Oh My Box (已結業)

«1030»觀塘數一數二好食嘅外賣店！﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣食咗咁耐觀塘外賣，都係第一次發現呢間專做西餐多國fusion外賣，無論係menu定圖片都好吸引！款式有分長期供應+期間限定，加埋有成廿幾款～一打開個盒嗰陣我有少少嚇親，大盒到呢。。。食剩半兜留返第日再食都仲得🤪 ▷日式柚子明太子海鮮意粉 $58日式風味意粉幾有新鮮感，柚子同明太子原來勁夾，好好食😚 有柚子嘅清新，又有明太子嘅口感！啲料仲要數不清咁多，海鮮唔係用超頹嘅雜錦海鮮粒粒，有蝦仁、魷魚、蜆肉同埋面頭嘅櫻花蝦；配菜有翠玉瓜、雞髀菇同蘑菇，仲附送沙律，真心抵到爛😲▶章魚燒 $22我好興奮咁走去同觀塘之友推薦呢間，點知原來人地一早知仲食過好多次，兩個都不約而同大讚，最後結論係好好食好大兜食完好L飽下次要一齊再食🤣🤣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣Oh My Box觀塘成業街15-17號成運工業大廈12樓01室

同事生日，叫了外賣到會，早2日落order，12點半開餐，12點15分送到。我們6個人叫了4樣餸+2款飲品，飽到不得了，還剩下很多下午茶食。食物質素有驚喜，檸檬蜜糖炸雞翼最正，單骨雞翼如果有小朋友在肯定勁鍾意。最意想不到的是皇牌依文士牛柳絲配飯，是最快被同事食晒的。另外兩款冬陰豬頸肉炒金邊粉和麻油芽菜韮菜椰菜蝦沙律也很好味。大家食完都一致認為下次可以再叫

疫情下少左係餐廳堂食，呢間Oh My Box只提供外賣，可以預先係whatsapp落單，仲會提示大概取餐時間，減少到店舖等待時間，非常貼心。餐牌上意粉及小食種類很多，經過一番掙扎後點了期間限定既冬蔭功海鮮炒意粉，特色炸雞翼(水牛城汁)及章魚燒。冬蔭功海鮮炒意粉 $56隔住紙盒已經聞到冬蔭功香味，一打開，整片芫茜海覆蓋了意粉，以為只會充滿芫茜味，但混和後，冬蔭功醬汁更香濃，加上海鮮配料亦不少，意粉份量十足，足夠二人分享，簡直無得彈。特色炸雞翼(水牛城汁) $26水牛城汁味道濃郁，少少辣辣地，醬汁完全滲入雞翼，外賣在家用手食更過癮，唯一可惜既係紙盒焗住既倒汗水會雞翼變得更淋了。章魚燒 $22相比之下，章魚燒較為普通，配上木魚紫菜沙律醬，不過不失。總括食物質素及價錢相當吸引，性價比高，外賣仲有8折添，回頭率極高。

#觀塘 ❤️≡就算去picnic都可以有full set享受🥰有驚喜呀! 係觀塘工廈都可以叫到高水準嘅特色fushion菜!≡一班90後創業, 廚師係五星酒店出身除咗食物質素高之外, 價錢仲好親民, 外賣包裝得好好❤️食物份量好夠食, 真係外賣/開party到會嘅好選擇! 🥳佢哋每個月都會換新menu添 whatsapp: 70721773📍成業街成運工業大廈12樓01室

叫左拿破崙意粉$49，本身想要肉醬意粉，點知十一點叫已經賣晒😅，加左$8要埋個磨菇湯，好濃磨菇味同忌廉味，不過唔夠咸，加番啲黑椒會好啲。個拿破崙意粉好多醬，啲三色椒有啲多，不過比我挑走哂。係觀塘食過好多間意粉店，好多都係食完唔飽😂，咁呢間係飽既，不過冇野飲。佢menu款式都算多，長期有十幾款再加5款期間限定。湯有3款，加$8就有。飲品/甜品都各有十幾款，不過要加$5-$18。大家係觀塘番工既，又多一個選擇喇。

我做嘢成日都要走嚟走去 ， 好多時都係自己一個人出去食嘢, 一到lunch time就唔想同人哋一齊逼， 觀塘朋友仔話我知有一間特色 FUSION 菜預約外賣🤩🤩過嚟觀塘之前兩個鐘我就whatsapp定Oh My Box睇下有咩可以揀, 原來佢哋每月換新 MENU， 估唔到lunch都可以咁豐富🌮🍨🥧主餐, 甜品, 特色飲品等等全部都有， 仲要係食物由五星酒店廚師出身嘅後生仔自己創業， 一定要支持下啦今次揀咗 #美極豚肉炒意粉 豚肉好香好入味，意粉超多#楊枝甘露 好鍾意佢勁多西米，芒果味好香 ，解暑一流#OMB糯米糍 四種味道，全部都好夾#原味木糠 木糠打得好碎， 入口好滑材料好豐富，味道又啱我💕 我都知真係好豐富🤣🤣 加埋曬咁多樣都唔使$100， 真係超級抵❤️❤️

呢間之前一直都有聽過五星酒店廚師出身，90後創業嘅一間外賣Fusion菜🤩今日出開觀塘，終於試咗！！！由於每個月menu都會唔同，今次我就試咗呢個！.吞拿魚焗飯🥘 $59超多芝士鋪面，仲可以拉絲😍吞拿魚肉都好大舊好多好足料呀，就咁食一個已經飽到不得了😛.桃膠木瓜鮮奶(跟餐+$12）呢個甜品就細細份，不過都好多桃膠同木瓜🤩有鮮奶嘅香味，不過就會偏甜小小.嘢飲就試咗呢兩款✨黑糖珍珠鮮奶(跟餐+$16）珍珠都幾有咬口，鮮奶似台式嘅味道✨檸檬香茅薏米水(跟餐+$8）養生之選最啱我，好濃嘅薏米檸檬味🍋

最近搵到 Oh My Box 外賣專門店😎喺屋企又或者 Office 都可以喺到平價五星級嘅 Full Set Lunch🥡.海鮮雜菌橄欖油芫茜蒜片辣椒意粉🍄🍝一打開就聞到好香既芫茜味🌿入面嘅海鮮種類都幾多☺️有蜆肉、魷魚🦑鮮蝦🦐蝦同魷魚彈牙😆而且加入咗重口味嘅蒜片同辣椒🧄🌶惹味又開胃🤤.南瓜湯🎃湯嘅濃稠度係接近將成個南瓜拎去榨😍同時感亦非常滑順😙飲嘅時候滿滿都係南瓜蓉，喝下時更有南瓜粒同香草😋濃郁香甜.蜜瓜沙冰🥤甜度頗高，沙冰之間會食到細細粒嘅蜜瓜👍🏻.OMB 糯米糍(4粒)😱每款顏色都係唔同味道🤪包括泰式奶茶味🇹🇭提拉米蘇味、鐵觀音奶茶味、芒果味🥭有啲口味都真係第一次食😉特別得尼又唔伏

觀塘工廈多相信都無人會懷疑，但工廈中都有不少飲食食肆，講到夠Fusion 新派就非OH MY BOX莫屬。餐廳主打特色到會/外賣，如自取更有不同的折扣優惠。Lunch Set 的菜式都會每月轉換，保證唔會食到悶，而且還有不少特色小食，價錢仲要好經濟實惠。我當然都來過外賣自取，有番個8折優惠。一主食、兩小食、一湯都唔洗$100抵食。南瓜湯 - $8南瓜湯香甜濃郁，喝下時更有南瓜粒粒，但飲下卻非常順口，絕不是普通的南瓜湯。海鮮雜菌橄欖油芫茜蒜片辣椒意粉 - $52以味濃的芫茜作配料最適合我這芫茜控，而且當中加入了惹味的蒜片、辣椒令人越食越開胃；但都不可不提其海鮮，那海鮮(鮮蝦、帶子、魷魚...)的爽脆鮮甜，真是無得頂。蒜蓉牛油焗雜菌 - $28雜菌份量很多，吃起來口感惹味又爽脆。章魚燒 - $22章魚燒味道濃厚，外皮酥，內餡軟嫩的口感一流。

因為疫情關係，而家好多人都叫外賣返公司食。係觀塘返工嘅朋友仔真係有口福呀! 90後嘅後生仔係5⭐酒店廚師出身，而家係觀塘工廈創業，每個月都會轉menu, 包你唔會食到嫌忌廉番茄蟹肉焗通粉 📍$62一拎上手已經知道份量好多好足料，估唔到我平時食咁多嘢，呢盒意粉竟然要分2餐 🙈 真係好抵食! 個汁好creamy, 番茄味同蟹肉嘅鮮味都好出 😋 好正~田園雜菜湯 📍+$8個湯唔會太稀，又夠番茄味，又可以食到啲菜，幾滿意章魚燒 📍$22一盒有6粒， 熱辣辣，外賣都有埋前菜架OMB 糯米糍 📍$224種顏色，4種味道 😁 其中2個係芒果，鐵觀音奶茶味，好refreshing~ 有埋甜品嘅外賣，令到成件事好似開心咗好多我係係Whatsapp 落單嘅，餐廳啲時間控制得好好 👍🏻 我一去到就已經可以攞，啲嘢食仲好熱 😍

Kwun Tong take away❤️..
有冇諗過係觀塘工廈裡面，都有特色 FUSION 菜食呢❓由前五星酒店廚師👨🏻‍🍳主理，亦係一班熱血既90後年青人創業💁🏻‍♂️，真係好有heart，而且食物質素超水準，價錢又親民，真係呢區好選擇。
.每月仲會定期換新 MENU，餐廳主要做外賣&到會就算坐係OFFICE👩🏻‍💻👨🏻‍💻或者 開Party🎉 都可以有 FULL SET 享受呢。.ll $58ll $48ll $18, 跟餐$14亦有甜品，一樣好精緻啊啊啊。就連前菜，都一樣唔馬虎呢。估唔到就算外賣都好有驚喜❤️，包裝好好、份量超多超滿、賣相又靚😍、味道都好有水準 又好好味。就算野飲都好高質，木瓜份量足，打出黎木瓜奶🧡好香滑又rich，好好飲。..餐廳仲好貼心，會考慮客人到店時間，將食物保溫確保質素，真係重視每個細節呢，加分。以後開Party、想點外賣，呢度真係一個超值又高質既選擇啊。..×××××ש觀塘成業街15-17號成運工業大廈12樓01室..

呢排疫情未完，出去食飯驚人多，所以點外賣比較穩陣，坐係OFFICE都可以有 FULL SET 五星級享受，呢間OhMyBox外賣專門店就滿足到唔想出去同人迫既你，外賣好多選擇，而且外賣自取更有八折，呢度有唔同特色 FUSION 菜可以選擇，而且每月更新MENU，老闆係90後年輕人創業，而廚師出身於五星級酒店，經驗豐富，呢間主要做外賣同到會。日式照燒雞扒飯配滑蛋（$54）雞扒外脆肉嫩，大塊厚肉，肉質嫩滑，而滑蛋應該落左牛奶去炒，食落口感超嫩滑，飯用上左珍珠米，加上照燒汁，飯既味道甜甜地，好開胃。成個飯都好足料，岩哂大胃王既男仔。海洋雜菌橄欖油芫茜蒜片辣椒意粉（$52）意粉好足料，材料有蝦丶魷魚丶蜆肉丶菇丶芫茜等等。蝦肉同魷魚食落好彈牙，另外意粉充滿好香既芫茜味，味道一流，呢個可以下次再點宣傳單張甜品糯米池，唔太甜，又幾好食未拆盒時，靚靚仔仔

今日要推介呢間Oh My Box🥡特色 FUSION 菜俾 #觀塘友！最近仍然堅持食外賣🚛，每月換新 MENU就啱晒我🤩 Oh My Box主要做外賣同到會，喺由五星酒店廚師出身嘅90後開架，好有heart💗!!一個lunch 可以食到前菜、餐湯、主菜、小食、飲品、甜品，坐係office都可以有五星級享受🤩 今日lunch餐單：🥢日式照燒雞扒配滑蛋飯🥢麻醬涼粉🥢田園雜菜湯🥢檸檬蜜糖特色炸雞翼🥢菠蘿的海(青檸菠蘿特飲)拎到返公司仲熱辣辣，賣相靚，味道好，期待下星期再食呀😋

CS超級無禮貌。落單之後無人覆，打電話去查詢，點知接聽電話個個話「無咁快到你，等下la」，之後過一排先覆話最快都要2點先送到。11點前落單，大半個鐘之後先話比人知要咁遲送餐，送到泥都過左lunch time，想轉叫其他外賣好多都已經cut單。到最後連話覆取消張單都係無人覆。