No. 5 Lounge (已結業)

呢間係性價比極高既休閒餐廳，一到夜晚，這裡變身為酒吧，靜靜地而且環境舒適，很適合放工後與友人或同事一聚。我同友人叫左兩杯Mocktail同小食，見到店員好用心炮製我們點的飲品及小食，整體的味道令人十分滿意！VIRGIN COLADA 菠蘿與椰子混合的飲品，呢杯Mocktail類似沙冰，好易入口，甜甜地好creamy好新鮮既感覺。好好飲，令人想一飲再飲。PUSSY FOOT 除左有主要既橙汁味之外，仲飲到淡淡既石榴味，成個配搭岩岩好，加埋冰簡直係一流呀。NACHOS WITH GUACAMOLE 呢個小食係心水推介，見住廚師即叫即整既墨西哥玉米片，加配極濃芝士醬同埋牛油果蓉，價錢同分量成正比，大啖大啖醬加埋玉米片放入口，口感極豐富之餘仲食到牛油果既新鮮，唔經唔覺就食曬成碟，仲想再encore添。價錢方面十分經濟實惠，比起市面上既酒吧便宜，整體來說不錯，值得推介。📍No.5 Lounge 觀塘巧明街94-96號鴻圖中心地下5G1-4號舖

上次食完附近見到呢間酒吧，好有興趣試下！原來成個場同一個老闆，所以佢地可以互用空間呢間酒吧很不錯，很有格調，有梳化有圓櫈三五知己或者一大班人黎都會坐得舒服！我點了一個生啤Hoegaarden $68同埋一杯Cocktail ~ Sex on the beach $78另外小食都是好用心的製作🔶Mix nuts $25 辣辣地架，原來是用指天椒、乾花椒去炒一炒，好惹味🔶Pop corn $42好好味，新鮮熱辣辣出爐，粒粒都鋪滿蜜糖粒粒都好脆口，必食！

同個朋友好耐冇見，相約係觀塘聚舊，諗住去個靜靜地嘅地方飲下嘢傾下計，於是搵到嚟呢間酒吧呢度環境好舒服，同附近餐廳唔同，暗暗地又有個大螢幕睇波，另外一邊就有人jam緊歌，任君選擇仲有爆谷機添！酒款亦好多！星期一至五都有唔同優惠我同朋友雖然嚟酒吧，但係我地都唔係飲酒飲果汁，哈哈蘋果汁-蘋果味好香甜，夠曬fresh，慢慢飲好爽橙汁-有橙嘅酸甜味，夠曬凍係夏日消暑之選整體嚟講都幾好，夠就腳又方便傾計，有機會會再嚟

工作壓力大，香港人放鬆d啦！今日收工之後同同事過來食下野，飲下野！一間小小的餐廳仔，估唔到夜場會有人係到自彈自唱，真係可以邊聽音樂邊享受！我地叫左2個包 和 2杯無酒精飲料！分別係鹹蛋黃醬雞趴漢堡🍔 雜菌漢堡，仲有就係菠蘿特飲🍍雜果賓治🍹2個包分量十足，同埋好重好厚，食落去超多汁，果然係即叫即整，熱辣辣，不過個鹹蛋黃好鹹，但雞趴好嫩滑的！雜菌好清新同埋好多，味道不錯👍食落去好juicy，好惹味啊！2杯果汁夠冰夠凍，飲落好fresh，最中意就係果汁係的飲品！好大一杯，一淡包一淡果汁，正！

放工未夠鐘就先來Happy Hour一下愛琴海有間No. 5 所以就去嘆下傾下計店的職員好好笑容好友善我地order左飲品 Snow ball and Orange juice, Snow Ball 甜甜地幾好飲~而每位都會有一個mix nuts 的收費~每位$25 蚊。。。每日都會唔同，今日就係花生至於小食就叫左 Nachos with guacamole，即叫即整如果大家想同朋友睇下波，飲下野又或静静地傾下計的話都可以同朋友聚下，呢度係一個唔錯的選擇

中午主打OL生意，賣all day breakfast和sandwiches既cafe，去到夜晚，搖身一變變成左酒吧。創意十足既經營策略，好值得我去一試。夜晚經過觀塘工廠區附近，人流非常多。我去到cafe附近都有好多人。酒吧酒類選擇好多，款款都好吸引。價錢比起一般酒吧較低，性價比好高啊！我叫左一杯Stirred dry Martini。燈光之下格外迷人，cafe好似好浪漫。我叫左杯酒chill下happy hours就是放鬆。酒味突出，甜甜的帶出酒的香味。

放工鳥, 抬頭望見呢個廣告，先發現原來公司附近開左間酒吧，做緊 promotion, 一於試一試。適逢星期一， cocktail 做緊買一送一。buy 1 get 1 free, 平均四十幾蚊一杯，認真扺到爛。Mojito $78好多青檸，好多薄荷葉，清新的口感。溝左rum 酒，夠凍，非常爽呀！餐廳用矮杯serve, 所以酒的比重多左，飲一兩啖已經有反應。適合慢慢歎，唔好急。Long Island Iced Tea $88朋友飲的長島冰茶，佢話味道溝得幾正宗。多種酒溝埋，一唔小心真的易醉。Popcorn $42 同場仲有爆谷機，即叫即整，真係香到全場都聞到。爆谷是焦糖牛油味，咸咸甜甜又熱辣辣，送酒一流，冇得輸啦！環境亦唔錯，一邊睇波，另一邊就聽歌。正的！

辛苦左一日放工緊係要搵男朋友chill下，公司樓下近近地嘅bar講真佢環境一啲都唔似bar，因為佢日頭係cafe，主要輕食。但夜晚就轉做bar，仲有個大電視可以一班男人黎睇波。而星期三個日更有liveband。（默默咁覺得佢個drink menu上面啲圖畫得好靚)Around the world $78Snow Ball $60Mix Nuts $25Spicy Edamame $38比較特別嘅係 平時好少見bar有支豆食（唔知係咪我自己少見識喇～）但我勁中意食，飲住酒再食支豆再睇波真係正到爆！

觀塘平靚正酒吧今日同朋友去到觀塘一間酒吧新開嘅飲吓嘢傾吓計 呢度嘅設計都幾得意分別有幾間鋪頭有漢堡包酒吧西餐等我哋今次去嘅就主要係飲酒由於同朋友今日都唔係好想飲有酒精嘅嘢所以我哋就只係叫咗啲mocktail 平時都係飲開啤酒或者cocktail今次飲嘅mocktail 好滿意 覺得佢哋夾得啱啱好 Virgin colada$58呢個價錢飲嘢來講算係非常之抵 飲落去有少少菠蘿同梳打 味道好夾 最緊要係冇酒精唔鍾意飲酒嘅朋友都可以試吓Lime soda $58呢個就比較清淡少少主要係梳打同青檸 味道都唔錯 適合鍾意清淡嘅朋友今次我哋去到都叫咗幾多小食 Mixed nuts $25價錢出邊酒吧比完全唔貴 雖然份量唔算大但係nuts種類都多唔係剩係得花生Nachos with guacamole $75正常價錢份量都多 最緊要嘅係個人幾鍾意佢嘅sources 有自己配嘅芝士醬同埋牛油果醬認真唔錯 不知不覺咁就食晒成碟😂😂😂總括嚟講如果大家都想去觀塘平平哋飲吓嘢性價比又高質素OK嘅都可以嚟呢度試吓😚

在2019年9月10日星期二當天，左腳的腳趾公的筋膜因扭傷及拉傷導致發炎😥😰，看完跌打療傷之後，再次來到No.5 Lounge，午飯時間非常多人😊。當天午飯時間選購了一份千層闊麵，而且份量剛剛好，不會太多又不會太少🙌🙌，而且使用烤焗的方式製作，每一層都有腰豆、肉醬以及其他配料😊，售價$68元都算中規中矩，而且闊麵的感覺有點像意大利雲吞，麵條的外皮非常有彈性😂😂😂。跟餐飲品有健康果汁、咖啡等選擇，當天選了一杯叫"Detox Cool"的混合果汁飲料。材料當然有其中一項，就是薑汁，味道非常清涼，而且帶點水果的自然味道🙌🙌。

在2019年8月27日星期二晚上來到觀塘鴻圖中心G/F的Foot Court。在Eat2 order晚飯的時候同時在No 5. Lounge order了酒吧時段的飲品，於是選了一杯Gin Soda Tonic🍋🍋🍸。Gin Soda Tonic是沒有酒精成份的會飲品，用上Soda水以及有汽礦泉水製作，喝了一口後，感覺有點瀝瀝地。Gin Tonic。當天還有Stamp Card，早期MOO MOO都推出Stamp Card，儲蓄10個印花可換領飲品一杯。但是今次與MOO MOO Crossover，Happy hour時段在MOO MOO選購小食以及在No 5. Lounge選購飲品有折扣優惠。😊😊

相約朋友於晚上，還未到時間，到這酒吧休息一會。很有個調的設計，以深木色為主。於每張枱都有仿蠟燭的小電燈，有如置身古式的書房。但絕對沒有要讀書的壓力，加上因為於較早的時間來到，沒有太多人，感覺特別舒適。然而，雖然這裡是酒吧，但因為還未有吃東西，所以只點了非酒精類的飲品。這杯Pussy Foot用新鮮的橙調製，酸酸甜甜的，感覺十分清新，零舍消暑。於炎熱亨用，是特別好的加油飲料。特別一提這小酒吧位於辦公大廈的地下層內的一角，不是十分顯眼，所以要到訪都得找上一會兒。但要到好的地方，費一點勁也是值得的吧。

今日係觀塘出job,時間未夠於是四圍行下。入到工廠大廈發現左一間隱世酒吧No.5 Lounge 。原來平時中午係Café黎嫁 ,到夜晚就搖身一變成為酒吧。一陣仲要工作嘅關係，叫左杯無酒精飲品(果汁grapefruit)另外仲嗌左個小食(Nachos with guacamole)。果汁酸酸甜甜，好清新嘅西柚味。小食一上碟脆卜卜。濃濃嘅芝士味配合牛油果醬好夾呀。環境好舒服，加上店員又親切。聽講有時仲會有live band 嫁，下次搵日要再黎Relax 下。

今日有同閏蜜去咗一間好有文青feel嘅coffice shop啦，原來去到夜晚就會搖身一變，成為一間酒吧咁都幾chill幾relaxy嘅咁我就叫咗一個Pineapple Juice同一個Fruit punch，嗰Pineapple juice好濃味啦，唔會話俾水同冰覆蓋咗嗰味，幾甜又好飲，價錢亦都較平民啦而Fruit punch都幾正，我起初以為好酸啦，但試咗一啖之後，原來唔會太酸，酸同甜嘅比例唔錯，唔會話偏重咗一邊原來餐廳仲會有唔同日子有唔同嘅優惠，我今日去嗰個就係所有飲品9折下次再黎呢到打卡同chill一下

環境舒服😌 聽住live music 🎶 輕鬆chill 下Pineapple Juice 🍍 $38滑漏得黎夠濃，好驚某d餐廳會加水加太多溝稀左，依度唔會，好均真，而且酒吧來講，價錢公道，不同日子仲有不同優惠，例如cocktail類買一送一咁，我去個日係所有飲品九折。Fruit punch 🍹 $38 依杯係朋友order的，因爲我好少飲酸野，但依杯賣相十分吸引，我試左一啖，酸甜比例係唔錯的。女仔嘛，我主要著重相機的感覺📷。下午茶係Cafe☕️ 搖身一變晚上就係酒吧。都有小食，不過原來同隔離餐廳Moo Moo Burger 🍔 係認識的，仲可以過去點餐拎過來食，又幾方便。白菌之堡漢堡上下係烘底，香脆！ 配上黑松露蘑菇醬，勁香！終於食到一個漢堡係有與別不同的醬料。而且上下麵包有做烘底，咬落脆脆地。🤩鹹蛋黃雞堡鹹度真係唔講得笑😂 下層麵包🥯吸曬鹹蛋黃醬，不過雞係嫩滑多汁。整體依度係個輕鬆食飯飲野，聽live music既選擇。