影片
付款方式
其他資料
加一服務費
以上資料只供參考, 請與餐廳確認詳情
呢間餐廳真係「時好時壞」嘅代表！🤨 今次嘅自選全日早餐，體驗麻麻哋🤣首先講個豬肉眼🐷🥩，質素好唔穩定！有時煎得岩岩好，肉汁豐富🤤，但今次就…鞋到震！😫 咬落去好似食緊鞋底咁，失望透頂！😭豬頸肉方面🐷🥓，厚薄適中，算係合格嘅水平啦✅，不過食落有陣怪怪嘅豬味…🤔 唔知係咪淋巴腺嘅問題？🤨 總之食完有啲不安…薯仔雜果沙律🥔🍎呢個就幾好，酸酸甜甜嘅，幾開胃😋！算係唯一嘅亮點🌟啦！奶油豬方面🍞🐷，就…正常發揮啦！無咩特別嘅驚喜，亦都無咩令人失望嘅地方。凍檸茶方面🍹，茶底都幾濃，都幾好飲～最後，個餐湯…粟米火腿忌廉湯🌽🍖🥣…真係…一言難盡！🤦🏻♀️ 麵粉味勁濃，飲落去好似食緊麵粉糊咁！🤮 仲要飲到個底有陣漂白水味？！😱 真係嚇親總括嚟講，今次呢餐全日早餐真係好令人失望！😞 雖然之前嚟食過幾次都好食，但今次嘅質素真係跌watt到谷底！📉 🤔 唔知下次嚟會唔會好返啲呢？#香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hk
繼續閱讀
夜晚冇乜人，大概有3台客吧，唔使等，因為空位多有得選擇，一來個小姐姐就問想坐邊啊，問的時候帶唔耐煩嘅感覺。第一次食，對話基本上冇表情或者帶少少不想搭理果種感覺。 我問晚餐點揀法，佢話好似揀兩餸返咁樣，明白，高級兩餸飯。之後有一台人過來，感覺是熟客，見到服務態度完全唔同喔，會微笑喔。。。明白，我地唔熟。一路坐其實系好想食完快D走咋。講翻野食，普通，一分錢一分貨吧，叫咗一份紐西蘭牛眼扒配鰻魚，及一份雞扒配軟殼蟹。牛眼扒超鞋，雞扒還好吧，軟殼蟹和鰻魚正常。環境其實唔錯就係服務人員表情態度好影響氣氛。應該唔會再去，寧願過對面百份百食個姜蔥豬配特飲起碼姐姐服務熱情D。
繼續閱讀
點了一個招牌小羊排及黑椒西冷套餐，等了30分鐘以上都未有。 包都無個，得湯及凍飲。最後扒上了，西冷5成變左全熟。包全程都無影，但隔離台就有，埋單再講，店員話可以出番，但已經吾想食了！ 星期六，日還加多5蚊，再收加一。無服務又無人手⋯質素麻麻。
繼續閱讀
放假訓到好晏，起身又唔想煮，於是就走rp到懶懶閒嘆個brunch~~我叫左個自選全日早餐，可以係自選早餐嘅配料，我簡左雞扒配溏心蛋烤蕃茄沙律菜配熱齋啡。如果大食嘅人可以自己叫多啲配料。等左一陣就上餐，雞扒煎得幾香脆，鍾意食皮嘅人之後會鍾意食佢煎到脆脆地嘅雞皮，肉質正常不會太鞋，調咪亦唔會太咸，雞肉煎得嚟都保留少少肉汁，過得去啦！溏心蛋煎得岩岩好，少少燶邊得嚟入面蛋黃仲係溏心，有水準。其他菜同蕃茄都正常。
繼續閱讀
星期三晚去，叫咗個豐盛二人套餐，其中羊架喺399元，埋單後發現收咗409， 收多咗10蚊.同侍應生講話唔啱數，跟住佢check咗一輪就同另一位侍應講話假期之後冇改返減10蚊呀！(因為佢星期六日會收多10蚊），我估計應該係忘記改返電腦，引致收多咗錢！但成程係冇同我解釋,點解會收多10元！唔好意思都冇一句！跟住就叫另一位侍應畀返10蚊我。我話唔係10蚊喎，因為有加一,所以應該係11蚊！於是又黑起塊面同畀錢我嗰位侍應講："畀返11蚊佢啦!" 嘩！阿姐，家陣我欠你嘅咩？？我攞返錢之後同朋友講，乜佢哋收多人錢，完全唔使同個客解釋點解嘅咩？阿姐聽到，才好勉為其難咁講話“唔好意思"! 咁嘅服務態度,想我返嚟再幫襯都幾難囉！講返食物先，套餐包咗頭盤，兩個main,一個飯或意粉,飲品,甜品,湯. 份量好足夠，先講個蘑菇湯，少少淡唔係太濃味。頭盤係蜜瓜火腿，好食嘅。但係蜜瓜冇整走啲核，細節唔夠囉。再嚟羊架三件，我叫medium 有水準嘅，切開冇流血，亦都幾好食。之後黎個意大利飯，份量比一般大。味道唔錯，好味，呢個要讚！再嚟西班牙黑毛豬，面頭煎得好脆，都係水準之上，都係要讚。但係兩碟main嘅配菜都係凍嘅!! 呢啲細節嘢真係要改善下囉, 冇理由拎啲嘢出嚟，畀人食係凍㗎嘛, 估計啲配菜應該係預先整好咗，擺咗好耐，然後夾上去嗰碟出餐就算數！咁樣做高級西餐係唔得嘅！加咗15蚊要杯朱古力沙冰，呢個又係唔得！雖然好似下面有一位師兄講，打到真係冇冰粒，好綿，但係唔多夠味囉，好淡下。甜品要咗雪糕，雪糕要加8蚊,但只係好一般嘅嘢,唔多抵食囉.總括嚟講，食物係ok嘅，（抱歉啲相，都係食食下先記得影)。裝修都係好過茶餐廳，叫做高級少少。但係侍應表現認真麻麻！極度需要改善，否則只會趕客。
繼續閱讀