Orange Elephant Thai Restaurant (博文街) (已搬遷) 新店位置

咁嘅時勢，加上政府嘅新規例，餐廳都好謹慎！所以入到餐廳，先要探熱同埋消毒雙手，之後先坐低點嘢食，而且坐得好疏落。呢間餐廳每日有一蚊嘅優惠，今晚係炸蝦餅！$1就有一碟炸蝦餅，非常抵食！炸蝦餅仲要係新鮮熱辣啱啱炸起，蝦肉又爽口彈牙，好好食！另外我哋仲要左泰式滷水豬髀焗粉絲煲，重口味，豬手好淋好人味，送飯一流！食泰國嘢我哋好鍾意叫金邊粉，今晚就要左個蛋網海鮮金邊粉！賣相好好，海鮮嘅配料份量都唔少！飲埋杯青檸可樂，飽飽的

是日突然想食泰國野，即刻搵下有冇地道既泰國野食先。搵到呢間係奧運站旁既泰國餐廳，入面既店員侍應全部都係泰國人，夠哂地道啦！由於我地早到，冇乜客人，環境舒適，坐得舒服。望望餐牌先，價錢中等符合預期。芒果冰特飲＆特選椰青。芒果冰大大杯，濃郁既芒果味加上沙冰，啖啖爽快清涼。椰青原隻上，Size都好大下，清甜解渴。每週一蚊系列：酸辣去骨鳳爪沙律。加一蚊雞就可以食！不過由於我本人唔喜好，就交哂比朋友食。佢話都幾辣下，但個味道好好，鳳爪又去哂骨，啖啖肉，好食！焗大蝦粉絲煲。好大份，兩隻大蝦開邊，肉質上乘鮮味十足；粉絲似係炒過黎，食落有D似雞煲咁，有少少辣，帶出香味，正！泰式拼盤。每樣有兩件，兩個人食都幾飽下。蝦餅好爽口，口感係彈牙既，又保留到肉汁；春卷入面係泰式傳統既粉絲，外皮脆到有聲；魚餅加入左少少莞茜之類既野，岩哂本人；香葉包雞係MVP，個肉睇落冇咩特別，但原來係好嫩口，加埋個調味真係做得好好，值得一試！今餐係完美地完成地道泰國菜既目標，仲要大大份唔菇寒。PS: 呢排武漢肺炎咁勁，餐廳仲有外賣自取8折，咁就唔驚中招啦！

朋友想食泰國菜，好耐無見就下佢近近地，去左佢住所附近大角咀泰國菜餐廳開飯。餐廳環境光鮮，食客唔多隔枱坐，餐筷備有滾水沖洗，小店注重衛生可安心食。我地去到先知餐廳原來有一蚊雞優惠，侍應提點可點當日指定優惠美食，好抵食。黃咖喱雞(優惠價) $1咖喱香而不辣有椰香味，醬汁較稀身不油膩撈白飯正，雞肉嫩口，仲有薯仔、紅蘿蔔、洋蔥等配料都幾好味。雜錦串燒半打 $83雞豬各三，串燒肉嫩有肉汁好易撕開，面層有黑胡椒碎食落好惹味，蘸埋沙嗲醬花生味好香好有風味。椰青焗海鮮飯 $104原個椰青窒塞滿大堆飯份量唔少，椰漿滿瀉望見流晒口水，飯粒粒分明而且食落啖啖椰青水清香，蝦肉彈牙，魷魚鬚軟身易嚼，仲有椰肉絲、腰果、三色豆等，好多配料食落口感豐富。泰式明爐烏頭魚 $169肥美的烏頭魚以泰式酸梅湯浸煮，湯底清魚肉質嫩，酸酸地幾開胃，明火熱住下魚肉酸甜好入味無泥味，大量香蔥、秀珍菇、椰菜、肉碎好多配料食。椰汁珍多冰 $28 泰菜特式飲品當然要飲番杯，椰汁清甜可口，仲有軟滑的綠豆粉條、阿答子、大樹菠蘿口感豐富，有得飲有得食。菠蘿冰$28新鮮菠蘿製沙冰口感細膩，味道清甜飲落有幾分涼意，爽呀。

🤣🤣又食喇🤣🤣又食喇🤣🤣性價比太高 忍唔住再食多次今次要試另一個一蚊菜式！$1蚊飛天通菜正呀！大大碟又夠味！因為太好食一上堂就食咗完全唔記得咗影相😭😖😖😖😖😖繼續喺好地道既泰國侍應姐姐🥰🥰🥰再次encore菠蘿海鮮炒飯都係大大個菠蘿入邊裝住好多海鮮餡料有蝦有魷魚有魚肉又有青口仲有三色豆 提子乾同菠蘿面頭仲有肉鬆同腰果😋😋😋口感豐富椰青又真係必定item大大個 又青甜 又多果肉

大角咀小店林立，經過餐廳被$1優惠菜吸引，等了10分鐘，終於有枱入坐。粉絲煲上枱熱辣辣，香氣誘人。豬脾炆得軟腍入味，粉絲沾滿了醬汁，醒胃又惹味。整個菠蘿都是滿滿的，材料有菠蘿、海鮮外還有肉鬆、腰果、提子乾、粟米、青豆等配菜十分豐富。炒飯夠乾身，菠蘿跟飯同吃，口感清新，香甜美味。餐廳每天都有一款優惠菜式，今日是明爐烏頭，$1 蚊就有咁大條魚及大量配菜，認真抵！烏頭肉質冇泥味，湯汁味道較酸，泰式香料味重，十分開胃，略嫌等候時間較長。棷汁香幼，棷子味出，份量大杯。推介芒果沙水，好似食緊新鮮芒果咁！質地濃稠，芒果濃郁香甜，味道天然，正～

真係好耐冇食過泰國菜，所以今次決定再encore大角咀既橙象，因為佢每日都會有唔同嘅一蚊菜式優惠，非常抵食！我哋大概7:00嚟到，餐廳已經差唔多坐滿，好彩早少少到，否則就開始要等位啦今日係星期一，所以一蚊嘅菜式係泰式炸蝦餅，總共有三件，口感彈牙，新鮮熱辣脆卜卜泰式明爐煮烏頭如果星期三嚟食只係一蚊咋，好可惜今日係星期一，條烏頭好大條，肉質嫩滑，完全唔腥，配埋甜酸湯汁，帶少少辣味，幾好食咖哩海鮮麵包盅裏面有青口，蝦仁，魷魚等等嘅配菜，咖喱汁有好香嘅椰汁味，仲加入左雞蛋落去煮，非常好食，一定要叫呢一個特式芒果沙冰真材實料，唔係用芒果味糖槳，所以感覺好似食緊新鮮芒果咁，另一個好處係佢唔會好易溶，所以杯沙冰好似飲極都飲唔完咁，好抵飲！今次第二次嚟到keep住水準，絕對會再嚟第三次

今日經過大角咀，見到油站轉角有間幾光猛嘅泰國菜，都好似幾光猛開陽，門口仲貼左Openrice 九龍城區2018最佳餐廳，所以唔使諗即刻入去試吓！入到去服務員幾有禮貌，二話不說放低滾水浸住碗筷，即刻感覺衛生安心，讚讚讚！睇個餐牌，有好多選擇！好多款都好想食，最後我哋商量好，揀咗泰式明爐烏頭、鐵板蠔仔蛋、雞肉生菜包加杯熱紅棗茶💜泰式明爐烏頭最近做緊優惠竟然係一蚊換購！出面食起碼$200一條！唔怪之得台台都叫一條啦！明爐烏頭肉質鮮甜唔腥，配埋滾熱左嘅酸菜湯，味道唔會太搶，做得好好！雞肉生菜包竟然有得揀豬肉、牛肉或雞肉，最後試試新款式揀左雞肉。講真第一次食雞肉生菜包，都會驚唔夾或肉鞋，點知雞肉整得好好，偏辣，好刺激，食落同平時食開嘅豬肉生菜包差唔多，感覺健康啲冇油，生菜亦好新鮮，係健康之選！成餐飯最驚喜嘅菜式係鐵板蠔仔蛋，一上菜就好有風味出晒煙，炒蛋易炒得好出色，軟綿綿嘅蛋包住新鮮嘅蠔仔，鐵板下襯托芽菜吸油，好有鑊氣，點辣醬一流，食不停！食完三道菜已經飽咗八成，因為條魚真係好大條！最後埋單兩位都只係$260！實在係性價比極高，住附近或者喺附近工作嘅朋友可以一試！

行完奧海城, 拎OP出黎SEARCH下食咩好, 無意中見到呢間泰菜, 一於就去食下~~入到餐廳環境乾淨, 入面都有唔少人.....泰式海鮮炒飯有青口、蝦、魷魚....海鮮款都多.嗰炒飯夠晒足料..味道都幾唔錯..非常惹味....都幾推介大家試炭燒豬頸肉燒得好juicy而且每一塊豬頸肉嘅厚度都好適合.....配埋秘制辣汁, 簡直令我一試愛上...每次食泰菜都必點$1炸蝦餅炸得超脆.....炸完食落口有濃濃蝦味....感覺新鮮椰青好醒胃...清新香甜的味道非常解渴...仲可以食埋D果肉!!!

作為一名健身教練, 食泰菜唔會厭學生話大角咀有間泰菜每日有一款一蚊菜式, 聽完以為係勁細碟小食個D, 上網一LOOK睇到唔係wo, 又烏頭又蝦餅咁, 1蚊真係好吸引, 今日星期一係蝦餅, 上完堂就過去食!餐廳又幾大D位又幾闊落WO, 坐得舒服~ STAFF目測全部泰國人, 感覺更地道。泰式炸蝦餅 $73炸蝦餅好厚身又大件, 雖然厚但咬落彈牙唔會感覺好多粉, 外層香脆, 難以置信佢係1蚊, 一D都冇偷工減料! 咖哩海鮮脆包盅 $148 黃咖哩加椰汁, 唔算辣反而因為椰汁味而好香甜~ 入面有青口, 蝦, 魷魚同埋魚柳, 但係重點係個包! 外層有少少脆趁熱切開佢泥點咖哩汁, 索哂D汁超正!冬陰功湯底明爐烏頭魚 (辣) $169條烏頭本身幾靚, 肉甜唔會梅, 冬陰功湯底有大量菇, 一路滾住D菇同魚都索左冬陰功湯, 仲會比多一碗湯等佢煲到咁上下乾就可以加湯, 非常好! 食完魚時又可以飲到冬陰功湯!熱泰式奶茶 $26唔飲甜所以冇加糖,茶底香濃同我係泰國飲既幾乎一樣, 好好飲!芒果冰特飲$36學生話芒果味幾重, 唔會藥水同假甜, 表示欣賞咁話~莫講話其他野好食, 淨係個1蚊蝦餅都足以令我回頭!

係附近做運動, 成日都係呢頭覓食，有次偶爾經過見到原來每晚有唔同$1 菜式，實在太抵搵日約埋fd 上完堂黎試$1菜式最抵一定係星期三晚烏頭, 搵日上完堂就約埋fd 一齊試下最後除左$1魚仲order 左個焗椰青飯同咖哩海鮮脆包焗飯應該有落椰漿一齊焗. 上面再灑左脆椰絲，所以每啖飯都帶有椰香，唔錯。海鮮有蝦，魚塊等，主要係面，不過食食下會有d 膩同濟，岩多d 人share$1 烏頭好大條啖啖肉，落左d 酸菜一齊煮. 除左魚肉，下面魚湯咁酸酸甜甜畢左幾啖飲. $1超值咖啡焗包剛上菜邊位無醬包仲係脆，不過好快變腍. 但個咖哩幾香，呢碟海鮮較多，有青口蝦等，幾惹味好食另外叫左杯芒果沙冰同椰青, 前者飲得出熟芒果打成，好清甜帶芒香. 後者實無得輸，清爽椰汁水，仲可以刮椰肉食

大角咀奧運站附近越來越多餐廳，今次去食泰國菜 🧡橙象 Orange Elephant Thai Restaurant 環境舒適，面積都幾大，座位闊落，價錢親民，極多菜式選擇，仲要每日有優惠價$1換購指定食品，最抵食係星期三，有明爐烏頭魚我去嗰日係$1 黃咖喱雞，唔會太辣，重椰汁味，撈飯或薄餅一流！蒜蓉炒椰菜苗脆綠爽脆，重蒜蓉，正！香料燒焗鯽魚 魚肉又滑又嫩，唔柴唔木，點埋秘製醬汁超級好食同開胃泰式凍奶茶&齋啡 都沖得好地道 📍大角咀博文街42號@orangeelephanthk

呢晚心血來潮想食泰國菜，經過呢間Orange Elephant ，見到星期一至日都各有一款指定 $1既菜式，好抵，就同男友入去試下。是晚$1菜式係酸辣去骨鳳爪，原價$72，而家$1亦無將貨就價，份量十足。鳳爪調味剛好，酸辣各取平衡，非常開胃，加上無骨，啖啖肉特別滿足。黃咖喱牛腩煲($86)牛腩炆得好腍，咖喱唔辣，反而香味較濃，薯仔吸滿濃濃咖哩汁， 滋味無窮。椰青焗海鮮飯($104)賣相吸引，一上枱已經聞到好濃郁嘅椰香，海鮮有青口、大蝦，不過海鮮飯海鮮唔多，食到底主要係椰青肉、腰果同提子乾，味道略嫌單調。椰漿亦較少，焗飯唔夠濕潤。椰青($42)椰青好多汁，味道清甜解渴。芒果沙冰($36)芒果沙冰好細滑，味道天然唔人工，清新之選。

住大角嘴的同事介紹這間"Orange Elephant Thai"橙象，最近有每日$1優惠價，十分抵食，而且有質素，咁我當然要去試下，於港鐵奧運站行過去都好近，十分方便。餐廳簡潔木系設計，座位寬敞十分舒適。看看宣傳餐牌，每日$1優惠價，星期一至日每天不同款式，優惠只限晚市六點後，只限堂食，需惠顧主餐牌內的一個項目，每枱只限使用一次。椰汁珍多冰 $28特選椰青 $42黃咖哩雞 $1今日是黃咖哩雞的優惠，想食咖喱正合胃口，咖哩濃稠度剛好，椰香味濃，雞肉嫩滑掛汁，下飯一流。泰式明爐烏頭魚 $169泰式招牌明爐烏頭魚，每次到泰國餐廳都必點，賣相一流，魚夠大條肥美，明爐鍋上熱辣辣，另外還付上一碗湯汁和醬汁，魚肉嫩滑，蘸上醬汁食用更美味。椰青焗海鮮飯 $104製作需時約十五分鐘，整個椰子上，海鮮飯中有蝦、另有腰果、鮮椰肉、提子干等加強口感，椰汁蘸在表面，整體配搭特別。下次再試其他菜式先。

橙象係我一直都好喜歡嘅泰國菜餐廳！好開心舊居同而家新居都總有一間係屋企附近！🥳🥳🥳泰式海南雞（半隻）HK$118呢度嘅海南雞都出名肉質超滑！基本上每次嚟都會點的！焗大蝦粉絲煲(2隻) HK$159作為一個蝦控，絕對要試呢個大蝦粉絲煲，煲內有兩隻都幾大嘅開邊蝦，肉質夠爽口彈牙，而粉絲又吸晒個汁嘅味道，令我食到停唔到口！泰式明爐烏頭魚HK$1 (星期三嘅$1菜）就係為咗呢個HK$1菜明爐烏頭魚先揀星期三嚟幫襯！真心抵到爛呀！原價要HK$169先食到，今日只要任何惠顧就可以用HK$1已經食到啦！仲要冇偷工減料的！就係咁令我經常嚟開飯！椰青HK$42個食泰菜飲椰青係最高嘅享受！椰青夠清甜，比任何飲品都解渴！夏天飲就更加正！附上大角咀分店HK$1菜單星期一$1炸蝦餅星期二$1鳳爪沙律星期三$1明爐烏頭星期四$1黃咖喱雞星期五$1飛天通菜星期六$1細支裝啤酒星期日$1香茅炸豬扒

知道橙象而家推出優惠，可以一蚊換購當日推出嘅主菜一款，而我check過大角咀分店今日星期三喺換購明爐烏頭魚，因為鍾意食魚嘅關係，所以專程去試，今次仲叫咗咖哩海鮮脆包盅，焗大蝦粉絲煲，先講泰式明爐烏頭魚，真係好有水準，上面鋪滿泰式香料同埋香草，底部浸住啲酸酸甜甜嘅上湯，條魚亦都好新鮮，魚油流曬出嚟 ，咖哩海鮮脆包啲咖哩完全唔辣而且有少少甜，點包食係食到停唔到口，入面嘅海鮮種類都好多，有魚蛋，魚塊，魷魚，青口，蝦等等。另外大蝦粉絲煲入面啲粉絲超入味 同埋啲粉絲超爽一啲都唔林，有咬口，大蝦就開邊亦都好有蝦嘅鮮味。另外，飲品我哋叫咗椰青同埋芒果沙冰，兩杯飲品都好fresh，椰青飲得出新鮮運到， 沙冰飲得出係新鮮芒果打出嚟，而且芒果嘅比例亦都比較多，又係食得好滿足嘅一夜。