MX (禾輋廣場) (已結業)

今晚收工夜左, 所以就食埋晚餐先返屋企, 一個人最啱就係幫趁快餐店, 又唔怕1個人坐4人枱, 又大把位唔洗等. 睇完一輪, 又一段時間無食過鐵板, 所以試試佢地既和風板上燒.要雞肉鐵板配黑椒汁, 一放上枱倒汁, D煙即刻標上黎, 個板確實夠熱吧. 美心學左某公司, 有張圓形紙圍住, 咁樣D汁無咁易彈晒出黎. 講下D食物先, 個飯略嫌硬硬地, 感覺好似好生咁, 至於雞肉唔算太肥, 都幾滑, 不過雞本身無咩味, 靠晒D黑椒汁既味, 不過黑椒汁又無咩黑椒味, 而且唔辣.而家D快餐收得又貴, 但食物味道好似越黎越唔得.