影片
更多
2011-02-23
42 瀏覽
一般食肆搞團購，都係當宣傳，想短期內提高自己店舖嘅知名度，所以某程度我都相信佢哋會盡量俾出啲好嘢，等大家食過後有口皆碑，做好個名，爭取更多客源，但凡事總有例外。對窩夫唔算特別好，反而鍾情傳統嘅格仔餅，我都係因團購關係，所以一試奧斯嘅產品，佢晌OR做團購，當時嘅宣傳係咁樣寫：- 甜魔召集！$15平嘆Ocio窩夫連雪糕（7種口味任你揀）- Ocio Waffle所用之素材經過嚴格挑選，絕不含任何人造香料，色素和牛油，保證絕對新鮮和低脂。享用時配以新鮮果醬和雪糕食用，口感倍覺清新特別，絕對是新世代健康食品的不二之選!- 味道可選：經典原味，綠茶味，全麥味，椰子味，紅豆味，朱古力脆脆48% 及朱古力脆脆58% (原價$19-$33)小弟係趕在到期日前去食，是晚平日，客唔多，不過都要等一陣，話晒都即整嘛，原本團購係話有7種味道可揀，但依晚去到，佢已「張貼」通告只有4款可供選擇。話原價值$19-$33，除非佢有供應白朱古力味同雜莓，否則，以佢所提供嗰7種味道，最貴都係綠茶味（$30），其他都係廿幾蚊，加$1多個雪糕球，頂多叫去到原價$31，雖然只係幾蚊雞之差，但對依間嘢做生意嘅態度有所保留。結果，
對窩夫唔算特別好，反而鍾情傳統嘅格仔餅，我都係因團購關係，所以一試奧斯嘅產品，佢晌OR做團購，當時嘅宣傳係咁樣寫：
- 甜魔召集！$15平嘆Ocio窩夫連雪糕（7種口味任你揀）
- Ocio Waffle所用之素材經過嚴格挑選，絕不含任何人造香料，色素和牛油，保證絕對新鮮和低脂。享用時配以新鮮果醬和雪糕食用，口感倍覺清新特別，絕對是新世代健康食品的不二之選!
- 味道可選：經典原味，綠茶味，全麥味，椰子味，紅豆味，朱古力脆脆48% 及朱古力脆脆58% (原價$19-$33)
小弟係趕在到期日前去食，是晚平日，客唔多，不過都要等一陣，話晒都即整嘛，原本團購係話有7種味道可揀，但依晚去到，佢已「張貼」通告只有4款可供選擇。話原價值$19-$33，除非佢有供應白朱古力味同雜莓，否則，以佢所提供嗰7種味道，最貴都係綠茶味（$30），其他都係廿幾蚊，加$1多個雪糕球，頂多叫去到原價$31，雖然只係幾蚊雞之差，但對依間嘢做生意嘅態度有所保留。結果，得嗰4款選擇後，小弟揀咗紅豆窩夫配朱古力雪糕，外賣拎走食！以原價計，$24，依家團購價，就$15，叫做63折，確係平咗一截。不過，質素方面，個人覺得未對辦。
平心而論，佢哋確係做得脆口，外脆內軟，梗係啦，塊窩夫做到紙咁薄，咁講或許有少少誇張，唔好見佢出爐時件窩夫咁大件，但同我哋平時食開格仔餅嘅厚度，尤其格仔凹位部份，個夾陣真係好薄，格仔嘅格邊就厚番啲。對我嚟講，當一餐真係唔掂，佢做一份窩夫嘅粉漿我估都係格仔餅1/4嘅份量。賣相幾好，大件窩夫切細後，淋上朱古力漿，再灑少少糖霜。味道，唔算太有蛋香，更重要係，我依個係紅豆窩夫，究竟紅豆晌邊？就係晌個盒嘅死角位，兜雪糕遮住嗰一小撮「豆沙」，好寒酸之餘，佢係一撮硬實實嘅豆沙，用嚟整豆沙湯圓或者豆沙包嘅豆沙喎。可能我一心以為係類似以前麥記嘅紅豆新地咁，帶有粒粒紅豆嘅紅豆漿淋晌窩夫上面度，又或以紅豆做餡，夾晌窩夫裡面，但食晒成盒都唔覺有，依家個感覺有好大落差。返嚟睇番食家們嘅食評，發現有人寫過晌佢嘅紅豆窩夫裡面係有夾紅豆餡，雖然好少，但確係有相為証，唔通太多團購客，佢哋越嚟越求其，越嚟越將貨就價？我見近排嘅食評都係俾佢OK同喊面多，真係有每況愈下嘅情況。唔好話正價要$24我唔會幫襯，就算以$15嘅團購價，我都唔係太情願，因為$15差唔多夠買一底格仔餅咁滯，始終我都係鍾意又甜又香嘅格仔餅。
寫到依度，個朱古力雪糕都唔想多寫，反正無嘢好講！希望佢哋認真番啲，團購客又好，散客又好，好好對待每個客人，如果唔係真係風光一時，曇彈花一現。因為團購價，所以勉強俾個OK佢，普通，一試無妨！咁佢又唔係難食入唔到口，又未致於俾個喊面嘅。
張貼
