Outdark (飛達商業中心)

營業中

休息中

去完歐洲好多日食咗好多日西餐，到而家都係未想食返西餐！於是今日就決定食韓國嘢，講到韓國嘢就梗係要去食outdark啦。佢咁多年來都係心目中印象中咁樣，同埋都係咁旺場。好彩今日早放工，所以比較早嚟到，唔使排咁耐隊。原來而家佢中午時段都有開！咁有時放lunch都可以嚟食。我哋叫咗個蒜蓉芝士粉炸雞拼盤，呢個拼盤次次嚟都一定會叫！佢啲炸雞好大件，好脆，撈埋佢啲汁味道一流。除咗炸雞佢仲有啲薯塊同埋薯格，全部都係我好鍾意食嘅嘢，加埋嗰啲調味粉，有種食shake shake薯條嘅感覺。我哋仲叫咗個海鮮粉絲，嗰碟唔算好大，不過其實入邊嘅粉絲量都唔算好少，食完個拼盤再食吓呢一個，感覺啱啱好。另外仲有韓式蛋捲，雞蛋整得幾棉，份量好多，都幾抵食。最唔少得就梗係叫佢嘅乳酪啦！呢度嘅乳酪真係好好味，我哋叫咗一個士多啤梨一個藍莓味，兩個都非常好飲，而且好大杯！覺得好抵飲。

今日再去食韓國餐叫咗個海鮮年糕煱嚟到都真係好震撼😱有一個大嘅炸八爪魚職員會幫手剪到佢細細粒裏面仲有蜆肉蝦肉年糕側邊有芝士蛋。泡菜。紫菜飯。個紫菜飯整得幾香口應該落咗少少麻油呀兩個人食其實淨係食呢個已經好夠飽另外啲特飲都幾吸引之前試過Corona Rita 都幾好飲而且大大杯非常解渴今次見到hoegaarden啤酒做緊promotion $100有3支可以揀唔同味道幾大自由度我同朋友可以揀唔同味道 一讚餐廳嘅裝修格局非常有氣氛呀周邊嘅吊燈吊飾都好靚雖然全部都係木枱但係大部份都係卡位都坐得舒服唔會好迫又唔怕張枱好細唔夠位擺野食總括嚟講絕對可以encore 下次再試吓其他菜色**留意番餐廳最近多咗星期六日lunch時段1200-1600

朋友说这间韩料看起来还不错的样子，正好很久没有吃韩料了，餐厅等光比较暗氛围感满足的，点了三道菜人均💰230炸酱面好吃但过于甜口，真的是超甜！炸鸡选择了甜辣炸鸡，炸鸡配着的薯条薯格都非常不错，炸鸡本身腌的有入味而且很嫩推荐必点

好友聚餐韓食一番，餐廳地方闊落環境舒適，燈光柔和，圍爐傾計唔怕大聲，約多人飯局一流。海鮮熱盤美味，價錢合理，值得一來再來。雙拼炸雞(原味+香蒜蜜糖) $208無骨炸雞原味已夠味，炸粉薄而脆口，肉質嫩啖啖肉口感，食落唔油膩。香蒜蜜糖甜甜地少少蒜香味，食落無咁dry。伴有外脆內軟的薯角唔算好炸，好厚薯肉，口感唔錯，食完相當飽肚。海鮮原祖炒年糕 $328海鮮熱盤超大盆望見興奮，配料有原條彈牙炸魷魚、口感煙韌的年糕、魚糕、蝦仁、小蜆和蔬菜，配以原味甜辣醬超美味。開住火爐熱住食好好味，圍邊仲有口感軟棉的車打芝士、紫菜飯、新鮮菠蘿粒和泡菜，配料甚為豐富，如此美味值得推介。海鮮煎餅 $138煎餅海鮮餡料豐富，有大量蔥段、蝦仁、魷魚和青椒辣椒等，煎得香口美味，配埋醬汁風味十足。西柚梳打 $38酸甜開胃解膩，味道清新自然，消暑解渴之選。藍檸檬梳打    $38檸檬味道酸甜清新口味。藍莓乳酩 $48乳酪味濃郁，藍莓味突出，凍飲好飲。

2023.07.13【7.13 無骨韓雞萬歲 @ 旺角 Outdark】前天被嚇到的寶寶因為當天爽約而再約我地點都是旺角原來選了一家有韓國熊熊的店耶嘩，她好有心知道我是Bear愛Bear店中這個feature wall也很正有這麼多的愛情鎖好似去了韓國一樣環境幽暗有情調適合小情侶拍拖她又被“重用”了所以來電告訴我她會遲到叫我先入座，吃著等她所以我就乖乖聽話看餐牌，同款食物都有好多選擇真的會心大心細，什麼都想吃但2個人吃飯，除了溝通聊天是重點外大家對選擇有共識也很重要所以一邊等她，一邊拍照問她要不要吃這個，要不要吃那個她未到就找老朋友企鵝仔陪一下來炸雞店，一定要食成名作---炸雞無骨韓雞萬歲 幸好心有靈犀，大家都想吃2款不同口味炸雞所以我做主點了一個雙拼炸雞(全份)要甜辣炸雞 和 香蒜蜜糖炸雞還有薯條，薯格同薯寶甜辣炸雞的辣度只有一隻辣椒絕對是初級吃辣者的首選香蒜蜜糖炸雞就是繼原味炸雞後老少鹹宜的炸雞蒜香及蜜糖甜容易入口薯條，薯格，薯寶3款口感總有一款適合閣下除非妳不愛好薯仔蘸蘸茄汁都可以不蘸茄汁蘸香蒜蜜糖炸雞上的醬都夠香脆可口的朋友仔是獨愛韓國飯捲電話中好堅持要烤牛肉飯捲烤牛肉夾青瓜，

朋友生日飯想起這間，無論環境、氣氛和食物都咁好，而當中海鮮年糕熱盤更是必食之選，份量雖然多四人分食就剛好，可以未飽肚前嚐到其他美食，煎餅和炸雞來吧，食完真係幾滿足的。海鮮煎餅 $118煎餅脆卜卜，海鮮餡料豐富，有蝦仁、魷魚和青椒辣椒等，煎得香口美味。海鮮原祖炒年糕 $328大大盆火爐燒住食好食，配料有炸魷魚、年糕、魚糕、蝦仁、小蜆和椰菜，仲有芝士、紫菜飯、新鮮菠蘿粒和泡菜。配以甜辣醬非常美味滿足。Blueberry Smoothie $45乳酪味濃郁，藍莓味突出，凍飲好飲。Blue lemon $34色澤鮮艷好搶眼，檸檬梳打味道清新。Strawberry Smoothie $45士多啤梨味同樣突出，甜度適中好飲。

之前去韓國嘅時候食過好幾次呢間炸雞！原來尖沙咀同旺角都有！去到先知，原來已經開咗9年，今次我都係第一次喺香港食！店內裝潢超有氣氛，好多星星吊燈同情侶鎖牆，真係好有韓國feel，勁浪漫，超適合打卡！菜式主要係正宗鐵板料理，同埋炸物，黎Outdark當然唔可以錯過佢嘅招牌炸雞！有好多唔同口味可以選擇，有原味/香辣/醬油/辛辣/香蒜蜜糖味，仲可以揀雙拼添！半份炸雞 （香蒜蜜糖味）$138🍗🧄🍯我們叫咗香蒜蜜糖炸雞，雖然只是半份，但份量超足，完全可以讓2-3個人分享！炸雞沾滿了香蒜蜜糖醬汁，超級香甜！再加上超香脆薯條同薯格，真係食到停唔到口！👍另外一碟就叫咗鐵板辣炒豬肉，份量非常之多，滿滿嘅豬肉同配料，有水牛芝士粟米，紫菜包飯，泡菜，菠蘿！辣味適中，正宗韓式風味，多種配料令到口感好好！，另外就叫咗呢款韓國果汁，滿滿嘅果肉，好飲過手搖好多！不過就略甜咗少少！見到好多人都有嗌啤酒飲，炸雞+啤酒一級享受！可惜因為我哋只有兩個人，所以就冇叫到佢嘅優惠啤酒set🍗🧄🍯如果你也是韓國料理的粉絲，一定要來這裡試試看！絕對不會讓你失望！💯

好耐冇食炸雞，所以就約咗朋友喺旺角試吓呢間韓國菜入到去環境即刻變到勁chill,有唔同嘅高枱可以用朋友飲嘢吹下水relax下。炸蝦飯卷（$88）不嬲都好鍾意食飯卷嘅我，又點會唔叫佢呢，今次就試左炸蝦，一啲都唔油膩，仲脆卜卜咁，好味道！話左要食炸雞（$138），我地就叫左半份嘅甜辣炸雞，唔好以為250g會得好少，兩個人食份量啱啱好，甜甜辣辣咁幾開胃🤭🤭我地仲叫左一個串串魚糕湯（$218），店舖好窩心，用一個gas 爐幫我地熱住😊好有係韓國街頭食魚糕嘅風味☺️無論環境定味道都唔錯，去開旺角又想食韓國嘢就快啲去試下佢啦

朋友話想食韓國菜海鮮餅，於是來到旺角食outdark。來到餐廳，環境比較暗，這樣可以觀賞到天花板的星⭐⭐燈。呢到食物款式都幾多，炸，烤，煎各樣烹調方式都有。雙拼炸雞（全份）包埋原味炸雞：外酥裏嫩熱辣辣，雞肉鮮美好juicy。香蒜蜜糖炸雞：炸雞被酸酸甜甜的蒜香蜜糖汁包裹，十分開胃吸引。薯條、薯格及薯角：香脆可口選擇多。我哋仲加左蕃薯芝士條：蕃薯甜甜糯糯搭配拉絲的芝士，絕對要試！海鮮餅：煎餅食材新鮮，品種豐富，有蝦、魷魚、青紅椒絲等，健康味美，蘸上特製醬汁，食左超滿足！整體而言，環境氛圍很好，食物滋味，性價比高！

同一年幾無返香港嘅朋友食晚飯😜佢話想食韓國炸雞😌仲點名要食Outdark😆好彩冇令佢失望🫶呢度嘅韓國菜式仍然高質🥰甜辣炸雞BB辣嘅甜辣炸雞好惹味💓外脆內嫩又多汁！除咗個炸雞之外，仲有好多薯條同薯格🤓烤豚KIMBAP呢度嘅飯卷都會令人念念不忘😋紫菜唔會過腍，豚肉、玉子、青瓜、紅蘿蔔絲、醃蘿蔔加埋一齊嘅口感非常豐富🤤烤牛肉炒粉絲牛肉份量都幾多，調味就係韓式最經典麻油味道，都好食嘅！但粉絲有點過濕，如果乾身少少會更加好食🤪Outdark (飛達商業中心) (旺角)旺角彌敦道613號飛達商業中心2樓

呢間韓國餐廳開係旺角既核心位置，餐廳內部環境望落都幾高級，座位夠大張，坐得舒服，食物質素ok，而且價錢合理，性價比高，好適合放工黎chill下抖下👍我地叫左雙拼炸雞，烤牛肉炒粉絲，青蘋果梳打同埋Hoegaarden Peach雙拼炸雞要原味同香蒜蜜糖味，雞件份量都多，而且仲有唔少薯角薯格薯條做伴碟，細食既朋友可能叫呢個就已經夠飽。薯類都炸得幾脆幾好味，雞方面香蒜蜜糖味以甜味為主，主要係食個汁既味，我覺得原味會較為好食，更加食到炸雞既juicy味🐔烤牛肉炒粉絲就多數係韓國餐廳先見到既菜，牛肉幾淋既，粉絲炒得入味，每啖都食到牛肉既香味，唔錯唔錯🍜青蘋果梳打夠大杯，食完炸野解渴一流，Hoegaarden Peach呢隻味出面好少見，幾新鮮🍻

韓國菜🇰🇷永遠都咁有興趣吃，精緻又好味，但要找到正宗嘅韓國餐廳都唔容易呀。最近好友去過OutDark旺角分店，食完讃口不絕，那我就係依間餐廳吃一吃特式嘅韓國菜啦🍴餐廳環境很好，覺得特別適合情侶去，門口佈置咗愛情鎖，睇韓劇時見過，入到餐廳裏感覺好浪漫，天花板掛上滿天星星，再加上柔和嘅燈光同韓歌，覺得自己好似係韓國🇰🇷一樣，極享受！餐牌上面有多款特式嘅韓國菜，包括有骨/無骨炸雞、芝士鍋、炒年糕、韓式煎餅、街頭炒粉絲、魚糕湯、紫菜飯捲、湯麵、小食、特飲等，種類都幾多。海鮮煎餅     $138薄薄一層煎餅，餅邊煎得香脆，咬落去鬆軟，內裡蘊含多款材料，有蝦、八爪魚、蜆肉、魷魚、京蔥等，鮮味十足，口感非常豐富，沾上自家製醬汁，味道更有層次感。烤牛肉炒粉絲     $103韓國製造嘅粉絲特別煙韌，爽滑彈牙，材料豐富包括有牛肉、蜆肉、八爪魚、蝦、金菇、雲耳、青紅椒等，鮮甜滋味嘅海鮮和蔬菜與粉絲好配，醬汁濃郁，但味道不會過鹹，調味啱啱好，太惹味啦！炸蝦飯捲     $88去韓國必食嘅紫菜捲，依度紫菜捲可以揀炭豚、炸蝦、Egg Kimbap，仲有新出嘅烤牛肉口味。我選擇炸蝦，餡料好多，有鮮甜蝦肉、濃香蛋

韓國釜山過江龍人氣炸雞店，黎到香港一樣受歡迎。經常full house，而且得90分鐘用膳時間，大家記得要book位。✨雙拼炸雞第一時間梗係叫最出名嘅炸雞。叫左甜辣同蒜香蜜糖炸雞各半份。即叫即炸，炸粉厚薄適中，外層好脆，內裡雞肉嫩滑多汁，唔重油膩感。個人更喜歡食蒜香蜜糖味。配菜嘅薯角同薯條一樣出色，大家爭住食。✨燜豬腳份量非常多，叫左Normal Size (450gm)起碼夠4個人食。炆得好腍入味。可以就咁食，但我更喜歡嘅用生菜包住，配上紅椒/青椒/蒜片，減低油膩感。✨炸蝦海苔飯卷飯卷中間包住脆卜卜炸蝦，配料有蘿蔔絲/青瓜/生菜，好fresh，口感好豐富。✨豬肉炒粉絲豬肉片同粉絲以蘿蔔絲/木耳/青椒/洋蔥等炒成，加埋芝麻香。豬肉片好香好腍，韓國粉絲好粗身，煙煙韌韌。✨柚子梳打✨蜜桃梳打✨蜜糖檸檬茶

講起韓國菜，一定會諗起Outdark，人氣一直高企。佢嘅炸雞尤其出名。✨雙拼炸雞必叫之選。今次點左兩隻味，分別係甜辣同蜜糖蒜香。炸雞件無骨，啖啖肉，外層好香脆，炸粉亦唔會好厚。另外大讚當中嘅薯條薯格，熱辣辣脆卜卜，配上芝士粉，食唔停口。之後仲忍唔住額外嗌多一份脆薯格。✨炸蝦海苔飯卷海苔飯卷中間包住香脆炸蝦，另外配上青瓜，蘿蔔絲同生菜等。看似普通，但味道一流。✨炆豬腳以醬油、蒜頭、肉桂、洋蔥同薑調味，炆得好入味，係豐富骨膠原口感。喜歡嘅可以用生菜包住，加上紅椒或青椒同埋蒜片，又係另一種口感。每日限量供應架🙌🏻✨豬肉炒粉絲喜歡粉絲嘅口感，夠粗身，煙煙韌韌。豬肉片亦好香口。其他配菜仲有木耳、青椒、蘿蔔絲同洋蔥。✨蜜桃梳打✨柚子梳打✨蜜糖檸檬茶

之前去過TST分店, 水準好好, 記得每個餐點都好好食, 琴日收工就見方便去旺角分店食體驗就有d差我坐底就開始點餐, 野飲好快就送到, 但野食就等左半個鐘都未有,問完店員先發現佢漏左單, 咁唔緊要, 你出返比我就ok,然後食左好耐都無人幫手搞鐵板芝士, 都無所謂既咁自己搞, 又冇話一定要服務你以上都還好, 我會體諒你地忙,但我總共從到餐到食野先用左半個鐘時間, 就店員走黎催我埋單, 仲催左兩次,最後我好無奈咁比完錢同打包D食物就走左,我地兩個人都點左600幾$野, 應該唔會唔夠數先咁冇服務掛..其實如果唔係催我走其他都冇咩所謂, 最後個店員態度真係令人唔太爽