Nardo's Cafe (已結業)

跟很久沒見的朋友約吃飯，找了一間樓上cafe打算舒舒服服地聊天。Cafe 環境以紅白作主題做佈置，當然少不了各式各樣的board games。餐單如下，食物款式挺多呢。我們很貪心，想甚麼都試一點，就點了特式小食拼盤（$148）。果然沒有令人失望，有多達6款的小食，每樣有4件，非常豐富。雖然份量對兩個人來說有點多，但我們慢慢吃，也差不多吃光整個拼盤。個人最喜歡蜜糖雞翼和餃子，雞翼很入味，蜜糖味香濃，至於餃子配搭章魚丸和日式和風醬，也很惹味。另外我們還點了黑松露海蝦帶子意大利飯（$138），意大利飯很creamy，亦散發濃郁的黑松露香味，很開胃呢。飲品選擇也很多，我點了養生健康點的花茶—-可人兒。猜到有甚麼成分嗎？其實是洋甘菊、杞子和桂圓肉，熱辣辣很暖胃。最後當然不少得甜品作結，我們share一件blueberry cheesecake， 就算覺得今餐卡路里超標都禁不住這份甜品的誘惑呢。

眾多嘅旺角樓上Cafe，我最中意就係去旺角新城8樓嘅Nardo’s Cafe。中意依間Cafe都好多原因嫁，不過最主都係食物好食、有個熱情好客嘅老闆娘同埋鄰近信和中心/現時點。如果三五知已上去仲可以借下board game玩添。今日又同女朋友上咗去食，點咗最中意食嘅幾道菜：煙鴨胸野菜沙律配意大利黑醋、肉腸拼盤、蜜糖雞翼。今晚再點多個Dinner Set嘅西班牙芝士焗海鮮飯。我哋好中意食依個煙鴨胸野菜沙律配意大利黑醋、因為老闆娘入嘅沙律菜總係非常非常之新鮮，意大利黑醋亦有挑選過，黑醋味唔會搶咗出嚟，再加埋煙鴨胸、有菜有肉，十分平衡。肉腸拼盤有司華力腸、意式香葉腸、牛仔腸同熱狗腸。每種肉腸嘅味道同口感都各有不同。肉腸拼盤雖然好似好普通，買肉腸返嚟就可以，其實都要試過揀過先會入貨，前期工作所花嘅心思同時間都唔少嫁。蜜糖雞翼係我另一個中意食嘅小食。Nardo’s Cafe嘅雞翼都烹調得非常好，雞翼都剛剛熟透，肉質保持鮮嫩多汁，而外皮焦香。老闆娘無講用咗咩蜜糖，我估應該係用咗玫瑰蜜，因為入口唔會太甜之餘、仲帶有微微嘅蜜糖香。因為女朋友中意蒜香雞翼、所以今日點咗蜜糖同蒜香mix。西班牙芝士焗海鮮飯

細細個時，我都好鐘意睇唔同類別既卡通片，所以呢間有咁多模型既餐廳真係令我同好耐無約食飯既堂細佬都有種現場被卡通人物娛樂既一餐飯既感覺。同我堂細佬一齊點左兩個set同小食，分別每人一個set starter，食salad 同忌廉湯，salad既分量夠我同堂細佬開心share/而且都好fresh。忌廉湯質感比較輕身，但料上很足。晚餐：西班牙海鮮焗意粉：海鮮其實都唔錯，只是意粉未算焗得夠透，汁同埋意粉個質感可以solid 返少少。但係黑松露海蝦帶子意大利飯既質感軟硬適中，香味好撲鼻，完全無令我同堂弟呢餐生日飯失望。蜜糖雞翼更是有種家的感覺，呢個我地都無失望。總結：環境同食品都係老少咸宜，多選擇的.因為咁多卡通模型既原因，我覺得飲野傾計，加埋卡通片都是每個generation 都可以融入的飯局話題。希望下次可以再帶屋企人來嘆花茶，食蜜糖雞翼及欣賞卡通模型啦。

唔想去連鎖店同人坐到面貼面，識揀一定揀樓上cafe，呢度除咗座位舒適有空間感，仲可以邊食邊玩添！好，坐低睇有咩好食先。日式蛋醬蟹條雜菜沙律，份量大大碗，蔬菜新鮮又抵食。香蒜忌廉蜆肉煙三文魚意粉，忌廉打得唔錯，掛滿每一條意粉，醬汁恰到好處，唔會太漏。黑松露海蝦帶子意大利飯，淡淡黑松露味，唔會太搶，米飯粒粉分明，好食！紐約芝士蛋糕，上面個mousse幼滑，芝士蛋糕夠實淨，餅底唔會鬆散。飲品就叫左薄荷朱古力、水蜜桃梳打。呢度有一樣做得好細心既係，食物幾乎係逐樣上，食完一碟再一碟，唔會好似岀面連鎖店咁樣一次過上晒，而且老闆娘係好nice既，抵讚！

味道很一般，價錢亦不便宜。失望..............................因為平時都很喜歡吃這種類型的餐廳，不過這間餐廳的味道確實不太好吃

Nardo's Cafe☕️ nice gathering place💕..旺角樓上Cafe☕️，一定很多人去過吧。最適合一班朋友，約埋一齊飲杯野 食下野 傾下計，有個好地方可以慢慢傾談玩樂，又唔擔心餓親肚仔，又都唔怕比人催趕離座嘛。相信年輕人晚餐聚會，一定唔少得。而正正就係要搵間環境舒適，招呼周到`貼心`熱情既Cafe，食物又相宜美味，一定能留得住人心喔。踏進呢間Cafe☕️，已經被紅白主調為主打設計既色系吸引，強烈對比 但感覺舒適休閒，又不失活力既感覺。而且仲有好多玩具擺設`精緻模型`不同種類既board game🎏🧩🎰🎲♟🎯，一定唔會悶親。ll $148黎得Cafe☕️ Party小食🎉 一定唔少得，一大盤小食拼盤 亦令人食得開心。好豐富：雞翼🍗`日式餃子🥟`麥樂雞🐥`辣味薯角`🍟雜菜春卷`咖哩角，最岩心大心細 又嘴饞既我😋。份量足 每款都有4件，大家唔洗爭。香口小食 大家都好難拒抗吧，但要小心邪惡誘惑喔。ll $129Clam & Smoked Salmon Spaghetti with Garlic Cream Sauce主食方面，意粉🍝 就最合心意❤️。濃濃忌廉汁加入香蒜 味道更惹味

諗住揾嗰地方同朋友聚會喇 貨比幾家 發覺呢間嘅二人套餐幾便下 於是就book位喇 上到黎發覺好彩book咗位 好多walk in上來嘅都冇位離開咗 入正題喇 二人套餐分量好足夠 我哋兩個女仔食唔曬咁制 二人份嘅意粉好多好多(我地最後都食剩三分一) 嗰拼盤好正 好中意距嘅芝士薯條 唔會林 更值得一提嘅係距嗰藍莓芝士蛋糕 好好味啊 朋友叫咗杯水蜜桃綠茶 好似有少少苦 但我杯金桔紅茶 味道剛剛好~ 老闆娘好親切~ 可能今晚多人book位聚餐喇 所以環境有點喧鬧哈哈 整體上都ok 會有下次幫襯哈哈哈哈哈哈哈哈

跳舞之前同班戰友一齊食飯😋，除左一邊傾談信仰亦有一齊講下跳舞同講下社會事件🤓，其實有良知真係好重要🥺，人一旦麻木左就會變得好恐怖門口有一啲餐廳自製嘅卡片同貼紙可以拎😍，整得非常靚。入到去坐低，同老闊娘傾左一陣偈就點左個佢推薦嘅Party Package Menu (A2)，好彩今日有book位咋🙈，餐廳基乎每日都Full booking，想上黎食野同朋友傾偈真係要記得提早book位套餐一個價錢就可以有1️⃣款沙律、🔟款小食、2️⃣款主菜、每人1️⃣件蛋糕同任飲5️⃣款特飲🤤，我地4個人都食到飽住走呀！份量多到包你唔會唔夠食👍🏼，夠哂抵先叫左瓶荔枝特飲同蜂蜜綠茶🍯🍵，話明係健康推介，香濃得黎又唔會過甜；Caesar salad🥗好新鮮，加埋salad dressing仲好惹味添小食全部都即叫即整，熱辣辣香噴噴🔥，我最鍾意就係日式餃子同茄醬肉丸，真係好好味🤩；再黎就有香草忌廉雞皇長通粉同黑松露煙三文魚海蝦意大利飯，兩款都好足料，芡汁嘅比例仲調較得好好，唔會好乾又唔會過濕最後仲有New York Cheese Cake、Blue Berry Cheese Cake同Double Chocolate Cake

呢間，都開左好多年，今晚去返，環境都無太大變化，紅白色。氣氛都係咁開心。模型架又多左d新鄰居，等野食個時可以去欣賞下。玩具架就有少少update啦。意式芝士焗肉醬意粉$105我比較大食，就叫加多少少底，但要食得完先好啊，唔係老板會罵你浪費食物架。芝士味同牛肉味仍然都係好濃厚，食完會好回味架xd但留意，會好飽！香蒜忌廉蜆肉煙三文魚意粉$129蜆肉非常多且有鮮味，三文魚就唔濃味，唔會蓋過蜆肉嘅味，同意粉對比，會覺得佢淡味d嘅，唔中意濃味嘅可以叫佢。焦糖朱古力要加$嘅，岩出嚟個時會濃味甜少少嘅，可以飲面頭個d先，我自己就中意濃少少嘅，所以就覺得岩岩夠甜同朱古力味。最後加多個甜品食下，幾好食。

嘢飲方面我叫咗藍莓果茶，真係有藍莓咖，糖漿另外上，甜度自己調校，飲完唔夠可以叫店員加水嘢食方面我就叫咗辣肉腸長通粉，我覺得好好食，首先啲辣肉腸辣辣地味道非常好，長通粉嘅軟硬適中，醬汁幾濃郁雜菌意大利飯好大碟，忌廉醬汁味道正常，菌類都好多，不過食耐左就有啲寡所以唯有叫多個餐，雞翼薯角都炸得好香脆，薯角好多同人分享就啱曬呢度服務唔錯，老闆娘好有良心。食物質素中上，價錢都好合理，任坐唔嬲，座位設計令到私密度好高添！

黎CAFÉ預左野食同價錢唔成正比嫁啦，因為佢地會提供遊戲比你玩，又可以坐好奈，今次同朋友叫左兩個粉，香蒜忌廉蜆肉煙三文魚意粉，但我覺得個粉太碎，好難夾，呢樣麻麻地，我同朋友都未食過咁碎的意粉，雖然個味唔差，至於蒜也唔太夠蒜味，因為係為左個蒜味而叫的，不過整體都OK。芝士忌廉雞肉闊條面，呢個啲面就唔碎，中間好多三色椒。不過呢度的燈光唔係咁好，坐得奈對眼有少少辛苦。飲品叫左個士多啤梨朱古力，唔太好味，似藥水味多過似士多啤梨。

餐廳：Nardo's Cafe (旺角)地址：旺角彌敦道594-596號旺角新城8樓跳舞前去到旺角新城嘅Nardo’s Cafe食晚飯🥣，聽朋友講呢間除左係黃店之外💛，老闆娘仲好熱情好客好好人👩🏼‍🍳，果份人情味會令人留戀❤️，講到咁，都無理由唔去見識下嘅轉左新醫院第一日實習比較肚餓，加上之後要跳舞🕺🏼，所以特別叫多啲野食飽少少☺️，叫左個忌廉菠菜煙三文魚長通粉dinner set($115)，仲送一杯$30飲品🥤，加左$28叫左個戴安娜(紫玫瑰花、紅玫瑰花加洋甘菊花茶)，可以消除疲勞減壓💆‍♂️，減輕失眠同養肝明目👀，岩哂我呢d成日捱夜嘅大忙人飲長通粉用左菠菜碎同三色椒去煮，加上三文魚同濃稠度岩岩好嘅忌廉汁👍🏾，鮮味十足之餘亦較健康🥬，唔會好dry或好乾身除左長通粉，仲以跟餐價$12加左個忌廉磨菇湯同$15叫多個特濃朱古力蛋糕🍰，忌廉蘑菇湯足料，蘑菇片夠多😍，湯底香滑；朱古力蛋糕用左我最鍾意嘅dark chocolate去整🍫，creamy嘅外層夾雜住鬆較嘅海綿蛋糕😋，朱古力味認真夠哂濃厚最後仲叫左蜜糖雞翼，$68有成8隻非常抵🥳，脆皮雞翼被甜甜嘅蜜糖漿包圍住🍯，香口吸引，眨下眼就食哂8隻

同舊朋友聚會，上網見呢度係黃店就幫襯下，啲野食野飲都尚算ok，價錢都接受到，個環境都幾大幾舒服，去坐下吹下水的確係幾好既選擇！店員既服務態度都好好，超nice超好人。不過有啲位都需要改進下，首先，board game係我地其中一個揀去呢度既因數，但呢度啲board game殘到玩唔到，仲要有陣味。諗住揀個最穩陣冇死既啤牌黎玩，點知啲牌唔齊，仲要重複，真係強烈建議一係就換返新既board game，一係就唔好擺，好易會比客留一個唔好既印象。同埋個廁所真係好烏糟！

眾所周知，旺角有好多樓上cafe，試過好多間，覺得呢度算係唔錯。地方唔算好大，但裝修幾有心思，同埋都算乾淨，令人坐得安心。Menu上嘅選擇都幾吸引，不過今次同男朋友黎就叫左二人餐($298)，抵食啲，包嘅嘢多啲。頭盤有沙律同忌廉湯揀，我要左沙律，感覺健康啲，而且佢啲配料算多，又夠大碟，唔會hea好有誠意；男朋友就要湯。小食係蜜糖雞翼拼芝士薯條，超級好滋味，前者夠香甜，後者夠邪惡，係魔鬼與天使嘅配搭。主菜係5揀1，我地叫左個西班牙芝士焗海鮮飯，裏面有好多蝦同青口，正!飲品包$30，超額就補水。天氣轉涼，唔敢飲凍野，於是我同男朋友一人叫左一款茶：我要Charming同佢要Blueberry Tea。我嗰杯Charming好香，有淡淡嘅甜味，好舒服。另外甜品有蛋糕，我地叫左new york cheesecake同 blueberry cheesecake。埋單有加一，除番平均每人$200左右，屬中等價格，但佢啲野食真係好足料夠大碟，啲staff又好有禮貌，同埋無限時坐耐啲都得，所以都俾得甘心嘅。

係旺角收工同朋友2個人想搵間餐廳坐耐d傾下計 但好多都有計時又多人排隊於是搵下附近既cafe 搵到Nardo cafe 因為見到佢有2個人既細台唔駛一定要一大班人先去cafe 上到去見到除左2人台 同4人台仲有有張超大既圓形sofa 台好岩一大班人去玩店內有好多玩具裝飾 幾特別仲有唔同game可以玩 絕對有排坐都得我地睇meun覺得2人餐唔錯又唔駛諗所以叫左個2人餐包左2個飲品 2個湯2人份量既主菜一個小食 同2個蛋糕 好夠食_雞翼芝士D芝士醬超正 條條薯條都有 薯條又脆口仲要份量唔少 主菜我地選左芝士忌廉波菜煙三文魚長通粉忌廉汁唔係好漏個D 通粉軟硬都岩同埋無痴住 最怕D通粉會痴住 影出黎無實物望落咁大碟我地2個女仔食好夠食飽到不得了芝士蛋糕 其實2人餐係一人一件但因為食完小食同主菜我地太飽既關係 唔想浪費所以只係要左一個另外想推薦一下紅莓果茶酸酸甜甜好開胃消滯 店舖既老板娘雖然好忙但都熱情地出黎同我地講幾句同會問下食物意見睇得出係有心做好的大家可以去支持一下樓上的小cafe