Nardo's Cafe (已結業)

今晚放工同好姊妹去左間旺角樓上CAFE閒聊食餐Dinner, Cafe提供唔少card game供食客借玩,設有幾張大檯, 岩哂一大班朋友聚會。menu上食物款式唔多, 反而飲品種類多選擇。除左散叫, 仲有set dinner 同 2人餐選擇。我地各人點左一個set dinner 同埋 share左一個小食炸物併盤, 勝在一個價錢食到不同款既小食。set dinner 加HK$12 ORDER左個忌廉蘑菇湯, 味道似金寶罐頭湯, 但入面既蘑菇係好足料, 超多蘑菇, 唔錯!餐飲就補錢order左個 Oreo milk shakemilk shake 很幼滑, 杰杰地, 唔會太甜【黑松露海蝦帶子意大利飯】HK$125意大利飯不會是生米粒口感, 飯質軟棉帶黏性, 黑松露不太突出, 隻蝦幾爽, 帶子不算鮮甜, 整體沒有想像中的濃郁味道, 喜歡食清清地既朋友可以一試。【西班牙芝士焗海鮮意粉】HK$108相反呢個set dinner 味道重口味一點。淡淡芝士味, 海鮮包括有青口、魷魚、海蝦同埋三色椒, 賣相很吸引。意粉軟硬岩岩好, 而且份量好多, 甜中帶微酸, 如果海鮮份量再多一點平衡一下會更好。

星期六要臨時要搵間舒服可以傾得耐gei cafe 唔容易,因為朋友臨時話唔打邊爐,所以去做呢度食本身見到佢D相,裝潢好似唔錯,入去空間感都好大,點解星期六都可以臨時有位呢?咪就係野食真係好唔掂囉都係o個句,我對食真係無要求,但我都覺得難食就真係好!難!食!!我已經叫左好基本gei鴨胸沙律,份量的確好大呀,不過鴨胸同o係冰櫃直接拿出來無分別,好硬,好假-0-沙律菜唔算爽口,但都食得落,番茄仔最正常,但整體沙律醋太多,影響沙律味道.炸雞翼等到聽朝先上到台,仲要超油,外層唔夠脆,裡面D肉好雪藏,味道都唔夠入味.仲有炸蟹鉗,真係雪藏貨品,完全係食緊麵粉gei感覺,我都唔係好了解,點解要比$食麵粉,佢仲要炸過龍,所以成口都係油.D肉丸我地已經放棄,當食有醬的魚蛋....份量少,味道太咸,味精D朋友飲品方面我建議大家都係叫D基本野會好D,特飲小心中伏,我叫普通咖啡就正正常常,唔算特別好飲,但都飲得落...基本上如果你唔係無選擇就真係唔好選擇呢度啦,除非你純粹要搵個地方坐啦,不過員工服務態度係好gei...

有舊朋友由台灣來港旅遊，今天約我聚一聚，我選了樓上鋪的Nardo's cafe，因為樓上鋪可以坐耐D，吾會食完就要埋單走，而且尼間cafe之前我和同事食過，招呼和食物都不錯！有些遊戲卡和各種不同種類的棋子等，給客人消閒。我們選了2人餐。忌廉磨菇湯：片片磨菇十分爽口，非常足料的磨菇湯。蜜糖雞翼拼芝士薯條：雞翼皮脆肉嫩，薯條香脆，加左芝士汁特別惹味。西班牙芝士焗海鮮意粉：賣相好吸引，材料有蝦、青口、魷魚等，意粉軟硬適中，茄汁加埋芝士汁去焗，相當美味。巨蜂提子沙冰：提子味的沙冰，不會太甜，冰凍解喝。芒果奶昔：口感creamy，加了忌廉更滑溜，有芒果味，甜度適中！特色芝士蛋糕，纽約(原味)和特濃朱古力：原味芝士蛋糕比較實，好香芝士味，特濃朱古力比較鬆軟，濃郁的朱古力味，十分美味！肉腸拼盤：有迷你司華力：有迷你司華力腸、意式香葉腸、迷你牛仔腸和熱狗腸。份量不少，皮脆肉夠味，香口惹味，配有茄汁和沙律醬，特別美味！

好多時同囡囡一齊去旺角行街 旺角搵食真是不是件容易的事 因為人太多 食店亦多 但種類更多 今次同囡囡搵到樓上的餐廳 雖然不是第一次到樓上食 但今次驚喜好多因為你看到門外同場內都好特別以為係童話故事裡面加上店主亦放了不少遊戲使客人可以慢慢玩同亨受美食。今次叫了一個三文魚沙律好多沙律菜拌底加上煙三文魚配上酸甜沙律醬幫自己醒下個胃小食。特濃芝士薯條雖然講特清濃但對於愛吃芝士的我來說芝士味道較淡如果不愛吃芝士朋友放膽試下。仲可以玩下拉絲而飲品絕對抵讚，女皇好有權威性以青蘋果汁，芒果汁，乳酸混合而成青香蘋果，香滑芒果及微酸乳酸味。味道較有層次不會太重甜味。另一杯是菠蘿梳打簡單飲品配黑松露海蝦帶子意大利飯一齊食最啱。因為囡囡對菌類敏感所以少了一些菌類伴碟但芳香撲鼻的黑松露香味再以大隻爽甜大蝦及彈牙帶子買相好吸引味道帶清新因為好多時食黑松露意大利飯食店多數會加芝士汁於面上會較膩口。甜品時間。店內甜品不多但質素不錯朱古力慕絲蛋糕估不到朱古力味香濃。慕絲入口不會太甜而內層有軟綿綿朱古力蛋糕。雖然份量不大。所以忍不住再來一客。但朱古力較膩口。需要加多杯水蜜桃梳打飲品配藍莓芝士蛋糕之前覺得菠蘿梳打不錯。而水

今次同班朋友揀cafe happy Friday 係因為有個好好玩嘅board game 想一齊玩😆去到有幾個menu 嘅，但我地懶得諗食乜所以冇散叫，決定要下面個party package （啱晒唔想用腦嘅我地😚）沙律我地揀左蟹條日式蛋醬沙律～我一向唔點食沙律醬，但呢個唔係好多都接受到，如果係油醋汁會更好！菜都好多同新鮮～（食完先記得影相）雞翼雞塊雖然係6人份量，但都比想像中多！雞翼整得好味，入面啲肉好嫩，出面層皮脆脆地，好正😋雞塊正常，炸野一般都唔會特別難食😂餃子，又係好多～餃子本身冇乜味，但加埋啲醬就好味嘅～春卷，咖哩角，洋蔥圈呢盤炸野好味但好邪惡😈 其實食小食已經食飽😂主食揀左長通粉同意大利飯長通粉個汁太淡同唔夠creamy，雜菌好多好正～飯就好味嘅同埋都多鴨胸呀！好欣賞佢用新鮮洋蔥同三色椒去整，好fresh👍🏻野飲係任飲嘅，我地試左幾隻，覺得最好飲係蜂蜜綠茶同荔枝特飲。

同朋友去旺角試新野，係樓上 cafe 。cafe 主色係紅同白，都幾 sharp 幾醒神。入門口已經見到有好多玩具同 card game 而且仲有房自成一角啱曬開 party 。晚餐可以揀 dinner set 或者 a la carte ，都算應有盡有。我地叫左一個set dinner 同埋D小食 share 。 首先出場係餐湯同沙律。 忌廉磨菇湯 +$12， 個湯好得，濃濃忌廉湯又有好多磨菇，好香又暖胃。鮮雜菜沙律配日式蛋醬 +$10雖然個沙律收好平，但係一D都唔失禮。份量足，有蕃茄有青瓜有粟米同埋幾種沙律菜，全部都新鮮爽脆甜，大堆，食set 一定要加呀！蜜糖雞翼 $58一份雞翼竟然有八隻，都係$58，真係好抵食好感動。雞翼炸到金黃色皮好脆，加上有蜜糖汁，好味！特別一提，一般好少會食墊底菜，但見到佢樣子都好吸引便試吓。第一次食到墊底生菜都咁甜，生菜新鮮加上蜜糖雞翼D蜜汁滴曬入去，正！下次自己都可以試吓整蜜糖沙律菜先，唔使成日用沙律醬咁悶。意式茄醬燴肉丸 $68上枱嘅時候一見到就忍唔住，wow! 肉丸山呀！真係啱曬一大班人一齊 share ，好有party feel 。 肉丸彈牙好

今日約左幾位好朋友談心搵左一間旺角既樓上Cafe餐廳環境唔算好大如果滿晒客人都會幾嘈晚市既套餐有呢d選擇我點左個西班牙芝士焗海鮮意粉賣相都唔錯～而且份量都幾多、海鮮都算好足料、而且味道都可以有大蝦啦、八爪魚、蜆、青口等等不過係醬汁方面、我覺得味道有啲淡晚市套餐會包一杯＄30樓下嘅飲品＄30以上嘅就補回差價基本上＄30嘅飲品嘅選擇唔係好多我飲咗柑桔紅茶味道一般本身想試佢嘅朱古力、但係要補多10幾蚊好似唔係咁抵

天寒地凍，真係唔多想郁，只想日日都係CHILL OUT DAY！想平平地搵個地方CHILL OUT，其實都幾難。一個小資女朋友帶左我去一個好地方，喺旺角區彌敦道，地點方便仲平靚正！一出𨋢見到幾個胡桃夾子公仔企定定歡迎我，好有特色！行入去右邊層架上面有好多「小遊戲」整齊排列：Cafe以紅白色為主調，中間有一個「主角」大圓枱，開大會都仲得！除左大廳，原來仲有VIP房，左右兩邊各有一個大長枱連梳化位，啱晒一班人嚟Gathering，夠晒私隱。上嚟時係五點零鐘，仲有下午茶供應，五十幾六十幾就有一個餐，有野食連野飲。朋友話我知，呢度每人最低消費只係一杯野飲，仲要無限時！ 睇睇餐牌最平一杯野飲係$30，真係好抵。舒舒服服傾吓計，玩吓Game或者休息吓，唔駛同人迫，享受一個Chill Out Day，呢度的確係平靚正之選! 因為我地打算食埋晚飯，所以同店員講晏少少會叫晚餐，叫住一客【蜜糖雞翼$58】食先，佢地主動提供熱水俾我地，咁我哋就玩住Board Game輕鬆吓先。【蜜糖雞翼$58】原來有八隻，比想像中多，一上枱就聞到好香蜜糖味，炸到熱辣辣，外皮好香脆。奇怪係我見唔到有蜜糖汁，因為一般蜜糖雞翼都

今日去咗旺角同朋友食晚飯，但係大家都唔係太肚餓，所以就揀咗間cafe！呢間係朋友喺openrice上面見到好評而去既！地點就係信和旁邊嘅旺角新城，都幾方便嘅！除咗因為我哋唔係太肚餓之外，另一個原因就Cafe可以慢慢傾下偈, 但係因為今日係星期五,所以可能好多booking, 所以我哋去到嘅時候,係六點鐘但係店員就同我哋講八點鐘就要交枱！咁我哋都冇乜所謂啦，因為都諗住食完嘢去行一陣，所以就坐低咗喇！上到去嘅時候，就見到成個環境都係用紅色同埋白色來做主色，成個氣氛都好和諧好warm！見到openrice嗰個都係食christmas set，但係個分量實在太多啦，我哋兩個人又唔係好餓，所以就自己憑感覺簡啦我哋叫咗一個dinner set，揀咗黑椒汁牛柳粒飯！另外加左15蚊配咗個特式藍莓芝士蛋糕而且佢每個套餐都會送一杯30蚊嘅飲品，如果揀三十蚊以上嘅飲品，就要補番差價，朋友因為想飲果茶，所以我哋就加咗28蚊要個紅莓果茶我哋仲另外叫咗一個蜜糖雞翼添！首先，就係蜜糖雞翼上咗先啦！個皮炸得啱啱好，仲有淡淡嘅蜜糖香味！重點係夠熱！啲肉又唔會over cook又唔會老 之後上咗個黑椒汁牛柳粒飯，賣相就真

臨去睇戲之前，係人來人往的旺角搵間舒適寧靜的餐廳食飯，首選樓上cafe。今次就去左旺角新城的Nardo's Cafe，門口一排胡桃夾子非常可愛親切，罕見紅白主調鮮明醒神。進門右手邊，一整排是卡通玩具模型；最吸引莫過一櫃五花八門新款board games ，任均選擇，一路食一路玩，年輕一番。走向座位前，環觀可容納超過50位食客，空間感高，而且座位公整，亦有特別圓形座室，簡直是組聚、玩團體遊戲的最佳位置。Nardo's Cafe 位於8樓，窗外景觀開揚，以至光線十分充足，自然光下邊用膳邊談心，對於樓上cafe來說，實屬難得。靠窗的一排，頗有文青感。訂了1點2個，稍稍等了廿分鐘，便開始點餐。Tea Set Menu 提供多達10 款的美食，由輕食到主食、甜品皆有。挺貼心的下午茶餐，好讓keep fit 嘅女士至胃食的朋友，都有心頭好。選左TD 蜜糖雞翼拼薯條 ($63) 同埋 TG 意式芝士焗肉醬意粉(牛肉) ($59) 。連餐送$30 的飲品，$30以上的補差額便可以。開初選了King 國王($42)，好可惜無晒，轉了Queen 女皇 同埋 Oreo 朱古力曲奇奶昔 ($52) 。見小食一

想同另一半撐枱腳，但又唔想成日去啲貴價西餐廳，又要顧儀態，食得又拘謹。今次一於搵樓上cafe, 旺角新城8樓全層的Nardo's Cafe, 一樣有西餐食，而且可以輕鬆自在好多。門口好多胡桃夾子公仔，感覺都好繽紛，好relax! 一入去，見到好大個書架，有board game玩，有電視睇。裏面環境好舒服，人多想自成一角嘅，可以坐包廂位，人少少，又可以坐窗口位，每一個角落，都有不同景色，幾特別。我們點了，二人套餐$288兩位，另加一服務費，套餐包括：餐湯或沙律兩客，小食是蜜糖雞翼加芝士薯條，主菜五選一，我們選了意式芝士焗肉醬意粉，甜品也有三款選兩款，我們兩人各選一款試下先！我們選擇特色飲品，跟餐有兩杯價值$30的飲品，轉其他特飲的話，只需補差價，我們都喜歡榛子朱古力特飲，每杯補差價10元就可以了。 賣相很精緻，凍飲真是特別大杯！上面的 cream 拌勻在榛子朱古力一起喝，增加滑溜口感，而且可令榛子朱古力粉更加穩定，不會沉澱，令味道更香濃!又香又甜的特飲，不只女士最愛，另一半也很喜歡呢！忌廉蘑菇湯，我和另一半的口味真的十分相似，飲品要一樣，餐湯也是一樣的口味，成雙成對，挺溫馨的！忌廉蘑菇湯

🍢特色小食拼盤 $128🍤日式吉列炸蝦 $63🍗墨西哥雞翼 $68🍫焦糖朱古力 $45☕️Cappuccino $45🍝西班牙芝士焗海鮮意粉 $108🍲忌廉蘑菇湯 dinner-set+$12🍰特色蛋糕 dinner-set+$15紐約芝士蛋糕 特濃朱古力蛋糕--我唔逐樣講啦 講啲特別推介既👉🏻墨西哥雞翼-微辣 勁香香草味 幾特別👉🏻炸蝦 炸餃子-炸得香口唔油膩😋👉🏻忌廉蘑菇湯-香 濃 滑 足料 講完😌👉🏻紐約芝士蛋糕-濃郁芝士味 唔膩 食哂都唔濟👉🏻特濃朱古力蛋糕-好濃 好滑 好creamy 唔太甜其他都好食 但呢幾樣係我食完又食既😙--呢到環境都幾大 座位好寬敞 坐得好舒服佢有lunch-set tea-set dinner-set仲有party-set 我睇過個menu 價錢非常合理一班人黎開party 食野 飲野 傾計一流👍🏻唔限時 職員好nice 服務 食物 環境都好好不論人多定人少 呢到都值得黎試下😘夜晚黎記得Book定枱呀😉

24號平安夜的中午，MK冇乜選擇，呢度樓上cafe,冇乜人又平平地。中午去到有2班年青人聚埋交換禮物開派對，也有一個三人家庭陪個小朋友食完野捉一陣棋就走。與朋友一人叫一個set, 6O元連一杯野飲，一般家庭主婦貨色。焗肉醬芝士意粉，欠芝士，意粉不彈牙，醬汁0K嘅。鴨胸長通粉，鴨胸欠惹味，通粉偏林。綠茶蜂蜜，系茶包加蜜糖，現成反而好飲。呢度平平地，任坐，年輕人啱啱好。

又到每月一聚嘅日子，今次友人揀左旺角Nardo's Cafe呢個大家都方便嘅地方。Nardo's cafe 喺旺角新城8/F，離地鐵站只需5分鐘步程，非常方便呀！一出𨋢就見到掛滿充滿聖誕氣氛嘅吊飾，你就知道聖誕節黎緊啦。Nardo's cafe並唔係一間只提供食物嘅餐廳，佢地備有大量遊戲卡、UNO、啤牌、象棋、波子棋或者飛行棋之類，比你慢慢玩，真係大人細路都啱玩架。趁未人齊，叫左野食先，友人話要遲少少，幫佢揀埋食乜，咁我唔客氣啦。呢度有兩款Party set，按人頭收費，有頭盤、小食、主菜、甜品，其中飲品更係任飲，啱晒鍾意一路玩一路食嘅朋友。火雞胸沙律（配胡麻醬）味道好清新，雞肉算幾多，菜咬落夠新鮮，配埋胡麻醬感覺好夾呀。意式茄醬燴肉丸: 茄味夠香濃，而且唔會太鹹。肉腸拼盤:有兩款肉腸，迷你司華力腸、意式香葉腸、迷你牛仔腸同熱狗腸，啖啖肉唔駛「Lur」骨，啱晒我。未上檯已經feel到果份熱氣，香辣脆薯皇炸得金黃鬆脆而且夠晒粗壯，比起幼薯條確有另一番風味。仲有蒜香雞翼、咖喱角、炸麥樂雞塊等，真係好多選擇，啱晒一大班人食。飲品有無限加添嘅QUEEN女皇--即係青蘋果汁+芒果汁。同埋PRIN

身邊朋友們生小孩後都很小共聚，就連放狗的時間都夾不到，為了繼續我們的友誼，所以今晚決定夾一夾時間，跟好友們來個小聚，我們三家人加2個小朋友，最好當然是找樓上Cafe坐啦﹗這晚我們來到Nardo's Cafe聚腳，一來Cafe有很多Card Game等玩樂設備提供，讓小朋友們可以有得玩，我們大人就可以安心享用美食，還可以傾談近況，二來樓上Cafe不限時間，可以跟友人們整晚盡情聚舊⋯來到Nardo's Cafe，以紅白兩色為主色，加上已經換上聖誕佈置，所以充滿聖誕氣氛，很適合聖誕節一大班朋友前來歡渡⋯原來這裡還提供Party Set，有2款選擇，飲品更是無限任飲，不用擔心傾到口乾呢﹗我們正好人多，二話不說就來個Party Set⋯Party Set的份量十足，前菜我們選了火雞胸沙律配胡麻醬，沙律菜非常新鮮爽脆，加入胡麻醬又Fresh又滋味﹗大家都勁讚這個沙律出色﹗秘製日式餃子，餃子面層灑滿鏗魚片，餃子皮煎得香脆，加上秘製餃子醬汁很美味呢﹗肉腸拼盤是很受小朋友歡迎的其中一個小食⋯另一款小朋友搶著吃的是香辣脆薯王，我們2位小朋友只有3及4歲，但不停嚷著要薯條，雖然說是香辣脆薯王，但沒有辣味，炸