Outback Steakhouse (已搬遷) 新店位置

其實這餐飯已食了一個月....而家先補返食評恨食outback好耐....終於一試....8人行.....我們點了以下菜式:-芝士煙肉薯條: 芝士怪的我當然叫好....連不喜歡芝士的朋友仔也說很好吃-炸磨姑: 很juicy,好吃-炸洋蔥: 開頭食都幾好食..之後繼續食就覺得too much了-白汁大蝦意粉(忘了是大蝦還是海鮮): 白汁唔夠....好淡-肉眼排: 為了就大圍...要了7成熟...個人較喜歡5成的...但朋友仔都說太"un" 看來是over-cooked了....其實它是有牛味的...如不是over-cooked了相信很好吃-豬肋骨: 我們選了燒烤汁....汁很好吃.但肉的質地麻麻-燒春雞: 冇咩特別....因為隻雞原隻上.....都幾難handle-cookies brownie: 一冷一熱的mixture.....朱古力濃濃的...cookies也很香...好吃!!不知道是分店的問題還是我期望過高.....會俾多次機會佢....不次試試tst分店好了

8月30日晚7點9去食...都來過幾次...個晚等左好來,都等左成個鐘,好多台雖然都無人,不過係無人清台,等到8點10都無有台呀,所以星期日8點半去,會好D... 總於到有台坐底啦!!次次去食都係問下有咩好介紹,誰不知女待應一D都無介紹我,因我地得兩個人,所以怕叫得多,食唔哂,咁我地叫左(肉眼扒10安併燒豬肋骨半份)&(鮮蝦蘑菇意粉)... 起初來個(黑麥蜜糖包)&(忌廉湯)..仲有兩杯水(唔明點解無野飲)因前個兩3次都有包,湯,飲品,,,等左4,5個字就來了(肉眼扒10安併燒豬肋骨半份同5,6條菜)&(鮮蝦蘑菇意粉)...(肉眼扒10安併燒豬肋骨半份)$230幾,兩樣都好好食,(鮮蝦蘑菇意粉),就麻麻地,一來無味無汁,二來意粉有D生咁,有點後悔,另遠叫小食,價錢都成$130幾....如果去食都唔好叫意粉呀,都係去意粉屋&Pizza hut好D....

黑糖麵包好似麥包咁 ok 但無講到咁誇張芝士薯條$58 不錯全份豬肋骨$158 幾好食 不過個汁改良多小小就好十安士肉眼扒$160 好食 唔鞋 有肉汁 但係un左小小服務唔錯 加水都密 值得一去 有機會會試埋尖沙咀果間

有2張OPEN RICE 送出既coupon,所以同阿POOH 黎据扒,7點鐘到,唔多人,叫左個肉眼扒 (14DOZ,7成熟)+甜番薯+薯條,跟餐要沙律另加一個三文魚扒(6成熟)一杯汽水(可以refill 架)先黎黑糖麵包,好好味,外脆內軟,仲暖暖地,太好味啦,所以REFILL左一次沙律OK啦,夠凍,同埋都幾新鮮..個肉眼扒,唔似7成,似5成喎,我就鍾意啦,不過阿POOH唔鍾意甘生架,好彩阿POOH最後都食到o個三文魚扒,ok 啦! 不過都幾漏…到走既時侯開始好多人,好嘈啦,同埋埋單要等好耐囉…埋單$418,扣埋coupon$100, 最後要$318

餐前的「黑糖麥麵包*」味道唔錯呀!! 我地 5 個人叫左兩個小食,,「白酒紅汁煮藍青口*」$1xx呢個係個經理 recommend 的,,話今日新鮮,,但我覺得個汁好咸..麻麻地..「芝士煙肉薯條*」$6x呢個好好味呀!!! 點埋 d sauce 仲好味呀!!5 個人先食得哂..真係好大碟!!!再叫左兩個 main course,,「燒豬肋骨拼雞胸配薯條及菜絲沙律*」$16x燒豬肋骨切開都有 6 件,,d 肉好林,, ok la!!雞胸少少辣,,點埋個 sauce 幾好味!!!「茄汁海鮮意粉*」$13x呢個一般...普通意粉... 仲叫左兩杯 DRINKS,,一杯 lemon tea 可以 refill,,我地 refill 左幾次,,但我地覺得杯杯都唔同味咁,,又無咩 lemon 味,,另外叫左杯是日推介的特飲,,lemon soda,,呢杯 ok!!最後食埋個蛋糕,,非常好唔洗收開餅費!! very full 呀!!!

今日生日，同老公去來左lee度食，好彩有book位，立即可入座^^黑糖包依然好好味，不過就細條左，可能逍賬唔想加價就唯有減少份量啦^^之後叫左芝士薯條，都好好味，不過真係好膩，個汁好醒胃^^之之後，等左好久好久，個凱撒沙律及T骨20安士牛扒終於上場，沙律醬多左小小，不過都OK，T骨扒個骨好大個，我自己就覺得好唔抵，不過老公喜歡食，但佢都話下次唔叫lee個，唉唉，男人真麻煩~~伴菜的焗薯好好味，不過個皮好多鹽，所以好咸，雞味飯更加係咸上加咸，有小小唔滿意啦~~總括而言，係差左啦，希望佢地會改善啦!!

已經一個月前0既食評上個月見OUTBACK 響openrice 同討論區食評都唔錯終於第一次去荃灣店一試唔知係咪服務員知我地係第一次去食, 服務特別好我地叫左頭盤芝士煙肉薯條, 西冷扒跟焗薯, lemon tea 等先黎一個芝士煙肉著條, 好正!!!! 當我地就黎食完果陣, 個侍應走黎同我地講, 碟薯條可以refill 架.之後牛扒到左, 待應生就企響我地隔離, 問碟牛扒岩唔岩口味, 唔岩可以同你換當然, 原本叫左五成熟, 但食落似四成, 於是叫佢整熟少少雖然翻熟, 但味道岩岩好, 唔會熟到6 -7 成佢0既焗薯簡直未試過咁好食, 其他店既焗薯都無佢咁好食之後個侍應見我地飲完杯lemon tea, 佢又主動問我地洗唔洗refill服務真係一流!!!!

一個月後又係跟朋友在此吃飯, 扒房對我來說, 此間頻率算很高了!所有人跟我吃飯總有個難處, 吃得不多, 不想浪費的話, 最好不要單獨跟我約會, 或者叫多些朋友陪吃吧! 今晚跟之前沒有兩樣, 只是叫了十六安士, $236! 朋友覺得之前跟同事吃過不是太多, 多$20, 多4安士, 抵食 (其實我心裡盤算著....多了一點點, 但通常我都不會反對!)先說麵包, 只是微暖, 不太脆, 遜色了一點點, 但不影響我, 還吃了半條! 前菜要了 凱撒沙律, 無咩特別, Prime 16 安士, medium rare, 血淋淋...但係好食, 兩個人真係食唔哂嫁! 兩個伴碟都要甜蕃薯, 今次沒有下 cream...無咁膩, 仲好啲!星期六晚太多人, 侍應亦很忙, 態度有點粗魯, 不過, 我還是會來的吃黑糖包及(Ladies cut) 少少牛扒! P.S. 朋友的結論是....跟不同食量既朋友一起分享食物是會影響自己的食量的!

On Saturday, go to this restaurant as want to eat steak~ but really so many people and have to wait about 30 minutes for the seats.....As only 2 people, we ordered the 西冷 steak and appetizer (fried mushroom)Steak: Medium, but still juicy, with side dish of potato and chicken rice are also very delicious~Fried mushroom: first time to try, also ok...even the outlook is not so attractive anyway~However, in case that the service is better, it will be perfect...(maybe too many people, the waiters are

好耐之前黎食(6月12日),宜家先得閒寫下食評~個芝士薯條果然名不虛傳,正!!不過我家姐話尖沙咀彌敦道果間d芝士多d,不過都好好味!有d後悔叫多左口份steak,其實我地5個食唔晒,結果要打包,隔左日食番冇咁正...另外環境比較嘈,想靜靜地傾計就唔好黎啦,一大班人就岩晒。d service好good,有個叫阿東既waiter幾好,比我呀爸問長問短都仲好好笑容!!(因為佢同我家姐一樣係今年F.7畢業生),我呀爸仲問佢讀d咩呀,選邊間u呀,佢都仲好好禮貌咁答,整到我都唔係幾好意思,阻住佢做野~下次會去tst試下睇下個芝士薯條係咪真係正d >.<

噚晚同朋友一齊響荃灣Outback食晚飯, 以下就係食物同服務的評語.食物方面:我地一共三個人, 點了三個肉眼扒同兩杯Mango Smoothies. 有黑糖麵包同洋蔥湯跟餐. 黑糖麵包同以前一樣, 甜甜地同脆脆地, 幾好味, 而洋蔥湯就真係令人失望, 超勁咸, 就算連麵包一齊食都頂唔順, 我地三個人都只係飲左少少.主菜五成熟的肉眼扒都煎得唔錯, 味道唔會過咸, 肉質夠腍, 而飲品Smoothies就酸酸地, 幾好飲, 不過比起以前, 份量少左一半.服務方面:每次去Outback都有侍應介紹食物, 但係今次冇不特止, 個侍應落單, 落到錯哂, 要朋友提議我地自己一個一個好慢咁講俾佢聽. 問佢點解drink list冇汽水選擇, 佢只係口頭話有, drink list冇包括在內, 咁食客點知價錢呢?到落主菜的時候, 我地坐響落菜位側邊, 睇到有個侍應將人客飲完插住飲管的杯放響四份將要上台的牛扒中間, 碟與杯之間根本冇距離. 好唔好彩其中三碟係我地的, 我即時同上菜的侍應講, 就係呢個侍應放杯響中間的, 佢講唔好意思, 跟住將牛扒遞俾另外一個唔知係帶位定經理的人上菜, 我地再講一次好唔衛生

我同個朋友仔去食晚餐唔知點解平日都要等估唔到gum 多人!!!8點2去到等到8點半入座我發覺呢間野d 人好鬼忙=_____________=水都要我地叫佢俾先有....同埋呢間野真係好嘈!!!如果食outback 都唔係太推介去呢間分店.....我叫左一個意粉我個朋友仔就叫左肉眼牛扒跟薯條佢跟個湯佢話好味wor!!!之後o黎左個黑色ge包la好味!!! 不過呢間唔夠灣仔o個間好味!!!個包ge 皮唔夠脆!!! 差小小....意粉都幾好味!!! 夠晒味!!! 好creamy!!! 都ok 多蝦!!!不過我開頭以為佢真係有蘑菇點知係冇ge...唔知點解........肉眼牛扒都唔錯!! 叫左7成熟!!! 我之前食過西冷~我就覺得好過西冷lor!!!我地兩個都叫左杯lemon tea 同milk teamilk tea 唔好叫好過叫.....lemon tea 舊lemon 唔係一片片好難"督" 總括o黎講都ok 滿意呢間d 食物ge

忽然想食扒，search到這家食評不錯，朋友也推介，故且一試。幸好預先知道食物份量，所以叫了兩個小食加一個扒餐和男友share。- 芝士薯條 >>似乎是必食的，又的確好好味，明知好"漏"但忍唔住口不斷食，不過都食唔晒。- 雞鎚+豬仔骨 >>其實沒必要叫，因為食左一兩舊都已食唔落，不過味道ok，但若叫扒餐可以省卻這個。- 六成熟肉眼扒餐+配菜甜蕃薯+雞味飯 >>個黑糖包不負所望，若非又飽又漏，必會request refill多個；個洋蔥湯好溶好好味；個扒要左14oz，似乎過厚，可能10oz反而會好味點，不過很有肉味和咬口，醬汁ok，配菜也沒令人失望。食過第一次，下次兩人食會只叫一個main加一個小食(想試青口)，應該都已經飽飽的。至於服務，都還可以，serve我倆的R先生好落力咁解釋d食物給我們，雖然他也似乎不太熟悉，不過我們要refill冰水他都立刻行動，都唔錯。但餐廳內的捧盤方式的確頗危險，見住個女仔唔夠力，飛左隻碟落地......

其實我以前好鍾意係Outback 食扒不過荃灣呢間開始令我失望, 我前兩日約左D朋友係度食晚餐,Ribs & 西冷 已經無以前咁高水準, 凱撒沙律D雞肉, 一係就好咸, 一係就好淡service 更令我再一次失望, 果晚唔小心飛左幾隻餐碟係我身上, 我當係佢真係一時唔小心,不過之後我地食完佢地餐前麵包, Waiter 好有速度咁拎走塊木板, 但木板上面依然仲有把刀, 就咁拎起起, 無用手按住把刀, 雖然無發生意外, 但萬一唔小心飛左把刀出黎傷到人就唔好啦我之前去過荃灣店好多次, 我都比左好多次機會, 佢地亦每次知道有改善地方, 仲免費請我食甜品or 其中一種食物免費, 我亦希望佢地對食物及service有所改善, 但經過前兩日, 我真係對荃灣店感到失望.

鍾愛西餐的我, 周圍試美國餐但能keep 住水準的, 我會keep 住光顧的, 只有這間了prime rib 是必食的; service 方面也不錯, 今次waiter 介紹左隻新加坡啤酒真係超好飲希望佢地能keep 住, 千萬吾好似其它咁出左名之后就水準下降