Nardo's Cafe (已結業)

今日一個人行開信和中心，又到肚餓時間，想起朋友介紹之前食過旺角這間樓上cafe~Nardo's cafe, 無論環境、氣氛、食物和價錢都滿意， 反正行過一條街就係旺角新城， 今日晚餐就決定食這間。一上到這間餐廳， 確實比這裏的紅白色調裝修吸引住， 加上擺放滿滿的公仔和很多不同遊戲卡任君選玩，感覺又不錯。選了個套餐是黑松露海蝦帶子意大利飯， 有餐湯有飲品，都係百鬆d,算低。這碟黑松露海蝦帶子意大利飯都好大碟，三隻大蝦 結實彈牙，鮮甜味美。 原隻帶子，雖然size比較細， 但煮得口感啱啱好，肉質幼嫩，不用大力咀嚼，入口軟綿，味道不錯。 而意大利飯配上濃烈的黑松露，甘濃惹味， 香軟的忌廉令飯身軟稔稔，每一啖都滋味滿足，正！餐湯是忌廉蘑菇湯，口感香滑，味道濃郁，不錯。值得一提是這裏的店員招呼貼身, 下次再來幫襯 一定要三五知己,因為眼見隔離幾枱食客都是飯後再玩cafe提供的遊戲卡, 又食又玩,好有氣氛。

呢度嘅裝修好搶眼，紅色白色，好容易令人記得。擺滿左好多模型同埋吾同種類既game，岩哂不班fd上來慢慢玩俾個餐牌你地參考下先，價錢同平時d樓上cafe差唔多 除咗叫Dinner Set仲可以自己散叫 於是我同朋友就叫咗一個dinner set加散叫小食首先想頭盤沙律，啲蔬菜都幾新鮮爽口之後就到特濃芝士薯條!!一上碟已經好香嘅芝士味，食落芝士味都好濃郁而且芝士醬好creamy，加上薯條炸到出邊金黃色，外脆內軟有啲吾點芝士醬點茄汁都一樣好好食叫咗墨西哥雞翼，份量都唔少，甜甜酸酸嘅醬好開胃，加上熱辣辣，雞肉都算滑嬾，不錯仲叫咗個卡邦尼意粉同朋友share食，幾大碟，兩個女仔share食一定夠佢嘅忌廉汁吾係好杰果種，唔會好油膩，恰到好處，意粉都好彈牙，比較居家feel甜品方面，我同朋友就一人叫咗一個蛋糕🍰我叫嘅係特濃朱古力，有朱古力香但又吾會太甜，而且好多cream 朋友叫嘅係紐約芝士蛋糕，芝士香好重，亦都好香滑，估唔到Cafe可以食到呢個水準，芝士咪唔可以錯過另外嘢飲方面，我點左蜜桃梳打，覺得清涼適合夏天呢度有好多唔同水果梳打選擇，仲有唔同嘅特色野飲，可以跟返自己鍾意去選

記得以前中學時代，好鐘意去樓上cafe吹水玩boardgame，而家真係買少見少!難得今次朋友咁耐無見想吹耐啲水!一於搵返間樓上cafe懷舊下!1)香蒜忌廉蜆肉煙三文魚意粉 $115好creamy~蜆肉三文魚都夠多!2)黑松露海蝦帶子意大利飯 $125不嬲好鐘意黑松露~如果再濃啲更加正~3)蒜香雞翼 $58而家好多新開cafe呢個價可能得3-4隻!呢度絕對抵食又好食!4)藍莓果茶 +$28酸酸地~好開胃!又可以加水~5)特濃朱古力蛋糕 + $15真係好濃郁~唔膩!去完之後真係覺得，其實樓上cafe好質素過好多新開餐廳，起碼唔會伏，定價又合理!

今日約咗班中學同學聚會，好耐無見面，想坐得耐D，傾得盡情D!就在中心旺角區找間餐廳，方便大家，但要不限時的，真的不多，見旺角新城有間樓上餐廳，就book嚟試吓！到步後見裝修幾有特式，而餐牌有很多選擇，有個人餐，也有party package,見Party Package飲品可以無限任飲，但價錢只係$138/位，實在太吸引了，決定一試。頭盤沙律可以（二選一），蟹條日式蛋醬沙律/凱撒沙律，我哋選了蟹條日式蛋醬沙律，四人份量好大碟，而沙律菜也很新鮮，蛋醬配上蟹條，好開胃。特色小食，有滋味蜜糖雞翼、健康雜菜春卷、香脆咖喱角、秘製餃子、酥炸麥樂雞塊、洋蔥圈，有六款小食，每樣都熱辣辣，炸得好脆口，雞翼有蜜糖味😋😋而秘製餸子有燒汁加木魚絲，好好味。主菜可（三選二），意式芝士焗肉醬意粉/香草忌廉什菌煙肉長通粉/鮮茄蓉鴨胸燴意大利飯，我哋要了前兩者，先講意式芝士焗肉醬意粉，好大碟頭，加上有濃濃的芝士面，焗得好香，而個番茄汁同肉醬都做得好好，另一個係香草忌廉什菌煙肉長通粉，個忌廉汁好滑，配上什菌同煙肉，相得益彰。特色飲品任飲，可以選青蘋果汁加芒果汁/菠蘿汁加橙汁加士多啤梨汁/金桔青檸/荔枝特飲/蜂蜜綠茶，

之前同best friend去左食下午茶 所以叫左兩個小食 凱撒沙律同埋吉列海鮮拼盤 拼盤入面有 酥炸魚柳 日式吉列炸蝦 黃金蟹鉗 帶子 魷魚圈兩個份量都好大 好抵食 成個拼盤都系即叫即整 所以都要等一陣 但真系好好食 好值得去等凱撒沙律都好好食 醬汁份量適中 d菜都幾fresh下食完兩個小食都會飽 所以佢份量真系大下次去 會想試下佢d意粉 感覺都會好好味而且環境將好 唔會太嘈 岩哂傾計又唔洗趕住走Thanks for your watching

其實有時約朋友食飯，都係為咗想吹吓水🤪所以呢到冇時間限制，坐好耐都冇人趕你走，啱一班人嚟玩，又啱三兩知己嚟談心🙈是晚我地隔離枱就係三人Girls’ talk，而遠少少嗰枱就係一班人係到大聲講大聲笑兼睇波😆.Dinner set本身只包$30嘅飲品，選擇只有檸檬/蜂蜜/金桔/水蜜桃綠茶或紅茶。而我同朋友向來都鐘意飲朱古力🍫😆本身猶豫叫普通凍朱古力(原價$40)定朱古力milkshake(原價$49)，結果我地都決定補$19揀飲朱古力milkshake🍫🍫😍😍朱古力milkshake飲落又冇想像中咁有罪惡感喎😜因為奶昔質感只係比平時普通凍朱稠少少少少，所以飲落都唔太濟。奶味同朱古力味都香濃，奶味相對會出啲，不會過甜，整體都唔錯嘅😆.Set dinner主食其實有7款選擇，價錢由$89-$125不等。1️⃣意式芝士焗肉醬意粉($89) 2️⃣卡邦尼煙肉意粉($97) 3️⃣黑椒汁牛柳粒飯($99) 4️⃣西班牙芝士焗肉醬意粉($108) 5️⃣忌廉菠菜煙三文魚長通粉($108) 6️⃣香蒜忌廉蜆肉煙三文魚意粉($115) 7️⃣黑松露海蝦帶子意大利飯($125).同行友人原來之前都已經嚟過呢間cafe，佢話上次已經試過

今日同朋友食晚餐，想座低慢慢傾下食下，所以選擇了樓上cafe。這間無限時間的cafe, 環境好大（8樓全層），加上設計好有型有典雅，用紅白作主色及配有大掛燈，圓形的座位擺放，另更有獨立房間（適合一大班人）服務好好，老闆娘親力親為又有善欣勤，主動推薦食物又會同客人暢談，好活潑又勤快！這裡的晚餐有set, 更有2人餐及party set(for 4-5人）我們叫了餐湯、沙律、主菜及甜品餐湯是特濃磨菇湯好香滑又不會太膩，磨菇不會磨成全碎，還有一片片磨菇口感，好香濃喔！配上香草，好好飲特色沙律開胃沙律，有番茄、沙律菜、青瓜、粟米；健康又好清爽，適合夏天的開胃菜忌廉菠菜煙三文魚長通粉通粉軟硬度掌握得好好，忌廉不會太濃太膩、煙三文魚好香又多片，每一啖都有三文魚碎、配上菠菜及甜甜的洋蔥，好美味可口西班牙芝士焗海鮮意大利粉顏色好吸引，好多好豐富的材料！有青口、魚柳、魷魚、蝦；好新鮮好甜美，番茄醬汁好開胃，甜甜酸酸的，配上青椒、洋蔥等，增加口感及中和肉的部分；份量好大，好抵食甜品好滑好夠凍！藍莓好香甜，芝士味濃但不會太甜，餅底製作出色，整個蛋糕都好滿意好美味飲品有不少特飲、朱古力、綠茶紅茶，我們試了一杯

朋友推薦呢間café,話食物唔錯,價錢又合理,所以一於去試下.平日晚上7點幾去到都已經有唔少客,老闆話我地好彩有book位,因為今晚full booking 所以walk in應該會無位.估唔到會咁爆Set dinner有包$30以下的飲品,加多~$25已經可以有salad同埋蛋糕,價錢好reasonable.雜菜沙律加$10就有咁大碗沙律, 而且沙律菜都好新鮮,幾抵食.蘑菇忌廉湯湯比較杰身,如果再滑身啲口感會更好.味道都幾香濃同埋有好多蘑菇粒,睇得出係有心思的餐湯.西班牙芝士焗海鮮意粉海鮮料青口,蜆,大蝦…期中青口係比較出色,好有鮮味.而蝦都幾大隻同彈牙,唔錯.雖則意粉醬的蕃茄比較淡味,好在有鹹香的焗熔芝士搭救。黑松露海蝦帶子意大利飯意大利飯個sauce幾creamy但又唔會好膩,每啖都有淡淡的黑松露味.飯粒粒分明而且唔會太硬,幾有咬口.而帶子同蝦的肉質好鮮嫩同彈牙.荔枝玉露我怕太甜所以叫左佢少甜.有好香的荔枝味仲有椰果粒粒,清清甜甜幾好飲.Oreo朱古力曲奇奶昔叫呢杯時我地猶豫左好耐,因為實在太邪惡了,好有罪惡感的一杯奶昔.最後証明左好食的野同罪惡感永遠係並存的.因為真係好好飲呀!

之前都好似講過我幾鍾意樓上cafe，因為可以坐係度玩好耐board games或者吹水都無人趕🙈呢度有好多款card games、board games，狼人、飛行棋、我唔識玩叫唔出名既等等應有盡有，又有大圓檯或者party房幾啱一班人聚會🎉店員好熱情，間唔中傾下計，服務又周到，不斷換餐具😳夜晚幾full，記住訂位先好去👁‍🗨 二人套餐（7/10）💲288/2位先講頭盤，兩個忌廉蘑菇湯，奶味重得黎又不失香濃蘑菇味，口感幾滑身，都有好多可以咬下既蘑菇粒🍄小食有蜜糖雞翼拼芝士薯條，雞翼外脆內嫩，稍為略嫌唔夠蜜糖味，淋滿芝士既粗薯預左唔特別脆身，不過做到拉絲效果🧀同埋面頭有炸蒜，多左一種層次感，份量多到食完都已經有少許飽😱主菜係五揀一，要左個西班牙芝士焗海鮮意粉，廚房唔小心整錯左忌廉菠菜三文魚長通粉，但都好有禮貌即刻整過🤤熱辣辣上檯，可能都係有蕃茄芝士三色椒既關係，食落比較似係平時普通pizza底酸酸甜甜既味，海鮮就有蝦、青口、魷魚🦑意粉爽口彈牙，份量又夠多，唔駛擔心唔夠食🍝甜品有兩件，分別點左紐約芝士蛋糕同埋特濃朱古力蛋糕，前者質地較為扎實，夠曬芝士味，後者慕絲比蛋糕層厚，入口軟滑，朱古力

同朋友聚會 想搵個地方傾計 cafe一定係首選🤡今次黎到nardo’s cafe...紅白色既設計 好靚😍仲有d玩具擺設，board game⋯好岩年輕人傾計消磨時間😆我同朋友點左花茶，可人兒同小天使！花茶好足料😯😯😳桂圓肉 洋甘菊 杞子⋯佢呢個茶壺我屋企都有 向下壓可以加速將茶同配料精華壓出 令花茶味道更濃！唔落糖 更健康👍🏻👍🏻野食方面 點左特色小食拼盤🍤特濃芝士薯條🍟同埋tea set既忌廉雜菌煙肉意粉🍝小食拼盤有雞翼 餃子 麥樂雞 薯角 春卷同咖哩角！全部都係年青人最愛😋😍食落口 係真係熱辣辣 仲唔會食到成口油👍🏻👍🏻👍🏻芝士薯條勁爆多芝士！！😍🧀芝士控一定愛上😋意份配料都好多 有埋甜椒 中和番忌廉汁既飽滯感😋其實份量真係超大份 呢個價錢 真係超抵食😳😳😳食到捧住個肚走😄最後 值得一讚既係 店員服務好好！下次再黎 要試下cheese cake 🍰😍

今日同朋友約左行街,未開始就梗係要醫左肚先啦所以搵左間樓上CAFE試下,就係Nardo's Cafe 入到去店員就安排好座位睇左食咩先啦叫個特式小食拼盤先,再加墨西哥雞翼,凱撒沙律,忌廉雜菌煙肉意粉,香辣煙鴨胸長通粉再加個薯條,藍莓芝士餅,特濃朱古力蛋糕,莫加咖啡,可人兒等緊個陣四處睇下有咩玩先環境都幾好FEEL,都幾多野可以玩..坐又幾舒服..可以MARK低再黎特式小食拼盤--有雞翼,日式餃子,麥樂雞,辣味薯角,雜菜春卷,咖哩角D炸物即炸出黎,熱辣辣堅唔錯,熱得黎唔會好油膩做得幾好,油要夠熱隻雞翼都幾好食,連埋醬汁..薯角香口得黎又唔燶薯條--同拼盤一樣炸野都係好出色,即炸...正呀墨西哥雞翼--辣辣地好野味喎,夠晒入味之外個汁真係無得輸凱撒沙律--食下菜都幾FRESH,餐前食住先再食主菜非常好忌廉雜菌煙肉意粉--最愛個白汁,意粉軟硬度岩岩好香辣煙鴨胸長通粉--都幾足料,蕃茄汁加埋唔錯藍莓芝士餅---芝士味岩岩好,個口感都幾好..一流必食特濃朱古力蛋糕--一入口就朱古力味,朱古力既味道融入口中莫加咖啡--好香既咖啡味,唔錯可人兒--一聽個名我諗起楊千嬅,其實佢有洋甘菊,杞子,桂圓肉飲

早排約左屋企人出去傾屋企裝修的野，為左可以坐耐D，又有wifi，我們最終決定去旺角的樓上Cafe。不過我一向對樓上Cafe食物的質數一向有所保留，曾試過係去同類餐廳食物唔夠熱、食物淡而無味等問題，不過今次Nardo's Cafe的水準我係滿意的。我們三個人唔算太肚餓，最後決定要兩份Dinner Set，再加兩份小食齊齊Share。鮮雜菜沙律配日式蛋黃醬的份量比相像中大，配料都係沙律菜、車厘茄、青瓜。整體都幾新鮮，菜夠脆身，車厘茄又夠甜。如果你鍾意飯連鎖薄餅店的磨菇忌廉湯，你應該會鍾意呢到的忌廉蘑菇湯。蘑菇量多而厚，忌廉湯的忌廉味又香又濃，係口感好Creamy的湯。魷魚圈炸得黃金又夠乾身，唔會成隻油鴨咁。另外，魷魚圈的皮唔算太厚，整體食起黎外面鬆脆，內裏彈牙。蜜糖雞翼唔會太肥，味道甜甜地，焗得又香又均勻的雞翼好容易會食多左幾隻。黑松露海蝦帶子意大利飯煮得剛剛好，Creamy之餘又夠乾身。海蝦及帶子雖然唔算好大隻，不過都幾彈牙，口感ok。此外，意大意飯應該加左少量芝士去煮，食的時候會有少許拉絲。鍾意忌廉汁的你，仲可以選擇忌廉波菜煙三文魚長通粉。由於長通粉比較掛汁，加上份量不少的三文魚及少量

同女友出旺角諗住行陣街再食飯，奈何今日天氣真係好熱，再加上旺角長期累月都好多人，所以我地最後選擇搵個可以坐耐少少既地方食飯。要坐耐啲非cafe莫屬，然後醒起以前去過間cafe都唔錯，所以就決定黎左呢到。門口簡潔清新。我地每人叫左一人餐加小食。先黎左杯荔枝玉露，唔係好甜，大熱天時飲返杯清爽飲品，即刻降温。另一杯叫王子，因為係幾款果汁溝埋既沙冰，所以會係偏甜，不過味道唔錯。忌廉蘑菇湯，好香蘑菇味，一飲以為係加左黑松露，但飲真啲係好濃既蘑菇味，好好味！沙律唔少，亦都好新鮮，加上蛋黃醬無咁寡。蜜糖雞翼，熱辣辣出黎外脆內軟的，蜜糖味都好夠。忌廉菠菜煙三文魚長通粉，好大碟，因為有啲菠菜一齊，所以都唔會我好濃既忌廉味，令碟粉無咁咸，而啲粉都幾煙韌。黑松露海蝦帶子意大利飯，小弟的最愛意大利食，啲飯好香好creamy，蝦都好爽口。特濃朱古力同藍莓芝士蛋糕，一人一件自己食哂，我食朱古力甜得黎一啲都唔流，建議大家揀呢個。

朋友生日，想玩board game，又想坐得舒服，所以揀左呢度～入度去，門口擺設好吸引，座位隔格做到私人空間的效果。我地一行五人，店家安排左我地坐房，貼心😆👏坐得好舒服，唔迫，方便玩遊戲！我地叫左四個set dinner，三個小食，有d要讚～～1）牛柳粒飯：牛柳粒好鬆軟🤤2）蜜糖雞翼：有八隻，少少甜，炸得很脆3）芝士薯角：炸得很脆，尺寸適中，有口感（店家主動話芝士配薯條仲好食！）4）小食拼盤（炸雞翼、咖哩角個隻）：有六款食物，每樣4件（除左薯角），份量都多👍其他食物味道都不錯，同行朋友話：「好少cafe d野係好食既，呢間可再黎!」女店家很開朗熱情，服務好好！因為食得太滿足，但又想慶祝兩個朋友的生日。雖然只叫左一舊蛋糕，但佢會主動提出寫晒兩個名上去都得😆😆👏總括而言，今次食同玩得好開心，之後會再黎～

星期日，旺角，除左嘈到拆天、充斥住大媽歌同大媽舞既西洋菜南街，旺角道天橋既家傭野餐區，你仲會諗起咩?曾幾可時樓上cafe 係香港好hit, 幾年過後慢慢比party room 取而代之，而樓上cafe 既優勝之處，當然係食物質素。呢間nardo's cafe 位於彌敦道既旺角新城8樓，信和中心附近，位置就腳，岩晒一大班人聚餐入口處見到大大小小唔同既模型裝飾，別有風味坐位闊落，仲有唔同既party game,好岩6-8人既party 尼gathering不過我同朋友主要尼食野，所以就focus 係野食啦叫左個dinner set, 加$10 有個餐湯，忌廉蘑菇湯好creamy, 好滿足黑松露大蝦帶子意大利飯，一上菜就好香truffle 味大蝦同帶子輕輕煎過，加上口感特別既risotto 好夾蒜香雞翼，蒜味濃，肉嫩份量多有8隻，岩晒多人share意式茄醬肉腸，茄醬清新，加上兩款肉腸食好正飲品方面，皇后係沙冰尼既, 甜甜地荔枝玉露都好岩女仔飲