OPEN OYSTER

營業中

休息中

尖東幾出名既蠔吧 Open Oyster假日吸引唔少人流啱曬對食蠔有講究既吃貨Irish Premium來自愛爾蘭既生蠔海水味淡入口滑溜，非常creamy蠔肉清甜，冇乜金屬味屬於味道淡身嘅生蠔Namibia Gigas來自非洲納米比亞既生蠔同樣係creamy既表表者入口果刻咸甜適中去到最後滿口充滿鮮甜味經典凱撒沙律加左沙律醬既菜配上芝士煙肉碎同麵包粒法式龍蝦湯味道濃郁美味有質感，好鮮味意大利小食拼盤煙三文魚（偏瘦唔太咸，無乜油膩感），沙美樂腸（薄切口感有驚喜），巴馬火腿，水牛芝士蕃茄（新鮮蕃茄夾住厚切水牛芝士，加上橄欖油，滋味無比），橄欖炸脆薯角即炸香脆帶微辣有外國既味道香辣茄汁大蝦意大利麵茄味香濃，辣中帶微酸食到陣陣香蒜味大蝦質素不俗雖然係蠔吧冇諗過其他食物都咁有水準而家叫set lunch仲可以用優惠價食蠔㗎仲唔快啲同朋友一齊食蠔啲😍

生蠔🦪愛好者🙋🏻‍♀️，今次去試咗尖沙咀，好出名食蠔嘅餐廳😋 曾經榮獲「The 15 Best Places for Oysters in Hong Kong」嘅榜首🤩🤩餐廳設有戶外座，甚有氣氛，節日慶祝都唔錯。 坐低見到蠔list，有廿幾種蠔，來自唔同國家唔同地方，勁多選擇。 店員亦好專業咁介紹，今次我哋試咗兩款比較creamy啲嘅生蠔🦪👉🏻如果點其他食物或酒，生蠔仲有特價🤩🤩好抵食。生蠔🦪Gold Regal (WLD)它外殼貼滿金箔🌟，感覺奢華矜貴， 入口清甜，海水唔太鹹，比較creamy😋L’Etoule (WLD)肉質飽滿，口感爽嫩鮮甜，蠔味香濃。Set Lunch:香煎羊架3件（$128）三件羊架都好大件，煎得香口程金黃色😍，肉質香濃嫩滑又多汁，但唔太騷喎。配以迷迭香草汁及香酥炸薯角🤤黑松露雜菌意大利飯（$128）黑松露香味撲鼻，意大利外軟內硬，好有口感，醬汁有滿滿嘅忌廉及牛油香，再配合磨菇及芝士，令人回味😋法式龍蝦🦞湯香濃鮮甜龍蝦🦞味，入口順滑田園沙律🥗/凱撒沙律🥗跟餐沙律估唔到咁大碟🤩，沙律菜好新鮮，相當足料。Set Lunch 加$30 就可以有杯白酒，配合生蠔🦪食最

來到尖東，原來有一間隱世的蠔吧喔! 裡面裝飾都很簡單又復古，好有feel! 來得呢度，當然唔可以錯過佢地既生蠔! 我地點左幾款，店員好細心咁將我地揀既幾款，以淡至濃咁排列，要我地由淡味既食起，咁就可以食到唔同既層次既口感，好專業又貼心呢! .順次序排列，由淡到濃:🇫🇷 Ancelin 產自法國西面既Marennes Oleron海灣，蠔肉飽滿，肉質爽脆，鹹度清甜，回味度短但鮮甜得來帶點青瓜香~ 好特別啊我幾鍾意食呢款!..🇫🇷 Gillardeau法國生蠔來講，不得不嚐非常出名的Gillardeau呢!! 同樣產自法國西面既Marennes Oleron海灣，蠔肉十分肥美又飽滿，肉質爽中帶滑，鹹度適中，回味度持久，鮮甜帶果仁香，唔怪得真係要必食!! 又係十分喜歡呢，我媽咪就最鍾意呢款..🇨🇮 Ostra Regal 產自愛爾蘭既Bannon Bay，又係飽滿既蠔肉，肉質爽脆，鹹味適中，味道豐富甜美! 個人覺得呢款真係如店員所排列咁，係最重最濃既蠔味!..Set Lunch - 海鮮墨魚汁意大利麵Squid Ink Spaghetti with Seasional Seafood in

上星期，同友人嚟食生蠔(以前食過三次)，首先order咗6隻蠔。一上枱，友人驚叫個殼有條灰白色嘅蟲，正想爬到入蠔身中。我地即叫餐廳waitress嚟問，點知個waitress答：『哦，呢啲蟲係好正常，通常一個星期我地都會見4-5次，係平常嘅，無問題嘅。如果你地驚，想我“取消呢一隻”，定“換過另一隻”？』仲不停話冇事架，叫我地照食。點知結果係，兩個返歸痾足一晚，要食止痾藥，好彩冇嘔咋。我決定以後都唔會再幫襯呢間，謹此公告大家小心！！！

朋友最鍾意去呢間餐廳食生蠔，因為佢有一個夾埋白酒order好抵嘅package，朋友話全香港食生蠔嘅餐廳嘅性價比來講，冇一間好得過呢間餐廳，所以佢成日嚟。因為我唔食生蠔，就叫咗個香煎帶子意大利粉，份量比較少，但係帶子大粒又新鮮，煎起嚟好香，意大利粉配埋個汁都夾得唔錯。另外仲叫咗一份牛扒，煎得好香，雖然肉質唔算特別靚，但整體上都好滿意。

收工肚餓，趁疫情稍微緩和想到餐廳晚膳。想起久違的生蠔，決定到公司附近的生蠔餐廳醫肚。先來當然是白酒，今次選了適合配生蠔的Chablis生蠔類先由server推薦的四款分別為：Scottish Rock, Pinky, Gold Regal, L’Etoile, 當中最喜歡Gold Regal, 蠔肉爽口，不creamy，海水味濃郁，吃後口腔保留著餘鮮。再挑三款生蠔Korea Gold，Arousa， Gillardeau，另外又reorder Gold Regal，當中以Gold Regal 最味美吃完生蠔，點了小食及主菜。薯角香口熱脆，豬頸肉也烤得惹味軟嫰，配襯的醬汁微酸爽口減少油膩感，佐酒推介。主菜是大蝦蕃菇香辣意大利粉，最近每次光顧都必點此主菜，大蝦滿滿，酸辣汁非常過癮，配意粉剛剛好總結而言：環境：是次安排到戶外，都是吸煙客比較多，介意請先預約安排室內坐位。食物：生蠔是招牌，非常新鮮。主菜也很美味。小食類惹味，佐酒推介。服務：細心也有耐性介紹酒類及生蠔

疫情下只提供外賣生蠔可預先打電話訂購 同whatsapp餐單推廣俾我我地食左$444外賣推廣套餐包12隻生蠔 再送多支白酒，真係好抵！我地揀左3款蠔味較濃既Gillardeau, pinky, L’etoile 蠔Size比想像中大隻好多 有驚喜！本身鐘意海水味重，都好夠味同爽口另外 生蠔外賣會擔心衞生同新唔新鮮但餐廳好細心 抽真空包裝 分開放每款蠔仲講解食既口味有次序仲有幾包大冰雪住 令人放心估唔到疫情下 都食到高質生蠔🦪

第二次黎 覺得真係抵食 蠔又新鮮決定都要寫下食評呢邊蠔既種類話多唔多 話少唔少法國 美國 愛爾蘭 澳洲 韓國 西班牙都有佢地既wine lover discount平均7折 只要每人叫兩杯酒 或直接叫一枝酒就有而且佢地酒既mark up唔算貴 靚酒唔多 但都算平叫左8款蠔同一啲熱食 每隻蠔都好新鮮 係有一隻有有啲殼 同行友人都覺得好食 會再去

嚟過N次第一次寫食評🤣今個星期嘅Happy Hour突然好想食蠔，因為自己唔識開，又唔想太貴搵嚟搵去都係決定去返open oyster。如果你係飲酒之人又愛蠔，open oyster有wine lover價錢真係好抵，平均30蚊上下一隻。最緊要係啲蠔真係好新鮮，每次要求waiter介紹新蠔又一定有驚喜。今日食咗6款蠔，勁愛海水味重嘅我，非常滿足仲有每次都要食嘅🥔角，保持水準，大王好滿意今次第一次點M6牛，好好味，不過點7成有點熟，下次點返5成。以後食蠔都一定去呢度囉

這天約會另一半選了位於尖東的open oyster, 點了生蠔、羊架、雞翼及意粉，味道相當不錯。我們坐在戶外，當天生意非常好滿座，連外面也開滿枱。生蠔配白洒有減價優惠，我們點了半打生蠔及一支白酒，生蠔新鮮好味，而且creamy。紐西蘭BB羊架鮮嫰多汁，味道十分好，瞬間吃完！還覺得唔夠。辣茄汁大蝦意大利麵非常有驚喜！味道香口有層次，大蝦煎得美味，意粉軟硬度適中有咬口，微辣十分不錯。水牛城辣雞翼一客四件好味開胃。期待下次再去！

又去老公最愛的生蠔店，作為oyster lover 先開瓶白洒，再慢慢嘆生蠔。當晚吃了廿隻生蠔，偏向海水較濃的品種，最喜歡ostra regal 及Arousa每次必點龍蝦及蠔湯，龍蝦湯味道濃郁，至於周打蠔湯也不錯，略厭蠔味不夠濃。主菜前點了小食薯角，熱辣辣，非常脆口我的主菜是蕃茄辣汁大蝦意粉，酸酸辣辣，非常開胃，蕃茄的酸甜香濃帶一點點的辣，再加芝士粉的咸香，味道非常豐富，整碟掃光光。另一主菜龍蝦啖啖肉，龍蝦味濃，牛扒五成熟剛好，但牛味不太突出，沒有太大驚喜。

肺炎下都要見下朋友既，做足個人衛生，餐廳好貼心，將每張枱相隔距離拉開，食得安心又快樂。食物方面，我地叫店員推介海水味同creamy d，兩打試左6-8款，全部都好新鮮，好岩口味。兩個女仔就簡左兩支偏甜既白酒配生蠔同沙律，味道好夾。另外我地order左鮮芒蟹肉沙律，羊架，雞軟骨同豬頸肉，豬頸肉燒得剛剛好。唯獨羊架比較多筋難咬，一件大一件薄，不過總括味道尚好。另外值得一讚，坐outside，落毛毛雨都有小小濕，店員好細心咁幫我地調位，服務好好。環境舒服，食物質素好，值得推介！

喺尖沙咀行咗成日街，行行下又到晚飯時間，完全無心水食乜之下路過呢間【Open Oyster】，同行友人都係愛蠔之人，而且價位合理，就蠔一蠔佢啦😍餐廳職員個個都好nice，仲會因應我哋要求介紹生蠔，每人order兩杯酒就可以用優惠價食生蠔喇，啱晒我哋呢D鍾意邊飲白酒邊食蠔嘅酒客，超抵呀👍🏻當晚叫咗【Ostra Regal】、【Arousa】、【White Pearl】同埋【L'Etoile】，4款蠔身都屬於清爽帶海水味，另外仲叫咗比較少見嘅【Cherrystone Clams】，鮮甜嘅海鮮配白酒真係無敵，職員介紹咗一枝甜甜哋易入口嘅白酒比我哋，唔覺唔覺就飲咗兩枝😆熟食方面有:【松露蘑菇湯】，食完冷盤要嚟暖下胃都唔錯，食到綿密嘅蘑菇蓉，菇味好香🤤【頂級荷蘭藍青口配香草忌廉汁】隻隻青口都漲卜卜好鮮味，我哋為咗唔想嘥個汁，仲專登叫咗個長棍麵包😆【雜菌意大利飯】有陣陣松露味，飯粒煙韌有咬口，望落去以為份量好少，但原來4個人都夠食😮【M6和牛西冷扒】Order咗7成熟，熟度控制得好好，隱約見到中間少少粉紅色，肉味夠濃而且外面帶焦香🤤👍🏻呢度價錢合理，環境舒服，有機會都

今日老婆生日帶咗佢去食生蠔，依家OpenOyster 之前都食咗幾次，佢哋啲生蠔係比較新鮮同特別，佢哋可以帶一支白酒就可以有生蠔嘅特價，個價錢都幾抵食，我諗比一般你自己去訂貴少少啦，但係佢哋啲生蠔堅係新鮮。今日我就order左四款，有Majestic, Arousa, Lambert, L Etoile, 呢款L Eroile 真心正，好有驚喜，勁多蠔味，新鮮嘅甜味配合白酒真係無得輸。我哋仲叫咗個隻麵包蟹，啲膏多到無倫，都好新鮮當做，誠意推介，但係食落就有啲論盡之後叫咗個忌廉龍蝦蟹肉意大利飯，味道正常，不過我覺得個飯有啲小小太硬，同埋個龍蝦肉細隻咗少少啦，不過佢都係收百零蚊所以性價比都好高仲帶咗個雞軟骨，呢度唯一嘅缺點就係飯餸款式比較少，但係其實我哋主要都係食生蠔，所以都可以接受，生蠔發燒友必定要嚟試吓

朋友神神秘秘約咗幾位好友出嚟，話要食好少少，都知道有輘輷㗎喇！出到嚟先知原來出咗pool！唔洗講咁多，今餐梗係佢嘅🥰餐廳做緊優惠，每人嗌兩杯酒就可以優惠價嗌生蠔，每種蠔嘅折扣都唔同，Menu清晰列明，大概有六折左右！相當抵食😍生蠔選擇超多，淨係Menu上都有將近三十種選擇，按國家產地分門別類，侍應會清楚說明邊啲品種已經賣晒或者無返貨，又會有啲品種比較特別，Menu上面係冇嘅。作為門外漢嘅我哋，當然邀請佢為我哋推薦，我哋幾個都不約而同地唔鍾意啲太creamy嘅蠔，最後叫咗兩打生蠔，有Irish Premium、White Pearl、Taylor Pacific同Arousa。侍應非常細心，上生蠔嘅時候仲好細心指導我哋品嚐嘅先後次序👍🏻生蠔隻隻都新鮮肥美，驟眼睇真係好難分，但食落就知道真係有分別。Taylor Pacific甜度最高，亦係最爽口；White Pearl海水味淡，蠔味適中，肉質又爽又滑；Arousa嘅肉質都係偏向爽身，蠔味係四款之中最重；而我最鍾意嘅係Irish Premium，佢嘅蠔味同海水味較淡，入口帶有少少甘甜味，非常爽口😋我哋揀咗5成熟，色澤粉嫩，肉質軟稔而且肉味都