November+

營業中

休息中

放工約了友人食飯，友人推介一間樓上cafe，據聞麻辣卡邦尼意粉好味，平日Lunch好多人，晚上就比較靜，趁唔洗OT就試下。平日大約7:00去到，冇乜人，坐坐下開始有人流但唔多。餐廳面積不大，裝潢有著小清新之感，白色的牆身，木系設計，綠色植物的佈置，暖色燈光，感覺柔和，Relax Feel。餐牌，晚上冇Set要散叫，麻辣卡邦尼意粉必食，再揀多個主菜，2人開心Share。士多啤梨奶奶，$58，沙冰口感綿密，士多啤梨味酸酸甜甜，味道不俗。薑母桂圓茶，$58，友人的。麻辣卡邦尼意粉，$148，賣相不俗，份量適中，意粉煙韌口感creamy，味道濃郁帶微微的辣，果然幾美味。夏威夷火炙黑毛豬腩卷，$198，見網上幾多人推介就試下，賣相擺盤整齊，豬腩卷外皮香脆，肉質鬆化帶焦香，鹹香惹味，配上燒菠蘿的清甜中和油膩感，雜菌爽脆香口，不俗。食物味道不俗，坐得舒適。

今日放工黎呢間cafe，因為之前黎過係樓上鋪，人唔太多又可以慢慢坐低傾下計，窗口位仲望到少少海景🤣今日唔想飲酒，所以黎就叫左呢個strawberry smoothie，足料好味。因為都想坐耐d，所以想慢慢食就叫左生蠔，老闆娘推介左兩款，都係日本蠔，新鮮好食。主食叫左黑毛豬腩卷，少肥🙈但勁好食，豬肉咬落口係好juicy，夾埋菠蘿一齊食就清新d。意粉就叫左一定好食號carbonara，佢整到勁重蛋香，好食。

November + 今日約咗好耐冇見嘅朋友食飯，搵咗好耐終於俾我發現一間可以靜靜地傾偈嘅樓上餐廳！間舖頭喺11樓，成個場都係得6-7張枱，環境清靜。因為book咗位嘅關係，餐廳安排咗一張卡位俾我地。望出窗就見到海景，好舒服！店員亦都好友善咁問我哋需唔需要推介，選擇困難嘅我哋就聽佢哋發辦啦。首先嘢飲方面有好多選擇，而且唔係出面周街都係嗰啲cocktail。呢間舖頭叫得november +, 朋友就當佢november係招牌所以就叫咗一杯😂佢呢杯係baileys+whisky，飲落去好有層次，如果平時鍾意奶蓋嘅話就必叫！好有驚喜嘅一杯！而我就因為想飲啲清爽啲，而且十月生日，所以叫左杯October🔥 飲落去極度解渴，而且用料十足，都十分推薦！另外見到廚師推介有生蠔又朋友超級鍾意食，所以就每款叫咗兩隻試吓！🦪店員推薦我哋先食比較鮮甜嘅仙鳳趾，再食船渡。朋友大力推薦仙鳳趾，有鮮甜口感又十足；我對生蠔冇乜研究，但係兩款都覺得幾好食🤣主食方面我哋叫咗一個意粉一個豬鞍扒，兩樣都大推！首先麻辣卡邦尼意粉上枱嗰陣真係wa咗一聲，多煙肉到睇唔到啲意粉咁滯🤣🤣而且唔係嗰啲得肥膏好薄個啲，係有一定厚度而且肥

麻辣 Carbonara 意粉都幾得意😊經朋友介紹，try try November. 一聽個餐廳名就覺得好有意思。餐廳地方雖然不大但服務態度好好。麻辣意粉幾好味，晤太辣，味道幾特別。lunch坐滿了人還要加檯。見到有好多人來打卡，也見到有D退休女士來食意粉。杯粉紅色 strawberry 奶奶都幾OK。個蘑菇湯算OK啦。成個餐 $108加一。 The spicy sichuan style carbonara was an interesting choice on the menu. It wasn’t too spicy at all. The strawberry drink went well with the spicy pasta. Mushroom soup was okay. This is a place I will revisit.

同同事走咗去試呢間餐廳，冇特別留意佢係幾錢以為都係百零蚊，叫咗個158lunch set,問我哋要湯定沙律，後來先知道個湯加成$30，仲要超細碗😏即係嗰餐$188，味道還可以，但一啲都唔抵食，咁嘅價位大把選擇。佢位於舊樓之上，環節普通。。食完之後大家都話冇下次😕

呢一間係喺上環做嘢朋友介紹嘅，話樓上有高質西餐廳。晚餐叫咗:麻辣卡邦尼意粉($148): 叫呢個都係膽粗粗，因為平時carbonara食得多，但係加咗麻辣嘅時候，自己又唔係好食得辣，所以想試吓呢個會係咩感覺，出奇地幾神奇。煙肉嘅份量好多，食落去嘅時候第一啖有少少辣，之後後勁都仲有少少，但係就冇乜麻嘅感覺。未試過嘅可以一試。夏威夷火灸黑毛豬腩卷($198): 自己覺得呢一度餸比較出色，真係聞到有攤銷嘅香味，而且黑毛豬腩卷好厚身，配上菠蘿感覺好清新，而且燒得啱啱好唔會好乾。另外都要一讚嘅係配菜有蘑菇，洋蔥同埋薯蓉，每一道獨自獨立都煮得好好食，尤其是佢嘅薯蓉好綿好香！即開生蠔兩隻 ($52/$58): 純粹係滿足自己好耐冇食過生蠔嘅慾望，今日見到佢都幾大隻，所以每樣叫咗一隻，同樣都係好新鮮嘅，自己比較鍾意店員嘅介紹，佢會建議食咗邊一隻先，而且對生蠔嘅知識都好豐富。兩杯嘢飲: June 同October 。前者係菠蘿梳打配上真露，印象中好似冇乜飲過有真爐嘅Cocktail，容易入口，而且甜甜哋好啱女仔飲。後者係有西柚，檸檬，橙，梳打同埋白酒，自己都幾鍾意呢一杯，因為所有嘢都係新鮮即刻切，而且酒

位於中環同上環之間嘅November+，係一間以家庭式經營嘅餐廳，每一款食物都經過精心挑選同調味，餐牌更展現出廚師對食物創作嘅熱情同心思❤️走入餐廳，溫馨嘅氛圍令人感到放鬆，非常啱情侶或朋友聚餐。我首選咗「夏威夷火炙黑毛豬腩卷」。呢道菜以黑毛豬腩為主角，肉質鮮嫩，經過火炙處理後，外層微焦，散發出誘人香氣。豬腩嘅油脂同肉質結合得相當完美，搭配清新嘅生菜，口感層次豐富，每一口都令人驚喜。配搭嘅醬汁亦恰到好處，增添咗鮮香味道，非常出色❤️我亦叫咗「麻辣卡邦尼意粉」。呢道意粉融合咗傳統意大利卡邦尼嘅濃郁奶香，同時加入咗麻辣元素，帶來一種全新嘅味覺體驗。意粉煮得剛好，搭配嘅醬汁滑順，麻辣嘅刺激感與奶香味相互交融，實在係難以抗拒嘅美味❤️❤️為咗配合呢餐美食，我點咗兩款Cocktail 。第一款「August」由白桃、茉莉綠茶同椰果調製而成，清新嘅口感非常適合夏天，白桃嘅甜香與茉莉茶嘅清香相得益彰，令人神清氣爽。第二款「September」則係士多啤梨、雜莓沙冰同紅酒嘅組合，冰凍嘅口感帶來一絲清爽，果香與酒香嘅平衡恰到好處👍🏽November+絕對值得再嚟encore❤️

餐廳嗰幢大廈入口位於巷入邊，相對比較難搵，估唔到上咗去之後裝修都幾別緻🏔️✨即開生蠔🦪Supreme $52/1較肥美，建議食咗呢個先😋個人比較鍾意呢款肉質肥美嘅生蠔，即開超級新鮮！基本上淨係用檸檬汁都已經好足夠OstraRegal $58/1 大大隻，海水味比較重仲做緊半打優惠 $228 不過對兩個人嚟講實在係太多😔✨意式香草黑毛斧頭豬鞍扒 $198配薯蓉、炒雜菌、炒洋蔥絲🧅、橄欖油烤蒜豬鞍扒好juicy!!份量唔算太大，配埋半球薯蓉，啱啱好飽肚🙂‍↕️另外自己幾欣賞炒菇同埋洋蔥絲，炒得好香同埋好入味👍🏻烤蒜都好出色！✨麻辣卡邦尼 $148採用扁意粉，加上原隻蛋黃撈完就見到意粉好掛汁！味道方面，花椒味好香，不過比我想像中冇咁麻辣😋👍🏻唔食得辣嘅人都應該可以淺嘗一下另外有daily special pasta: 大蝦菠菜忌廉意粉🍝不過都係對麻辣卡邦尼興趣比較大🤣🤣✨Mixed berries smoothie $58有少少士多啤梨果乾喺面作點綴😋Smoothie好鮮甜同埋打得好幼滑，個杯望落唔係好大，但一個人飲其實份量啱啱好❤️‍🔥應該有少少藍梅🤏🏻莓果味好重👍🏻夏日之選✨鮮車輪果茶 $58

尋日早咗收工就同老公嚟到屋企附近嘅一間Cafe度食吓夜晚😜呢間November平時lunch超爆場，而家仲開埋夜晚而且仲有新鮮生蠔食！😌 仲有得同朋友仔飲吓Cocktail🤩🤩我哋嗌咗幾隻生蠔食，特別鍾意甜啲嗰隻，另外一款就海水味重啲！相信鍾意食海水味重嘅朋友仔都會好鍾意！而家其實超抵食，$228已經有半打😽 鍾意食蠔嘅朋友唔好錯過😍😍之後我哋嗌咗一個麻辣carbonara 😋第一次食辣辣地嘅意粉，食落都幾開胃, 冇咗平時食到一半會有啲漏嘅感覺😚 意粉彈牙的😝😝另外一份就嗌咗大廚特製嘅隻燒黑毛豬卷配菠蘿😉菠蘿嘅香甜將黑毛豬嘅油膩解開咗😋所以一個人都食得哂🥳嚟得呢度唔少得要飲特製嘅飲品，其中一杯嗌咗主打嘅November😃係一杯cocktail🤩 上面用咗Bailey 做奶蓋，但飲落去又唔會覺得好重酒味，mix well後feel到甜甜地好似珍珠奶茶底咁😘 另一杯就嗌咗士多啤梨奶奶，用咗新鮮嘅士多啤梨配上好香嘅牛奶一齊blend. 好似食雪糕咁呀🤓🤓

間餐廳好似CAFE 又好似餐廳，佢中午無得BOOK位，一上去時我地人包場 ，只有我地係到，食到中間先多 台客，佢有LUNCH SET 揀，百幾蚊多有一個麵同飲品，但佢鋪有D 難搵，原來係小街入面，叫左杯士多啤利奶昔，都幾甜而且就潟哂出黎了，然後個饅魚飯雖然唔係好好食，但饅魚都算大條，個飯可能佢想多D 層次，所以佢加左東茹啦加左蟲草花，個飯似係燴飯? 淋淋地但又唔係好熱個種，份量又唔算好大。lunch 無地方食黎哩到都幾易搵位

上環區樓上餐廳小店眾多，不愧為尋找隱世美食的好地方，位於永樂街1號世英大廈的綠色小清新Cafe西餐廳 「November +」，已經聽聞很久佢哋嘅「麻辣卡邦尼意粉」，非常美味出色，午市食lunch仲要非常爆棚，今日我就嚟食夜晚避開人潮🤣▪️即開生蠔估唔到呢度都有生蠔食，真係要整幾隻過下口癮，即開好新鮮，大大隻好肥美，兩款都各有特色🦪🦪Supreme $ 52 pc 蠔肉飽滿，口感爽滑，海水味濃郁🦪OstraRegal $ 58 pc 味道較鮮甜，蠔肉一樣飽滿▪️麻辣卡邦尼意粉 $ 148我就為咗呢個意粉而嚟，果然冇失望，扁意粉爽口又彈牙，配上份量超多的腩肉，重點係醬汁，用上最原始的卡邦尼醬汁加入麻辣口味，香辣麻口又Creamy的醬汁，面層更加有一個流心蛋黃，撈勻之後，包圍着每一條意粉，濃香美味，必食推介▪️夏威夷火炙黑毛豬腩卷 $ 198豬腩卷有點似食拉麵的豚肉厚切板，煎得好焦香，厚切之餘腩肉更加是半肥瘦一圈一圈的，好有口感，伴上香甜的焦糖菠蘿，能夠中和腩肉的油膩感，配菜更加有炒紫洋蔥、香菇和自家製薯蓉，整個菜式飽肚又美味▪️November $ 78餐廳招牌飲品，威士忌芝士奶蓋配黑糖鮮奶咖

朋友上網見到呢間餐廳評價幾好，又無限時，啱晒我地傾野，就 book 左呢間餐廳邊食邊傾啦。環境及衛生方面︰其中一邊有幅大玻璃可以望到街景，窗台種左少量植物。餐桌擺設幾整齊。整體感覺良好。服務方面︰一開始就俾人感覺要乜無乜... 本來個主餐牌就已經唔多野食可以叫，我地又唔想食套餐... 想叫個鵝肝煎帶子 - 無 叫牛柳 - 無，被逼轉左西冷 叫飲品果陣，個待應聽唔明加糖漿同杯飲品本身有果糖嘅分別；到d飲品上檯，唔講邊杯飲品係咩名，要我地出口問，然後有個自稱自己係廚房佬咩都唔知嘅人指派返bar檯沖野飲個妹妹黎答；繼而待應自己發現自己沖錯飲品照上俾我地又唔講，飲飲下黎多左杯，我地問先知沖錯左，後來呢杯先係啱...以上嘅事，都俾客人一種滿頭問號，無法理解同埋餐廳非常唔專業嘅感覺。(已經無計無待應斟水呢d小事，不過到走果刻，估計待應們都 feel 到我地極度不滿，熱情咁歡送我地走，就俾返少少分佢啦...)味道方面︰-食物︰最後我地被逼叫左法式焦糖洋蔥燒西冷扒、夏威夷火炙黑毛豬腩卷同埋意式香草黑毛斧頭豬鞍扒。而呢3道菜，其實可以combine黎講...3道菜煮完出黎係同一個色系 (直頭可以唱灰色~

來到上環November+間餐廳，見到今日嘅special有2款生蠔，嗌咗來自法國聖庫隆的Ostra Regal生蠔，入口好爽亦好鮮甜，甜味填滿口腔，懷念起那一年喺Bordeaux Arcachon(波爾多阿卡雄灣）嘆生蠔的美好時光💖💖主菜就叫咗"麻辣卡邦尼意粉"和“夏威夷火炙黑毛豬腩卷”，卡邦尼意粉有麻辣味對我嚟講好新奇，亦都好好味，一啲都違和，意粉上邊嘅流心蛋可以生食，我就鍾意咁食，但有啲人就會攪拌嚟食都一樣咁好，煙肉碎好香口，亦有黑椒味；至於豬腩卷整碟嘢整得好靚，有菠蘿配搭唔會咁油膩，伴碟有洋蔥，有菌類，廚師整時已聞到好香的味道😋😋Drink Menu有Signature嘅JUNE（菠蘿梳打真露）、JULY、AUGUST、SEPTEMBER、OCTOBER和NOVEMBER，而非酒精飲品亦有多款選擇，嗌咗奇異士多啤梨和 鮮車輪果茶，畀足料的新鮮生果，而非化學嘢，超好飲👍🏽👍🏽

收工到上環永安買新廚具，search到距離永安只係2分鐘步程既佢地，一開門便是小清新格局到處放有大大小小不同綠色植物 配合簡潔木系裝潢 一邊播著輕音樂，夜晚既上環人流唔算好多，可以感受到呢一帶氣息 坐得好放鬆舒服🦪即開生蠔佢地提供兩款生蠔可以揀 完全兩種特性，做緊半打$228優惠，不過最後都係每款點左2隻試下先，開蠔手勢唔錯，蠔全部都好新鮮 加兩滴檸檬汁已經足夠美味，BTW佢地cocktail sauce都幾有誠意 唔同坊間一般現成醬 自家調味 (無生蠔沾醬 只係獨立食左幾啖醬 是我個人喜歡的口味☺️)🦪Supreme $52pc口感清爽，海水味同蠔味都好濃郁，帶微微礦物味，下肚後會有少少甜味回出黎🦪OstraRegal $58pc蠔味亦香濃，肉質肥美飽滿 入口creamy，每一口都是滿滿鮮甜估唔到有cocktail/ mocktail/ wine list可以揀，signature用左6月-11月既英文來命名🤎November $78同店同名的cocktail搶我fo了，Menu介紹“November”=威士忌芝士奶蓋配黑糖鮮奶/咖啡 加入了Baileys，酒味同黑糖味唔會好強烈 Ba

上星期去開上環小女孩唱yen，而隔離街大廈有好多樓上餐廳，今次就揀咗呢間係網上口碑都幾好嘅西餐🤜🏻🤛🏻餐牌選擇唔多，我哋本來想試海鮮盤都冇供應😟但之後隨便叫呢兩樣野都好有水準喎！夏威夷火炙慢煮黑毛豬腩卷🐷$198 (🌟9.5/10)黑毛豬腩卷經慢煮後再火炙迫返啲油脂出黎，每塊豬腩卷都好厚切，瘦肉部份軟稔又爆汁，脂肪部位火炙過變得脆身，配上又甜又多汁嘅菠蘿🍍兩者夾返埋一齊食又可以減輕油膩感，伴碟嘅蘑菇同洋蔥都炒得超香🤤🤤應該都係用豬油炒麻辣卡邦尼意粉💛🌶️$148 (🌟9/10) (午市 $108)扁意粉都幾滑身，硬度適中，花椒都落得幾重手，愈食條脷會愈麻好過癮👅卡邦尼只係用忌廉煮，冇落芝士嘅，撈均蛋黃食更滑溜🤤平時我麻麻食辣，但呢個組合出奇地夾，又冇咗傳統卡邦尼嘅滯感Drinks🍹AUGUST🍑白桃 茉莉綠茶 椰果 白酒$78 (🌟9/10)呢杯超好飲，好清甜，唔係好甜好假嘅糖漿溝酒，仲有一舊仔白桃食，底部有好多椰果粒，白酒份量唔重，只會有少少微醺感OCTOBER🍋🍊西柚 檸檬橙梳打 白酒$78 (🌟8/10)友人揀呢杯比較酸少少，開胃清新，我自己就鍾意AUGUST 多啲餐廳只有兩夫婦經