MX (禾輋廣場) (已結業)

銀行有積分🔜但在這十天內已經到期，印象中亦都沒有什麼東西要到宜家傢俬買，急急地，見到美心快餐吃一頓午餐先消耗40多元，看餐牌，喇沙以及這個雜錦飯好像都可以一試，又說什麼好似餐肉，豈料卻是散亂的一疊頹飯⁉️雖然餐肉都算是夠厚身，不過，煎蛋又太過熟，都總算是用白色腸，不過味道欠奉，肉汁也不多，旁邊那片雞扒亦都又薄又乾，除此之外那些雜菜亦都是非常之核突，只好勉強用味道也不太甜的豉油汁把飯吃完。咖啡味道就相當普通，就像是隨隨便便的機制即磨咖啡。

近期疫情未減，人人盡量留在家中吃飯，多了外賣優惠。美心的外賣燒味有多款選擇。今天我選了1+1 至尊組合。這組合包括了半斤叉燒和半只明爐燒鴨/ 鹽香雞/ 豉油雞，價錢由$120 減至$84，非常抵食。回到家中，準備吃的時候，我把叉燒和燒鴨放進了焗爐翻熱。叉燒看似過瘦，肉會韌，但吃起來就有點意想不到的。叉燒一點也不嚡口，可以說是頗腍。叉燒若能有些豉油汁便會更理想了！燒鴨賣相不俗，翻熱之後皮脆肉厚，一點也不韌。骨與肉相連的部位更入味，味道是較濃。沾上酸梅醬來吃，酸酸甜甜，一點也不會覺得油膩。整體而言，用優惠價買兩樣燒味確實便宜。

琴日國殤日， 今日心情唔太好，就簡簡單單食個叉燒飯，咁就今天去咗美心M X，叫咗個叉燒飯，本來諗住應該都冇咁伏，點知錯哂D叉燒又乾又瘦，無香味,飯既醬油又太咸，都唔知個廚房今日搞咩，依家同大家從相片都睇就知道佢嘅叉燒真係又瘦又黑，而且個飯亦都係非常之難架，可能係因為大家對佢近年來的要求越來越差，而且佢嘅主席亦都冇心機處理香港上面嘅業務，希望佢哋可以改善改善！！今次我食咗呢一個飯要用咗$42 ，希望佢哋可以俾返$42嘅質素出嚟啦！

呢幾日美心推出早食飯有著數餐，午市11：30~12：30及晚市17：30~18：30以優惠價$29食到原價$43鮮茄焗豬扒飯。剛巧係學校放午飯時間，都幾多學生排隊。免得同人迫，叫左個外賣焗豬扒飯返舖頭食。大大塊焗豬扒，差吾多成個盒咁大，豬扒配合鮮番茄同菠蘿加酸甜適中美味嘅汁料，再加上芝士，用炒飯底，味道不錯。$29嘅價錢有咁嘅份量同質素，十分十二分超值。希望多d食市推出優惠，抗通脹，令一眾市民受惠。

似乎要食哂咁多間美心下午茶。今次就食排骨面，岩岩攞嘅時候仲係熱辣辣有煙。雖然賣相好麻麻，但味道幾好，d汁都夠多，方便唔鐘意食太脆嘅人整翻軟佢。我個人就鐘意脆軟各一半，有兩種滋味嘛。排骨就真係得d骨，可能我比較鐘意食多d肉，所以對我嚟講就唔太ok，亦都見到相對上油左d。雖然份量唔係好大，但下午茶嚟講絕對夠飽，或者可以加多一份啫喱作為甜點，絕對係錦上添花。至於杯奶茶，一向對美心mx都有信心，可能我個人偏向鐘意奶嘅份量多d，所以基本糖都唔洗落就已經可以飲

快餐都有期間限定，仲係日式添豚肉林身，而且份量都ok燒汁又入味仲有有少少蔬菜成個感覺好健康連埋熱飲都係$36 我覺得呢個期間限定連收費都好宜人相對其他四五十蚊既餐完全覺得好抵如果加埋一碟油菜都好似加$5-6 咋

同老公近近地食一餐，打個邊爐。呢個商場晚上人流唔算多，間間都唔full。個打邊爐餐唔包飲品，份量都算ok，夠食，我再加8蚊加個份菜，份菜都大的，抵食。也有自助調味枱，很好，比啲要加錢才有調味的任食店大方。講回食物，雞是滑的，只係舊魚唔知做乜，怪怪的，唔好食。其餘食材超級普通，不過呢個價錢都唔預有咩好食同靚料。最深刻是……極重味精，比吉x家的打邊爐更重，食完感覺唔太好。很久沒幫襯，原來美心mx的質素差左咁多

晨早流流要見客。早餐都未食又趕住醫肚。就去美心快餐食過，常餐。粗粗地食個常餐龍蝦湯螺螄粉算係有質素。個龍蝦湯的確有多小龍蝦味而且冇乜味精成個湯我飲咗好多。螺螄粉小麥味豐富。味道適中唔太鹹。個魚魚柳就炸得老身咗少少。之後就講下呢塊到時快當時好似完全冇看過咁普通一塊白麵包噉純粹看一看未夠專業。而且嗰張選擇唔夠多得果隻牛油都唔畀咁大個集團貪果少少錢有啲美中不足。呢個價錢，呢個質素我衹能夠講不過不失唔能夠推介。

早排又黎左美心MX食晏, 今次叫左個$44既火焰叉燒乾炒意粉食, 見佢形容到自己既叉燒係大師級叉燒 好似好正咁就試一試, 但估唔到一拎碟意粉既時候已經感到好失望, 因為成碟意粉上面只係得三塊叉燒., 賣相仲要係唔靚, 一望就知名肉質唔軟林果隻. 而同預期一樣, 三塊叉燒都係相當嚡既, 而叉燒既味道亦都冇乜特別, 整體都唔覺得係大師級既水準. 另外碟意粉亦都炒得幾油膩, 味道就正正常常既. 真係好後悔冇揀返"很大唷焗豬扒飯食"..

眾多快餐店中，就是這個連鎖快餐店的公司三文治最得我歡心，價錢經濟之餘又夠飽肚。久久沒吃，想不到之前的粗zigzag紋薯條竟然變了薯片🙁頓時覺得整個下午茶不完整了⋯⋯↑還好公司三文治本身仍能保持質素，當然，吃不吃得到完全新鮮製作的三文治絕對是碰運氣。雖然味道相差不多，但有時候的確會吃到預先做好、冷掉了的三文治。所以這次吃到微熱的、麵包還脆的，是很高興喇！餡料方面沒有什麼變化，有雞肉有蛋有火腿，一層一層的，快餐來說賣相算不錯。↑這次還加錢試了冰鎮伯爵檸檬茶（我承認我完全是被飲品的名字吸引），的確喝得到很濃的伯爵茶味道，只是杯蓋的設計和飲管實在不方便「篤」檸檬，所以最後只好當普通凍紅茶喝。p.s. 個人非常希望這個茶餐可以提供原本的粗薯條！p.p.s. 這次我們碰到的清潔員真的很有禮貌！她年紀也不小了，我們的一聲「唔該」已讓她笑得很開心。真的不要吝嗇對清潔員的感謝！

呢間美心係禾輋廿幾三十年，應該是成個商場年資最耐既餐廳。未食lunch，就食個tea吧！都不太平啊，都三十幾四十蚊一set。。。迷你叉燒飯+咖喱魚蛋豬皮＋奶茶飯同叉燒有D乾，飯份量幾多下！咖喱魚蛋豬皮十分好，辣度夠惹味！但豬皮就比較林，口感差少少。奶茶奶和茶比例好，不澀。蛋沙律豬仔包＋碗仔翅碗仔翅好淡味，料亦不多，只有少量粉絲和肉絲，有點失望。包同檸茶都幾好，水準高。包有微微烤過，少少脆口，算是用心之作。

食焗豬扒飯，好多人都會想起快餐店。以香港的三家大型連鎖品牌而言，他們的焗豬扒飯，的確是各有千秋。是日，我來到禾輋邨，沒有什麼吸引到我必食的食肆啊。而且是月尾，也就是糧尾，沒有心情去大吃大喝啊，見到《美心MX》，心想差極也是有限的，就入去簡單食午餐好了。我不想吃燒味，也不想食咖喱(去美心我通常食呢兩樣既其中一樣)。還有什麼好食呢。Scan 了整個 menu，我見到焗豬扒飯，自問很久沒有吃過美心的焗豬了，那就試下啦。正常的堂食版本沽清了，我只有外賣的版本食。味道上其實是一樣的，份量上也相差無幾。但不知為何，好多人都直覺覺得，用外賣盒的焗豬扒飯比起用鐵兜焗的冇咁香口。美心的焗豬扒飯，豬扒細細件的，吃起來比較方便。豬扒同樣是咁腍，但切開了細細件好似又冇左傳統食大大件豬扒的那一種enjoy。可以就是有好有不好。當然，香味是不及其他品牌的。整體上都OK啦，三間快餐店的焗豬扒飯，各有千秋，各有各勝人之處啦。

本人今天下午四點多到達這裡食下午茶，當初想食公司三文治，因為前天巳吃了迷你义燒飯 魚肉燒賣套餐，結果還是食回這個套餐，但是當我付款完畢正準備往水吧拿食物時，我便看到一個老人家正在食鐵板排骨炒麵，於是本人便到水吧詢問那個鐵板排骨炒麵多少錢?那個水吧職員即時用對講機詢問答案是$30，跟著我向她們表示外面水牌沒有掛出來，那個水吧經理便叫一個穿白色衫的女職員到外面看看是否真是沒有掛出來，而那個穿著白色衫的女職員用很晦氣的語氣地說如果看不到可以直接問收銀嘛，本人登時覺得很生氣，究竟美心集團主席張生怎樣管理員工，自己做錯事情，仍然咁鍾意將責任推卸給客人。

今日又懶煮飯，下午茶當晚餐，$29.5鐵板排骨炒麵很油膩，但豆豉香味撲鼻而來，的確加分，紅豆冰，紅豆夠腍，但嫌咗些。呢份$29車仔三寶、撈丁、奶茶，三寶的豬皮最差，煑到爛撻撻，蘿蔔最好，撈丁，有包出前一丁味粉，讓客人自己撈出前一丁麵，我們沒有用味粉，太不健康。$29一餐，不過不失吃飽就算了！！

昨天又在美心吃下午茶，兩人分享。$29.5炸雞脾日式烏冬，加$6.5火腿湯米粉。炸雞脾，炸得皮腿肉乾不好吃，日式烏冬極極極之迷你，加火腿湯米粉像家庭飯碗般大抵食，味道清淡得宜，椰汁糕較甜，幸好小小一塊甜品，吃得下！