Nebraska Member of Louis Steak House (已結業)

繼續周圍去灣仔試唔同嘅牛扒屋，今日又搵到一間好嘢。依間牛扒屋喺灣仔已經好耐歷史，以前舊老細帶過我哋一班同事去過一次，當年已經記得係好好食好難忘。今次舊地重遊，決定自己一個人去試一次。我今次叫咗一個西冷扒餐(原味)，價錢係$188，雖然作為一個打工仔午餐會係貴咗少少，不過一個星期都會獎勵自己一次。首先講吓個羅宋湯再加麵包，羅宋湯好易入口，充滿蔬菜味，而塊麵包真係外脆內軟，滿分。之後講吓個主角西冷牛扒，我要原味五成熟，所以廚師只係表面灑咗少少鹽。我又係比滿分，完全食出牛扒嘅原味，真係好amazing.最後我加咗$10要一杯Cafe Latte, 個拉花好靚，未飲已經好開心。依間餐廳，我一定會再試👍🏻十

放lunch試下豪返下先😂😂！舖頭係大街電車路旁，可能因為咁所以價錢都有返咁上下。店員好有禮貌好nice，我哋因為冇book枱，入到去其實都係試吓問吓有冇位，因為望落都好full。咁我哋一行四人啦，佢就幫我哋拍埋左兩張雙人枱俾我哋四個人坐，好好彩有位😇。一個Set跟一碗是日餐湯同一塊蒜茸包已經唔記得咗是日餐湯係啲乜嘢，應該係南瓜忌廉湯，忌廉湯入面竟然有啲腸仔喺度。當然唔係我哋平時食開嘅廚師腸，但事實上係乜嘢腸我就真係唔知啦，幾好味😂。個湯好creamy💕！蒜蓉包非常之好食，第一，佢焗到脆得黎又唔會燶。第二，牛油同蒜茸既份量岩岩好，唔會過份油，包邊又會有搽到牛油。好食🤤！美國極佳級厚燒肉眼扒 $596呢個餐食要成接近六百蚊，因為佢係兩個人嘅份量。每個人都有一碗湯一塊蒜蓉包。之後有啲沙律菜同薯菜伴碟，呢個絕對係兩個人嘅份量，不過應該兩個女仔或一男一女食，因為如果兩個男仔食嘅話未必夠飽🤧。另外，同行朋友嗌左五成熟，上碟嘅時候見到佢已經切開左一片片，睇到裏面真係五成熟。呢一塊扒都煎得唔錯。牛扒上面加左海鹽粒，睇落都好吸引，不過因為佢係美國牛，所以唔會太多睇得到好多油脂，唔會係入口即溶嘅牛肉🤨。

老闆請食lunch，叫左美國安格斯西冷牛扒，原味上。值得一讚的是牛扒以呢個價錢十分抵食。叫左medium，原味食得出廚師既真功夫，只落左鹽同少少pepper，煮得剛剛好。牛扒肉質夠嫩，份量足。下次有機會再黎一定再食多次！！

中午同朋友一起去食午餐，由於中午時間灣仔金鐘都多人食飯，所以不易找食的地方，剛好，好想食牛扒，於是朋友就帶我來了這家餐廳。環境不錯，服務都幾好，至於有乜食呢？當然午餐選擇都不用太多。我來的主要目的是牛扒，見餐牌上有兩款，一款$198，美國安格斯西冷牛扒餐，另一款$596，美國極桂級厚燒肉眼扒餐。心想午餐，不用太貴，所以就點了普通的。我們都是點相同的餐，不過我的是五成黑椒汁，朋友點的是七成蘑菇汁。先有一份餐湯及面包，湯沒有特別，面包點湯食，都可以的。我的五成黑椒汁牛扒，黒椒味不太重，對我超喜歡黑椒的人來講，要另外多加少少，不過，這樣可以試真少少扒的味道。扒的份量對女生可能有點多，普通厚度約1.5-2CM，肉質較硬要咬耐少少，至於是否五成，可能較熟左少少，不過中間位置都可以。整體，我認為一般。至於朋友點的餐，蘑菇汁，都有很多蘑菇，但汁的味普通，另外，朋友點的七成熟，機乎近八九成，有點失望。而肉質方面都係一樣。最後是餐飲，我點了紅茶，朋友點了熱咖啡，紅茶當然最普通啦，而咖啡朋友話都係一般。兩份餐連加一要$436，以午餐來講，貴！而質素方面，亦不太值得這個價錢，所以有點失望。

餐廳環境唔算大，坐落又唔係太迫，待應都招呼周到，會介紹你有咩食同埋推介有咩special items。 前菜：餐湯同埋蒜蓉包，個蒜蓉包焗得幾脆，包身都幾軟熟，蒜香味亦足，反而個餐湯就好一般。 主菜：牛扒會有三種醬汁俾你簡，分別係黑椒汁，蘑菇汁同燒汁，再配上黃芥末醬。我點左五成熟，雖然牛味唔太濃郁，但肉質方面都算軟腍，略嫌火候控制唔算太好，五成熟唔似五成，搞到牛扒有D老。 總結黎講，如果200蚊左右想食牛扒SET(連前菜和飲品)，依間餐廳係一個可以既選擇。4人光顧，點餐如下：USAMBA x2BPA加一後，合共HK$861。

年尾時約左朋友LUNCH, 係佢公司附近揀左呢間好家庭FEEL 既餐廳~LUNCH 閒閒地都要$200, 是旦啦, 聖誕嘛, 大時大節先黎呢度食啦.我地SHARE食, 揀左一牛一豬.先黎個餐湯, 個蒜蓉多士好脆好味, 點埋個菜湯好正呀!呢個係磨菇汁西冷扒  US Angus sirloin steak $208.呢個都OK, 份量夠.有薯仔伴菜~Grill pork chop onion. $178.塊豬扒畀成堆洋蔥遮住哂.哈哈~我會覺得豬扒好食過牛~~~ 入口好香~2個大碟係度SHARE食其實都幾窄呀！不過4餐都食得幾開心丫. 好有外國家庭式聖誕FEEL.

下午食lunch嘅時間一行四人嚟到灣仔試吓呢一間嘅牛扒，我哋全部都嗌咗sirloin steak! 首先呢佢就上咗餐湯同埋蒜蓉包，個蒜蓉包嘅質素非常之唔錯，外表燒到好趣，而麵包亦都好香蒜蓉味，配埋餐湯，前菜來講呢都算係唔錯啦！牛扒方面呢因為個人鍾意聽食熟點既所以呢都嗌左個六七成熟嘅牛扒，配上蘑菇汁，牛扒嚟到侍應亦都會好細心咁問大家需唔需要芥茉醬。咁牛扒嘅品質方面呢，都唔錯肉質呢都唔算話會好老，亦都呢有啲牛味，配埋佢隔離嘅薯仔🥔，蘑菇粒，個人覺得都唔錯，當然啦整體來說又未去到話超好食嘅感覺！如果午餐想食好啲又唔想超貴食牛扒，呢一間老字號嘅餐廳呢都可以嚟試一試嘅！

突然很想食牛扒，但週末灣仔一帶的餐廳都座無虛席。 閒時路經此店也是小貓三、四隻，可能價錢不算吸引。故且去看看可否walk in有位，諗住老店應該有一定水準吧！我點了西冷，兒子點了肉眼，另外side dishes 係炒磨菇。有兩片蒜蓉包送的！西冷尚算不過不失，但肉眼扒真的很有問題！ 超多筋，肥膏也多。 廚房完全沒有處理好就奉客。 向侍應反影沒有feedback, 再問一次，他就叫了應該是老細級人物。 但他一點歉意也沒有，還暗串你不懂吃⋯⋯天呀，你估全世界得你賣牛扒？ 係呀我幾十歲第一次食牛扒呀！！ 6uo, 唔係周圍爆場使去你度食 !回家後，竟有吃完味精的頭痛，可能是蒜蓉包或牛扒的調味出事真係多_謝，唔會有下次！（題外話：整餐飯有個3、4歲小孩喧嘩，四圍走，應該又是老細親戚吧，很擾人）

難得因為公事今日去灣仔食lunch，與同事想找一間可以坐得舒服可以傾計嘅地方，老實說想在灣仔食lunch，並不容易，若要坐得舒服就更加難，驚朋友推薦下選了這一間餐廳，一看餐牌，都是主打食steak的，於是一行四人都同人叫了sirloin steak，我要的三成熟，同事要的都是五成熟首先來了忌廉湯及蒜蓉包，賣相不錯，但味道一般。到了期待的sirloin steak到了，大家用期待嘅心情試吓味道，侍應好細心地每人給了黃介辣醬，我覺得還不錯，雖然牛味不太濃，但肉質都尚算是靚牛扒，但同事認為他們的五成熟並不是五成熟，覺得略嫌太熟，並不是10分滿意。總結，雖然同事對牛扒略嫌不太滿意，但我覺得這個價錢的牛扒尚叫滿意，而且環境裝修不錯，這小小的餐廳，都尚算寧靜，可以讓我們同事之間有個能夠暢談的午餐，整體經驗尚算不錯。

尋晚我哋一家，同埋老公家人一齊嚟食晚餐，都好似差唔多近一年冇嚟，老細依舊……好好心機招待客人，可能幫襯咗幾十年，總有見老朋友嘅感覺，好親切。今晚，唔知係咪換咗個廚？除咗個斧頭扒，保持水準外，其他食物都冇之前嘅水準，有D失望。希望，只係短暫吧！因為，我哋由拍拖……到小朋友都變大人，我哋都久唔久幫襯，由舊舖到搬遷，一直有間中嚟食返餐。今晚，老公仲好開心，因為，可以同更多家人一齊嚟，享受呢度嘅美食，點知……係……失敗，如果，之前未食過，或者冇比較..都ok，但係幫襯咗咁耐，真係有D……失望。希望下次會有返之前嘅水準吧！

公司同事食生日飯，所以揾左間靚啲的餐廳同佢慶祝，就係去鋸扒。入到去個餐廳係幾好的，佢砌左張長枱俾我去十幾人，不過就逼少少，背後成日有WAITER行黎行去。但係啲待應都幾招呼周到，好似啲老牌西式餐廳咁有個廣東話人部長招呼你，介紹下有乜食，同埋會問你要唔要醬汁咁。講返食，我就叫左個漢寶扒餐，其實我以為係會好似有個飽有薯條0個款，點知原來係無飽得塊扒。扒的質地喺好鬆化，啲肉係好入味，但係唔知點解，佢唔係唔好味，但我覺得有少少似家常便飯阿媽都煮到0個隻囉，肉唔係特別有牛肉香，無乜彈性。以佢咁貴的價錢，我就期望會高少少。而最特別係，個WAITER問我地要唔要芥末醬，咁我要了少少，點知啲肉點左芥末就好難食。我問其他叫普通煎牛扒的同事，佢地都話個醬怪怪地。唯一要讚的是個羅宋湯，我好耐未之個咁厚身的湯了，證明佢真係有用心同俾足材料煮，咁就補返少少分啦﹗

灣仔下午食飯, 周圍都係人, 唔想等咁耐位就可能要食貴少少的lunch 於是一行7人去左食呢間算係新新地既扒房 間野裝修不錯, 睇得出有落過心機去design ﹑同特登訂造D裝飾, 好有feel價錢預左係灣仔都過百, 還好叫左個扒, 看下圖正常Lunch 我好少影野食, 但今次咬左一啖都忍唔住影番....因為..... 實在太普通啦........... 佢個價錢令我有一個假像, 以為係OKAY 以上但咬一啖, 就已經覺得同大家樂級數相比.... 好似差不多.... 肉較易切D, 因為簿但無咩肉味, 仲好多筋.....   如果用150 蚊係灣仔食lunch 但質素如是, 我會覺得不太值得,,,,,,  

臨近出糧當然要對自己好一些，今日就相約好友去吃牛扒。要吃抵吃的牛扒當然要選午市時段。我們去了位於灣仔的Nebraska Member of Louis Steak House。我為吃牛扒而來，當然想也不用想就點了五成熟的美國安格斯牛西冷。餐廳提供黑椒及磨菇兩款醬汁，但因為想吃牛扒的原汁原味所以我就沒有配醬汁。午餐有湯及蒜蓉多士，多士香脆可口有蒜蓉香。牛扒跟馬鈴薯仔粒與沙律菜。牛扒香味撲鼻，坑紋煎得非常漂亮，打卡一流😂。雖然牛扒不算太厚身，但絕對不韌，每一口都充滿牛香。可惜的是筋位和肥膏位偏多，實際能吃的地方就少了。薯仔粒的份量偏少，對於大食的朋友可能就會覺得不夠滿足。

又到frd子食飯時間，今次有人帶去食斧頭扒，好興奮啊仲要咁岩就係電車站隔離，對港島人來說真係超易搵！等齊人既時候忍唔住先叫小食：薯條外脆內軟，一定要趁熱食因爲凍左就會變淋大蜆有6隻，有兩隻有沙⋯不過調味唔錯 雖然好多洋蔥但都唔會搶d蜆既鮮味；一碟6隻唔夠喉⋯（可能因為未食肉！）Crab cake係炸的，炸得太耐燶左！都算係今餐既敗筆⋯但醬料都有用到蟹肉，所以味道唔錯，唔燶就好啦。主角出場！本來掙扎叫1.3定1.6公斤好，1.3大概係$10xx，1.6公斤就$12xx，但遇著同樣係食肉獸既frd所以3個人揀左1.6！ 而最後證明我地係食得晒架！5成熟岩我心意：外層微微燶味，有別如日本和牛果種細膩，西式既牛扒就係需要呢種夠猛夠勁既火！入面肉汁鎖實，點少少岩鹽更惹味！每人大概食左3-4件已經KO, 其實1.6公斤都唔係好大啫～輕鬆～ （可能因為計埋條骨）蒜頭雖然不及之前係top blxxx 食既蒜頭甜，但呢個多d牛油香，都係我接受到既程度其中有兩塊基本上係全脂肪⋯不過都正常既因爲無脂肪既扒就唔會咁香啦～朋友太闊綽非常感謝招待！我諗埋單都幾貴所以適合特別日子先豪食一番

同家姐shopping完，行到好累，咁，家姐就話不如去她屋企附近嗰間扒房度食啦，之前中午嗰陣時候食過都ok㗎，大家諗住晚餐應該冇問題啦，點之中伏一看menu ，價錢超貴，又沒很多選擇，心想如起身走人，但家姐話她請費是再行，算啦。我哋點咗兩樣嘢一個係caesar salad 價錢係净係沙律菜，如要chicken caesar salad就要另加錢喎，so mean。另一樣就叫左個慢煮黑毛豬豬扒， 塊豬扒size就普通又唔係好大，食落又更加普通，唔夠鬆軟之餘，仲鞋鞋地添，個肥嘟嘟manger 話依個係signature dish 。個肥嘟嘟manager仲介紹一支紅酒比我哋，話係好嘢嚟喎，咁我睇吓點樣好嘢嚟，原來係支2015年l嘅BB酒，佢話支洒攞獎㗎，咁我家姐就話算啦人哋介紹要啦，taste 吓支酒，簡直想發火，同任何超市50幾蚊支紅洒咁上下。食物已經好普通，連service 都不合格， 有位女印度服務員問都冇問我地係咪用餐完畢就猛係度收餐具，當時我不小心倒瀉红酒，她沒有醒目地拿紙巾比我抹身不特止還喺度冷笑，跟著我忍唔住話她冇禮貌。我同家姐都冇mood再逗留，快快趣埋單走人，一睇盛