NeNe Chicken (形點 I) (已結業)

呢間之前劉在錫代言既炸雞店都係香港開左好耐，今次見有85折優惠就約埋老友黎試，平日夜晚黎都算幾多人，要排一陣隊人，但15分鐘左右都入得了。入坐睇完餐牌叫左3樣野，自選雙拼炸雞（揀左韓式甜辣醬同初雪），初雪其實就係芝士粉，1份蔘雞湯同芝士蛋牛肉炒飯，先講講炸雞就真係一般般，係熱係脆但唔juice，都係炸定晒擺左係度果d，叫做好食過kfc，蔘雞湯其實未叫我都知麻麻，但老友想試，結果就真係非常麻麻，個湯無乜味，d雞又鞋，我飲左1細碗就成煲叫老友清晒佢了，個炒飯就叫不過不失，如果個飯乾身少少就更好食。飲品方面差唔多d特色飲品都話無，得普通啤酒同燒酒，soda,服務方便之前睇食評都好多劣評，但我今次去就應該改善晒，整體員工都好有禮貌同有效率。

入門帶位和收銀員是同一人，沒什麼禮貌，店內服務員不足，點餐要等很久，但又要限時90分鐘用餐時間，感覺並不良好，食物到來，炸雞是可以的，外趣內有肉汁，好味但只此一款，其他食物就比較差，鐵板產品鐵板無熱力，原本食物好食也無用，因食物無溫度。飲品顏色漂亮，但像糖水多D,裝修有亮點，但如不改善服務，員工須再訓練在禮貌上的處理態度·及增加人手有関資訊：https://youtu.be/SrMurvlhMdI

< Nene Chicken >📍元朗前幾日同男朋友行完yoho 見到nene chicken 出咗新嘢就試下😆🌹玫瑰醬寬粉炒年糕玫瑰醬其實係蕃茄忌廉醬😛 入面有好多寬粉、腸仔粒、年糕😆 寬粉索晒玫瑰醬好入味😋 年糕好煙韌 估唔到兩者都幾夾🥰🍗雙重滋味炸雞 (無骨)食韓國野點少得炸雞🤣 叫咗雙拼嘅白郡主炸雞 同蒜醬伴脆薯條炸雞🍗 我比較鍾意白郡主炸雞🍗 上面有洋蔥同啲sour cream 可以平衡返油膩感🥰 蒜醬伴脆薯條炸雞都唔錯 炸雞好香脆 仲要有大大條脆薯條🍟 蒜醬偏甜 幾惹味😋🍢明洞小食派對呢個小食派對有炸韓式餃子🥟+炸年糕+炸紫菜粉絲卷🍘+芝士年糕魚糕串🍢啱晒成班朋友share食🤣 最鍾意係芝士年糕魚糕串 魚糕串鋪滿芝士 魚糕彈牙 好好味😋 炸紫菜粉絲卷同炸餃子都好香口 唔錯😛🍓士多啤梨乳酪特飲士多啤梨味好濃郁 唔會太甜 飲到乳酪嘅酸味 成杯特飲都幾清新😆 食完炸雞再飲都唔覺得滯🤪

仲有1個半鐘等睇好戲想坐下，又唔想行咁遠，就對面搵間餐廳，諗住唔洗等位坐一陣。一入去感受到熱情款待，待應問我哋坐入面介唔介意，會有小小熱，um...唔係小小熱咁簡單。講返嘢食，揀咗幾次我想食同飲嘅嘢都無，連待應都笑住話唔好意思，所以我唔再嗌嘢喇，只叫了一個兒童餐，等咗30分鐘同行大人嘅餐都食完，追問兒童餐話整緊，45分鐘仍然未到，連枝裝飲品都未上枱所以再追問， 最終1個鐘5分鐘先上枱， 好懷疑係漏單，又唔出聲。小朋友只有不足半個鐘食嘢，一個字“急” 同不可能任務。食物算抵食嘅，兒童餐咁大份， 味道吸引小朋友，意粉份量超多，茄汁口味正合小朋友，滿滿芝士亦係我嘅加分位，沙律新鮮，而蛋捲口味一般，唔甜唔咸口感亦麻麻，小朋友都唔食。而薯條就最搶手一部份，雖然看上去偏深色看似過火但外脆內軟。後記：餐廳漏單應該老實講，初初追問睇都唔睇就答整緊，唔好等客催多幾次先去睇仲話就出，好懷疑再入返單20分鐘出餐，一係問吓枱客趕唔趕時間，你個客係小朋友 食得好辛苦！！

Nene chicken 相信唔需要推薦，大家都認識嘅！原本以為連鎖餐廳嘅質素都普普通通。估唔到食完，nene chicken 比到驚喜我地！嗰日禁啱去左元朗，見就腳就尼到Nene chicken 試下。我地點左雙重滋味炸雞（有韓式甜辣炸雞同白郡主炸雞）白郡主炸雞真係令人非常驚喜，洋蔥味超勁！ 炸雞配上醬汁一齊食，非常滋味，雞肉亦嫩滑易咬！韓式甜辣炸雞水準亦好高，多汁雙重炸雞嘅量真係好多，兩個人都食唔曬！食物的確高質。可惜嘅係，服務方面就令人失望。我地等位用左45分鐘以上，點完餐再等多30分鐘。我地由接近晚上6點等到8點幾先開得餐。希望下次去食可以改善下！

首先，上菜速度極慢，等咗好耐先有得食，但係啲外賣就keep住有得拎走，唔使點去等。其次，上菜慢都算喇，個醬唔暖唔凍唔知想點，而且味道冇乜分別，條薯條仲要好似俾油浸過咁，麥記啲薯條都好食過佢，啲炸雞同串燒都好似攞油浸咁，每啖都成口油。雞翼中間唔知夾住左啲乜嘢，食完好似新年食阿媽炒嘅臘腸餸咁，炸雞就係一個普通嘅炸雞，冇乜好講，但總括而言整體味道極差。自問食嘢速度都唔慢，但唔明點解等咗咁耐，啲嘢食會係又油又凍咁上枱。整體來講得個包食得落口。

我哋叫咗一份海鮮炸醬麵，半份初雪炸雞同埋本身避風塘炸雞 🍗佢嘅海鮮炸醬麵好大份 份量足夠兩個人share 👍海鮮都算多 有幾隻蝦 兩三隻青口同埋有蜆 🍤佢嘅麵條都算彈牙但係我就嫌佢炸醬太多 好似食緊湯麵咁醬同面嘅比例係2比1佢嘅炸雞上菜嗰陣溫度唔太熱 算係微暖初雪炸雞上面有好多芝士粉 好入味避風塘炸雞嘅蜜糖醬都好惹味🤤兩款炸雞嘅皮都炸得好脆 但係因為避風塘炸雞本身有蜜糖醬 店員就將兩款炸雞擺埋喺同一個碟上面所以初雪炸雞都浸晒落避風塘醬度搞到兩款炸雞都差唔多味如果可以分開兩碟上菜嘅話 同埋炸雞可以再熱啲就會更加好 🤤👍

呢間野真係好垃圾！話說我2:40落單冇錯 係下午2:40然後我去到4:56先收到外賣黐孖筋!乜嘢垃圾餐廳先會等兩個幾鐘先等到份炸雞外賣？然後我望佢落單3:48分遲咗成個鐘先落單你不如唔好做外賣啦？雖然我都唔覺得堂食會快得去邊漏單等咗兩個幾鐘諗住打去問一問吓咩事啦個電話冇人聽嘅諗住上網取消訂單取消冇得退錢咁即係點呀？焗我食呀？隔咗兩個鐘 我咩都餓死咗啦我已經係揀元朗送元朗 要等兩個鐘唔知以為呢間公司係沙頭角垃圾公司遲咗兩個鐘先送到 一個電話都冇打過嚟呢間公司無論態度定係時間觀念都好有問題！

我地今日又去nene chicken而我之前係大推「店長唔係度時唔好去」，再睇返，原來好多人都覺得呢間分店員工服務有問題😂一氣之下，其實上次我去左總公司都投訴不過都係值得一讚👍👍👍佢地除左文字回覆，亦都真係有火速行動，半個月內，服務態度明顯改善左！包括負責開店的一至二位員工行動迅速，亦明顯改善了等位時間的問題，店長今次一見人係門口等，即刻見員工去處理。而我們進餐的時候，有段時間店長是不在的，但分別不大了，也不再見到「扮見唔到,扮聽唔到」的庸懶員工。Nene chicken都係一間大店呀，真係唔應該見到之前既畫面（因為d野真係好好食😂）希望佢地會keep到今次都食曬所有炸雞，大推 蒜香炸雞！

第一次食呢間韓國炸雞，叫左半份甜辣炸雞同半份新口味—青陽辣椒醬炸雞配洋蔥。甜辣炸雞偏甜，雞皮唔多脆，但肉質好嫩。青陽辣椒嗰碟係醬同雞分開上，醬有意外驚喜，完全有青陽辣椒本身清新蔬果同唔會過辣既特點。因為個醬好香又清新開胃，所以添多左碟！洋蔥好解膩，同醬非常之夾。佢係期間限定，希望會長有！可惜雙拼兩份只可以揀無骨。另外仲有酸蘿蔔同泡菜作為配菜，酸蘿蔔好食但無特別，泡菜夠辣而且有菜香，不過泡菜份量有啲少，唔夠食。

平時都好少食熱氣野，但呢個日個人要食d熱氣野沖擊下最後係元朗揀左呢個韓國過江龍“Nene Chicken"其中炸雞漢堡同炸雞飯比較好味，其他都一般般啦炸壽司好油膩，亦都唔係即炸即上；鮑魚海鮮豆腐湯-都足料，但就係辣湯再求其加海鮮落去咁。入座後都等好耐先有人落單，人唔多，但待應們好似好忙，之後等食物都等左45mins*做緊買3送1優惠*如果下次再想食熱氣野，應該唔會再揀呢間

先利申本人係yoho常客呢間野食左好多次 平靚正 yoho黎講真心抵食不過，僅限店長係度個陣我同老公食左咁多次，有2次係店長唔係度，間舖真係差天共地而令到我嬲到寫食評，係因為今日等位既事今日紅日，一點幾lunchhour 等位係絕對正常我地拎a19, 由a17開始.... 45分鐘，等左45分鐘係依然a17, 完全冇郁過最大原因，係店長岩岩出左去。。。1，店長一出左去 ，d員工係完全慢吞吞做野，入面有4張空檯都唔汁，hold左成10分鐘，行路送野都勁慢，總之係勁唔想做咁，特登唔汁枱，唔放出面d客入黎！😡😡😡我地等45分鐘冇進展都算，佢地係特登唔俾我地入黎😡😡😡2，明明a係2人檯 b係4人檯，佢最後終於講9汁左d檯放d位出黎，但就俾左岩岩先排隊既4人枱....... 我明 2人還2人，4人還4人，但人地岩岩黎，我地等左45分鐘... 可唔可以醒少少（點解我唔同佢地講？因為店長一唔係度，佢地會扮睇唔到d客）yoho係美食天堂，真係好多好野食，真心勸大家唔好貼錢買難受，店長唔係度，真係唔好食

晚市8點左右食2個人叫二人套餐炸蝦飯卷•1/5分•炸蝦已經淋哂成舊粉外表都唔夠脆蒜醬炸雞•3/5分•半份整體係ok想食薯條所以叫呢款不過醬有d少，未必每啖都有醬芝士年糕拉麵•1/5分•有魚糕年糕拉麵雞蛋無乜味仲包一個芝士火鍋有3小舊蒜茸包但個火太細到最後都未溶得哂飲品麻麻，得外表可以打下卡不過套餐包58蚊2杯就可以試下散叫未必

呢餐令我第一次會覺得叫外賣好過係堂食！！！！！炸雞我哋叫咗醬油同埋避風糖環境：1/5餐廳個環境十分之迫，氣溫好熱好焗，好似冇冷氣咁。而且最終要嘅係張枱好似完全冇抹過咁，油蠟蠟咁！！食物：4/5食物都唔錯嘅其實，但係堂食會令到啲炸雞冇咁好食，所以我寧願會拎返屋企食或者去野餐，我係一個更好嘅選擇。特別推薦：避風糖味應該人人都鍾意，佢唔會係死甜果一種，味道嘅層次比較多。服務：1/5唔知係咪因為我嗰日係假日，啲侍應生都好似冇理過我，又有漏單既情況出現。而且都有反映過佢嘅環境好熱，但佢哋都冇回應咁。性價比：3/5其實呢個價錢叫到嘅炸雞都唔算話好多，不過味道有啲係真係出面好難有。

有呢個一口雞拼盤可以試晒八種味不過兩個人每人要咬半啖如果可以每隻味有兩舊就完美喇小食拼盤配忌廉芝士包忌廉芝士包是重點吧😛😛芝士泡菜面味道有點淡睇落好好味但食落就一般