Neway Karaoke Box (已結業)

亞mary其實你o係唔o係收左錢,亞山為人小家又唔負責任,常常對D伙計吵吵鬧鬧/對客人黑口黑面,但o係當然有例外如果你o係女仔(最緊要樣靚同著得性感D)佢就會親自招呼.各位親愛的客人:如果想有好招呼請自量一下,多謝合作

唔該你啦!!!你係對人定對事呀??我認識的呀山.為人相當好,佢成日都笑面迎人..我眼見佢對顧客好有禮貌...重有對同事都好細心.我可以夠膽講句..(我去過咁多間neway .最好係呀山個間(港晶中心)

呢間Neway係我去咁多間Neway服務最差嘅一間,衛生差唔在講,我最唔開心就係最嗰晚我五個人去唱K,竟然間房細到我都唔信,四個人都好勉強,我要求轉大啲間房,得返嚟嘅答案係有Booking,所以沒有房轉比我,咁都算啦,但係當三個鐘後佢哋入嚟Last Call,我話想續唱,要求可唔可以減收一些Nuts,個經理竟然話無錢就唔好學人續唱,我哋仲要比間房下一枱,好快啲埋單,當時如果唔係我女朋友喺我隔離,我一定會打佢,我到而家都仲記得佢好似叫做亞山,從此我就將呢間分店列入我嘅黑名單裡面.

之前係度同FIRENDS 慶祝生日! 有紅雞蛋同壽包派, 好抵死, 之後去第二間分店都冇, 我唸係得呢間先有啦!!仲有打邊爐時, D STAFF 好好人, 幫手拎野!不過附近開左間CEO NEWAY , 唔知會唔會影響生意呢???

我試過唱k lunch,廿几蚊又食又唱,真係好抵!!!不過d房唔太乾淨,同好大煙味.我試過過左k lunch時間去唱,2個人,唱左3個鐘,收我地二百几....個碗仔蝦條收左廿几三十蚊.....跟住呢樣計d0個樣計d,條數就好多喇....佢d食物叫下午茶時間小點,每樣都好少,我叫過冷麵,得2啖....好似10蚊,咁唔夠又會再叫,每樣都10蚊,2啖,加加埋埋又唔少數目....所以都係k lunch最抵!!不過唔太好食囉....勝在有歌唱...

呢間野我敢講係咁多間Neway 最好一間,但我係指環境同食物,唔係講價格。雖然Neway 唱K 價格係劃一收費,但呢間野有樣野不得不防,就係佢好多時你幾丁友去唱,佢都會俾間勁大0既房你,試過有次我去俾間最大0既VIP 房我添,但大家千祈唔好因咁樣而開心,因為入襯大房佢地都唔會咁好死果隻,呢間野會拎一至兩個生果盆...及兩至三兜Nuts 入黎,生果一盆HK$100-,Nuts 一兜HK$50- , 咁唔駛我多講大家都識計啦!三個人去唱隨時過五佰埋單,仲係限時限刻果隻,仲有...呢d 額外野客人係唔可以唔要,根本就係夾硬黎!我覺得呢間Neway 係有心捉客人心態,見平時唔係多客就特登整間超大房俾閣下,跟住整佰零二佰蚊額外收費你嘆,等d 客覺得著數左之後埋單先嚇襯,到時閣下唱得咁過癮,事後都唔好意思拗數。而且Neway 呢d 咁0既事件,都唔係單單發生0係我一人身上,報紙港民投訴版都不知登過幾多次。所以...人得小貓三四個,而且又覺得間K 唔係咁爆咁多人,而佢又俾間特大房閣下,我勸大家都係同間K 講唔要咁大間,因為唱唔慣仲好,除非唔志在果幾佰數啦~

去過呢間Neway兩次K Lunch.第一次係同女友兩個人去, $25一位, 開左間坐十人的房, 果次由十二點唱到四點, 仲要係自己走果隻, 如果唔走仲可以繼續落去.第二次同女友及她家姐, $30一位, 今日係星期五之餘仲編左成間Neway最大果間房俾我地只坐三個人, 不過今次兩點半要交房了.兩次野食都ok, 雖然沒有寶利Neway咁好, 同埋呢間Neway係唯一設有紅外線探溫儀(即係平時過海關要企定兩秒望上去果隻)的.

星期五去唱lunch K，好多人等位，等左半個鐘有多。d 房同設備好好，野食都ok，都可唱多過兩個鐘，不過埋單時佢地好似找少左十蚊俾我，佢走左我才發現，蝕左。希望佢地唔係有心嫁la,if not 咁既手法好唔要得law!

NEWAY 中之霸地點又正!!!!!野食又多選擇!!!房又多, 唔怕比人趕!! 不過地下好DIRTY !!!

Lunch去唱K，有炒粉、麵、飯或set lunch，有埋餐湯及一杯drink，HK$28-35，唱兩個鐘，如果冇人等房，可唱多兩個鐘，幾抵喎！而且o的炒野唔差，幾夠味，又夠熱。

以前o係PolyU讀書, 成日去lunch karaoke~ <br> <br>炒粉麵唔錯o架~ 好過California Red好多~~~~~~ <br> <br>播歌又快~ 但係好多歌都無~ <br> <br>服務就一DD人啦~ 至少我o地11個人, 見間房細, 個幾鐘後真係換間大房俾我o地~ 有D waiter就......唉~ 去再培訓啦~~~~~