Number Fifteen (已結業)

今日約左個朋友食生日tea ,即時揀左依間餐廳，因為唔知原來要預約，以為都仲營業中，去到餐廳已經清場，準備想收工！我同朋友都照入去問仲有無下午茶食！個收銀女仔即時打電話比廚師，廚師知道有客人都肯番黎為我地服務，之後我地就入去坐底點左兩份lunch set ! 成場得我地兩個，好似包左場咁，但全程已經勁唔好意思，搞到好似阻住人地收工我地先食頭盤沙律，沙律個醬汁好好味，食完再上蘑菇湯，全程都無趕人走既感覺，老闆同個收銀女仔都一齊service 我地，十分親切同好有禮貌、仲周時都問下我地好唔好食同傾閒計，完全無介意過我地無booking 就衝上黎！去到main course 我點左份炭燒豬扒，而我朋友點左個帶子天使麵，味道一流，豬扒一d都唔鞋！喺食緊過程當中，個收銀女仔閒聊時知道我係同朋友黎食補祝生日tea，佢講左比廚師聽，食到甜品時，廚師突然送左個surprise 比我地，就係整左個火焰雪山梳乎厘請我地食，當時真係超開心，餐廳所有人都真係好好、好真誠，咁真誠既款待當然要好好品嘗！真心⋯個梳乎厘真係超級無敵好食，雖然都飽到上心口，但真係實在太好食喇！我地最後係食哂！最後埋單都係計兩個lunc

想請朋友補食生日午餐，整埋啲野3:00先行得，上到去發現一個客都冇，先醒起已經過左lunch時段😅佢地好好，即刻打俾廚師叫佢返黎煮，搞到我地好唔好意思。環境簡潔乾淨，舒適。午餐包一個任食沙律吧，真心好食，任食但一啲都唔求其。主菜我叫左帶子菠菜意粉，朋友叫左唔知乜豬😂因為太唔好意思所以冇影相，諗住拿拿林食完走。點知餐廳非常識做，知道我係補祝朋友生日，廚師特登整左個火焰雪山蛋糕送俾我地，大大舊之餘仲要係好食！成間餐廳每一個員工都勁好人，味道好之餘服務都好到咁係完全意料之外

昨天下午訂位，未到過這餐廳，打電話係個女仔聽電話，問個女仔這間餐廳需唔需要訂枱，佢話最好訂枱啦，之後就book左。諗住朋友推介，點知今晚準時來到會關左門，打電話有個男人接聽，話收過電話取消訂枱，但我和朋友肯定沒有打過電話取消，問個男人係咩人打電話來取消佢又答唔出，特登過海諗住試下，點知無啦啦食閉門羹，咁呢間以後可以black list。

The restaurant near my office but a bit far away from subway station. The place is suitable for business meeting and there a big room can be served over 15 peoples. About the food, the saland was fresh and you must try, which served with Lunch set. If you still have room to eat, try their cakes and its unexpected tasty.

同朋友平日晚上上嚟，叫咗兩個set dinner。基本上食物質素唔錯，環境寧靜同服務周到，但係對比價錢嚟講有點兒偏貴。如果set dinner總額上每個set平番一百蚊咁我就會話佢係物有所值，而家我只可以話佢嘅收費對得住佢嘅質素。不過如果情侶或者夫婦夜晚上嚟真係好難得有一個寧靜環境舒適嘅空間可以慢慢談心。 總括而言都有機會再次幫襯。 食到差唔多完嘅時候老細上嚟打招呼，同我哋講其實佢哋有啲特色嘅食物可以預訂，譬如好似胡椒蟹或者肉骨茶呢啲東南亞食品都可以， 下次可以預訂試下

午餐想搵個地方，舒舒服服坐2小時，近近地搵到呢間好似唔錯。工廠大廈尼講餐廳裝條舒服，廁所乾淨！服務都幾周到，一直提醒我湯+沙律吧要收，一直叫我先拎定多啲再慢慢食。不過我2:30過晒office lunch hour，全場得我同另一枱快食完的女生，無幾耐得返我坐係到都幾唔好意思 🤣 不過位幾nice的叔叔侍應話佢地都有做tea time，所以我都無阻住佢地落場，叫我慢慢食 👍🏻👍🏻原本睇食評，想食豬脾點知無，老闆娘話午餐每週換一次餐牌，最後點了黑椒汁燴豬手。豬手燴到幾林下，黑椒汁都幾惹味 😆 唔係大家樂個啲咁行貨的汁，對唔食辣的我來說，都幾辣.. 我本身較愛有口感煙un的豬手皮，呢款燴到咁林而我又一個人食的情況下，最後我係覺得太膩食唔晒！不過伴碟的露荀和薯蓉幾好味。反而沙津吧我覺得好好味 😋 怕唔夠飽的話，佢有薯仔沙律可以食到飽，仲有個雞肉酸酸甜甜幾惹味。不過我至愛他的南瓜沙津！仲有少少水果，火龍果都幾好味，清清地可以解下膩。沙津吧仲有湯和麵包，蘑菇湯好濃，唔係普通西餐廳的紅/白湯，當然呢間的lunch set本身都唔係平，湯配脆脆的麵包粒好好味，不過我無影相。Lunch set包沙律吧

食過佢兩三次，覺得佢個沙律吧比較高質，水準會好過佢嘅主菜。多數會叫佢既牛扒或者羊扒，水準會比較平均，不過間唔中都會失手，又細塊又韌，依間餐廳好難估計佢嘅主菜邊一份係大份邊一份係細份。兩次叫埋同一份嘅嘢食，份量可以差別好大，所以對個主菜冇咩期望可以醫飽肚，我同啲同事都會主攻佢個沙律吧，佢啲沙律菜好新鮮， 每次都會提供唔同嘅是日例湯，多數會食兩轉，佢啲蛋糕得四五款，變化唔大，試過一次之後唔會返食，佢啲員工記性好好，可以記得個客之前飲啲咩

同事們提意去附近一間很有口碑的餐廳【Number Fifteen】午餐，聞說該餐廳的牛扒很不錯的，當然最後也沒令大家失望。我們都決定每人加$48 配上日餐廳和沙律吧，今天的是日餐湯是「洋蔥忌廉蘑菇湯」，香滑而濃郁的蘑菇蓉在口腔中舞，蘑菇湯的稍稠度剛剛好，不會令口感遺失。沙津吧區放著林林總總的新鮮水果、沙津菜和汁醬任君選擇，我們都看得眼花潦亂，拿不定主意吃那一樣先才好。最後我選了少許青瓜、菠蘿、火龍果、薯仔少律、鮮蕃茄和栗米等，全部食材都非常鮮甜爽口而且多汁，令人胃口大增，精神為之一陣。主餐方面，我選了A餐「炭燒美國肉眼扒配雜菌燒汁」肉眼扒選了7 成熟，肉質軟嫩無肉筋，肉汁豐富，油分充足而不膩， 配合餐廳秘製的雜菌燒汁，非常香濃惹味，以雜菌配出來的燒汁真心夾。大家不坊可以去試一下，如果午餐的時間不太足夠，可以試試晚餐，因為「好西不能就此錯過」喔。

$650 個cheesecake 加一後 仲貴過lady M... 第二日追查是否入錯$ 點知佢理直氣壯話成本好高，仲要計重量，客人要先去磅但又唔話你知幾重同埋原來要$370/磅，又唔訂做現成有都咁狼，冇比甜品價錢牌，甜品櫃又冇標價，似違返商品説明條例冇提供應有資料誤導消費選擇。仲以為自己去左 8 1/2 otto 三粒星點知係茘枝角工廈。6人食晚飯二千八百但cheesecake 佔左張單四分一價錢。本已經四年前開始光顧需然不是常客，但也介紹過好多朋友同事去，點知自己中伏，電話中似老闆娘態度好差下tim 😑

同好朋友好耐冇見 想搵間餐廳舒服咁傾下偈見到評語唔錯就過黎試下~開頭以為工廈餐廳多數暗暗沉沉 岀乎意料上到去環境好光猛 成個環境都係暖木色好温暖店員全部都好好人好nice～我地叫左兩個set 一個係烤雜菌釀雞胸卷一個係卡邦尼意粉Set的價錢已經包埋自助沙律bar & 餐湯任飲款式選擇唔算多但每樣都好新鮮好好食店員仲會不斷refill上菜偏慢好彩有沙律可以食住等卡邦尼意粉好大碟 好香蛋黃味雞胸卷的雞皮煎得好香 雞胸完全唔鞋 配菜都好好食野飲好大杯 絕對係落足料定價雖然高一點 但真的好高質！喜歡沙律bar的朋友一定會喜歡～😋😊😄🤩

荔枝角工廠大廈里隐藏的一間有質素的西餐廳。大廳大概三四十座位，仲有間包房，可以坐十來人。每份餐的份量唔太多，加50蚊有自助沙律吧，仲有杯餐飲。價格有番咁上下，仲可以喺工廈生存到，當然出品有一定保證。我點的意粉有五粒帶子，個個煎完都有一定大小，而且非常新鮮，一啖下去便可以盡嘗它的鮮嫩清甜。意粉中混入大量香草，鐘意vanilla的人會幾愛呢個餐。

其實lunch time 係可以食得好開心。呢間雖然係工廠大廈內，但入面不論環境以及食物質素都係一流🤤 .樓層好易記，Number Fifteen 就係係15/F炭燒豬架同比目魚超好食，好香😌好令人回味既味道 但以前好似有兩隻 今次得一隻豬架.重點係，有沙律吧仲要唔hea架,沙律菜新鮮🥗 又有生果🍎 麵包都好好食，仲有幾款醬汁比大家選擇，最好味一定係自製油醋醬😍👍🏻.質素唔會求期而且算係多款式選擇侍應都好nice,keep住更換沙律吧既器皿，保持衛生，又聆聽食客意見👍🏻.一定要book定位，因為晏就都幾full場價錢: HKD$168+160+10%service charges

公司就喺附近，所以間唔中都會走上隱身工廈15樓的Number Fifteen開飯。老實講，以荔枝角工廈位置嚟講，Number Fifteen的價位實在高價，午餐時間平均一個扒餐巳經叫價150以上，如果另外再加多個自助沙律吧的話，巳經人均200了。但係價錢貴還價錢貴，食物質素實在係值回票價。而且set lunch仲會經常轉換花款，餐牌選擇亦都好多種類。起碼我每次上去開飯都總會見到有新餐點。沙律吧的沙律菜新鮮又花款多，而且醬汁亦有3,4款選擇。湯就只得一款，但都不是常見的紅白餐湯。最得我歡心的必然係自家制作的蘋果醬同橄欖醬，配埋鬆軟麵包真係回味無窮。一般時間我通常都係會食牛扒或羊架，但今次見到餐牌有選擇的係炭燒豬架配蜜糖菠蘿汁，實在引起興趣。主菜一上場，果然無令我失望。一吋厚的豬架，一切就見嫩滑，入口滿滿肉汁，配埋蜜糖菠蘿汁簡直有畫龍點睛作用。最後的餐茶要咗熱咖啡，一樣無失望。

一年前左右就知道有這間工廈餐廳，有一陣子常常來吃，因為喜歡他們的沙津吧，主菜也好食。可是後來質素每況愈下，漸漸的就沒有再來了。這次有位朋友說起想來吃飯，本來心中還有點忐忑，怕他們的質素還未回復。幸好我的擔心是多餘的！終於吃得到他們應有的水準了！午市人多，還好當天訂檯也有位。我們比一般午飯時間早來了一點，當時餐廳未坐滿喇～有些午市套餐包了自助沙津吧，也沒有限次數，為免吃不下主菜，出去夾的時候要十分忍手🙈還有餐湯也是自助的，這個忌廉海鮮湯不知怎的有濃郁的龍蝦香味，喝下去又不會很鹹很濃👍🏻主菜是繼「保濕豬」之後的「天然豬」🐷😆豬肉剛好熟透，切開會看到帶著十分輕微的粉紅色。豬肉有彈性而且肉汁飽滿，配上芝士汁，吃下去濕潤又有「嚼頭」。即使吃到後來有點飽也要把全部吃完😍這個午市套餐需要$168，在工業區算貴了。但他們午市沒有加一，這個質素來說絕對值得～希望他們的水準可以一直保持著！

工作和考試讓人喘不過氣，收工後想靜靜地一個人享受晚餐，來到了位於荔枝角某工廈的西餐廳Number Fifteen🍴餐廳裝修簡約整潔，有少許Studio感覺，燈光昏暗有情調，適合跟朋友或另一半來飯聚Dinner Set有6款主菜可供選擇，已包了前菜，餐湯，頭盤，同甜品🍽有選擇困難症的我決定叫dinner set前菜選了蟹肉煙三文魚卷配松露蛋白🥚賣相以及點綴都很精緻，煙三文魚配蟹肉一齊食既配搭幾好，而松露蛋白則是濃濃的松露味道，蛋白很嫩滑，伴蟹籽忌廉汁很好吃啊是日精選餐湯係甜薯忌廉湯跟蒜蓉包，香脆蒜蓉包焗得幾香，湯富甜薯香同奶香，喝得出有甜薯蓉在裡面，是濃郁的甜薯味🍠然後係忌廉紅花杞子雞肉雜菌酥盒，外型小巧可愛，忌廉雞肉配上杞子雜菌一齊煮幾特別，雜菌增添了口感主菜不消一會兒便來了，香煎荷蘭哈利拔魚柳伴脆炸紫薯蓉配刁草忌廉汁，魚柳煎既熟度剛剛好，魚皮脆，內裏的魚肉不會過乾，點上刁草忌廉汁一同吃好好食！伴碟的車里茄和菇菌亦很新鮮，減低了罪惡感，脆炸紫薯裡填滿了紫薯蓉，很有飽足感最後的甜品係朱古力雲石芝士餅，濃濃的芝士味，不會太甜