Outdark (飛達商業中心)

營業中

休息中

嚟到呢一間韓國人嘅過江龍餐廳侍應都係韓國人梗係要食啲正宗嘅韓國菜菜單上食物係自製 好新鮮芝士雞肉用一個熱鍋呈上勁大份 全部都係雞腿肉！有豐富的肉汁，入口彈牙，確是一個難忘既味覺享受有大量芝士 慢慢用火滾吓佢就變咗熔岩芝士可以包住啲雞另外側邊仲有蛋漿啲蛋漿充滿味道 加埋雞嘅辣汁同埋芝士 豐富嘅口感同埋啲 芝士雞肉好大塊仲有啲年糕嗌咗小辣都真係少少辣相信大部份都可以食到之後叫咗一個蜂蜜糯米酒真係糯米酒成大個碗咁大呢個價錢好抵 兩個人都飲咗好多碗另外仲嗌咗杯芒果梳打加燒酒咁就變咗Cocktail啦

今日同朋友喺旺角行街嗰陣，唔知道食咩好，咁啱見到佢喺樓下有個牌，於是就上去試吓。我哋叫咗個魚糕煲。我幾鍾意食韓國魚糕嘅嗰種煙煙韌韌嘅感覺，佢裏便除咗有魚糕串、獅子狗、魚糕片、年糕、粉絲同埋蔬菜，仲有少少海鮮。好抵食。佢嘅湯底係相對比較清淡少少，唔會太濃味，更加唔會膩，但啲粉絲索咗啲汁又幾好食。呢一個魚糕煲，我覺得配炸雞好啱，因為兩者個味道會有比較大嘅對比炸雞我哋揀咗兩隻味雙拼。整體嚟講兩隻味都幾入味，雞唔會有嗰種冰鮮雞嘅感覺，應該係即時炸的，因為上枱嗰陣仲熱辣辣。炸雞隔離仲有唔少薯格同埋薯角，一樣炸得好鬆脆，點埋蕃茄醬食，好正。我哋另外都叫咗一啲梳打嘅飲品，都比較清新嘅味，而且份量唔錯，唔使驚餵嘢食都未食晒就飲晒。

餐廳位置超方便而且又易搵，一入到餐廳真係覺得同間餐廳名好襯, 都真係幾dark下。但見到天花板上既星星裝飾，真係覺得好靚好有Feel~同朋友2個人，所以無嗌好多野, 我地叫左個無骨既半份炸雞，個side再加左個腸仔年糕串，但有啲估唔到炸雞面仲鋪左堆炸薯條，好開心~~ 個炸雞我地揀左honey garlic, 個雞好juicy好滑, 個皮好脆, 加埋個honey garlic sauce 感覺無咁熱氣。但個人好鍾意腸仔年糕串入面個年糕, 因為年糕都係炸過，所以外面脆脆地，但裡面好軟，無論齋食年糕定連埋個腸一齊食都好夾~~之後係個魚糕鍋, 佢入面勁多魚糕, 仲要有幾款唔同，呢個比較清，所以配埋個炸雞可以Balance番，除左魚糕，佢入面仲要有啲青口、魷魚、著粉同蔬菜，好豐富，同埋飲埋個熱辣辣既湯真係好正!至於野飲，我叫左個蜜桃梳打，朋友叫左個藍莓Yoghurt, 2杯都好好飲~ 今晚好滿足呀~

一行入去Outdark已經有滿滿氛圍感，滿天星星配搭暗暗嘅燈光，令人心情更加雀躍期待用餐🫡Originate Outdark Chicken 必點炸雞👅揀咗雙拼 甜辣味拼honey garlic最中意outdark炸雞有埋伴碟 大量薯餅薯角薯條 滋味滿分💯啱啱炸起嘅炸雞外皮炸到黃金香脆 雞肉好有肉汁 又鬆軟又滑 👍🏻outdark炸雞係我至愛嘅韓國炸雞店之一推介大家一定要order炸雞👋🏼海鮮煎蔥餅煎到金黃酥脆 海鮮餡料好full有好多我中意食嘅八爪魚🐙加上香蔥好惹味 記得要沾配搭嘅醬汁!!飲品方面order咗芒果梳打 & 藍檸檬梳打 同食物一樣大份🤭🤭除咗啤酒 個人覺得梳打都好夾炸雞 👍🏻整體嚟講呢度無論朋友聚會定係普通想食好西，都可以好滿足咁樣享受晚餐，想食正宗韓國炸雞呢度會係一個好出色嘅選擇🫡♥️

今日帶左好少食韓國野既男朋友黎outdark，食完佢都對韓國野改觀! 每次黎到我都係必叫既炸雞，想食多D口味既可以叫半半炸雞。因為今日唔係好餓，就叫左半份甜辣炸雞，呢個口味我都係第一次食。之前怕會好辣所以唔敢叫，但係又OK wo，係接受到既辣，而且有D辣味中和下。炸雞係叫左無骨，所以食落好方便。 外皮好脆，入面既雞肉好juicy。配菜有薯條, 薯格, 薯角，滿足左3個願望! 個人最鐘意係薯格! 另外仲加左芝士條，價錢又唔貴，芝士仲可以拉絲。辣炒豬肉一大鍋辣炒豬肉份量好足，仲有芝士粟米，菠蘿，泡菜同埋紫菜飯。辣炒豬肉有芽菜，所以食落冇咁膩，辣度都係岩岩好。食食下勁想叫碗白飯黎送! 芝士粟米要襯熱食，唔係凍左就會硬! 熱情果梳打就夠曬消暑，仲可以簡少甜少冰!

幾乎每次有朋友聚會都會去outdark食 每次嘅經驗都好好👌🏻👌🏻可以話係香港唔錯嘅韓國餐廳！入邊燈光好有氣氛 店員都好年輕 好熱鬧我們嗌咗一個海鮮煎餅 真係感受到咩叫外脆內軟 仲要好足料 啲蝦都好彈牙🦐🦐 食到有啲膩就可以點一點隔離嘅汁 酸酸甜甜 可以轉一轉風味👍🏻蜂蜜牛油炸雞可以話係Outdark必叫！每次去都會食 鍾意甜鹹嘅人一定唔好錯過😭😭好香牛油 同蜂蜜牛油薯片一樣味㗎！仲要熱辣辣 啲雞會有汁👍🏻 如果諗唔到揀咩味 呢個無死炸醬麵嘅面質好煙靭 仲配有唔同嘅配料(洋蔥，青瓜絲同豬腩肉)份量都幾大㗎 味道香濃嘢飲方面都好推薦西柚梳打 好解渴 有氣嘢飲同炸雞真係絕配💕另外士多啤梨乳酪 口感偏冰爽 但係味道都係滿滿嘅yogurt味👍🏻唔會飲到最後好膩

因為韓國朋友帶路，佢鍾意新派韓國菜，所以我就同佢黎食呢間。#outdarkhk 所有野都係韓國人自家製，所以都還原到韓國新派韓餐既味道。海鮮忌亷炒年糕：年糕本身係非常有米香同彈性，加入咗西式既忌廉汁，食落奶香十足。入面仲有什菜、蝦仁、魚糕，面頭炸過既魷魚有脆感，可以揀點旁旁既芝士/忌廉汁一齊食，味道非常有層次。旁邊仲有菠蘿、泡菜、紫菜飯，食落新派得黎幾得意！但如果芝士可以多少少就好，咁就可以更加邪惡咁包住野食！甜辣炸雞：主角之一炸雞甜味比辣醬勁，會食到淡淡蒜香+果香，裡面既雞肉滑。韓式水冷麵+韓式炒牛肉：水冷麵加入芥末、醋，食落酸酸地，麵條加入冰塊成件事更加有彈性，清新，同埋中和咗其他菜式既膩感。成間餐廳都黑得黎，用埋木台，都幾有格調。最後同朋友走之前仲有得玩免費既photo booth,都幾有體驗感。開心！

放工係尖沙咀行左陣街突然好想韓國菜，search左附近一輪見到outdark，醒起之前都去過旺角果間食幾好味，就黎左依度食，不過今次無嗌到炸雞，想試下其他菜式，雖然Menu上唔算好多選擇，今日只有兩個人，所以都嗌左兩款就夠，份量好多，又飽又滿足！✨芝士炒雞 $328雞肉炒得好嫩滑，啲醬汁辣得適中，唔會太過辣，恰到好處。配上濃郁嘅芝士，一拎起就拉出長長嘅芝士絲，完美中和咗辣味，入口即溶，仲有種特別嘅奶香味。再加埋蛋、紫菜飯一齊食，紫菜香氣同飯嘅鬆軟度非常襯，加強咗每一啖嘅口感。泡菜嘅酸辣味仲可以解膩，提升咗整體嘅層次感。每一樣配料都令呢個菜式豐富，正！✨海鮮蔥煎餅 $138呢次食咗海鮮蔥煎餅，煎到金黃香脆，真係一咬即有脆卜卜嘅口感。餅身唔會太厚，煎得均勻，唔會過油，所以唔會覺得膩。內裡嘅海鮮，特別係蝦同埋魷魚，鮮味十足，每一啖都可以感受到啲海鮮彈牙嘅質感。蔥嘅香氣亦同海鮮嘅鮮味組合好正，整體味道清爽不失豐富。配埋醬汁更加提味，食落有層次。✨芒果梳打 $48芒果梳打清新解渴，芒果汁嘅天然果香突出，唔會過甜，而梳打水帶嚟嘅氣泡感，喝落好爽快，夏日消暑一流

周不時都會來Outdark食嘢，因為餐廳的氛圍輕鬆又chill，特別適合朋友聚會。奶油海鮮炒年糕這個炒年糕鍋的中間是奶油醬煮的海鮮、雜菜和年糕，旁邊圍著拉絲芝士、紫菜飯、一口腸和韓國泡菜！魷魚炸得外脆內嫩，完全不會乾柴！我喜歡的食法是將魷魚裹上鍋邊的拉絲芝士，這個做法會令炸魷魚增添濃郁的奶香。至於鍋中的雜菜和年糕吸滿了奶油的味道，口感層次好rich好creamy！如果食得太多奶油和芝士的時候，鍋邊的酸爽泡菜正好幫助中和油膩感，讓整體味道更加平衡。這個鍋的份量很大，適合四個人一起分享！牛肉紫菜包飯紫菜包飯裡有嫩牛肉、蛋和新鮮的蔬菜，非常足料！配搭生菜、醃蘿蔔和青瓜，咬下去每一口都清脆可口。喜歡芝士的話，還可以將包飯卷上鍋中的芝士，真係超級邪惡！柚子梳打（少甜）+ 1 shot非常清爽，還有一粒粒的蘆薈粒和柚子皮增加口感！另外加了一shot，味道不會太強烈，朋友不喜歡飲酒的也應該會接受！

呢間#outdarkhk由韓國人親自打理既餐廳別具韓風，吾單止野食同環境都似係置身韓國，連waiter、廚房同老闆都係韓國人，係香港食翻韓國人煮既野👍一入餐廳又要用我啲唔鹹唔淡既韓文😂等埋位前都有好多互動可以玩下店家真有心思，食飯前可以去呢部有吾同特效既即影即有機影張相留念🥹入翻正題，首先叫左個牛肉飯卷，好足料好好食🤤可能真係韓國人餐廳關係舊卷包得好實同整齊，食落口感好豐富之後黎左個個人最欣賞嘅一碟海鮮Rose年糕，上枱俾佢嚇親好大碟😂用個爐焊住啲芝士等佢慢慢溶之後點吾同配菜同年糕一齊食🤭上面擺左好大舊炸既魷魚，炸粉吾厚令食落吾會好油膩，魷魚本身又好新鮮👍個Rose醬就會跟翻韓國本身都辣過香港整既另外叫左半份炸雞，性價比都幾高，百幾蚊有好多件雞同而家KFC食吾到既薯格😂炸雞外皮脆但入面鎖住好多肉汁最後都好欣賞佢呢杯西柚梳打👍👍特別在佢最底有好多粒蘆薈，飲落清甜解渴，又可以無咁熱氣

來自釜山的人氣韓式料理🇰🇷環境很有氣氛，裝修夠情調🪩門外更提供兔兔信箱打卡位📸辣炒豬肉賣相吸引，材料超級豐富🥘包括有炸魷魚、甜辣醬炒年糕🌶️芝士粟米、泡菜、紫菜飯😍豬肉用上又辣又甜的醬汁，非常開胃🥩炸雞份量都不少，炸粉厚薄適中🍗即叫即炸，熱辣辣，所以夠晒脆卜卜😋一啖咬開之後，入面勁多肉汁💦加上香蒜蜜糖醬汁，夠晒惹味🍯配菜方面有薯角、薯條同薯塊🍟份量同樣不少，夠晒豐富飽肚😙

呢間嘅炸雞一直係小編最愛，今日又去咗食，同大家分享吓🫶🏻🐔半份炸雞 ($138)炸雞喺outdark係必叫菜式😍小編得兩個人食唔晒，所以只係叫咗半份，但係上到嚟都係好大份😂我哋揀咗香蒜蜜糖味，除咗外脆內軟嘅炸雞，仲有加咗佢哋自製嘅調味粉嘅炸薯塊同薯條🍟另外我哋加咗腸仔年糕串 ($38)，腸仔同年糕表面都燒得好脆，配上略甜嘅醬汁，煙韌嘅口感，越咬越香🤣🍢串串魚糕湯 ($228)一樣好足料，同埋好有韓式風味，裏面有雜錦魚糕、粉絲、青口、魷魚、蘿蔔、木耳、菇類同皇帝菜，除咗軟熟煙韌嘅魚糕，超級入味嘅蘿蔔都好好食🥰🍑Ice Peach ($48)飲落好清爽嘅蜜桃梳打，配炸雞好解膩😋🍹Outdark Rita—Blue Curacao ($88)呢個一樣係每次嚟一定會嗌嘅飲品，小編揀咗corona beer，份量真係超大超抵😍可以飲成晚!!餐廳嘅燈光偏暗，有好似星星咁嘅燈飾，好有氣氛😚座位都寛敞舒服，而且菜品選擇好多，聽員工介紹話都係由韓國廚師自家製作，餐廳喺旺角同尖沙咀都有分店，不過都超高人氣，所以如果想食就記住要book定位啦，好推介情侶嚟打卡，門口仲有free photo box🫶🏻味道

約咗BFF食飯梗係要揀返佢最鍾意食嘅韓國野，我地今次揀咗超人氣嘅「Outdark」，由正宗韓國人主理，連店員都係Oppa黎架😆餐廳門口仲有部免費影相機，喺等位嘅期間可以同閨蜜影返張相👍🏻香蒜蜜糖炸雞必食嘅炸雞😋每份炸雞都包括炸薯條、薯角同芝士薯格，每塊無骨雞件皮脆肉嫩，裹滿香甜嘅蜜糖，入口勁香嘅蒜蓉味，啖啖肉再配上脆卜卜嘅薯條、薯角同薯格，真係食唔停口😆串串魚糕湯食韓國嘢又點少得魚糕湯呢😋店員會整煲上枱加熱，材料勁豐富，有魚糕、魚餅、獅子狗、魚片、魷魚、鵪鶉蛋、粉條、蘿蔔、皇帝菜、青口等，湯底清甜，足夠二至三人分享👍🏻蘿蔔又腍又甜，魚片煙靭彈牙，我地連湯都飲晒😆烤牛肉飯卷紫菜飯卷包住烤牛肉、紅蘿蔔絲、脆蘿蔔、青瓜、雞蛋同生菜，烤牛肉帶咸甜味道配上清爽嘅蔬菜口感更為豐富炭豚炒粉絲炒粉絲加入各種嘅青椒、紅椒、黃椒、洋蔥同木耳，豚肉軟腍配搭各式各樣嘅蔬菜令味道更加豐富，粉絲係幼身嗰種，食落會較為滑身同入味蜜桃梳打蜜桃汁加入梳打水飲落更加清爽，裏面加入咗粒粒啫喱提升口感COOLPIS Peach韓國蜜桃汁比較甜口，桃味香濃📍Outdark (飛達商業中心) (旺角)旺角彌敦道613號飛達商業中

Outdark成日都有好多人講，但其實我一次都未食過🤣今次終於有機會同朋友試吓~餐廳環境燈光主要昏暗，入座嘅時候店員都好helpful，都有推薦唔同嘅菜式俾我哋😆海鮮炒年糕 $328🦑🌶️年糕用韓式鐵鍋上，中間有半隻炸魷魚，底下就係年糕同其他配菜(有椰菜、蝦等等）。鍋邊都有其他配料，有芝士粟米，泡菜，紫菜飯，連埋年糕個汁一齊食都唔錯。店員都用gas爐幫我哋warm住個爐，食到最後都仲係熱嘅，唯一可惜嘅係温度令到啲紫菜飯乾晒😂豬腳 $318 🐖上到枱係超驚訝，豬腳超級大份😂我哋三個女仔勁擔心會食淨好多，豬腳唔會太肥，而且肉質又冇煮到太老，食落唔會太油膩，加上炒雜菜喺底，更加可以解到膩。海鮮蔥煎餅 $138🦐🦑煎餅入面嘅餡好足料，海鮮主要有蝦同魷魚，再配埋滿滿嘅韭菜同蔥口感滿分~煎餅本身已經切開咗，加埋都有12塊，食到最尾都已經唔係好食得落🤣整體嚟講餐廳菜式份量都偏大，2/3個人嚟食都未必食到好多款，比較適合一大班人聚會多啲😊

Food was decent, however there was a long queue and I had to wait for a while to get a table. The moment I sat down the server told me the time limit to dine was 120 mins. After not even finishing my food the server has told me with an attitude that my time is up. So after me and my friends are finishing up we were about to leave and the server once again reminded us with a harsh stare that we should leave- this is absolutely unacceptable in customer service. I am very disappointed in the servic