Neway Karaoke Box (已結業)

一直覺得K Buffet如雞肋,如在街市買豬肉,搭件豬頭骨比你一樣.記憶所及,很難吃.近年連卡拉OK也少去了,何妨K Buffet?闊別多年再來K Buffet,選擇比昔日的多,連cooking station都有,此料不及,而且亦有刺身counter,亦是人龍最長之位.更有自助火鍋,配料任選.熱盤水準十年如一,心照.講多無謂.費時比人"叉輪住"比多$20就有咁多野食,你仲想點呀?)這些說話.醉翁之意不在酒,一大班人嘻嘻哈哈,非常高興.相比之下,K Buffet的食物當係碎銀.祝爐兄生日快樂.

聖誕節正日跟好友來唱LUNCH K，一點九竟然還有$38餐，可以唱到四點，還不錯了。三文魚尚算新鮮，整體來說十分抵呀!

同同學得閒就黎上音樂堂，試過佢地既蛋包飯，大家一致讚好！佢整到好似奄列咁既樣，煎得好滑好好味，裡面係海鮮炒飯，幾足料，熱呼呼很好吃！有一次試過韓式牛肉粉絲鍋，另外有碗飯架，又係熱辣辣，牛肉同粉絲都好味。ｎｅｗａｙ　ｄ野食越黎越進步～

佢地D 蛋達真係一日出一底!雪糕麻麻地! 果日仲有楊枝甘露, 不過稀左D !

偶像有新歌出,拉大隊去新歌試唱,今次唔去CEO而選擇呢間港晶NEWAY。房間點都唔及CEO正,不過還好啦,起碼都坐得舒服,唔似加州紅六個人比間細房,好有壓迫感。叫左個豬扒腸跟意粉,呢度話即叫即做,所以都等左一陣至有野食。造型欠奉,黎得NEWAY都唔係主打食野,OK啦!意粉用茄汁炒過但唔夠熱,呢度扣分囉,口感都係一般茶餐廳質素,彈牙免問,只係唔會淋PAT PAT;豬扒味道OK,煎得金黃但有點肥膏;大腸腸反而幾好味,腸衣幾脆,點埋燒汁更好味;配菜有小紅蘿蔔、白蘿蔔同一片炸矮瓜,白蘿蔔又幾甜BOR,最好味當然係片矮瓜,了起條炸三寶癮,嘿嘿....熱蔘蜜:用蜜糖開水再加幾片平價花旗蔘,蔘味當然欠奉,用黎潤喉都算OK,但細杯左D!!CEO D 大杯好多。飲品只包一杯,添飲要加$4;但以位位$38價錢,又飲又食又唱三個鐘,抵到爛啦!!

星期三book位,昨日星期四唱K buffet,知道是6時開始K buffet,便book 6點鐘;家中那位不知是不是以為自己是孫悟空(識迅間轉移),約出面朋友5時10等,竟然5時3才出門口,行到過巴士站都3個字(都知急還施施然的慢行),上車5時半,去到尖沙咀都6時半,好在行車期間朋友打電話來,就叫他們去拿位先,....我們入到房他們說可以唱到明早6時半,即是由星期四晚上6時唱到星期五早上6時半,埋單時8位收八百多元即是每人都不用110元,又可食K buffet又唱的時間可以這麼長,他們都說抵.....食物都不錯,食到走時都肚脹脤(buffet 6時至11時),有豆腐花、楊枝金露、芝士蛋糕(最好食藍草苺芝士蛋糕)、凍肉拼盤、熱盤、打邊爐、砂煲翅、壽司...........

呢間NEWAY 實在太正了前晚有片皮鴨呀(十個正)仲有萄撻好正, 超好味,其他既都一般唔知係咪凍左.....多左好多火煱料

唱lunch11:15去到1:10即cut唱完最後一首o岩o岩好1:15得2 個鐘頭都唔知用黎食野好定唱k好too bad下次唔會再去了,搞到好無癮之前好好多ga都唔知點解而家會咁

呢到lunch有一個餐+2杯飲品出面重有沙律bar+湯+糖水餐有十多款。講真唔係好味架喇但唱K都唔係為野食0既~糖水唔掂,但湯就幾好沙律BAR好普通,有幾種料同兩種沙律醬,自己mix飲品還可以但多冰佢地D服務好好倒瀉晒野佢地都好樂意換房MANAGER態度好~RECEPTION好笑容而且好清楚回答問題$39唱個鐘算ok喇

叫埋單都用左3首歌既時間, (真大開眼戒) 吹左N次先搞掂! 甜品有楊枝金露!冇左點心了....仲有, K歌好OUT ! 好多新歌都冇!我唔明間間分店D 新歌都唔同.

o岩o岩個星期日同bf黎呢度lunch k11 點幾去到, 唱到2點就cut lu~~~我叫左煙三文魚蟹子定食bf叫左海鮮炒河估唔到個煙salmon又ok wor~杯野飲都好好, 叫少甜真係少左, 又唔話好淡最怕出面有d叫少甜真係比杯完全無味o既你有d就借左聾耳陣隻耳,依然都係咁甜依舊有自肋salad,soup同糖水忌廉湯我無興趣,無試個糖水就好掂ar, 係木瓜雪耳雖然係甜左d(好甜...)不過好好食arhahah~~~因為我好鐘意食木瓜ga~~~食左兩大碗...好飽lar~~salad就比平時少左,連生菜同菠蘿,桃都無service 都好好~~如果唔咁早cut歌就perfect了~~

都同意之前果位K 迷所講既野, 今晚我去左呢度唱DINNER K, 感覺都幾多野食, QUALITY都算唔錯, (百幾蚊算係幾好) 佢地呢度既SUSHI 幾好食, 平時唱LUNCH K 都會叫D, 一來平, 二來真係唔錯, 今晚我叫左赤蝦同帶子, 我BF 叫了D 三文魚, 三種都幾好, 三文魚個樣都幾新鮮, 赤蝦同TODAI 果D差唔多, 幾好食~~ 其他熟食都有幾多款式, 仲有自助打邊爐, 配料方面OK啦, 不過佢好好既係有成4種MUSHROOM 俾我揀, 對於我呢個好鐘意食什菌的人黎講, 實在有D意外, NEWAY 竟然有豬肚姑, 出面酒樓都冇呀~~~ 有少少開心啦!! DESSERT 冇咩特別, 但實在太多人, 有搶食的情形, 有D可怕,同埋真係太少時間囉, 得兩個鐘, 唱得K黎都食唔切野,我都係臨走之前果5分鐘先開始清埋自己拎既野, 真係會趕人架佢地, 我食緊野, 佢入黎係咁執野, 唉.....各位K 迷,真係要好好分配食野同唱K 的時間呀~!!!!

--食物，推薦魚生，有好多種，仲多過酒店，而且好新鮮，好味。不過，每人一次最多三塊，又多人，要排好耐先至拎到，所以即使好味，都冇心機排第二次...--環境，k房與一般neway無異。--服務，服務都ok，你叫佢地會做，吾叫就吾會做，同其他neway一樣。--價錢，68一位，果盤﹑nuts，包兩杯飲品，埋單每人128。--一夠鐘就趕人走，話cut歌，就cut歌。如果係志在唱k，去第二間吾趕人走的好過。如果志在食野，咁呢度，百幾蚊，都吾錯。

呢間NEWAY 係全港BUFFET 之冠, 依家仲有雪糕(獨立PACKING 果隻) 同雪條供應0忝呀!D 野好好食, 魚生勁新鮮, 又夠凍!不過好多員工好串, 唔係串就係傻!係果經理似返D 人!平日夜晚百二一位唔貴! 唱到都唔趕人走!不過依家NEWAY 唔似以前咁, 咁多CARD 有DISCOUNT 啦, 以前I.D. CITIBANK / COMPASS 都有!依家得返中銀咋!

去過好多K-BUFFET,發現港晶係至好食的一間,一直以為KAROAKE做BUFFET好極有限,不過港晶供應好多款食品,又轉得快,抵食,其他NEWAY根本無得比,加洲紅BUFFET就直頭不值得一提(垃圾),去過一次都怕左.美中不足係太多人野食,服務就OK LA,每人消費$110蚊,值得再去.