Oh! My Dog!

營業中

休息中

經過呢間鋪門口無數次都無入去食過。琴日我同同事兩個人想食漢堡但M記又實在太多人。就去買左個大山漢堡試下，90蚊1個心諗應該2個人share都夠食。番到去打開個包果然無令我地失望。有3片漢堡扒，芝士，蕃茄，磨菇，洋蔥，煙肉，生菜，仲有好好味嘅醬汁。呢個份量我一個人食半個都食唔晒。所以90蚊真係唔貴。味道同M記果d無得比！ 我個人認為拍得住Dan Ryan果類餐廳。下次會試下佢個All day breakfast! 我同事今話會試下佢個熱狗，應該都唔會令人失望。

岩岩係呢頭附近做野，睇下附近有咩好食，見到呢間好多正面評價，於是決定就試下啦店面唔積唔大，裝修簡約，燈光柔和老闆由廚房做到樓面一腳踢，點左個雙層芝士煙肉磨菇漢堡包，聽個名都已經知道好多料，即叫即整，整完送上黎更有驚喜，因為成個包真係好大份漢堡包好軟熟，唔會似某連鎖式快餐店個種，又乾又硬咁之後仲有好多新鮮配菜，洋蔥圈，蕃茄，車打芝士，酸瓜，唔會只係食舊肉咁唔balance,而且酸酸地食落更開胃之後就到主角啦，兩塊美式純牛漢堡扒，相當足料，七成熟左右岩岩好，咬落有好感 食落有牛味，非連鎖式快餐店好比仲有個薯條，全部都係粗身大大條個隻，炸得好脆，而且薯條身上唔會索哂啲油，食落係有薯味，唔係只得油味整體來講非常滿意，呢類小店真係好小有，一定要支持

對漢堡包，總係提唔起太大既興趣。唔知大家有無試過食完漢堡包之後有膩既感覺？我經常都有，所以經常出現食完個飽就咩都食唔落既情形，我唔知係芝士太油膩，定係塊肉太雪花，總之漢堡包對我嚟講係一種好快食完又好快餓既野。但係，朋友話想食漢堡包，所以就搵到呢間小店。兩個人點左一個磨菇漢堡包同一隻美式肉醬熱狗，(第一次嚟食，唔敢點太有新意既菜式住)加$18轉左做餐，所以有可樂飲同一個小食: 雞翼同薯條。個薯條，得，香、有薯味，好耐無食過呢D薯條了~到個漢堡包，真心覺得有驚喜，塊肉煎完後仲有肉汁，完全無乾真真既感覺!!! 芝士無搶風頭，只係做返佢吊味既工作，所以成件事好平勻，唔會有油膩既感覺~ 我相信，係呢件事上，個兩塊唔起眼既包，都發揮左好大既佢用，好軟熟，但係食落口又好香! 有唔捨得食完既感覺~隻美式肉醬熱狗…… 真係忍唔住要幫佢化化妝……但係放左佢入口，我先明白咩叫內在美……… 真係好好食呀！！！

剛剛過了peak season,我同同事行遠少少去食我之前想食好野。只係熱狗嘅餐牌都有一版，太誇張。但係都係唔太平嘅。最後我叫左套歺有二小食或一小食一飲品。蘋果沙律雖然唔係好多但生果新鮮好味味。最尾我唔係選擇熱狗，我叫咗美式漢堡。牛肉好多汁，蘑菇好香口，可惜份量太少，一啲都唔夠飽。相反我同事嘅芝士熱狗就好大條，我見到都好想食，睇個樣都覺得佢好食啲，如果下次有機會我會試吓佢哋嘅招牌熱狗。因為唔夠飽嘅關係，我去隔離買腸粉食🙁

呢間熱狗店專賣熱狗同漢堡包。今次食咗芝士熱狗熱狗味道無乜驚喜，香腸味道可以，芝士味唔大香，個包亦無咩特別，同區無乜選擇之下都算係又好想食熱狗嘅話都係一個選擇。可以選擇嘅款式都算多，不過再去試嘅興趣不大。

又繼續發掘小店，今次呢間系葵涌和宜合道，店鋪地方唔大，主力賣熱狗同漢堡包，款式眾多，全部即叫即做，新鮮熱辣唔肚餓所以只單點一個特色酸味熱狗試試，麵包烘熱過，德國牛仔腸微辣帶有唔少黑椒，配德國哨牙狗酸菜（sauerkraut）同酸瓜粒，酸酸辣辣幾好味，見隔離大隻哥哥食的漢堡包好大個好滋味，揾次再試下！！

忽來傻勁想到石籬吃粉仔,只是對這區實在不熟悉,只在多年前曾跟食友去過附近的台灣客棧,看著地址卻找不到,反而經過這家OH MY DOG,吃漢堡包和熱狗也很不錯耶,最重要是當時店內完全沒客人,包場吃早餐好爽的唷。小小漢堡店座位不多,裝潢簡潔透有少少外國風味,如果店裡坐滿客人也會有點擠迫,看來小店也是主打外賣為主了。 年輕男廚師正在開放式廚房裡忙著預備,店裡也沒有侍應招待,月巴客人想點菜只需向廚房內說出便可,方便直接。每張桌上已具備熱狗孖寶--茄汁及芥末各一,愛吃醬的應感滿意。近日身體需要補充鐵質,10號餐牛肉漢堡定比熱狗更飽肚,每款漢堡還可配兩款配菜或飲品,讓漢堡更為豐富。不是自家製而是外地入口的牛肉漢堡煎成全熟沒有出現紅色狀況,全熟之下肉汁仍夠豐盈,沒有乾乾肉感.厚度相當吃起來質感不錯的說。讓整個漢堡包看來巨大的還有一個厚度相若又是我唯一不吃的生洋蔥圈,多汁蕃茄、微酸酸瓜片、爽脆生菜、軟溶芝士加茄汁,加起來就是傳統的漢堡包食味,簡單沒花巧卻討人喜歡。個人最喜歡其烘得香脆的厚厚芝麻包,雖然些微過火也不失熱脆,因而要把握時間將包子吃完才是上策。粗薯條帶有點薯皮,剛剛炸起的薯條厚肉粉糯,加點鹽

經過oh my dog! 見到又有新產品「吉列蠔漢堡」，唔駛諗，即試。剛2040入到舖，落柯打，再問老細收幾點。「九點。」「咁我外賣拎走啦。」「唔緊要啦，你食得切。」⋯⋯「咁堂食埋喇。」不一久，上枱。再不一久，食晒！除了塊流汁吉列蠔扒外，仲有塊流汁牛肉漢堡扒。請不要意為蠔漢堡即是加厚煎蠔餅，否則「先入為主」三個字會令你錯過好多好嘢。(雖則我都分唔出係幾多隻蠔砌出來的蠔漢堡)又係嗰句，通常個漢堡你食得越喱hea其實就越好食。今舖乜汁都滴晒落堆薯條度，點知蠔汁牛汁撞薯條又有另一番風味，比初試白醋更震撼。當然，粗薯條新鮮炸是好味的關鍵之一。食完埋單，時間2100，老細問：「個包點樣？」「正！」「呢個包外賣的話焗到返去個蠔就唔夠脆，無咁好食了。」（哦，原來係咁，唔怪得話收舖前食得完，真係好食到停唔到口⋯） 查看更多

適逢母親到台北旅行,我和妹妹又要考試,就給自己一個藉口去吃貴價街坊餐吧!很早之前已聽過朋友說''Oh! My Dog!好正'',今日終於親身一試一進狹小的小店是一股撲鼻的油煙味,sorry ,但我也只好說真話店實在太小了,又要煎漢堡又要炸薯條,加上抽風系統有點弱,店內真的很大油煙,連餐牌也是''痴立立''的我和妹妹合共點了一個餐和一個漢堡包妹妹要了蘑菇牛肉漢堡，配沙律和薯條熱愛千島醬的我點了千島菠蘿牛肉漢堡我的千島醬漢堡有大大塊罐頭菠蘿，一邊吃一邊從兩旁滑出來，相當狼狽漢堡不算厚，但有牛味，而且不會很乾；甜甜的菠蘿為整個包增添了更多味道妹妹要的漢堡，她說很好吃，我咬了一口，還是有千島醬有菠蘿的較好吃吧沙律 ...我覺得還是要其他小食好了超級多沙律醬，很健康的水果全被糟蹋了！更為那高卡路里的漢堡添上一份飽滯感薯條，很好吃，熱辣辣，夠粗，有薯味同場有一個應該book 了一些特別餐的家庭在小小的店中聚會他們吃的東西好像是到會食物，但都是餐牌中沒有的隔籬飯香，好像很好吃啊 .....

在三月第一個長週的星期六下午, 放工後同太座來這區睇開倉, 去開倉的地點前專登過來這裡見識一下這店,因為都好多正面讚賞, 難得來到附近, 當然唔會錉過此機會, 店的面積不大, 如果平日食晏來必定人山人海嘞,座位頂多只可以座20人左右, 廚房亦相當簡潔, 因為只有雪柜, 扒爐 & 炸爐, 再加上一部即磨咖啡機, 汽水類放門口那部企身雪柜, 牆上亦沒太多裝飾, 師傅是老闆, 老闆亦是師傅那種一腳踢形式, 老闆是個帶點板仔味道的小伙子, 收銀是個約20歲的女孩, 全部柯打是叫一個做一個, 我們的柯打有:蘑菇burger set $47 – 飽同薯條會用一張爉紙包住, 外觀有點似食街邊腸粉, 個漢堡飽質地好軟熟, 中間件漢堡扒似乎是手刴而不是絞肉那種, 因為件扒肉質還有些粒粒的肉碎,漢堡扒的調味沒太重手, 蘑菇片沒有罐頭貨那鐵的金屬氣味,唔通佢用新鮮本地蘑菇?個汁雖然唔多但都算是足夠了吧,跟餐要了羅宋湯,一飲反而覺得是一個蕃茄雜菜湯, 味道偏酸但自己喜好”酸” 所以問題不大, 好有住家湯那種稀身湯水的感覺, 超級至尊dog set $47 –這裡的熱狗飽比一般”嘉頓” 的長1/3, 腸的口感同

難得放朝早, 下午返工時就早兩個巴士站落車拎埋外賣先返公司食, 早成半小時打去叫, 所以去到即刻有得拎, 拎外賣時見到已經坐滿哂人, 好彩早叫0者 今次叫左芝士煙肉漢堡包 , 配薯條同沙律。個包仍然係好好食, 漢堡有肉汁0架真係, 同M 記差好遠(當然價錢都差d la), 薯條大部份都ok , 唯獨有一兩條我覺得燶得濟, 太乾。今次第一次叫沙律, 都幾好味喎, 有兩粒車厘子tim lei..haha難得地拎到返公司, 個包同0的薯條都仲熱0架, 正!! 不枉我行咁多路黎食黎, 同事見到我食, 仲有好羨慕0既眼神同我講話:"好想食呀~好正” 價錢唔算係平，　不過值的!!成日想試下佢個All day breakfast, 搵日試下先　　

看過生果日報廣告後，與同事柴柴試下！我食左菠蘿漢堡包，一般去麥記食包食完都好滯，但食完呢個包，可能有片菠蘿消化下，唔太滯！轉套餐仲有沙律、薯條、雞亦選擇！*沙律係淨生果，非常新鮮！總括來講，咁遠水路唻都值得既！

服務幾好，環境迫左啲，我食雙層芝士磨菇煙肉漢堡（ 16蚊轉左160g增量級漢堡扒），個包好高好厚，一口都好難咬，料足，味道可以，一分錢一分貨，配餐左薯條，ok好食，仲有生菓沙律，生菓都幾新蘚，不過舖人手少，多人要等幾耐，覺得可以一試，不過間舖位置唔算太就腳

遲左成個月先得閒寫番d食評，其實我唔係真係咁忙，只係太懶?.....係葵涌番工雖然好短時間，但同一班年紀相若的同事相處十分融洽，這次離開只是看錢的份上(薪金)。平時我們主要光顧公司留下的米線店，極少會光顧其他的餐廳，今日決定向上斜行到熱狗店一試。店子大約有十多個坐位，午飯時間店內人不多，所以不用等位快餐店形式經營主要售賣熱狗漢堡包，有30多款，常用的茄汁介未每張枱都擺放著。我選了:16號 美式漢堡包 $43-漢堡扒有肉味,咬落亦很juicy包外脆內軟，洋蔥和番茄如果微煎一下會更加可口~套餐還會跟薯條同飲品飲品是在雪櫃自取的而薯條是即叫即炸，用的是美國粗直薯條與m記的比，口感較佳~

Oh! My Dog! 位於上葵涌麗晶中心對面,係一間開左大約兩年多o既美式熱狗漢堡包店,OpenRice 評分高達4.3,咁耐以黎都未得到劣評店內只有十四個坐位主要客人應該係上班一族,食品o係葵涌工廠區算係有o的貴,一份套餐要至少$45,不過食物有質素及特色,午間時間多人幫襯店內有雜誌俾客人睇呢間專門店有接近三十款熱狗及漢堡包供客人選擇之前o係網站以每張$30 o既價錢買左熱狗套餐 coupon,可以換領一隻熱狗 (超級至尊熱狗 / 夏威夷熱狗 / 芝士煙肉熱狗 / 芝士辣肉腸熱狗) 再配兩款小食飲品 (鮮果沙律 / 美國粗薯條 / 羅宋湯 / 瑞士雞翼兩隻 / 即磨咖啡 / 罐裝汽水)由於午間時間多人幫襯,今次優惠只適用於下午茶及晚市時間本人選左超級至尊熱狗配美國粗薯條及加$4 將飲品轉做即磨咖啡超級至尊熱狗呢個熱狗好大隻材料夠多,女士們未必食得晒選用新鮮德國肉腸、澳洲車打芝士及自家秘製肉醬熱狗即叫即製,熱辣辣本人將其中一款小食飲品加$4 轉即磨咖啡奶同埋糖係另外奉上,由客人按自己口味加適合份量,值得讚好!美國粗薯條味道唔錯,唔駛落鹽及茄汁雖然團購網站聲稱套餐原價係$60 (其實係