Outback Steakhouse (分域街) (已結業)

燒比目魚柳 $158魚下面會有飯，所以都飽。魚皮已經唔脆，成條魚肉都偏淋，但都好滑。旁邊嘅蔬菜都煮得好淋，可以食到。澳洲和牛紐約牛扒 $288叫咗5成熟，出街睇好熟咁，其實入面岩岩好，大約7成左右啦，都幾嫩。牛扒好香肉味，少少筋位，唔太多。可以揀2個配菜，揀咗特色雞味飯同薯條，薯條熱辣辣好脆，而且入面好多薯仔。lunch set仲會有黑糖麵包、飲品、湯，湯係洋蔥忌廉湯，好多洋蔥好濃味。黑糖麵包可以任食，熱辣辣好軟熟，一定要搽多多牛油仲正。飲品凍飲都唔洗加錢，仲可以任飲，特飲除外。不過好飽，都冇添飲到。不過舖頭比較熱，冷氣唔夠，加上正午坐窗邊曬住。

今晚叫了兩個漢堡包，面包冇烘，是賣剩的，午餐輕輕烘過一點，賣剩兼賣不到放埋一邊，然後是放在廚房不封保鮮膜，就係咁，個包縮晒水兼好乾，就直接給客人，連牛油都冇搽，個包值幾錢啊！好求其！薯條俾下欄，吃唔到，乾爭爭，又不熱，攞到頭頭尾尾乾爭爭俾客人，冇落塩，又冇放牛油紙！醃製椰菜，不新鮮，昨晚或早上撈完味，唔放番雪櫃，醃過龍，此沙律， 應即醃！唔係求求其其！羅馬茄(梅)！唔應該熟到梅爛！洋蔥碎，酸青瓜唔掂！漢堡冇落少許鹽！超淡！連埋加一，成2舊水，麥記仲好吃。好失望😖😡

去左Outback，一試就中意！甜品先講，雪糕球嘅香滑，配上熱朱古力醬，真係融合得剛剛好，冷熱對比玩得悠閒自在。雪糕冇得輸，啖啖都係實在嘅快樂。講返正菜，跳過普通嘅前菜，根本係為咗主菜到黎。香辣燒蝦飯夠哂味，辣度啱啱好，湊埋飯更加夾，就算蝦燒得香口，都抵唔過嗰碗飯喺度呼喚我。蝦本身都嚟得夠juicy，燒得外脆內嫩，咬一口味兒真係正！至於個燒盲槽魚柳，逼到真，個人覺得有少少乾，可能燒得過火咗啲。不過講真，底下嗰啲飯勁好食，同香辣燒蝦飯慨念差唔多，少咗辣添咗香，仲有嗰股魚鮮味，真係幾夾。最後，雖然唔係專業食評人仲有啲生疏，但呢度嘅食物同服務都真係值得讚一讚，享受到每次食飯嘅時光，真係好正！🍤🍚🐟

港島區食飯，揀Outback 最好不過，Lunch set叫咗蕃茄肉醬意粉 $118主菜搭配餐湯、黑糖麵包和餐飲每次食Outback都喺為咗黑糖麵包，餐包作為配角非常出色，更可以無限續，超級幸福。蕃茄肉醬意粉肉醬充足，意粉醬汁均勻，令意粉非常掛汁，份量夠大，蕃茄味濃郁，好好味。餐飲喺凍檸茶，餐廳貼心，糖漿可依個人口味加入適當份量。最欣賞的是Lunch hour 時段都無限時，繁忙工作下可以慢慢休息下，放鬆下。

下晝跟同事去食，灣仔區就已經食過其他西餐好多次這一間out back好近，但係冇動力去試以為難食的西餐但這一次改觀了就是因為個麥包同事話好想食呀，點知真係好好食食完就已經有三份一飽跟住再嚟一個潛水艇呢一個包唔係用汁去吸引你係嗰塊安格斯牛扒已經係吸引到，你好想食多一點

有兒童餐，又有二人餐今日同小朋友一齊黎食食左二人餐餐湯+黑糖麥包+公司沙律+美國頂級紐約牛扒拼加拿大龍蝦尾+ 香草蕃茄海鮮意粉/烤美國帶子白汁燴飯/芝士白汁燒蝦寬麵仲有兒童餐 迷你芝士漢堡配薯條 + 蘋果汁忌廉芝士長通粉+ 炸雞柳腸仔 +薯條同ribs + 提子汁最後仲加多左：招牌墨西哥牛肉粟米脆片 + 炸蝦球今日係磨菇湯，一如既往既好飲，黑糖包更加唔洗講，同阿仔一齊次次都要添多件牛扒好淋及有肉味，龍蝦有海水味兒童餐都夠曬大份，各自食一份已經飽曬墨西哥脆片一定要現場食先好味、夠曬脆口炸蝦球啲蝦好彈口，有小小估佢唔到😋

outback開佐好多年，都光顧過好多次，見咁耐冇食過，今日聖誕節就黎幫襯你!灣仔既outback 係一間叫做君悅居既service apartment 上面。黎到outback最期待既就係仍地既黑糖包! 我地一共5個人去食， 侍應竟然比佐3個黑糖包我地食，我記得之前佢一檯只係比一個黑糖包，唔夠先問佢refill。(1) 黑糖包 ($0 免費)黑糖包依舊係咁鬆軟，甜甜既黑糖包配上咸香既牛油，令我係三分鐘內就食哂成條包。(2) 美國頂級肉眼牛排 ($498) + 蜜糖南瓜不得不叫就係肉眼牛排，我地叫佐7成熟，牛排肉汁豐富， 唔會過鹹，配上旁邊既洋蔥圈食，好食到停唔到口。至於side dish，非常意外地蜜糖配南瓜既配搭原來幾好，甜度恰到好處。(3)番茄海鮮意粉 ($156)番茄醬味道濃郁，海鮮好足料，對得住價錢，每一啖都係海鮮，有帶子，魷魚等等既海鮮，配上意粉黎食，味道一流。(4) 蜜糖豬肋骨  ($248)豬肋骨好容易咬同埋入口，蜜糖能夠吊出豬肋骨既味道。 總括而言，outback 能夠係香港既飲食界站穩咁多年，絕對同佢穩定既食物質素有關!

餐單 📋 好多選擇噢 而且每一道菜看起來都好吸引!!一坐下 店員會先送上餐巾、餐具和tap water〰️很濃烈的水喉味🤣🤣 不過到處都一樣啦下單完畢後 很快就會上是日餐湯和黑糖包包🥔餐湯非常非常燙 裡面粟米粒的份量很多很甜🌽而且很creamy 作為跟餐的前菜算是非常有誠意! 黑糖包包不用多講了吧〰️我深信它是很多人去Outback的原因來的🤪外脆 裡面很很綿密的 有咬口🫶🏻滿滿的黑糖味🖤 配上cream cheese 好好吃！！燒雞肉芝士夾餅 $118 我是超愛墨西哥夾餅的!! 而Outback這一客也算是很用心的作品!伴碟的車厘茄以香蒜炒過🍅 旁邊的蜜糖芥茉醬夠酸甜 正! 夾餅本身的芝士份量非常澎湃 🧀🫕除了有車打芝士 還有mozzarella cheese! 雞肉的份量也很慷慨 ☺️☺️ 夾餅烘得香脆 我好愛噢👅薯條也是出眾的🍟 非常香口 薯蓉的比例也很高配上茄汁 欲罷不能！-灣仔店的環境也挺舒適的 座位很寬敞 店員很勤快 一直為客人添水☺️ 出餐速度也很快 價廉物美！我很喜歡🫶🏻

識食一定係黎食lunch，性價比高晚餐太太太多了！👍🏻👍🏻👍🏻一份主菜包餐湯、黑糖麵包、凍/熱飲：🌽餐湯（4/5）：粟米忌廉湯，味道好濃厚，好好飲🥖黑糖包（5/5）：絕對系黎食outback既重點，甜甜的黑糖味加上麵包夠熱融化舊cream cheese，仲可以無限任添任食，真係無得輸👍🏻👍🏻👍🏻👍🏻🥤飲品：叫了凍咖啡跟凍檸茶正常水準，覺得咖啡不落奶就咁齋啡會比較好飲。但取勝之處係可以添飲嫁！㊙️澳坊芝士漢堡🍔🍟 $98（3.5/5）The Outback Cheeseburger🍔漢堡的size一般不會很大個，但兩個人share一個食都是可以的。中意入面有放酸瓜好解膩🥒，亦有一細兜醃過的菜加小紅莓乾🥗，都幾好食😆🍟薯條比較一般般，不夠熱有點似返炸過的🫢👎🏻芝士白汁燒蝦寬麵🍤🍝 $128（3.5/5）Toowooba Pasta🦐蝦都算幾多同夠大隻👍🏻寬麵軟硬適中，白汁食得多會有點膩😂不過我都幾中意食㊙️普通會員都有9折嫁（即係不用加一👍🏻）記得去之前download app申請會員啊！😬😬

Lunchtime 喺灣仔有時都真係好難先搵到位，呢一間Outback Steakhouse 係樓上鋪，Lunch都要先book枱先會有位。今次我就揀咗lunchset芝士白汁燒蝦寛麵(Toowoomba Pasta🍤) $128 另加一 Menu上有一隻辣椒，表示佢呢個麵係辣的，食唔到辣嘅朋友要留意。🌶一上枱白汁加芝士嘅香味真係好吸引，另外啲蝦雖然都爽口，但係啲蝦應該係冇醃過味的，所以如果就咁咬一啖蝦，你會覺得佢有啲淡，但係連埋個麵一齊食就啱啱好。😍😍😍😍😍😍😍另外就係餐前嘅黑糖麵包🍞都係佢呢間餐廳嘅signature，話時話都真係幾好食。😋

Outback steakhouse餐廳的環境寬闊舒服暗暗的燈光有點浪漫情調呢！黑糖麥包水準依然高配上忌廉芝士十分幼滑包質感十分軟滑美味今次和朋友點了兩款意粉食呢！雞肉燒蝦闊條麵蝦和雞肉份量算多而且蝦很新鮮雞肉肉質正常芝士蕃茄焗青口意粉濃濃芝士增加口感雙重享受總體：份量算大很飽肚！店員服務亦不錯！

好好彩BOOK到位黎到等左佢執檯就可以入座點左~海鮮拼盤(細)黎到都幾豐富呀佢仲有少少飯又有大量長腳蟹讚讚~炸磨菇呢個間中都食香口得黎菇菇唔會干晒PS COCKTAIL沙杯朋友話無咩酒味既

想食餐好嘅去左outback，叫左幾個主菜，最好食係個魚柳，魚肉好鮮嫩又唔會腥，夾餅都好足料，好好食，餐廳仲新出左吉列吞拿魚，食落感覺好新奇，但又好match，夾埋好好食，值得再試

同同事慶祝生日食好啲啲就book左outback，一路都唔知灣仔有😂。🔅黑糖麥包黑糖包真係唔使特別介紹有幾好食啦😋，但最鐘意都係熱熱地送上黎，同埋任叫😝。熱辣辣既包類正常唔會差得去邊，佢仲要好夠鬆軟，正🖖🏻！🔅凱撒沙律(+$15)沙律菜都幾新鮮，唔算太細碟，有芝士碎同黑椒就唔使齋食草咁單調。🔅香辣燒蝦飯 ($98)飯好大碟，有少少辣。蝦就燒到好香，一拎黎已經聞到蝦既香味。可惜既係飯都只係暖暖地唔夠熱☹️。🔅燒盲槽魚柳 ($118)魚柳都幾滑，又好大舊。最得人驚係魚柳下面有好多飯，類似前面既香辣燒蝦飯，不過就係唔辣version。🔅燒肉醬味豬肋骨 ($128)豬肋骨就麻麻，雖然份量夠多，但肉唔算滑，汁都偏酸。明明見人講好似好易起骨咁，呢次真係切到手都攰…不過下次未必會再叫。薯條就抵讚，啱啱炸起超香又夠脆。💬Overall都係夠大份，價錢就適中，不過坐得夠舒服，再order黑糖包都好快送上，main就耐少少要20-30min左右，不過staff雖然忙碌都好nice，值得一讚。

半熟吞拿魚沙律好好食，但係同宣傳相唔同，冇哂d牛油果，2款dressing 同吞拿魚都好夾個粟米湯每次都飲，太好飲。全部野都好大份，拼盤咩都有得食，happy hour drinks有折