Orange Elephant Thai Restaurant (博文街) (已搬遷) 新店位置

上星期去咗呢間泰國菜，做緊好多$1菜式，日日唔同，有明爐烏頭、黃咖喱雞、炸蝦餅等，都幾正，我哋嗰日就食咗明爐烏頭🐟。▫️ 🔸明爐烏頭 大角咀店星期三$1Steamed Mullet on Stove Tray 好鍾意食魚，$1食到明爐烏頭真係超抵超開心☺落單後冇幾耐就上咗呢碟，條魚🐟都幾鮮甜，湯汁清甜少少酸，有檸檬再酸啲就更好。 ▫️ 🔹泰式拼盤 Thai Snack Platter $145幾抵，有蝦餅、魚餅、春卷同香葉包雞各兩件。最好食係蝦餅同魚餅，炸得唔乾身，入面有啲juicy咁🤣唔點汁都好好食（我唔點汁）😆我覺得好食過唔少泰式餐廳✨春卷OK，少少油，香葉包雞普通，雞肉唔嚡。▫️ 🔸原個菠蘿海鮮焗飯 $104Pineapple Fried Rice份量算多，海鮮有青口、蝦、魷魚等等，好多菠蘿粒🍍唔錯👍🏻▫️ 🔹特選椰青 Selected Young Coconut $42朋友話好甜，完全唔酸，仲好多果肉🥥！▫️🔸珍多冰 $28Iced Jandor with Coc

成日一話食泰國嘢就會諗起去九龍城🧐但前排見到每日都有唔同嘅$1菜式優惠，又有炸豬扒又有烏頭魚等等，勁吸引！仲要有三間唔同嘅分店，所以就去咗大角咀分店試吓先！當日服務我哋嘅員工都係泰國人，有一種好正宗嘅感覺之餘，佢哋嘅服務態度非常之好！.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.8/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.8/10服務 𝐬𝐞𝐫𝐯𝐢𝐜𝐞 8.5/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.8/10回頭率 𝐫𝐞𝐯𝐢𝐬𝐢𝐭 8/10🌟食物種類選擇多 • 性價比高✨.《椰青焗海鮮飯》$104🌟7.8/10🌟𝘽𝙖𝙠𝙚𝙙 𝙎𝙚𝙖𝙛𝙤𝙤𝙙 𝙍𝙞𝙘𝙚 𝙞𝙣 𝙔𝙤𝙪𝙣𝙜 𝘾𝙤𝙘𝙤𝙣𝙪𝙩即叫即焗，原個椰青上，打卡一流😻嚟到嘅時候已經聞到好香椰奶香味，海鮮嘅種類亦都好豐富，有齊晒八爪魚、大蝦、青口等等..粒粒分明嘅米飯再加埋椰肉一齊食，食落口感層次超滿足～成日食菠蘿炒飯嘅大家，不妨試吓呢一個椰青焗飯！.《香料燒焗側魚》$162🌟8.2/10🌟𝙂𝙧𝙞𝙡𝙡𝙚𝙙 𝘾𝙧𝙪𝙘𝙞𝙖𝙣 𝙬𝙞𝙩𝙝 𝙏𝙝𝙖𝙞 𝙎𝙖𝙪𝙘𝙚男朋友一見到焗側魚就話一定一定要叫，佢話呢啲係屋企自己整好麻煩好難

今次同朋友試下呢個泰國餐廳-橙象，首先間餐廳啲坐位幾闊絡，唔會話痴埋隔離枱坐到密側側，所以坐耐少少傾下計都好舒服。佢地仲有啲菜式有特別優惠，$1就食得，我地就點左$1嘅飛天通菜，另外再叫左一個燒牛肋骨同椰青海鮮焗飯。上菜都幾快，唔係等左好耐啲餸就一個個到齊。通菜係炒嘅，正正常常啦，加左啲辣椒咁，我覺得其實唔算太辣，食到譚仔十小都食到，但我朋友就覺得有啲辣。椰青海鮮焗飯好香椰子味，入口食完口腔內仲充斥住淡淡椰香，好少地方可以試到，同埋海鮮都好足料，讚👍最出色係個燒牛肋骨，估唔到牛仲平過其他菜色，但一碟有成6-8塊，份量都幾夠，而且燒得好惹味，係我成晚最鐘意嘅菜色。另外點左個椰青啲水滿到爆，好抵飲。同埋都可以讚一讚個廁所，一般香港餐廳嘅廁所都唔期望佢有幾好環境，但呢間竟然KEEP得幾乾淨，女仔黎用都唔會太狼狽，帶女朋友黎食飯又少樣野俾人投訴。

上次帶仔仔上堂已經路過呢間泰國菜仔仔已經話想食，今次落堂就帶佢來食了，我仲特登選星期三的，因為佢地每日的1蚊特價菜式都唔同，星期三就係我最鍾意的泰式明爐烏頭呀！今次為左1蚊烏頭而來，果然冇令我失望， 個湯汁唔會辣，岩哂我仔仔都食得，而我就喜愛點一點佢的辣汁再食，令到魚肉鮮味更加提升。我鍾意食粉絲，所以叫左個焗大蝦粉絲煲， 入面有兩隻大蝦，而粉絲用上大量香葉八角材料炒，所以食落好濃香葉味。而仔仔不嬲都愛吃咖哩，今次就叫左咖哩海鮮脆包盅， 個咖哩送到來侍應提我們快d 食包 如果啦係就唔脆了，果然即點汁來食好脆，過左一會麵包吸哂d 咖哩汁淋哂了，不過佢入面d 海鮮都唔錯，有青口，蝦，魷魚和魚柳。呢到的咖哩係甜甜地的，所以好岩我仔仔食。飲品方面仔仔選擇左椰青，因為飲完可以食入面d 椰肉，而我就叫返杯係泰國菜必飲的芒果沙冰啦，冇呢杯點似食緊泰國菜呀！

依間泰菜係大角咀開左分店，位置比較近奧運站，行過去大概五分鐘！個日去到見到舖頭做緊每日$1優惠價，星期一至日都有$1一個餸，星期三嘅泰式明爐烏頭魚係最抵食，本身要$169嫁，而我地星期五就用$1叫左一碟飛天通菜😍**********<咖哩海鮮脆包盅> $148平時見到咖哩農夫包都覺得好吸引，不過少人食嘅話就會有啲滯！依度用左泰式黃咖哩煮雜錦海鮮，個咖哩都幾出色，好香椰奶味，同埋因為加左蛋個汁就會變得濃稠，用麵包沾黎食真係一流！另外海鮮嘅分量都有好多，啲青口好大隻勁厚肉😍**********<蛋網海鮮金邊粉> $88個金邊粉唔單只個賣相掂，連味道都值得推介！好鍾意泰式金邊粉個味酸酸甜甜，依度嘅調味適中，而且炒得唔會好乾又唔會濕淰淰！同樣地入面嘅海鮮都好足料，加埋花生碎食真係無得彈🤩**********<飛天通菜> $1相信食泰國菜好多時都會叫碟飛天通菜，依度嘅通菜好翠綠，睇落夠新鮮！味道方面就唔算特別突出，同平時食開嘅差唔多😌

今日臨收工前幫公司去大角咀嘅銀行整啲嘢，整完男友過黎join我食晚飯，我哋不約而同都好想食久違了既泰國菜，竟然俾我哋搵到呢間超超超抵食！😁 話說呢間餐廳星期一至日都有唔同嘅一蚊菜式，由原價二十幾至百幾都有😮 今日星期二係酸辣泰式無骨鳳爪👏我地兩個人叫左個鹹肉椰菜苗，蛋網海鮮金邊粉，一蚊泰式鳳爪，一個椰青同埋一杯熱青檸蜜～鹹肉椰菜苗有鑊氣好惹味但唔會太油膩👍 啲鹹肉好香，應該炸過黎，有啲似細舊版燒肉，不過真係幾鹹😅 如果送飯應該唔錯，椰菜苗嫰口無渣👍蛋網海鮮金邊粉賣相精美，揭開個蛋網份量都幾多😮 海鮮有魷魚，大蝦，魚等等，金邊粉酸酸甜甜好開胃好適合呢幾日悶熱天氣食👍男友話個鳳爪都幾辣，不過真係好抵食😂😂椰青超大個！好清甜多椰肉👏店員好似都有啲泰國口音，感覺幾正宗，服務唔錯，仲超抵食👍👍👍👍

收工OT完後喺公司附近覓食，就一於試試一直都想試下嘅泰菜餐廳橙象🐘。見到大部分店員都係泰國人，就知道有幾正宗啦～店員仲推介我地試下$1優惠菜式，而當日嘅$1換購菜式就係咖喱雞🍛 我地一共叫左一份前菜拼盤、主菜、$1換購菜式同兩杯飲品。-泰式拼盤見到啲前菜全部都好吸引😍 所以就叫咗拼盤試試 拼盤包括有兩件春卷、蝦餅、魚餅同香葉包雞 其實份量都幾多 兩個人食就啱晒啦～每樣都可以食到一件-炭燒牛肋骨半肥瘦嘅牛肋骨燒得勁香口 配埋酸酸辣辣嘅醬汁十分惹味🌶 但對桃子來講d肉有少少肥 整體味道不錯-黃咖喱雞黃咖喱都幾大碗 估唔到裏面啲雞肉同配料份量都幾多 好有誠意 配埋飯食就最啱啦-椰青大大個椰青清甜解渴 配埋熱辣辣嘅泰菜一齊食真係好夾 解辣又開胃🤤見到幾乎每臺都有點，就知道幾受歡迎啦-芒果冰特飲芒果味濃郁🥭 份量都幾多幾大杯 味道唔會過甜 剛剛好呀

今日去大角咀搵朋友然後就來到Orange Elephant，朋友話呢個唔錯，佢間中都會同同事收工過黎食，因為日日都有唔同既1蚊加購食物。入到鋪頭，眼見職員都似泰國人，同埋好有禮貌。我地兩個女仔就叫左一個併盤，一個金邊粉，再加$1黃咖哩雞，再加份薄餅。先送上枱係1蚊雞黃咖哩雞，份量都唔錯，雖然係$1，但入面d雞肉都唔小，而且雞肉都好嫩。黃咖哩係唔辣的，好香好椰味，配薄餅食一流。兩個大大個椰青$42，椰汁勁滿又多肉，夏日熱辣辣就最啱飲。泰式併盤 原來都幾大份$145入面有蝦餅，春卷，魚餅，香葉包雞通常食泰國野，我一定會叫春卷。呢個春卷好脆唔油膩，而入面我食唔出有咩野，但同以往食既料有少許不一樣，好似有小小特別，食多2條都唔介意。呢個香葉包雞我應該係第一次食，一打開佢已經幫你切開一半，其實個味幾香有香葉味，但個人覺得有小許乾身，影響左個口感。之後送上蛋網海鮮金邊粉$88金邊粉食得多，蛋網我就無試過，個賣相好吸引👍入面除左有大大隻蝦，仲有其他海鮮如青口，魚柳，魷魚。酸酸甜甜既金邊粉，好惹味又開胃，泰式金邊粉果然無死👍

琴晚又同朋友去大角嘴食飯, 搵到呢間星期一至日都有唔同款嘅$1菜式嘅泰國餐廳🥳. 泰式明爐烏頭魚🐟 . $1 (原價$169)呢個就係星期三嘅一蚊菜好抵呀🤣賣相幾靚條魚都幾大條, 有個爐座住熱所以黎到仲會滾😙點埋個泰式醬汁酸酸地幾好食😋. 原個菠蘿海鮮焗飯🍍. $104呢個係泰國菜其中必食嘅飯😇好大份好足料👍🏻👍🏻d菠蘿好甜☺️上面仲有腰果, 肉鬆, 提子乾🤓入面有蝦, 魷魚同蠔仔呢d送飯👻個飯整得幾好粒粒分明又唔會太油或太乾恰到好處😆. 香蒜軟殼蟹🦀 . $92炸得好脆好香, 又勁多蒜正! 正常發揮😌咬落去吱哂d汁係有d邪惡😈不過好食👻. 椰青🥥 . $42呢個比想像中好好飲🤩椰青水好多而且d椰肉好滑好淋好易就筆到出黎食😋超讚😍6點幾去到唔洗等位, 7點幾就好多人等位啦!想食早d去呀😋 btw 九龍城同北角都有分店呀😆推介: 🌟🌟🌟🌟(最高5星)

Orange Elephant聽好多人話好食，上年已經好想試，但係每次去到九龍城食泰國菜，都比人影響揀咗其他再平啲嘅餐廳食🤑而錯過左自己真正想食嘅，今次終於了咗心願，仲留意到有$1優惠添！星期三一蚊優惠✨係泰式明爐烏頭魚（原價169。除咗要讚加熱保溫，汁底酸甜甜嘅，好好味之外，都要讚埋整條魚既功架。雖然用緊一蚊優惠，但都唔馬虎，起碼魚肉連皮仲未滾爛晒散晒，魚骨又唔多，相信即使唔係開魚都唔會抗拒，十分推薦！椰青焗海鮮飯$104。椰青焗飯寶物比相有驚喜，份量黎講，飯同配料都好足料，兩個人食一啲都唔少。除咗雜錦海鮮，仲食到腰果椰肉提子乾，感覺幾fresh，一啲都唔乾。咖喱海鮮脆包盅$148。本身係諗住夜青焗飯唔夠味，可以點咖喱汁，原來原汁原味都已經完美，都可以唔使。 似食緊咖喱海鮮農夫包，唔同嘅係呢個包好食啲，仲有兩隻扮耳仔嘅青口🤣咖喱如果辣啲就唔會再香啲。珍多冰$28，頂有芒果 ，酸甜開胃。珍多煙韌，軟硬爽滑清甜。 椰青$42

旺角係我覓食好地方，今日同朋友行遠少少去到大角咀呢邊搵野食，揀左呢間食泰菜餐廳非常近奧海城，岩晒我地瘋狂shopping之後再填飽個肚！餐廳報置得幾舒服，寬敞明亮坐位間有適當距離，坐得舒服，傾得開心👍🏻餐牌選擇都幾大，睇到我地心大心細食泰國菜我一定叫椰汁雞湯，整得好食一啲都唔易！椰香要夠濃郁 香草又要夠香🤤🤤🤤呢到既椰汁雞湯我必點😍叫左二人份都大大碗，湯頭非常濃郁香滑入口係滿滿既椰汁香味，夾雜住濃濃既香矛、羅勒等既香料🥥🥥🥥味道咸香得黎酸度剛好，非常開胃惹口👍🏻湯底好飲之外個湯仲勁足料！一畢起係非常之多既配料，有蕃茄仔、秀珍菇、雞肉等等啲料多到嚇親我地，飲晒食晒呢個椰汁雞湯都半飽雞肉份量實係唔惹少，食落都幾滑最重要係令到個湯增添左雞肉既鮮味，令成個湯更上一層樓👍🏻👍🏻👍🏻主菜我地叫左椰青焗海鮮飯🦑🦐🐟又係一上枱份量大到嚇親我啲飯疊到勁滿，淋上滿滿既椰子，令人食指大動🤗焗飯用左類似糯米飯，非常煙韌，食落有微微椰香既甜味頂頭既腰果同椰子脆絲令個飯多左啲口感🥥🥥配埋濃郁既椰漿，甜咸甜咸既味我好好食！炒飯另外仲有提子、粟米、雜菜等配料，令到成個飯唔會太單調😍而且成個飯仲有幾多海鮮係入面有魷魚、

我真係好鐘意食泰國🇹🇭餐，直頭係每年都要去一次泰國🇹🇭食下泰菜先得，但今年應該去唔到，但因全球疫情嚴重，出國重危險⚠️，所以唯有留港消費，今次我就約左我阿媽來去大角咀食下#橙象泰菜，自從有次在九龍城食過呢間　#橙象 就令我深深愛上變左我嘅飯堂，最正係佢果$1 餸星期一 泰式炸蝦🍤餅星期二 酸辣去骨鳳爪星期三 泰式明爐烏頭魚星期四 黃咖哩雞星期五 飛天通菜星期六 各式細支裝啤酒星期日 泰式香芧炸豬扒我就最叫左果泰式明爐烏頭魚及泰式拼盤再加$1換黃叻咖哩雞，再叫左果椰青及青檸梳打泰式明爐鳥頭魚$169魚夠新鮮再加上有好多香料如香芹、肉碎、秀真菇、羅望子令到果湯汁酸酸地好開胃。黃咖哩雞$1有水準，好香咖哩味，太好餸飯搞到我要叫左2碗白飯。泰式拼盤$145魚餅食落都幾彈牙及好香紅咖哩味，重有加左檸檬葉及紅咖哩，食落口好香檸檬葉及咖哩味，蝦餅彈牙有蝦味，外皮炸得脆口，春卷內裡加左粉絲有啲似越南春卷。

話說前幾日碌碌下某社交平台，見到橙象推出左一蚊優惠，每個星期有指定一款菜式$1，啱曬最近糧尾嘅我去食🤣🤣-泰式明爐烏頭 $1雖然只係$1就食到，但一d都唔馬虎！🙈魚肉質地緊實，好新鮮，個湯酸酸地仲有d香料味，好開胃👍🏻👍🏻-泰皇咖喱炒大蝦 $182個汁好正，香椰汁味之餘，仲用蛋白打左欠，撈飯一流🤩d蝦係開邊，索曬d咖哩汁，好惹味🌟-原個菠蘿海鮮焗飯 $104好大份，d飯炒得夠乾，面頭有肉鬆同腰果，裡面有菠蘿粒酸酸甜甜😍而且好足料，有幾隻蝦、青口、魷魚同魚柳等。

我好鍾意食thai food! 之前就發現呢間餐廳勁抵食每一日都有個$1 菜式選擇我揀星期三去 $1優惠就係泰式明爐烏頭魚 原價要$ 168 架!!!勁抵!!!!仲要好足料 烏頭好大條魚肉吸收左D泰式湯汁 好味!!咖哩海鮮脆包盅 $148咖哩好多好香 可以話係唔辣 整體好大份!!!好飽肚!!!焗大蝦粉絲煲$159有兩大隻蝦 肥美粉絲好入味當然 點少得 芒果糯米飯 $62芒果超級清甜!! 糯米飯好有咬口!!好特別既係 佢用紫米 包住D白糯米~正!!

住大角嘴的同事介紹這間"Orange Elephant Thai"橙象，最近有每日$1優惠價，十分抵食，而且有質素，咁我當然要去試下，於港鐵奧運站行過去都好近，十分方便。餐廳簡潔木系設計，座位寬敞十分舒適。看看宣傳餐牌，每日$1優惠價，星期一至日每天不同款式，優惠只限晚市六點後，只限堂食，需惠顧主餐牌內的一個項目，每枱只限使用一次。會首先探熱和消毒，進店後會遞上滾水供食客自行清洗餐具。《泰式明爐烏頭魚 $1》（星期三優惠）泰式招牌明爐烏頭魚，每次到泰國餐廳都必點，賣相一流，魚夠大條肥美，明爐鍋上熱辣辣，另外還付上一碗湯汁和醬汁，魚肉嫩滑，蘸上醬汁食用更美味。《黃咖哩牛腩煲 $86》今日想食咖喱正合胃口，咖哩濃稠度剛好，椰香味濃，牛腩嫩腍掛汁，下飯一流。牛腩的軟硬度不一，有些很稔嫩，但有些就比較有嚼感。薯仔炆的入味，黃咖哩味道帶甜又微辣，拌飯一流。《蛋網海鮮金邊粉 $88》漲卜卜的蛋網海鮮金邊粉 。蛋網下有炒得均勻惹味又多料的金邊粉，拌勻花生碎各配料，再加鮮青檸汁實在提味又有口感。《泰式凍咖啡 $26》好喜歡泰啡的獨特味道，甜甜之中有香滑咖啡味。《特選椰青 $42》好大個，飲完再食埋椰肉