OPEN OYSTER

營業中

休息中

七一回歸日！放假既放假，遊行既遊行，至於我呢啲低下基層既打工仔，當然係返工既繼續返工啦！諗住今晚公司應該靜靜地無乜客啦！點知都係有啲孤兒仔出黎玩……幸好今晚有熟客上黎玩，比左$500我話想食生蠔，心諗正呀！今晚有食神到😍即刻打電話去買蠔，等餐廳開完蠔先打電話比我落去攞。雖然今次唔係我地平時食開果款$63大大隻既珍寶蠔，不過呢款$48都唔算細隻，都係啖啖肉😋真係食到舔舔脷😍一隻咁肥美既蠔，配上檸檬汁，茄汁同辣椒仔，簡直就係人間美食😍

如果你同阿叔一樣係蠔fans🤤，我強烈推介你去呢間餐廳，一生人必定要去蠔一次。.首先佢哋啲生蠔非常新鮮，而且價錢十分相宜又肥美，如果你會飲埋酒🥂，佢哋更有”Wine Lover Discount”，只要全單叫一支酒或每人兩杯，生壕價錢就會再有優惠（折後每隻$20-$58）。😝.如果你鍾意食爽甜嘅，以下呢3款壕必定要食#gillardeau ($34)、#ostraregal ($32)、#koreagold ($36)

朋友知道我哋兩公婆鍾意食生蠔，所以介紹尖沙咀有間好食蠔吧，有好多新鮮唔同種類國家嘅生蠔，見今日同老婆行街去開尖沙咀，即管過嚟蠔一蠔，位置都幾難搵，原來係舊時華貿戲院隔離條巷仔，叫咗半打生蠔，非常新鮮，最驚喜係有隻南非蠔，爽脆海水味重，一般來講價錢都是$20-$50一隻左右，牛扒正正常常，我要五成熟，生熟程度好準，白酒煮青口，青口煮到剛剛熟，加埋個汁，忍唔住叫咗個蒜蓉包，仲有一個雜錦拼盤，價錢還可以，覺得生蠔比較有驚喜，下次試埋其他

蠔好食 酒好飲 環境雖不太好但感覺好relax 又有員工介紹各種蠔都好好 例如食法先後次序 再配咩酒 啲酒有咩特別正正 食得好開心 女伴都好滿意!!!!!!!!!推薦!!!!!

一個相識咗 8 年但一路只用 e 通訊嘅朋友終於約世紀見面，心情都有啲緊張，朋友揀嚟呢度食好西 😋😋佢好喜歡食生蠔，仲要好重口味，我識嘅生蠔只有好味同唔好味嘅啫，所以由佢發辦。頭幾款我都食到，食到第 4 款我就話好濃味同喊，佢話我食得比較淡，佢以前都係，不過食食吓就越食越濃，我哋食咗 2 round 生蠔。跟住熱盤叫咗客帶子蟹肉意粉同三文魚，朋友話以前食過一款燒三文魚但唔記得名，咁就揀咗呢款 (可惜唔係佢心目中嗰款!) 兩個熱盤都好味，意粉比到我驚喜。原來餐廳飲酒可以以優惠價食生蠔，但我倆飲唔到 4 杯，後來侍應話我哋食咗咁多生蠔，優惠價個差額差唔多可以買支酒，咁就攞咗支酒走 🤣🤣🤣 職員大可以唔提照收原價唔比支酒我哋喔！另外餐廳開 7 點，我早咗到佢哋都唔比我入 😭😭😭 但就比我放底啲嘢出去行吓 😜

推荐美国的Willapa Bay，Virginica（不在菜单里）海水味淡，甜味中上，V更重，弹性足。此外，mini size的kumamoto是日本种美国养，甜味最佳，弹性足，咸味淡鲜味足，可谓浓缩就是精华。namibian gigas甜味适中，咸味偏淡但比以上几款要咸些。此外，爱尔兰的Irish premium和ostra regal甜度适中，前者偏咸，海水味足。西班牙的arousa的甜味与海水味都较足。法国壕品种最为丰富，黑珍珠和白珍珠咸味厚重与极淡，个人觉得有些极端并不推荐，gillardeau是甜味和海水味相对适中的选择。

男友又想吃生蠔，所以又來到open oyster先來白酒一枝，味道是女孩子喜歡的再來是一打生蠔，當晚出色的生蠔是Majestic 及Korea Gold, 所以reorder 時我也特別點了這兩款。Virginca都好吃，味道爽淡身，只是我愛重口味。男友reorder 也點了其他品種，還是Majestic 及Korea Gold是當晚之最主菜選了龍蝦意大利飯及豬架。意大利飯不錯，但還是喜歡這裡的七成熟豬架，火喉剛好，嫩嫩鮮味，下次來還是會點豬架吃。

小女子畢生食唔少蠔，都淨係知道有美國蠔，法國蠔，只係會留意個原產地，今日一尼open oyster 先知道，蠔除左分原產地之外，仲有唔同品種。open oyster 呢到除左食到靚蠔之外，都學到唔少蠔既知識。最近係大眾點評見到open oyster 係榜上排第一，同左另外一位「蠔粉」過尼拆一拆靚蠔。 餐廳為於地鐵站p出口，行5 分鐘既路程。遠遠已經見到呢到既人流比起兩旁既餐廳都要旺，當日係星期日既晚市，依然如是。——————食蠔可以食到幾盡？望一望個menu就已經感受到餐廳對蠔既專業同執著。望完個餐牌，都係一頭霧水。侍應主動上前，為我地每款蠔作簡介，解釋相當專業詳盡。 餐單內兩個價錢，一個原價；另一個係叫四杯酒或者一支酒可享有既wine lover 專享價錢，每款蠔平左十幾蚊。 美蠔配美酒係唔錯既選擇，但係兩個人咁嗌，實在唔划算，所以我地打消左念頭。除左餐單以外十餘款蠔，餐廳亦有是日off menu 既蠔，當日佢推薦左一款virginica 既美國蠔。 我地另外點左店員推介既法國既white Pearl, 韓國既Korean goal 同埋愛爾蘭既Ostra regal。———————

朋友推薦食生蠔有個好地方，所以今次就來試下，在尖東果邊，門口幾易認，好大個字寫住”Oyster” 😆😆今天晚了收工，黎到餐廳已經9點多。。進餐廳後店員遞上Menu有超多款的蠔！！餐牌上列出了不同地區，不同size🤩🤩如果叫酒，仲有discount price。隨左生蠔都有主食！我地好迷惘，最後店員出手幫助！揀左4款試下！這個Taylor Pacific 係 jumbo size, 真係超級大隻，而且好新鮮，同之前酒店自助餐果d無得比😂😂因為未食晚餐，所以我地再叫左個黑毛豬架 ($218)燒得好香，而且內裏粉紅，肉質juicy👍辣茄汁雜肉意大利麵,意粉硬度剛剛好，仲有我最鍾意的芝士碎🙂下次要叫多些朋友來吃，要開酒飲再配生蠔🤗

喜歡吃蠔的我今次朋友就介紹了一間在尖東的西餐廳，講這裡的蠔十分新鮮又特別，所以今次專登找了先生和我一齊來食晚餐，因為先生唔食生嘢關係我就問待應介紹四隻蠔來試試，佢都好細心問我喜歡口感和味道再推介，最後選擇了這四款，其中一款仲要是在餐牌沒有。Taylor pacific 清之餘帶海水味口感好爽身，arousa 爽身而蠔味好濃郁，irish premium 都是偏爽身而帶點海水味反而有點甜甜的十分特別，gold regal 就是餐牌沒有的，這款有個蓋在上面而且仲有金箔，原來已養了五年，比其他多二年，味道真的十分特別，第一次食這味道的蠔而且這裡的價錢都合理。而先生就選擇主食 : 肉眼扒有16安都是$268都十分抵食，來到十分厚身，表面少少脆口而入面牛肉嫩滑有驚喜。一件澳洲羊架配薄荷醬$38，羊味濃郁好香又有肉汁而且醬汁都十分好味帶出羊更香味道。我們必叫的卡邦尼意粉這裡都有就叫，堅真心好味，是近幾個月都未食過咁好味，醬汁濃又香，意粉口感剛好，配料都不少。我地二人飲住啤酒和菠蘿汁，傾下計都是不錯選擇。

星期一放工就去，估唔到星期一都咁旺場！不過職員都好快安排到座位俾我地！我地兩個唔係好肚餓，又樣樣都想食😆所以就決定要叫半打蠔 一個意粉，一個沙律，份量好大，最後差啲食唔曬🙈因為我對蠔無咩認識，同埋佢餐牌真係太多款揀眼花繚亂，所以就叫職員幫我地拍板！職員對蠔十分熟識，問我地想要creamy啲、甜啲定重味啲，不過貪心如我地梗係話咩都想試所以佢就介紹左三款蠔俾我地！第一款同第二款我地已經覺得好好味，又大隻又鮮味唔會好咸😋 第三款Gold regal望落已經好吸引，因為上面痴左啲金萡，用黎辨認養左5年嘅Gold Regal (FYI, 平時啲蠔養3年就食架喇) 所以呢款零舍矜貴！一食落去已經覺得同頭兩隻無得比，味道balance得好好，而且超級肥美！勁想encore不過真係太飽太飽🤣跟住芒果鮮蝦沙律🥗 沙律菜唔似平時淨係得羅馬生菜抵讚！份量都唔少，芒果好甜而且俾得一啲都唔吝嗇😆Carbonara本身望落好似唔係好多 但原來係塞到好實🤣 意粉係煮得岩岩好 係真嘅al dente有咬口得黎又唔會煮唔熟咁 嗰汁亦都好出色 雖然傑身意粉掛到汁但食曬都唔會好膩 加上煙肉雜菌同洋蔥 我下次黎都會想再叫😋佢

食蠔一般自家購買款式多以法國澳洲為主近年澳洲比較好吃鮮甜但又較為細隻每次食蠔都係男友自家開蠔但今次為慶祝轉工成功來到位於尖東南洋中心朋友話食蠔吾錯一於book檯睇下有幾正店員逐一介紹蠔既品種我地就揀左最creamy同出面少有既Namibia 同Spain其它都揀翻法國蠔 偏海水味重點的兩個人只叫十二隻慢慢享受先先由淡口食起肉質厚濃滑creamy感十足吾係太易找到的gigas非常值得再返叫Size2號法國蠔海水味重一點點帶點青瓜味總括而言每隻蠔都有九分爽口清甜叫左一杯白甜點綴一下餐廳offer 如叫一枝酒就好平點叫蠔但我地醉翁之意不在酒過了一個開心夜晚🥰

捱過左七過月既艱苦訓練，我同戰友決定蠔一蠔佢。要食靚蠔，一向都知唔平！所以要識得點蠔，先可以蠔得起！呢間Open Oyster就有promotions order 酒就可以有優惠價食蠔，平均每隻蠔平左1/3。如果order支裝酒，飲唔晒，仲可以令走Monkey Puzzle $299/支唔知點揀？可以問職員，佢地講得好詳細，好似上左堂書咁不過，聽佢講，我都唔係太記得食落肚，用啲生蠔幫我消化同記憶仲好過😂😂😂Round 1_爽口既蠔呢度有好多產地既生蠔，法國、美國、韓國、西班牙、非洲納米比亞同埋愛爾蘭。我地當然要試下唔同產地啦職員推介左以下幾款Virginica_美國Korea Gold_韓國Ostra Regal_愛爾蘭L'Etoile_法國蠔最愛係法國既L'Etoile呢款蠔攞過獎，食落肉質結實飽滿，口感爽脆， 海水味和礦物味濃，停留係口入面既餘韻極長我地都係愛重口未多啲一Round 又點夠呀，黎多Round 啦唔該Round 2_較Creamy 啲既蠔我同戰友愛食爽身既蠔，不過又想試下多啲款，職員話其實creamy 既蠔都好好食，可以一試喎。Taylor Pacitic_美國L'

細妹最近係英國返黎，但我近排忙於處理婚事，所以只可以約佢10點先係尖沙咀食個Late Dinner。尖東多餐廳之餘，仲方便我倆撘車，所以今次就揀左位於水池附近的Open Osyter。餐廳提供的蠔款都唔少，當中以法國最為多。款式多到唔知點揀，所以叫左職員介紹的3款時令生蠔。呢款係來自南非的Namibian Gigas，呢款生蠔的肉質豐滿，口感Creamy，味道清新。呢款長身的蠔係來自西班牙的Arousa。鍾意爽口的我，呢款較得我歡心。肉質較爽脆，而且海水味較重。呢款Gold Regal外形非常吸睛，係蠔殻上痴上了金箔，感覺勁「蠔」華。肉質同樣較脆口，相比上一款蠔，呢款的肉質較肥美。為了更盡興，我們決定直接叫House White Wine。細妹就鍾意智利個款，而我就鍾意甜D，所外我鍾意意大利個個多D。雖然係Late Dinner，但都係想食少少飯落肚。呢個雜菌意大利飯食落好口感，而且黑松露味濃。有酒當然叫份小食送下酒啦！餐廳9:30pm後On the Grill特價，原本$88的燒牛舌只係$48！特別鍾意個梅子醋，同燒得香口的牛舌好夾。=========================

It is a basic courtesy to serve a glass of water, at lease when asked, BUT NOT making ridiculous excuses not to give one with a view to force them to say yes to your ‘still or sparkling?’. Especially when you also serve and encourage your customers to drink wine. It is, in any customer’s view, a reasonable and basic request. Next time, I suggest you to just give that glass of water, and say no more. With that perverted mindset, I advise you to rethink if you are actually serving your customers a