蒲崗，位置上冇以前佐敦舊店咁方便，但好開心佢揾到地方開番，因為我超鍾意食日式定食。餐廳面積大咗，坐得舒服咗 (除咗bar枱之外)。日常定食 ($125/ 四項; $100/ 三項)熱/ 冷小碟 + 味噌湯 + 五穀雜炊飯 + 麥茶熱本菇茶杯蒸南瓜薯餅野菜天婦羅蘿蔔冬菇車麩關東煮南瓜薯餅超好食，嗰皮炸得香脆，餡料食到南瓜嘅香甜味，連埋表面嘅沙律醬一齊食，味道好夾。野菜天婦羅有蓮藕、南瓜同冬菇，味道比較清淡，表面撒少少海鹽調味會更好食。見到關東煮放咗舊類似肥豬肉嘅物體，睇番餐牌同店方嘅IG，先知原來佢叫車麩，係麵筋嘅一種，切口可以見到一層層嘅紋理，夾起黎算挺身，但咬落淋淋哋，口感有D怪。冷芝麻菠菜柚子醋漬番茄紫薯紅菜頭青蘋果沙律之前係佐敦舊店食嘅柚子醋漬番茄係原隻番茄上，今次切咗一舊舊，外觀上冇以前咁靚，但味道唔錯，有柚子嘅香味，而且口感唔會太淋。

去之前有心理準備要排好耐隊，同舊同事一去到咁啱冇人等又有兩個位，太好彩！👏🏾所有嘢食望落都好吸引，揀四款又怕食唔晒，唯有揀三款。最後我舊同事揀咗本菇茶杯蒸，野菜天婦羅同信田卷。而我就揀咗蘿蔔冬菇車麩關東煮，赤味增田落豆腐同柚子醋漬蕃茄。🍅每個餐都會配味噌湯同麥茶，可以揀要黃薑飯定五穀飯。本身以為五穀飯係基本野，會係白米糙米紅米黑米同薏米。點知入邊竟然有鷹嘴豆，其他穀嘅份量唔多，久唔久就有一粒鷹嘴豆同食落都係白飯咁既感覺，份量都唔算多。味噌湯味道都係偏淡，但料好足。食落舒服。我盤上面嘅味噌豆腐味道偏重，送飯一流。反而關東煮唔夠入味，有旁邊食落似柚子味嘅source點綴一下就好好多。而我自己最期待嘅柚子醋漬蕃茄完全冇令我失望，鍾意食蕃茄同酸酸甜甜嘅人真係可以一試！蕃茄嘅本身一啲都唔酸，又甜又多汁再配上柚子醋真係好夾。每人三餸一湯一飯一茶$100無加一。份量真係唔多，隔咗兩三個鐘好快就肚餓，但有時小清新一下都ok