no.11

營業中

休息中

之前係長洲staycation🤣 朋友推薦左呢個burger比我地食真係冇介紹錯！ 顛！佢個個burger 可以納入我TOP3食過好味嘅burger Double cheese burger 🍔 $8x 好juicy🥺 牛肉味好出 唔會乾 而且塊牛肉好厚 並唔係簡單敷衍你呢個真係唔食唔得 牛油果burger $6x 呢個麻麻地 唔係好食到牛油果味 又唔係好食到牛味 可能食完Double cheese Burger再對比之下就覺得呢個比較遜色薯條🍟 跟餐的好正 係我最愛嘅粗薯！又熱辣辣 又夠鹽🤣🤣

今日天朗氣清來個長洲之旅，見到一間露天餐廳都坐滿人，大熱天氣下戶外枱都有人坐證明人氣爆燈，值得一試，餐廳行工業風，環境舒服又有型，餐廳係到櫃檯俾錢落單後上菜，自助形式都幾方便，餐廳服務好好，仲建議我嘅選擇，最後我就聽店員講加咗煙三文魚，抵讚👍🏻👍🏻👍🏻我叫左牛油果醬蟹肉焗薯+泡沫咖啡，份量好大碟，顏色好豐富好吸晴，個焗薯好香好大個，好Creamy有薯仔香😋，牛油果醬有調味過、蟹肉食得出係拆肉而唔係蟹柳，夠鮮！我加咗既煙三文魚，有油香及大大塊，店員果然冇介紹錯，泡沫咖啡好靚上面仲有可可粉，啲咖啡香濃又滑，好飲！下次嚟長洲一定要再嚟呢間食多次😊

疫情冇得出國旅行就留喺香港旅行，冇得去澳洲就嚟長洲啦，行經一間幾有特色嘅舖頭，餐廳在單邊角位，用盡L位設計一啲都冇浪費空間，外邊亦有戶外枱椅，側面戶外bar 枱，見到出面都坐滿客，咁就係呢一間食午餐，天氣咁熱我肯定坐入邊嘆冷氣啦😆 餐廳內有5張二人枱，同一張六人高身木bar枱，餐廳用自助式經營，客人決定食乜後要自己出去比＄落單，餐具紙巾飲水也是自助我選左煙三文魚酸忌廉焗薯，我想加多一條香腸，但有兩款，職員好清楚講解比我知道附加嘅香腸嘅分別，今時今日咁好嘅服務態度真係好難得，估唔到三文魚可以配焗薯仲咁夾，尤其酸忌廉同薯仔的配搭，絕👍🏻👍🏻成份餐好大份，也好足料，連最簡單的沙律菜也絕不馬夫，至少有四五種以上，成盤最令人驚喜的係個芝士焗蕃茄，Juicy 到呢，切開個蕃茄細啖食，d汁會湧曬出嚟，風乾橙片係另一個驚喜，甜甜的，清新又無罪惡感，真係冇諗過喺長洲入邊會食到咁高質嘅餐廳，呢間餐廳將會列入我到長洲必食餐廳之一😊

咁熱入到黎長洲已經身水身汗想搵間店飲下啤酒消下暑點知找到呢間驚喜小店牛油果芝士漢堡 🍔- 真係勁好食，尤其是個漢堡肉juicy得黎，又煎得好香口！薯條🍟- 最鍾意食咁厚切嘅薯條後來老公問店員可唔可以加錢買佢辣漢堡個sauce黎點薯條（我諗係佢開店以黎第一個客人咁問🤣）點知佢又ok woo而個sauce同薯條係超級夾，非常惹味下次長洲一定會再食呢間🤤

今日同屋企人仲有小毛孩黎長洲玩 一早已經mark定呢間pet friendly cafe諗住慢活一下 享受渡假既感覺Menu睇得出有歲月嘅痕跡 建議至少要印過張新既All day breakfast ($98)大大份既全日早餐有煙肉、香腸、炒蛋、大啡菇、羅勒醬焗蕃茄、焗豆、牛角包同沙律 最驚喜既就係有成大個又脆又鬆化既牛角包煙肉酸忌廉焗薯 + all day breakfast ($108)擺碟好靚 賣相吸引到我一見到已經食慾大增 加左塊橙乾片係沙律菜上面就更加有渡假小悠閑既感覺 除左焗薯仲有成個all day breakfast 既份量真係超級豐富 簡直係大滿足 不得不提既係焗薯超好味 軟綿入味 令我一啖又一啖咁食到停唔到口 好邪惡Burger我自己就無試到 但2款既burger都被屋企人讚口不絕 classic beef burger 都配有車打芝士、紫洋蔥、蕃茄、酸瓜、生菜同自家醬汁 牛肉漢堡唔算係好大塊 但就勝在醬汁配料樣樣都夾 恰到好處 食得岀係用心之作 之後我上網睇番先知道原來burger根本就係小店既招牌菜Burger配可樂真係perfect matchCaffe lat

今日去長洲行山，出發前食個靚早餐。這間cafe店自成一角，有文青feel。漂亮的壁畫遠遠就留意到。原來想坐露天位，但大熱天還是躲進去涼快一會吧。自己到點餐處點餐，餐具在點餐處自取。點完餐就等送餐即可。ALL Day Breakfast，$98，加配煙三文魚，$14。這個全日餐超豐盛，色彩又吸引，沙律菜新鮮，配著酸咪咪的醬汁，令人食欲大增。大啡菇勁Juicy有口感，啖啖香濃的菇味，超讚🤗。炒蛋滑嫩，煙三文魚大大塊又柔嫩。食埋煙肉、香腸、牛角包，超滿足。薄餅配楓糖漿，$52，加配煙三文魚，$14。朋友說pancake口感鬆軟，本身甜甜地，所以不加楓糖漿已經好好味。炒蛋、煙三魚和沙律同樣有水準👍。再歎杯靚咖啡，早餐先完滿。要了Mocha和hazelnut Latte。Mocha咖啡同朱古力都好濃郁，好好味。hazelnut Latte原來要熱的，可能講得唔清楚上了杯凍的。朋友說沒所謂，冰冰涼涼也不錯。

#cafeeatcovery💡遠離繁囂抵食cafe💛環境舒適，係長洲行到腳爛嘅休息點🍽 新鮮蘑菇芝士雞漢堡賣相吸引，雞扒好juicy，又唔會燶。另外，包入面有蕃茄， 有生菜 ，有洋蔥，好足料， 個包仲有好多汁，食落唔會乾爭爭。而且個包有烘過，食落仲係熱嘅， 薯條仲係即炸嘅，脆卜卜。 最重要係價錢唔貴 ，只係五十幾蚊就有一個套餐連埋嘢飲，絕對抵食。🍽 Caffe Latte濃郁嘅咖啡味配上香滑嘅牛奶，估唔到係長洲都有機會飲到咁出色嘅咖啡☺️推介度：⭐️⭐️⭐️⭐📍 no.11長洲中興新街11號地鋪

呢間鋪頭專登黎左兩次都食唔到想食嘅野，好唔開心。月頭果次搭車又搭船入到黎門口先見到佢貼張休息一天嘅告示出黎，搞到完全浪費時間。第二次入黎想試招牌龍蝦all day breakfast又話無番貨做唔到，好失望。之但係佢cashier又貼住張紙做緊推廣，好奇怪。由於唔想再有第三次嘅關係，所以就照入去試。煙肉酸忌廉焗薯 ($52)呢份煙肉酸忌廉焗薯嘅份量唔錯，焗薯焗到透晒，配埋酸忌廉都幾好食。不過炒蛋炒得太耐，好乾，麵包亦都好乾。另外仲有腸仔同埋沙律菜就不過不失。Flat White (Oak Milk) (跟餐) ($24)叫左杯Flat White打算黎個good morning，點知原來杯野就咁沖出黎就算，乜拉花都無，枉佢仲話自己係咖啡店。

早幾日襯放假走左入長洲行下，行行下見到呢間望落幾chill嘅cafe就有啲興趣入去試下。門外放左幾架單車同太陽傘，成件事即刻chill晒，好有長洲(即是渡假)嘅感覺，而且壁畫都好靚。由於當日比較多人，所以等左一陣先可以入去座。內裹環境以簡約同埋木系為主，幾有特色。另外仲有個招牌燈牌，幾靚﹗個人就覺得木長枱上放嘅乾花幾有格調，唔錯唔錯。All Day Breakfast ($98)終於黎到重點喇﹗呢份all day breakfast好大份，我自問都大食，食完都夠飽，而且有大量沙律菜，平衡番煙肉香腸牛油大啡菇帶黎嘅油膩感。炒蛋都唔錯，可以再生少少。值得一提個羅勒醬焗蕃茄酸酸地幾特別，不過個牛角包就有些少太過火，有啲焦焦地。Dirty (Oak Milk) (跟餐) ($24)之後試左杯近來好出名嘅Dirty，掛杯做得幾靚，不過隻杯唔夠凍，飲落咖啡嘅分層唔算好明顯，整體都還可以。

千里老遠嚟到長洲，諗住搵啲打卡餐廳，冇諗過，原來咁多餐廳都係星期二休息或收好早。諗住食個靚早餐，點知星期三啲餐廳都係開成12點。好彩喺絕望之時，搵到間喜出望外嘅餐廳。入去之前，都即刻上網睇吓佢啲食評。個個都讚，我都放心。店員好友善，天氣好熱，都盡量幫我哋安排室內有冷氣嘅位置。呢度係先安排座位，再出去落order。果然同大家講嘅一樣，真係好食又大份，超滿足！本身想試嘅龍蝦all day breakfast 賣晒，好彩有週末限定焗薯set 補數，完全無失望！雖然Benedict egg 熟左少少，但都好出色！咖啡亦好飲。唯一可改善空間就係餐廳開左門，所以間唔時有昆蟲飛入黎。不過呢到環境靚，食物好，有服務，絕對值得黎打卡！

實在太耐冇去長洲啦你得長洲渡假兩日一夜 梗係要有啲儀式感食下Cafe啦😋假日大家都好休閒 食得比較慢 而且有啲客人係黎嘆咖啡 慢慢坐既關係 大家記得預返假日等位會比較耐 不過依間Cafe幾好 因為11:30之後就係午餐 無早餐 而午餐餐牌係比早餐貴既 但我哋拎位既時間係早餐時間 等位個陣員工走黎問我哋想食早餐定午餐 可以幫我哋先落單 仲可以選擇早餐mix午餐咁order 好貼心👍🏻🧆：蜜糖雞扒 $54好食 但有少少細舊 唔夠食 追住食 大舊返少少會更滿足🥰 🍔：蘑菇芝士漢堡 $58漢堡包包皮好脆 餡料超級juicy 🍟：跟餐薯條 略嫌有啲少🙈 但即叫即炸 炸得幾好食🧋：凍奶茶跟餐 凍飲+$3☕️：Latte macchiato $28二人埋單 $135 抵食仲叫多左份蜜糖雞扒比朋友 $189

今日黎左長洲玩一日❤️❤️嘆一嘆幸福滿滿超級豐富既all day breakfast 先😋All day breakfast 有滑蛋✨✨芝士焗龍蝦✨✨牛角包✨✨沙律✨✨茄汁焗豆✨✨焗大啡菇✨✨芝士焗蕃茄✨✨我最中意既腸仔✨✨非常豐富✨✨$$168咁多野食而且質素好好真係唔算貴😋😋吃到飽飽的好滿足另外我地仲叫左個芝士漢堡包😋😋牛肉漢堡係即叫即整的❤️❤️✨個包都焗到好好食好香塊漢堡扒真係好高質❤️❤️❤️

呢間NO.11cafe位於長洲中興街，店舖環境都算唔錯🤔，地方坐落感覺都好舒適😙，尤其是Cafe外面都有好多坐位，係到嘆吓咖啡傾吓計都係幾好🤔👍!.All DAY Breakfast煙肉酸忌廉焗薯煙三文魚牛油果醬蟹肉焗薯Cafe嘅早餐份量十足🤔，每一款賣相都好吸引😮，有煙肉，香腸，炒蛋，大啡菇，羅勒醬焗蕃茄，焗豆，牛角包及沙律，我同咗D朋友去咗食嘢😋，就試咗呢三款早餐，去嘅每一款都有唔同嘅食材，其實每款都好似差唔多🤔，望落每一款都有D唔同!.牛油果醬蟹肉焗薯除咗份早餐另外去嘅焗薯蓉，上面放滿牛油果蓉，再放滿鮮味嘅蟹肉味道十足😋，另到份早餐更加豐富，更加有營養👍!.煙肉酸忌廉焗薯三文魚去嘅早餐都係差唔多一樣🤔，另外都配有酸忌廉焗薯味道十分之唔錯😋又特別🤔，去嘅焗薯面放咗D酸忌廉同埋煙肉，另到嗰焗薯更加好味🤔😋，另外D三文魚十分之新鮮啖啖肉，口感都好正🤔👍!.紅莓十藍莓呢杯飲品賣相都唔錯，飲到入口感覺味道都幾好🤔😋，味道都好特別🤔又唔會好甜!.我叫咗呢三款咖啡caffe latte，hazelnut，Mocha，聞到咖啡味道好重😋，飲入口咖啡味道濃郁😙，真係唔錯!.*價錢一般，食物都好有水

這次就去了長洲逛逛吧，在平日去人流不太多，可以慢慢逛欣賞景色，去咖啡店放空一下🙈。這次在發現一家工業風咖啡店，名為No.11。店舖環境不太大，但有分為店內/外的用餐區。💥熱朱古力咖啡 / 熱榛子咖啡 HKD$40，每一款也有美美拉花，咖啡味道很香😍。咖啡不會感到酸，咖啡味重味挻濃郁的。朱古力味和榛子味也是甜甜的，兩杯也喜歡飲💕。💥RED HKD$38，這杯是草莓混合藍莓的梳打，賣相是漸變色，面頭還有藍莓和薄荷葉作為點綴。飲品味道酸酸甜甜的，邊吃邊喝很享受🙈。💥全日早餐 HKD$98，這大啡菇/個份量十足，包括：炒蛋/香腸/煙肉/羅勒醬焗蕃茄/焗豆/牛角包及沙律。這個價錢性價比不錯，炒蛋口感滑身蛋味香濃，牛角包口感酥脆不油膩，還有沙律可拌著來吃🙈。💥各式焗薯 HKD$108，選擇了煙肉酸忌廉和牛油果醬蟹肉口味，每一款焗薯還有食物配著。包括：炒蛋/香腸/煙肉/羅勒醬焗蕃茄/酸種麵包及沙律。焗著配全日早餐可以吃到飽飽的☺，焗薯熱辣辣軟綿綿口感Creamy💕。食物質素不錯，咖啡飲品味道香濃。環境舒適涼快，希望下一次去長洲仍可到小店享受咖啡😍。

入長洲，大家都會諗起大魚蛋/糯米糍！其實宜家，長洲開左好多新嘅小店一樣好有特色！今日黎到離碼頭比較遠嘅一間cafe, 大約在天后廟附近。下午兩點黎到，店內full左，所以我地就坐出面嘅bar枱，每張枱都有一把風扇，小店好體貼！呢種天氣，坐室外， 一定要叫杯凍飲！一杯係菠蘿冰梳打，另一杯雜莓梳打，唔會太甜 ，但十分解渴。黎到咁chill嘅cafe, 當然要點份早餐😂all day breakfast 好似太大份，所以就叫左份牛油果egg banedict ! 份量都好大，牛油果醬超級多，個benedict流心，大量沙律菜！正👍🏻 最傑出係呢一份Burger好似$60幾，本身我無期望，但黎到賣相吸引，漢堡juicy 有蕃茄有生菜有洋蔥又多汁，勁足料個薯條仲要係新鮮炸出嚟，脆卜卜！如果打算黎打卡，一落船就要直奔過嚟！ 如果唔係食飽左先黎到，真係搞唔掂😆