Ocio (已結業)

同友人係yahoo!團購左兩份...去到果個商場堅熱...估唔到堂食等於企係門口食~咁岩今日星期六多人黎...唯有外賣拎走兩set食走到去惠康逛個圈...都幾大份一時間食唔晒行返出去問佢拎膠袋...比一個...我話要兩個...個女人話一個窩夫得一個...ok!我同友人一人一份再同佢講個男人又話一張單一個膠袋, 咁宜家係咪要一早講聲要分單?...仲要係外賣喎!我友人忍唔住再出聲...佢就費事煩就拋個膠袋出黎, 好在我友人接住左......態度真係衰到無人有!咁做生意...幾毫子都慳唔會發達嫁...原先覺得幾好食...天氣唔熱黎呢個商場食都唔錯但佢咁態度...唔該晒, 趕客囉!!!!!!!!

團購$27蚊食到(原價40幾蚊)既︰窩夫+雪糕+乳酪特登過黎旺角試下，登打士街行入dd就見到叫左曲奇窩夫、vanilla雪糕、香蕉乳酪當時鋪唔多人唔忙但個雪糕打單都打錯左...打左朱古力...後尾我發現先改返 窩夫幾大份，上面有淋朱古力汁，有oreo餅碎一堆窩夫比想像中碎身，如果軟身D再香D會更好不過本身都幾香，唔算太甜，都幾好食雪糕係另外裝住，雪糕球太細了...可以比得多D放上窩夫上面明顯唔夠分，始終鐘意食熱辣辣的窩夫上面有雪糕慢慢融既感覺...另外香蕉乳酪飲得出無加甜水，算係細杯，但幾香，幾好味原價$46食呢幾樣野我會覺得真係貴左D團購價係$27，呢個係合理既價錢如果收呢個價我會推薦朋友黎食如果將來再有團購會考慮黎食芝士窩夫

早前買左yahoo團購, 今日出開旺角就黎買一份試下喇...原來限制左買咩味, 其實我好想試ocio味呀...不過咁平都唔可以要求咁多, 最後就要左白朱古力配云呢嗱雪糕但係我等落order都等左5分鐘, 只見得老板一個人整waffle, 整野飲同落單...所以搞完哂佢先得閒理我...有得食了, 又真係幾好食的! 香脆的waffle入面有白朱古力粒, 而且份量都幾多不過如果唔係有團購 又未必會走黎食啊~~希望老板請多幾個人幫佢手啦

今次係第一次去呢間waffle, 團購$16 本身仲諗住好抵...... 有waffle又有ice cream, openrice仲要有唔少好評wor, 正啦點知去到都幾失望..... 首先個環境好焗, 冇冷氣冇風扇又要企係度食, 好似係街邊食魚蛋咁 == 本來團購話有gei 栗子味 同 綠茶味, 去到佢先話yahoo/funshare 團購係冇呢2隻!!!!!!(佢地唔係冇呢隻味, 因為用beecrazy果個貴d gei voucher 係有綠茶!!!!!!)好過份!!!!!!!!!!!!!!!!! 最後叫左blueberry waffle with chocolate ice cream.即叫即整, 雖然都唔少人但係等左around 5mins, 算快 個waffle都夠脆但係個waffle 勁少blueberry sauce, blueberries 亦只係得5粒............................ 個waffle係完全冇味, 冇藍莓味之餘係連甜味都冇乜!!!!!!!!!!!!! 個ice cream 完全係cheap 野! 食落去好似仲衰過雀巢ice

窩夫同格仔餅應該同屬一個系, 格仔餅整件都係軟身, 窩夫就係比較硬身同埋外脆內軟, 兩者都可自由配搭, 塗上自己喜愛的醬料和生果再加上雪糕來品嚐奧斯窩夫專門店係可以做到呢個效果, 今日有四款可供選擇, 白朱古力, 蜜糖, 香蕉 同藍莓, 雪糕則有朱古力同雲呢拿我們點了一個白朱古力和一個藍莓, 師傅應該係調較粉槳的同時, 已經溝入了某些額外的味道, 令到每一件裏面都不同, 跟住淋上白朱古力醬,藍莓醬同糖霜在窩夫上便完成, 但我不能單憑味覺去判斷麵粉溝了甚麼味道, 只可用肉眼去識別不知是否團購的關係,店方係醬料上, 下得有點兒輕手, 不能每一件都可完全沾上醬料, 食落感覺淡淡的, 至於藍莓乳酪, 比想像中差, 淡然無味, 可讚的是店方採用純天然的方法, 不添加任何糖份至於雪糕當然不能抵擋炎熱天氣, 很快便溶化在一個焗促的環境和一個炎熱天氣下, 莫說用正價的食客, 就算團購的客人也會即時卻步, 那裡真的很熱, 又要站食, 通風系統又差, 實處身在一個高溫蒸籠內 想減肥的朋友們, 不妨一試, 不想便唯有外賣, 邊行邊食

經過幾次, 都好想試下, 但30幾蚊一個waffle+雪糕, 我覺得偏貴囉!後來見團購有得$16換到waffle + 雪糕, 便買來當試食.團購只可以揀五款waffle味(白朱古力, 藍莓等等), 同兩款雪糕味(朱古力, vanilla, 香蕉...其他唔記得). 最後我揀藍苺 + 朱古力. 我買團購時係寫有綠茶揀的, 去到又無喎!最後出來個look都有點失望. 首先我以為個waffle係真係有藍苺味, 結果個餅就只係一個餅, 然後放幾粒藍苺係上面囉! 咁唔知綠茶的話, 會唔會只是放些綠茶粉响上面便算呢?(或者係我食唔出藍苺味的餅??)果幾粒藍苺都算新鮮, 幾甜.到個雪糕...正常的waffle加雪糕, 係應該直接放個雪糕球係個waffle上面, 而唔咪搵個杯載住囉.雪糕既味道, 普通雪糕囉, 無咩特別.今次係用團購, 所以試一試都算抵. 但如果要我下次以正價買來食, 真係未必會囉.

環境好唔掂,本人只接受到外賣食.又熱又要企係到食. 用$16買左價值$3x 的窩夫,以為自己好醒la.食左一次算了.好彩一次過用晒2張券,唔係自己都未必再來食.味道ok .唔會覺得難食.係食物水平有待改善.不過我想我都唔會再黎食了.以後會小心考慮清楚再買團購券.

我同同學放學之後去食，當時老闆開鋪無幾耐我見到拒whip 一大筒cream既時候有小小怕肥...但係最終我都係食左個朱古力窩夫等左唔係好耐姐，大概5－7分鐘左右我叫果陣仲特別叫左拒留住d邊~因為d邊好脆好好食XD我叫既仲有得跟餐企企下會覺得有d熱...但我覺得幾值得到終於有得食我就那那林將d雪糕放係窩夫上面一舕食左拒果種有雪糕既涼意同埋新鮮出爐既窩夫既香氣...我覺得$26(包飲品)係真係一個幾抵食既價錢我會再黎

見到咁多好評, 位置又就腳, 一於試一試點左個蜜糖窩夫配朱古力雪糕等左3分鐘左右就做好窩夫算大件, 預先切好十小件蜜糖味只係將蜜糖加o係原味窩夫之上, 再灑上少量糖霜, 賣相一般朱古力雪糕只有一小球, 大小相當於窩夫1.5格, 質素同Dreyer's 相約試問一個咁細o既雪糕, 又點能夠每一口都做出冰火效果呢, 所以呢點要扣分店主要考慮下俾多D雪糕

在YAHOO團購買了幾張4.2折的WAFFLE券,原價38元,以16元就買得這人氣店子的優惠,以為是超值,卻有被搵笨的感覺.店子位於一間大廈的地鋪,感覺像工業大廈般焗,事前打電話去問路,店員語氣極差,好像不願回答般。只有五款WAFFLE可選,而雪糕只有呍呢拿一款,店員依舊冷淡,用急口令的速度告訴你：「無朱古力雪糕」也不管你有否聽明白。以原價38元來論,不論環境,WAFFLE賣相和味道都失望到極點。還餘下一張卷未用,也不想再去的。首先,WAFFLE沒甚麼香味,只是脆和軟。雪糕則像牛奶公司家庭裝雪糕。如此普通的食物,在悶熱的環境中站著吃,收38元,是太過份了！以優惠價16元來說,我也不會再去吃的了。

又一次因團購而再黎搵奧斯。團購$17就可以揀一款窩夫+雪糕。窩夫有(白朱古力/ 香蕉/ 蜂蜜/ 藍莓), 雪糕(呍喱拿/朱古力)我地揀左藍莓窩夫配呍喱拿雪糕。落order 後, 即叫即整, 大約4分鍾先有得食。岩岩整好, 熱la la, 脆卜卜, 藍莓味窩夫再配藍莓果醬, 夾埋雪糕一齊食, 正!見到佢餐牌單買一個最basic既窩夫最平都要$16, 唔抵食, 所以經團購買抵好多。

好耐之前係佢岩岩開既時候就試左一次不嬲食WAFFLE都係CAFE食好少專門店 所以開左哩間SHOP都好想試試個人勁中意CHOCOLATE所以就叫左CHOCOLATE啦CHOCOLATE味幾重唔會好漏最值得一讚都係個WAFFLE軟身之餘又有D脆唔會好似之前食過既WAFFLE咁好硬-.-可以再去!

嘩!!!好味~~~~堂食熱辣辣脆卜卜...今次係第一次幫親,無失望有驚喜,佢地d員工好nice tim ^^~香蕉朱古力窩夫 + 雲呢拿雪糕!!!下次再試第二種味道先!!!!

團購買左coupon, $27有waffle + 雪糕 + 乳酪飲品揀左ocio waffle + 朱古力雪糕 + strawberry乳酪‧waffle即叫即整, 上碟時夠熱, 即食, 個咬感唔錯, 唔會太乾, 夠鬆化! ‧waffle的朱古力算濃, 我係超鍾意食黑朱古力, 所以都算滿意, 加上waffle上的朱古力粉, 好match‧朱古力雪糕普通, 冇驚喜‧strawberry yogurt味道岩岩好不過1個人食一個餐就太飽了!以後會再幫襯

用左gobuya既夠買卷:$27 Ocio 雪糕窩夫套餐，即叫即製窩夫 + 雪糕球 + 特色飲品 (原價$56)我叫左奧斯窩夫+朱古力雪糕球+草莓朱古力乳酪老實講,真係冇咩特別我本身係超中意食朱古力,而且愈濃愈鍾意,食到70%都冇問題,但佢個D...真係唔係特別重朱古力味口感呢?同格仔餅差唔多...但價錢同味道都不及格仔餅...唔係話唔脆,但差唔多卅呀蚊要我買格仔餅既口感...我做唔到囉服務一般堂食先好笑...尋日卅幾度企係焗爐似既大廈入面食....真係熱到暈唔值呢個價