OUC……

營業中

休息中

今日訂咗呢間《OUC….》嘅浪漫西餐廳，店舖裝修以格調為主，環境優雅又寧靜，加上食物質素有保證👍🏻，所以比較多情侶💑到店！🦪日本/法國生蠔～＄328先點半打慢慢品嚐😌！果然，新鮮肥美！店內另一特色，就是有一個酒櫃牆🍷🥂🥃🍶🍸想暢談一晚👍🏻一定有一支合你心意🥰！🦀黃金軟殼蟹天使麵～＄138軟殼蟹皮薄外脆內軟帶微辣， 炸得好香口，口感亦好鬆化，麵底吸收哂蛋黃醬汁，加埋蟹子，層次提升不少！🐷瑞士汁豬仔骨 ＄198一睇就知惹味，豬仔骨面層沾滿醬汁，內裏肉質軟熟，配上熱辣辣嘅薯條和黑醋田園沙律又開胃，超滿足😊😊！

週年紀念👩‍❤️‍👨，想找一間人流唔多又浪漫嘅西餐廳食返餐🥰！就決定咗呢間位於大角咀《 OUC….》店內環境配上💕韻味燈飾好有格調，加上最吸引係個🍷酒櫃，擺放著紅酒，白酒，威士忌等等．．．實有一款啱自己👍🏻👍🏻！而食物方面，呢個～瑞士汁豬仔骨 ，賣相一流👍🏻肉質鬆軟又入味，🐷醬汁掛汁一流，一份大約可以切開五條肋骨，足夠二人食用😋再配埋即點即炸薯條🍟和新鮮雜菜沙律🥗！不錯！喺呢個環境🥰當然要點啲生蠔🦪試試，今日食既係日本同法國生蠔，日本比較Creamy和甜美，而家法國就海水味濃！人均消費： ＄290地點：大角咀富貴街14號地舖

連埋甜品總共有5度菜：1. 前菜 - 新鮮生蠔杯血腥瑪麗特飲2. 沙律 - 鵪鶉蛋沙律3. 湯 - 栗子忌廉湯4. 主菜 - 烤焗原隻春雞 900克5. 甜品 - 紅絲絨紙杯蛋糕配白脫牛奶忌廉聖誕樹，紅蘿蔔蛋糕配香草意大利雪糕，及薑餅人整體好有聖誕氣氛，而且好特別，栗子湯係第一次飲到以前從來未見過，只係食過栗子露糖水，生蠔杯隻蠔好新鮮，係即開殼嗰種，配埋Bloody Mary好。沙律都做得好細心，唔係只係有啲沙律菜再加鵪鶉蛋🥚就算，中間仲有啲煙火雞火腿同蛋白沙律再加啲花生碎，成件事就覺得好豐富。隻春雞900克兩個人真係啱啱好，再配埋啲薯菜，份量足夠👍🏻。一個完美嘅晚餐一定要有甜品，而呢個甜品絕對唔係話求其俾一細件蛋糕仔就算，而係有3樣嘢，而且賣相擺設都好靚🥰，蛋糕上面嘅聖誕樹🎄都做得好精緻，個薑餅人亦都好得意，好滿足。

定位係蠔吧既餐廳門口右邊係個三層高既酒櫃，充滿住標示左價錢既紅酒，白酒，清酒，威士忌，有選擇困難症既朋友可以等依度既專業後生靚女店員介紹呀！頭盤為首—生蠔拼盤由法國，日本，澳洲三個國家組成，店員會為每款生蠔作介紹，由細至大，鮮度低至高的吃起，各有特色，法國的甜美，日本的Creamy，澳洲的肥美，配以甜酸適中的白酒作為一度出色既開胃菜，亦是為全餐打定左個稱心既地基！第二度菜為—燒牛舌及羊扒（配薄荷乳酪醬）牛舌相信是用了牛舌芯的位置，肉濃芯嫩，配以簡單黑椒鹽調味最能帶出成串牛舌既味道。羊扒就燒得非常出色，７成熟，外層焦脆，內裡微膻，以往食羊都會點薄荷醬既我今次完全忽視左疊醬既存在第三度菜—黃金軟殼蟹天使麵哇依度菜簡直係刷新左我對黃金(咸蛋黃)菜式既認知，你睇到用料豪不吝嗇，每啖都伴隨住咸蛋黃入口，天使麵抄得乾身不淋，除左啖啖黃金之後仲有蟹籽，每一啖入口都有層次感既…而軟殼蟹相比之下只能倫為配角吧！第四度菜—慢煮３６小時美國牛筋骨哇哇哇哇！其實食左前面幾度菜飲左幾杯酒之後都有７成飽，再見到依度差唔多成隻牛既份量個陣真係出唔到聲，心諗依度夠我食幾日幾夜。但當我試左第一啖既時候…我發覺我以後應該

第一次係呢度食lunch，佢哋有沙律吧，有三文治，有意大利粉。今次試咗個蜂蜜火腿維也納酸種包，初頭諗住叫個三文治加個沙律吧，見到個三文治都好大份，食完都夠晒飽，最終都冇叫沙律吧食。大角咀有咁嘅環境食吓lunch都幾舒服。佢哋夜晚仲有生蠔，好似每晚都會有3-4款選擇，又有西班牙🇪🇸紅蝦，我至愛😍，亦有紐西蘭螯蝦同牡丹蝦，仲有海膽同魚子醬，不過要提前最少一日預訂。其實最初行入呢間餐廳係俾佢個洒架吸引到，行入去以為係賣洒嘅地方，原來係一間餐廳。食完lunch之後，再問佢哋攞個晚餐menu睇吓，發覺原來都有好多選擇，有小食炸雲吞，炸雞翼都有3種口味，有串燒，有燒本地鱸魚，牛扒都有4款，又有pasts，又有甜品。下次一定要返嚟食dinner!