MX (禾輋廣場) (已結業)

今晚收工夜左, 所以就食埋晚餐先返屋企, 一個人最啱就係幫趁快餐店, 又唔怕1個人坐4人枱, 又大把位唔洗等. 睇完一輪, 又一段時間無食過鐵板, 所以試試佢地既和風板上燒.要雞肉鐵板配黑椒汁, 一放上枱倒汁, D煙即刻標上黎, 個板確實夠熱吧. 美心學左某公司, 有張圓形紙圍住, 咁樣D汁無咁易彈晒出黎. 講下D食物先, 個飯略嫌硬硬地, 感覺好似好生咁, 至於雞肉唔算太肥, 都幾滑, 不過雞本身無咩味, 靠晒D黑椒汁既味, 不過黑椒汁又無咩黑椒味, 而且唔辣.而家D快餐收得又貴, 但食物味道好似越黎越唔得.

美心抵食下午西茶左：花生醬西多伴兩大片煙肉，西多裏的花生醬塗得厚，吃得滿口香酥，外面炸得香脆，加埋牛油、糖醬，$22是街坊價錢，街坊美食！右：$23沒有花生醬多士半份，同係炸得香脆；炸雞全翼皮香脆，配埋港式奶茶，絕對是抵食下午西茶！

黎到美心Mx睇吓個餐牌，發現有個可以的兩餸飯午餐，揀咗竽頭炆滑雞、鳳梨咕嚕肉，有中式餐湯或奶茶、咖啡、涷飲選其一。過去幫趁大型快餐店會都叮囑少飯，今次請服務員要多飯，却沒有被理會！爽口有飯香的白米飯一大碗，我們胃納小，分成兩碗分享午餐,,,,竽頭炆滑雞，竽頭嫌炆得不夠鬆化，滑雞切得細細粒攪到皮都甩，滑雞是雪雞，不能要求高，但肉質是OK，炆竽頭滑雞的醬汁很夠味，多吃會嫌鹹，鳳梨咕嚕肉，菠蘿切得又係細細粒，甜酸獻汁幾醒胃架，不過浸諗哂的咕嚕肉脆醬皮，仲有幾粒仔青紅椒、洋葱碎,,,,我們選擇加$6轉熱特飲薑檸蜜。有兩片檸檬，幾小薄片薑，甜度好啱心意，又夠薑味，檸檬、薑很配合，熱飲帶出好口味！

噚晚好凍，去咗呢度打邊爐，叫咗火鍋半價配料嘅蝦滑。嘩，啲蝦滑完全唔同晒，以前食過都幾ＯＫ，今次唔知係咪蝦貴，完全無蝦味，浠得好緊要，淋ｂｅｒｂｅｒ，食落一啲蝦味都無，好明顯係蝦嘅成份少咗好多囉。

香港地奶茶口感不滑，奶味和茶味絕對是淡，什麼香港地奶茶只是生意上的卓頭而已，要給個喊面以示抗議。 叉燒普普通通，叉燒比較廋，沒有特別，比較經常光僱的燒臘店的叉燒，這裡的差一點。羊腩煲跟餐有白飯、菜和茶，菜是白灼的，羊腩煲裡有些腐竹、東菇、韭菜和馬蹄，腐竹煮得不夠軟，羊腩的骨不多，份量夠，肉質也可以但比較缺乏羊羶味，整體來說$54的一個羊腩煲餐，比大排檔或是茶餐廳的便宜，也是不過不失。

喺樓下嘅燒味鋪，燒味飯只係$12，但係美心MX賣成25蚊，可是我見其他人來得美心MX，好多都係叫燒味，所以我也試試~這次我叫了叉燒瀨粉，$25，吃下去果然不同，軟度、味道適中(街市D燒味鋪多數D叉燒都係好硬，但係美心呢D又軟又好味，好食~

每次去美心MX食飯，90%都係食焗豬扒飯，食極都唔會厭~我覺得菜(西芹、紅蘿蔔、洋蔥、蘑茹、蕃茄、菠蘿)、豬扒同飯一樣咁正，尤其是D菜吸哂D蕃茄汁，令到D菜好入味，所以好好食。而豬扒佢整得好香，又唔會肥，好食到不得了~飯加咗蛋去炒，每粒都是金黃色的，粒粒分明，亦有陣陣淡淡的蛋香，好食好食~整體黎講——食得出好有層次感，我諗D廚師一定花咗好多心機去整，所以我哋要好好品嚐~焗豬扒飯+凍咖啡=$29(學生價)

對日本文化認識不深，從他們的電視劇集當中，得知它們的便當文化，其獨特的方型錦盒/飯盒，內裡分為數個大小不一的間格，給予學童作為自帶的午餐，或外出旅行賞櫻所載的食器，心想如將這種便當配合港式的食物，效果會是如何?!美心的下午茶錦盒便當，推出了一段時間，大致上反應都是正面為主，以$18的價錢，就有四、五款的食物另加飲品，每榚都只配上少許份量，配上美觀的錦盒擺設，可滿足到一眾肚窄而心多的食客。今次點的有熱狗、炸薯條、雞中翼，另加沙律和椰汁榚，如果只是一種或兩種的話，莫說和茶餐廳比，連同級的競爭對手也有所不及，五樣配合一齊，卻有一種互補長短的作用，有如國內的鞏大美人的五宮一樣，其臉孔是一個完整的個體，不可分拆出來。另有一款以日式的烏冬為主，找天再試。MX快餐部的食品，好多時都不夠其競選對手為佳，尤其是其奶茶，但有時卻偶有佳作，其即烘的公司三文治，就不比好多茶記/餐廳遜色。P.S. 也向開飯當局作點提議，在現今三個評語當中，其OK可分拆做「OK之上」或「OK之下」，現時只得笑臉、OK和喊面三個，實在難於為各大食肆作出評價，一些食肆在普通之中也有好壞之分，多一個評語，評價上也靈活好多。

廣告說:選用日本原裝進口「北海道牛乳」配南瓜蓉做湯底，幼滑香甜，嚴選美國穀飼牛及蟹籽蝦滑，配搭豚肉、清酒醉雞及其他精選材料，鮮味無窮。更備另外兩款火鍋湯底 ─ 北海道牛乳地獄及豬骨湯底選擇，滿足人客不同口味，創意無限，滋味滿分。就選了最了不起, 最豐富的那個有牛雞蝦的火鍋啦! 多謝58蚊~服務: d嬸嬸好幫手, 見你拎住個火鍋盤, 就即刻拎個爐黎比你喇, 好快手! 叫佢地加湯時, 好快, 而且好有禮貌, 唔該佢地, 佢地會回應你話: 唔洗!環境: 最正就係可以一邊望住個電視, 一邊打邊爐~食物: 蝦有3串(一串一只), 牛是半肥瘦, 但瘦的較多, 雞有兩件, 豚肉兩片, 全部都好新鮮; 南瓜兩片, 藕片兩片, 粟米兩小件, 白蘿蔔一件, 烏冬1/3個, 日式魚片兩薄片, 金菇1/4扎, 蟹籽蝦滑有2啖, 蕃茄1/3個(切開2件), 生菜7-8塊, 日本冬菇2只, 白菜3棵, 味道尚算可以, 普通貨式而已醬料: 日本甜醬油及麻醬, 份量剛剛好最後飲下一口湯, 發覺有點酸酸味, 可能就是蕃茄爛了, 就令到個湯底都有一點兒酸味~另加錢, 叫了一杯彩虹特飲, 唯是太甜了, 有蜜桃味, 但太甜了

7點零去到, 唔多人, 但個個都會圍住個電視坐囉...男朋友叫了個茄子煲雞+冬瓜盅set茄子煲出名係肥咖喇, 都預左...冬瓜真係原個整上黎比你, 我地開頭仲擔心會唔會上一手食完再整番比下手好彩唔會...因為成個冬瓜睇晒!有蓉(即係有肉囉~)都幾清甜, 少少咸啦~飯夠熱, 茶夠濃!

薑汁雞柳飯配韓式定食(炒年糕) 從未食過咪試下囉..前者..普通..真係薑味..但唔太濃郁..但雞份量小..食落去feel好似好陰公咁..炒年糕..不知所謂..原來又硬又唔好食..口感完全唔知點咁..係咪咁嫁真係..都唔知係咪佢地煮到硬哂..韓式泡菜又難食..吉x家好過佢好多..仲有杯柚子蜜係有味..但唔會填補返飯既失分...3x$ 咁就..可以食好d 大把