NENE CHICKEN (朗豪坊)

營業中

休息中

已經唔係第一次幫襯nene炸雞之前食過輕盈蒜蜜脆炸雞 韓式甜辣炸雞同白郡主炸雞🍗 所以今次再度挑戰新口味先講炸雞 🥢青陽辣椒白郡主炸雞 $177一坐低 見到餐牌款面印住呢款新口味出於好奇之下 點了這款受到幸運大神眷顧 呢款新口味完全無伏仲出乎意料之外好食 醬汁份量剛好 辣度又不會十分搶 反而辣度會慢慢滲出來完全是我杯茶 這個絕對可以encore👍🏼🥢另一款是蒜香醬油炸雞 $172呢個其實不用多介紹 因為係餐廳皇牌推介所以每次基本上人多既話 呢個都係必叫因為佢個醬油真係好match個炸雞你會不自主地狂沾佢個汁再咬炸雞所以人多既話 呢個真係唔洗諗 叫！ 🥢魚糕串清湯 $98最近睇得韓劇多 見到啲魚糕串好吸引令到我勁想食 第一次食nene既魚糕串先講個湯 飲完都唔會口渴 清清地 但又夾到魚糕串 食完炸雞如果覺得油膩既話都可以點呢一個清一清魚糕略帶彈牙 不錯🥢卡邦尼年糕拉麵 $110個人口味對韓式年糕情有獨鍾 煙韌有咬口芝士狂人 以拉麵作為主食既終結 絕對係不二之選🥢Nene Juice石榴口味 $28平日食炸雞多飲可樂 今次一改風格飲果汁 酸酸甜甜 非常開胃 如果想留胃口食多啲炸雞既話 不妨

餐廳：NeNe Chicken (朗豪坊) 地區：旺角地址：旺角亞皆老街8號朗豪坊11樓30號舖日期：30/10/2020 時間：18:15人數：2人 等位： 0mins 價錢： ＄259 前幾日咁啱經過NeNe Chicken已經好想食炸雞，可惜當日book左其他餐廳，於是星期五收工去食順便行下街，收工去到剛好6:15，當時冇咩人所以可以直接入坐，一坐低職員就即刻送咗泡菜同蘿蔔。由於我哋想食兩種口味，所以揀咗雙重滋味炸雞因為可以自由選擇2種口味，我哋分別揀左韓式甜辣炸雞同大韓廚師炸雞，兩款都係有骨同辣既，另外再嗌左杯Jeju Island Beach（麻麻地得個樣）,加埋總共＄259。炸雞外皮好酥脆，肉質鮮嫩多汁，即使韓式甜辣炸雞果款沾滿醬汁都仍然食到佢嘅酥脆，而大韓廚師炸雞就比較辣，食咗幾件已經流晒眼淚🥵，所以我哋比較鍾意甜辣口味多啲，雖然都係韓國比較好食，不過佢有好多款口味，總有一款啱你口味。係未飛到嘅情況下下次掛住韓國既炸雞一定會再嚟食過口癮😆

韓國人氣炸雞店NENE CHICKEN嘅炸雞一直保持水準，每次推出新口味我都一定會起試下，今次嘅新口味炸雞喺青陽辣椒白郡主炸雞，無辣不歡嘅人啱哂，佢嘅醬汁喺將青陽辣椒混合埋NeNe皇牌白郡主醬，配上爽脆的洋蔥圈，食落口第一下會感線到濃郁甜香的乳酪醬，過後回辣感覺強烈，辣得過癮，香辣味覺一流！ 另外NeNe全新果系飲品有兩個系列，NeNeJuice 及 FruitySparklingAde，一共四種口味: 提子、蘋果、藍莓及石榴，我就試咗石榴同埋蘋果味，兩款果味都好新鮮濃郁，如果想解渴解辣嘅話，蘋果味就啱曬喇！

食咗韓國炸雞兩隻口味：韓國甜酸同埋清陽辣椒炸雞仲有迷你雞蛋卷+2杯水果汁炸雞特別好食即叫即正亦都開胃同有飽肚感覺呢間餐廳有好多分店10分方便服務員服務非常好👍大家得閒可以推薦去食

好好食既韓國野，好多野揀，叫咗個明洞小食，金大人炸串同沙律。明洞小食好食，雖然炒年糕好辣，但好夜魅佢有兩邊，一邊係裝辣炒年糕，一邊係裝炸物，炸物可以點辣炒年糕黎食 好好食 金大人炸串，中間既係芝士包，仲有好多炸物，要多人食先得

大份但一啲都唔好食既韓國菜迷你泡菜蛋卷首先，迷你不是迷你的，但味道幾好，係唯一一個吸引既小食海鮮泡菜湯份量算係二人份量，味量一般般，海鮮唔太新鮮，整體感覺一般小食拼盤6款小食中只有2款合格，其他都不可接受合格小食只有芝士包同炸魷魚條炸蝦餅既炸粉厚過蝦餅，薯條炸過龍，乾到接受唔倒 炸雞為此店推介食物，但我地既拼盤炸到乾如柴雞腿雞翼還可以整體感覺：3/10番食機會：0/10衛生程度：2/10味道：4/10份量：8/10 （5分為1人份量）

叫左個雙拼，d雞炸到好乾，唔juice.d甜味太甜.....完全唔想沾到啲醬...食左一兩件已經唔想再食，未試過食炸雞食到要逼自己食曬佢覺得脆香雞翼好食過呢個好多，juice過呢個差唔多$200嘅炸雞見出名先大膽試下 試完好失望，完全破壞左我對韓式炸雞嘅好感同埋唔明個服務員只係上一上菜就收加一，水都冇杯，剩係上個菜..不如俾我自己出去拎 好過收我幾十蚊上個菜，下次唔會再食價錢唔便又唔好食又亂收加一咁。

//#賤精黃店地圖💛 間野叫：𝗡𝗲𝗻𝗲 𝗖𝗵𝗶𝗰𝗸𝗲𝗻 邊度黎：旺角亞皆老街𝟖號朗豪坊𝟏𝟏樓𝟑𝟎號舖▪雙重滋味炸雞(有骨全雞) $𝟭𝟳𝟴𝗛𝗮𝗹𝗳 & 𝗛𝗮𝗹𝗳 𝗖𝗵𝗶𝗰𝗸𝗲𝗻 (𝗪𝗵𝗼𝗹𝗲 𝗖𝗵𝗶𝗰𝗸𝗲𝗻)揀左半半兩款口味 分別係「初雪」同「蒜香醬油」整體而言 炸雞唔太乾 無雪味 炸粉唔𠝹口 但敗筆係唔夠熱 似係𝗽𝗿𝗲𝗵𝗲𝗮𝘁放係爐備用 驚喜不大 建議𝗼𝗿𝗱𝗲𝗿半半無咁漏 詳情同優惠繼續睇下面內文💛💛💛••••••••••••••••••••••••••••••初雪炸雞 𝗖𝗵𝗲𝗲𝘀𝗲 𝗦𝗻𝗼𝘄𝗶𝗻𝗴 𝗙𝗿𝗶𝗲𝗱 𝗖𝗵𝗶𝗰𝗸𝗲𝗻𝟳分初雪其實係芝士粉 份量唔孤寒 小驚喜係芝士粉少少酸味 食落唔會太膩••••••••••••••••••••••••••••••蒜香醬油炸雞 𝗦𝗼𝘆 𝗦𝗮𝘂𝗰𝗲 & 𝗚𝗮𝗿𝗹𝗶𝗰 𝗖𝗵𝗶𝗰𝗸𝗲𝗻𝟲.𝟴分偏甜醬油口味 雖然味道都討喜嘅 但係零蒜味真係好扣分 建議寫做甜醬油味算

呢間韓國過江龍黎咗香港開業幾年人氣依然有增無減 食過幾次都覺得啲炸雞唔錯 但係今次主要想講一講佢嘅小菜😛🍳迷你雞蛋卷 $80一黎到就俾佢個賣相吸引 因為真係好似pizza🍕🤣 上面有黑橄欖、青紅椒粒、蕃茄乾同芝士🤤 味道一流 蛋夠滑 芝士夠濃 食完一啖又一啖😋😋🐔雙重滋味炸雞🍗 $178炸雞可以揀有骨/冇骨 鍾意食啖啖肉嘅我就揀咗冇骨🤣 味道方面揀咗大蔥炸雞同蒜蓉醬油炸雞😛大蔥炸雞其實就係招牌炸雞上面加咗啲大蔥 炸雞嗰皮幾薄 而且好脆 好似食緊薯片咁🤣🤣 比較鍾意另外一款 蒜蓉味好香 成個炸雞都好入味同juicy😆重口味人士必試😛

次次經過都好多人排隊難得早收工就諗住黎個炸雞Happy Hour作為一個叫雞愛好者基本上係雞我都鍾意食點知今次...第一次...食第一件已經想棄雞走人首先我喺門口等咗好耐都冇人安排坐位、探熱有個7下7下、冇出過聲嘅喺我面前徘徊左幾次都唔安排我地入坐跟手呢個韓仔打扮嘅，終於都識帶位喇，但佢嘅態度就係...「有性格lor」Fine, 我食雞啫，無他嘅...打開Menu冇小食，叫左大蔥雞&蒜香醬油雞, 啤酒雞：凍嘅、小兒麻痹症咁嘅雞鎚同雞翼、肉好柴、有濃濃雪味蒜（唔）香醬油汁：凍膠水咁，咸，冇蒜味大蔥炸雞：配一款好怪嘅介末汁，一試難忘，個皮係硬&刃到咬唔開真心，叮熱碟雞，我或者冇咁嬲，咁樣一碟雙拼雞& 2支350ml beer, 盛惠259...下次我去kfc jolibee 好了，至少人家做雞是熱的

第一次寫食評有咩嘢可以令我深刻到要寫出黎本人其實好鍾意食韓國嘢咁啱六點前達陣人少少計埋自己有三枱客諗住食個炸雞啤酒加小食小食得幾款 完全揀唔落手就order 炸雞同啤酒唔知係咪太耐冇食好期待啲炸雞上枱嘅一刻點知 啲雞柯打左五分鐘都冇就上枱一摸。。。啲雞凍既一啲熱辣辣嘅感覺都冇冇煙。唔辣手只可以話極其量既微溫係微溫丫 真係可以用溫度計黎量下有幾溫我一路食就一路望住對面枱客嗰兩母女我完全相信亞auntie 都有同我同樣嘅諗法下次？ 不了

又係時候叫雞啦🤣烤雞外脆內軟 非常juicy 賣點係有好多口味揀聽講最出名係初雪味 芝士嘅味🤤佢嘅甜辣只係香口嘅辣 唔食得辣嘅朋友仔都可以試下自問唔食得辣 都覺得好少少少嘅辣將炸雞昇華好開胃😋💜雞蛋卷就係蛋😂冇咩特別 多左啲料包住咁解 CP值唔高 可以試一次嘅 但我就唔會回購lu Cocktail酒精味唔重 好大杯 一嚟到嚇一左下仲大過我朋友隻手🤣鍾意飲甜嘢嘅朋友可以試下 我形容係 係有酒精嘅果汁☺️🤑 雙重滋味炸雞(無骨) $188🤑 迷你雞蛋卷 (泡菜/明太子/龍蝦沙律) $80/90/118 🤑 Cocktail $88

抗疫疲勞星期六，終於見到人山人海既商場。 排隊排咗成個鐘😛都無減愉快嘅心情～ 食物質素一如既往咁好😊😊😊👍🏻👍🏻👍🏻服務員有禮貌👍🏻會再繼續幫襯！

我同個女18號晚去NeNe chicken買炸雞食，買完好興奮，澎澎聲走人，我竟然成個手袋銀包所有信用卡百佳及Sogo coupons 漏低咗響餐廳！我兩日後返到屋企先覺得個袋唔見咗，21號中午至打電話去NeNe佢哋員工仍然保存住我個袋，好一個「完壁歸趙」！感激NeNe Chicken朗豪坊分店員工的誠實！而佢哋嘅炸雞亦係不容錯失!多謝你們！

店舖光猛，裝修以黃色白色為主，座位多。90分鐘內，無限任點炸雞，即點即炸。💰$99(1款+薯條) / $138(3款)/ $158(11款)💰+$20汽水任飲/+$33 有埋韓啤，檸檬汁.🔷3款口味炸雞放題($138)分數: (6.7/10)炸雞冇骨，味道不過不失，未到好好食。即點即炸，夠熱又夠脆，雞肉算嫩滑。小編食左10-11件炸已經好滯😛.🔸蒜香醬油炸雞個人認為呢個味最好食，微微辣味，甜甜地又鹹鹹地。.🔸大蔥炸雞小編平時唔食蔥，但呢個味非常之香，炸雞配大蔥加有啲Wasabi味嘅醬汁，個味好夾。.🔸招牌炸雞普通炸雞，加黃芥茉醬，酸酸地。