Ocio (已結業)

今次係第二次用團購買來食了,而家新團購再出，我都有加單，同介紹朋友買呀!講真$19蚊有咁大塊窩夫配醬料+雪糕球。出面行貨格仔餅都要十多元啦!佢都又厚又大塊，仲咁多醬，對我來說真係算超值喎!個盒都比人哋用雞皮紙袋成本高啦!另外佢哋做團購，目的應該都係做宣傳，做GIMMICK，佢哋比團購公司食咗好多水，能夠咁樣好唔話得。服務態度方面，佢都係同旺角街頭小食的服務態度差唔多，我覺得唔係特別好亦唔係特別差。

平時較少行到旺角既呢一邊今次難得行左去呢邊緊係要食下野不過食既舖頭就比較少途中見到呢一間店外有好多客人剛食完既碟而我，亦叫了一個焦糖蘋果窩夫配雲呢拿軟雪糕等了約5分鐘亦到了外相都唔錯不過如果面頭有多少少醬可能更吸引第一口咬下去是脆的但不會像餅乾般脆又不像格仔餅般的淋及濕我覺得很多地方都配合得很好等待時間不會很長，窩夫軟脆而不乾身，甜味不重，唔會太「漏」唯一唔好係堂食時有機會比上一手客人既碟阻住個位

因為頭先不夠飽的關係,就來找甜品吃,甜牙牙和糖苑這個時間要等位等好久,就去了這間打算立食,本來想用團購劵的,但原來過了11點就不能用,剛巧見到有做別的優惠,就決定和朋友一定用這個優惠了!我們都揀了白朱古力窩夫,還加了朱古力雪糕,等了5min左右就做好了,份量還是很大份,不過就切得很大舊(有2格半還連在一起),裡面有些黑點應該是加了朱古力粒吧,白色的醬是白朱古力醬還是煉奶就忘了,口感不算很硬,還是吃到外小脆內軟,再加雪糕一起吃真的很好吃,不過質素和服務態度就一次比一次差,就算見到團購也不會想買了

之前响團購網到買左2張coupon, 3月尾到期, 今日放工後特別同同事去食。我地食完dinner先去, 大約8:00去到, 嘩, 好長龍呀 ... 見到咁多人食, 好心急呢! 每人叫左一個香蕉 + 朱古力雪糕, 由於係即叫即整, 所以都等左一段時間先有得食收到時已經有少少失望, 雖然佢係即叫即整, 很新鮮, 但一點香味都冇入口, 很脆口, 但, 都係冇蛋香味, 可能街邊的雞蛋仔比這個更有口感更香 ...很多香蕉, 這個加了一點分數, 但朱古力漿太多, 加上香蕉未熟, 令整體更覺一般雪糕係最一般, 牛奶公司的, 冇特別驚喜如果唔係團購, 真係唔會特別走去嗰邊食嘢, 今次試完後 ... 可能真係食街邊的雞蛋仔會開心d呢 ^^

曾幾何時，我曾經給此店一個"笑臉"， 那時是窩夫熱潮，而此店的朱古力窩夫令人相當難忘，之後我亦幫襯了兩三次，每次都很滿意。而且知道老闆是勇敢創業的年輕人，我更加支持。後來見有團購，廿多元有窩夫+乳酪+雪糕，很抵，一口氣買了四張，這四張coupon，令我決定永不幫襯！自從用團購coupon後，四次之中有三次我會給劣評：1. 朱古力窩夫味道不如以前，沒了香濃的朱古力味，朱古力醬亦給得愈來愈少。2. 乳酪沒味，稀淡如水，芒果乳酪沒有芒果味，不知自己在飲甚麼。3. 員工態度欠佳，很冷漠，好像不想做生意的樣子。令我最憤怒的一次，就是在2月28日晚上10:00，那天是用coupon的最後限期。不知是員工們趕收工，還是因為用團購coupon最後一天，質素明顯掉落谷底：1. 窩夫的size細了一半！形狀變成了半圓形，只是一開二（以前長方形大大塊，再切開細細塊的）。2. 窩夫不是即叫即造，不用一分鐘已經能交貨，又不熱（以前要等數分鐘的）。我買完之後，後面沒人等，已經見到員工製作下一個窩夫了。3. 窩夫味道淡，甚至比不上街邊格仔餅，表面的朱古力醬已經消失。乳酪仍然稀淡如水。4. 窩夫款式不可選擇，只能要朱

因為係圑購買左coupon, 所以同朋友黎食張coupon入面係可以揀朱古力味或者雲呢拿味既ice cream, 我同朋友買既時候就同個短頭髮既收銀小姐講話想要朱古力味ice cream........點知....我: 雪糕要朱古力味丫......收銀小姐: 雪糕冇得揀......我: 點解既? 即係得雲呢拿味?收銀小姐: 總之雪糕冇得揀......我: 點解冇得揀呢?收銀小姐 (態度勁差): 冇得揀就冇得揀!!!我 (開始炆): 但係張coupon寫住話有得揀架wor!?收銀小姐 (勁大聲): 賣晒(朱古力味)咪冇得揀囉!!!!!!哇~!!!! 呢d咩服務態度....... 其實佢一開始話賣晒咪得囉做咩唔講原因對d customers既態度又可以咁差明明係佢唔arm我以後都唔會再幫親呢間野好喇, 講下食物質素先我叫左個: banana waffle + vanilla ice cream我個朋友叫左個 chocolate waffle + vanilla ice cream佢話價值$38, 但我只覺得價值$20banana waffle入面都有banana既, 不過面頭d banan

下午接到朋友來電，說有圑購票，見這兒都離家不遠，就約埋一斉試下!有半價，我們四個人就點了四款，朱古力，綠茶，紅豆和香蕉。最好味是朱古力和綠茶。因為開粉漿時已混入了其味了。最普通是紅豆和香蕉。因為只在完成後放上配料。附送的雪糕該是牛記的，乳酪很一般，不討好。

今次係我有史以來第一次o係open rice留言。原本今晚食完飯,諗住食個士多啤梨窩夫做甜品,點知一食落去,陣燶味苦到咩咁!!明明係士多啤梨味,隻色燶到以為加左朱古力...平時食野我都冇乜要求,但冇理由食甜品變飲苦茶架嘛...我好好禮貌咁同佢講:「唔好意思,件窩夫苦苦地,我諗係燶到有陣苦味,唔知可唔可以換過另一件俾我？」個收銀竟然話一向d窩夫都係咁,唔換俾我!有冇搞錯~我同佢講你可以試下睇下係咪咁苦,佢直頭唔應我...各位客觀d,可以compare下佢間舖d相,邊會燶到咁!我之前食過都唔係咁,今次態度又差,味度又差,離晒譜!!

開完工，同老婆行街，想去下呢間以前雜誌介紹的小店。位只有5個，衞生同環境就一般啦，因為太小，沒什麼好說。食物就好普通，有d實，唔脆, 基本上係冇乜味道. 好淡.。食後感。覺得食左個貴，有醬，但唔好味嘅雞蛋仔。老婆食左一半都唔想食了。

今次無影到相!同朋友本身想去甜品店但等左半個鐘都未有位比到我地-_-最後黎左呢間waffle店食!其實一行入去就嗅到好香既蛋漿味但原來食落又9係幾同!我地叫左朱古力曲奇同士多啤梨唔知係咪太夜啦... 個waffle又唔係幾實心而且d醬又唔係幾夠咁我諗唔大機會再食不過大家都可以試一次, 可能次次都唔同!

見$32既白朱古力窩夫特價 買左份黎試 !$32二人份量 加$2多兩個雪糕 吾錯吾錯 !個窩夫好好味! 外脆內軟 ! 雖然d白朱古力只系白朱古力醬 但吾會好甜加埋雪糕一齊食更佳 下次經過會試埋朱古力曲奇個個 見人地食好似食得好滋味

只係咁啱見到有呢間窩夫，見到幾特別就試下叫咗之後店員係即時整窩夫醬，真係新鮮製造！特別在佢會落少少藍莓醬落個醬，睇得出佢地嘅心思~賣相唔錯，每一格都有一粒藍莓，又有藍莓醬食個時已經切好一格格，方便入口窩夫薄的地方脆，厚的地方就一般下年荼黎講會係個幾好的選擇~

之前買了這裡的團購乳酪,見都算幾平就買來一試,$14購買200克 Frozen Yogurt一杯連Topping，曲奇/士多啤梨/巧克力(3選1),出面買100g都要15蚊啦,就買了來試,今日吃完晚飯後經過,就順便來換飯後甜品,我以為係3種乳酪味道,點知一兌現原來係原味+曲奇餅碎(我揀了曲奇),真係有少少誤會咗,唔緊要都係一次啫,如圖所見,有沒有200g我是不知道,不過味道是冰感比較多,小酸小奶,曲奇味不算太突出,看來來這裡還是老實一點,吃窩夫就好

上次叫左朱古力窩夫+朱古力雪糕所以今次試下綠茶窩夫+ vanilla 雪糕雖然窩夫係新鮮做既但唔會好熱這窩夫比想像中的更似格仔餅糖槳好少所以食落好乾身但店員都會好樂意加多d俾你整體不過不失

經過又記起openrice有好評，所以一試~~叫了焦糖蘋果窩夫，配了一球雲尼拿雪糕~沒有甚麼特別，窩夫暖暖的不夠熱，也沒有焦糖味，只在上面有些蘋果粒，雲尼拿雪糕沒有雲尼拿味，沒有試其他口味，但這個不值再試~~走前見到有買一送一優惠，下次大家可以望望門口有冇大家想食ge味道~~